太子餐廳 (已結業)

總體評價多是因為下午茶性價比比較高。其實最喜歡的就是有座位坐，東西好吃也不貴。就算是週末平常出門的簡單用餐。其實這邊附近居民樓多，所以有時候居然還要等位？每週想到的打發時間的地方就是詩歌舞街附近了，粥粉麵飯，泰式粉麵還是值得試一試。

14/8 晚同朋友經過大角咀見到依間餐廳幾多人,於事入去,坐底叫咗抄聖子,清蒸紅鮋,豉油皇蝦及油菜。每樣味道都幾好,當條紅鮋上嚟之後試了魚腩部份都可以,但食到魚鰭部份發現有臭味,同夥記講,佢走去問老細,佢返嚟話因為你食過所以冇辦法幫你,跟住問佢點,佢就走咗去。大佬,我都冇叫你退錢或換過。最慘嗰晚太夜,打去食環署冇人聽。依間嘢以後唔會再去。

話說我係一個傷殘人士，需要坐輪椅，好啦入去諗住食個早餐，點知d 伙記態度真係唔好，成日話我部輪椅阻住曬，但明明店舖空間好闊，我唔知佢地係咪太多人定點，但都唔應該咁樣話人，我地俾足錢入去食。食物質素我唔評論，但價錢同出面茶記差唔遠，咁樣嘅態度已經食咩都無味。喺度要同大家講下，如果屋企人/朋友要坐輪椅，去呢間茶餐前真係要好好諗清楚。

今天出席一個儀式後已近晚上9時，與家人由紅磡走到大角咀一帶的太子餐廳，這裡算是我們的飯堂，預備吃過晚飯小菜後才回家，身心有點疲憊，但也感到一份卸去壓力的輕鬆感，徐徐取起餐牌，菜式包羅萬有，依舊令我花多眼亂，爭扎一輪要了粟米斑塊、椒鹽九肚魚、客家咸菜豬肉煲、時菜鮮魷河和凍檸茶3杯。1. 粟米斑塊配白飯及飲品 HK$60筆者由小到王出在最愛的小菜~經典"大排檔"小炒款式，滿滿一碟也是筆者由小時候到現在都鍾情的小菜，上桌令人甚為驚喜，除了份量比想像中多，巨型斑塊新鮮現炸至金黃亮麗，外層炸粉香脆不油，內在魚肉嫩滑細緻，粟米芡汁也是"真材實料"，香甜粟米粒不少也加入蛋花，並非一些食店粗疏的透明玻璃芡可比。2. 椒鹽九肚魚配白飯及飲品 HK$65意想不到九肚魚份量如此多!我似乎有半個世紀沒有吃過這香口餸啦，又是大大碟成品，每件九肚魚撲上薄薄粉漿，晾油程序做得好，咬一口外層酥脆乾身，油香惹味，魚肉鮮嫩滑溜溜，十級棒呀，再點些喼汁或淮鹽同吃，伴飯或來杯冰凍啤酒一流，真的快活過神仙!3. 客家咸菜豬肉煲 HK$62肥美亮麗的腩肉呀!原煲呈上的小菜，待揭開煲蓋後熱騰騰香氣四溢，引得人口水直流，超級興奮呀，

係亮賢居樓下呢間太子餐廳唔聲唔聲都已經開左年幾兩年! 以呢個價錢黎講 食物質素都算唔錯咖喇 平均35蚊一個晏仔 快餐都會日日改變 所以選擇都算多 但係佢最特別既係常餐果塊雞扒 佢煎到塊皮的而且確係好香脆 然後先至將佢擺落去同啲意粉一齊煮 塊雞扒咬落去係吸引既 鐘意食煎炸野既人真係要黎試下佢個常餐B 講起佢個奄列都唔錯既 切開出黎都仲有新鮮既蛋汁 唔會乾到好似炒蛋咁 不過味道就唔係好夠喇 太淡可能入面啲火腿太少喇 所以自己加啲鹽會仲好食但係佢既服務質素就麻麻喇 員工態度差 成日叫佢追單又唔理 試過有次等左半個鐘 追追下要個老細自己黎入廚房跟 同埋員工禮貌真係有待改善

茶餐廳通常是我們對"吃什麼"毫無頭緒時會選擇的地方，貪她由小吃到小炒都一應俱全，這天晚上在大角咀逛得夜了，見到眼前的太子餐廳，心中實在欣慰，因又可免卻費煞思量的煩惱，晚市時間又正藉星期天，店內難免擠擁，好不熱鬧，幸好等了一會便入座啦!餐牌上列出是一系列茶餐廳尋常菜式，令人心大心細，每款都想吃啊!價錢由50餘元至70多元不等，我們揀了椒鹽海蝦，咕嚕肉，味菜鮮魷河，芋頭滑雞煲，全是香口款式啊!原個鐵煲的芋頭滑雞煲，當真稱得上新鮮滾熱辣先來的(1) 芋頭滑雞煲就是以鐵煲盛載，第一感覺是新鮮熱辣，繼而傳來陣陣芋頭香氣，口水分泌即時增加! 雞件份量很足，炸透至金黃肉質不怎嫩滑但外層被充斥著椰奶香氣的芋蓉包裏著，兩者是無敵組合，味道即時濃惹十倍，芋件大大件，粉綿香噴噴，索盡椰奶香滑，幾乎融為一體，用來拌飯絕對是超級滿足!椒鹽海蝦，其實最好吃的是椒鹽啊，拌飯一流!!(2) 椒鹽海蝦，上桌時那份椒鹽蒜香的濃烈惹味又是令人急不及待要吞進肚子裡，海蝦外型肥美，蝦殼已炸得呈半透明狀，吃法因人而異，筆者喜歡用手先將蝦身爆得香口的椒蒜粒全吃掉，再以蝦肉蘸些碟上汁料同吃，惟蝦肉先泡過油，明顯過份乾身，質感略粗嚡，

