蕃滿門 (已結業)

時時見到好多人喺門口等，見食評又高分，咪去試下。可能當日喺晚上八點多，等候既人不多，等左一陣，就有位。不過餐廳地方狹窄，坐得不太舒適。睇睇餐牌，就點左脆皮咸豬手蕃茄滑蛋濃湯螺絲粉咸豬手太肥，炸得過火，變左脆皮較硬鴨胸味道可口，螺絲粉粉量充足，蕃茄湯底香濃任何湯粉可加$20就有薯餅及粒粒粟米及飲品，菠菜煙肉薯餅好味，不太油泡沫檸檬茶值得推介，甜味適中

我久唔久都會嚟呢間食下蕃茄湯粉，今晚嚟到見到有新嘢食，一於試下先。呢個芝士蕃茄湯要$75，初頭諗: 同我平時食蕃茄湯加芝士有乜分別呢???不過見佢個餸有帆立貝又跟埋可樂，我至愛，又試下啦！我懷住好期待嘅心情，等呀等~終於嚟喇!(其實都唔係好耐，8分鐘到，可能我好心急啦!)嘩!原來都幾大碗下，即刻好心急咁呷一啖湯，抬頭個姐姐望到我笑一笑話:撈均佢先~~好食啲㗎！我即刻起勢撈~~果然，正呀！我跟佢個溫馨提示食微辣，蕃茄同芝士味都有喺度，唔會是但一方搶咗另一種味，微微辣果然係神之點滴，令你唔會覺得“溜”!到粒帆立貝~~用咗蛋黃醬焗，又係呢種微微辣，真係堅惹味!好幸福嘅感覺呀！呢個餐可以話你知咩叫完美，當我好enjoy時，攞起杯可樂啜一大啖，個情境就好似套戲“我左眼見到鬼”嘅其中一幕，亞肥妹鬼上鄭秀文身為咗食飽打個飽嗝，就係呢下，好耐未試過食餐飯食到我咁冧!蕃滿門，俾個叻你!

12 點去到見到唔洗等，其實以前都想試呢間。有個男侍應生出黎比飛，我地係下一張台。之後等左好一陣，終於有好多人食完就走出門口。點知仲要等20分鐘先話有位。。。但明明有好多吉台！因為加上你係望到入面既情況。個男侍應係比左全餐廳最唔方便既位我地，台係搭出黎咁濟，近門口，又係走廊度，由於有其他吉位，問左可唔可以調去好坐D既位，個侍應既回答係：係比6個人坐。但之後唔夠5分鐘就比左2個人坐！！未食都已經咁既狀況，你想像到吧。點左如下：唔知乜野“凍茶”菠蘿蜜桃冰(少冰唔該)女侍應都話無問題，點知一上就7成都係冰。。。蕃滿門雞翼好味！有微微的辣，好炸/焗芝士球因為原來落留單，所以等左超耐。。。味道普通。焗豬排飯雖然侍應事先同我地講焗飯要耐少少，但都唔係45分鐘吧？！！我呢個飯，唔及朋友既飯燶。飯係食到疆味，不過都係焗到好黑，好失望！！！焗牛腩飯睇相，燶到要祝朋友身體健康。。。朋友份人好好，好Nice。所以叫我唔好投訴。。。ok，咁同經理單聲都得呱？我係咁2同個侍應講D飯有少少過左火，燶左少少。。。之後佢話“等陣”，就一走了知。。。一去10分鐘，我之後就望住個個侍應，佢先至叫經理過一過黎。原本只係想講

蕃滿門位於太和同大埔2個站之間，座位唔多，晚飯時間都要等位一段時間，但係D野食好好味，餐牌上超過9成既野食都係同蕃茄有關。本人係番茄愛好者，今日叫既係螺絲粉配原味蕃茄蛋湯底配雞肉同菇，螺絲粉好大碗，成碗蕃茄湯呈現深紅色，湯底蕃茄味十足，落左唔少蕃茄溶，好濃好足料，無咩味精，酸酸甜甜好開胃，會食到啖啖鮮茄肉，炒蛋亦都相當香滑，處於半熟流心狀態，至於螺絲粉爽口之餘仲煙韌彈牙，唔會太腍。一口雞肉，一口蕃茄濃湯，令人食到停唔到到口。蕃茄湯超級大碗，仲熱辣辣，鍾意飲湯既話，真係唔需要另外叫餐飲呀。

特色蕃茄滑蛋濃湯配螺絲粉好大碗，個滑蛋好正，但反而個湯有d太濃，不過我都有飲晒。香煎雞扒正，點唔點泰式辣醬都好食。脆皮咸豬手望落好吸引，食落係ok但未去到極力推介。整體黎講，$48加一（濃湯粉加一個小食）真係好抵食！

講左好耐終於帶到黎食蕃滿門有朋友會出大埔之後搭巴士過黎...佢話咁樣最快.. 但我覺得經太和站仲快