係亮賢居樓下呢間太子餐廳唔聲唔聲都已經開左年幾兩年! 睇住佢側邊啲細餐廳不住易手變遷都咪話唔佩服佢既堅持!以呢個價錢黎講 食物質素都算唔錯咖喇 平均35蚊一個晏仔 快餐都會日日改變 所以選擇都算多 但係佢最特別既係常餐果塊雞扒 佢煎到塊皮的而且確係好香脆 然後先至將佢擺落去同啲意粉一齊煮 塊雞扒咬落去係吸引既 鐘意食煎炸野既人真係要黎試下佢個常餐B但係佢既服務質素就麻麻喇 員工態度差 成日叫佢追單又唔理 試過有次等左半個鐘 追追下要個老細自己黎入廚房跟 同埋員工禮貌真係有待改善

放假剛經附近，本想光顧的餐廳去到發現好多人，時間又不太多，又超肚餓，之前亦食過兩次也OK，故便入內光顧，餐廳很大，座位不少，故雖人多，但亦易揾位，是日午餐有5款，定價$36~40，包餐飲或湯。本人選了檸水，很快便到，無特別，水好夠熱。等了約5分鐘，本人的午餐便到，是日選了枝竹牛腩飯，熱辣辣上桌，好大碟，餸也不少。整體7分~有大量本人最愛的枝竹，沾上蠔油送汁，味道不太咸，正!至於牛腩有6件也不少，但應是雪藏貨，而且有舊比較硬，但好在亦有幾件牛筋，又淋又入味，而且亦有幾條白菜仔，另一讚的是白飯，飯粒乾爽香滑，有飯味，撈汁最好!$36午餐在附近不是最平，又不是最貴，但以這價錢，可算是值回票價，故餐廳也頗滿座。

叫左個鹽焗雞半隻, 碟野來到, 搵極都搵唔到雞脾. 於是問侍應阿姐呢碟係例牌定半隻. 佢答話半隻. 我問佢點解半隻雞會無雞脾o既. 佢望兩望, 話可能執唔到掛, 講完就走, 之後就再唔理我. 吹漲 !!!無計, 諗下都係算吧啦, 就算佢補番俾我都唔敢食, 只有照哽. 雞肉韌, 味太咸, 投訴又唔理, 一無是處, 無下次 !  

之前食過都知一般，不過近亞女學校，間唔中都幫襯吓！琴日去食lunch，叫左份泰式海南雞飯$38等左10分鐘，就送左相中份野俾我一碟白飯加幾件白斬雞？ 我以為佢地俾錯左，就叫人黎話俾錯我但佢地話冇錯，泰式海南雞係咁我話唔知佢地既泰式海南雞係咁樣要求取消佢竟然話係我未食過泰式海南雞飯，我答佢真係未試過其他地方既係跟白飯佢就鬧返我「個個好似你咁，我仲駛做生意既！」 我：「得！呢$38我豪俾你！」我真係唔想「晒」野嘗試當普通雞飯去食但Sorry！真係好難食！啲雞超咸，兩舊蘿蔔澀既，個汁又係咸爆用D青瓜送左半碟飯後都係要放棄我唔會再幫襯呢間又貴又唔好食，錯左仲怪人地既把鬼餐廳！

之前只曾在這間茶餐廳吃過早餐，印象不錯，這的晚飯不想去得太遠，就決定來這兒開餐，吃一頓家常便飯。叫來兩個餸，分別是「菠蘿咕嚕肉」和「羅漢炆豆腐」。在餐飲與例湯兩者中，則揀了例湯。這天的例湯是「花生眉豆雞腳湯」。這湯的味道恰可，喝得出沒有下味精，就是雞腳只得半隻，不夠喉。兩道菜的水準雖沒帶來什麼意外驚喜，可也中規中矩。「菠蘿咕嚕肉」的獻汁稍嫌稠了點，但味道尚算適中，肉排質素也可以，整道菜是及格的。「羅漢炆豆腐」份量頗多，羅漢齋材料不少，除了白菜仔、腐竹、木耳、冬菇、磨菇、珍珠筍等外，還有大大件的竹筍，不過綠色菜蔬只得白菜仔，明顯偏少，加上豆腐味道偏淡，則是未夠好的地方。

第一次來這兒吃東西，第一次來這兒吃早餐，想不到這間看來平凡不過的港式茶餐廳竟有泰式粉麵早餐可吃。話說這一天，老婆仔提起這間港式茶餐廳的早餐，份量十足，頗為抵食，於是便和她一起來吃頓早餐。這餐廳雖然環境一般，但早餐卻有極多選擇，除了多款普通不過的港式A、B、C、D餐、粉麵百搭早餐、扒類早餐、雙拼三文治早餐、麥皮早餐以至菠蘿油餐之外，還有極少在早餐餐牌中可以見到的泰式粉麵早餐，選擇多多的，主要材料可選扎肉、香茅豬扒、香茅雞翼、豬頸肉、香辣肉碎等多款，粉麵除了常見的河粉、米粉、粗麵、幼麵等選擇外，亦有少見的粉絲、檬粉、金邊粉以至紅薯粉供應，實在令自己感到意外。夫妻兩人分別叫來了 「什錦金邊粉 + 熱杏霜」和 香茅豬扒米粉 + 熱檸茶」作早餐。貪心的我所揀的「什錦金邊粉」確是十分抵食，材料包括三片厚薄大小不一的豬頸肉、兩片魚片、半塊扎肉和魚蛋、牛丸、豆腐卜與蘿蔔各一， 此外，還有少許西生菜作點綴，實在十分豐富。雖然金邊粉和湯底的水準只是普普通通，魚蛋也淡而無味，不過其他材料的味道還算可以，特別是蘿蔔腍滑無渣，水準十分不錯，以區區 $23 的價錢來說，這個蠻豐富，連飲品的泰式早餐，個人覺得可是十

本想到Ah ma kitchen食野，點知去到先知佢裝修緊，於是轉去就近嘅太子餐廳！去到客人唔算太多，而且仲有卡位坐添，環看餐廳尚算闊落，間隔和位子都唔太迫夾！呢度嘅下午茶餐都有好多選擇：有中式炒粉麵、有西式意粉焗飯，又有輕巧的沙律餐和多士餐！見隔離客人嘅星州炒米和炒飯都係大大碟又有鑊氣，這餐廳的食物應該不賴吧！ 我叫左個白汁吞拿魚螺絲粉＋熱奶茶（$34），個螺絲粉賣相幾有睇頭，多粉多汁，上面仲有少許香草點綴；可是食落就覺得冇咩味，Ｄ螺絲粉似係煲左好耐先搯起上碟咁，好大陣白烚熱水味！ 至於個汁料──白汁吞拿魚，一Ｄ都唔似白汁，似係＂生粉開水的獻汁＂多Ｄ，雖然又係冇咩味，不過勝在吞拿魚夠多，食落都仲有吞拿魚的味道！呢碟白菌吞拿魚螺絲粉，一Ｄ都唔入味，我要倒幾次胡椒粉來＂吊下味＂先食到！食物水準欠奉，但杯熱奶茶就幾好！味道係茶膽煲的香濃，而且挺滑，奶味好出，應該係用黑白奶來沖製吧！

今日突然想去食茶餐，又去近來最常去的茶餐廳幫襯。因為發覺它的下午茶餐真係好抵食。款式又多，有西式又有泰式粉麵。都係$14起...之前試過熱狗、魚柳包和西多士，都是一般。今次試了沙律吉列魚柳餐，因為上次見好多人食同埋個樣好似幾得。$19一個餐，真係唔知佢點做。會唔會蝕本架！外賣杯上仲要唔駛加錢，真係好！沙律份量不少，而且十分足料。有青瓜、紅蘿蔔、薯仔、椰果、生菜、菠蘿。味道過得去，唔會太乾。有埋椰果好有咬口，特別好味呢！吉列魚柳炸得卜卜脆，又熱辣辣，正呀！可惜薄了少少，算吧！廿蚊唔駛你想點？其實醉翁之意不在酒，我係嘆番杯香滑奶茶啦！杯奶茶真是又濃又滑，係我近來飲過最好的一間，仲好過蘭香園呢！食茶餐真是一種享受，特別係你覺得好抵的時候...嘻嘻~~

幫襯這間餐廳緣起於年初一，當好多食肆都休息既時候他們竟然在年初一照常營業。之前也幫襯了兩次晚飯小菜，今次是第三次幫襯，也好大機會是最後一次了。論食物味道是不錯的，但份量銳減1/3，而我們坐近廚房出貨位，每碟送也看得很清楚是碟碟都細了，不只是我們檯上兩碟。而飲品也明顯小了份量，我叫了熱杏霜味道很淡。食飯期間，伙記竟然走來取我們的帳單在指指點點，還在我們的檯前站著指著我們叫的是甚麼，咩號碼云云......(因為鄰座客人想知我們吃的是甚麼)我估那位侍應是新來的，但你這樣做，噴哂口水落我碟嘢度，仲阻住我食飯，唔係咁好吧？百物騰貴，我唔介意你加價，但請不要又加價又減了份量，而且減幅咁明顯，客人很難接受。下星期再去一次，如果也是這樣應該可以在我的食堂名單上除名了。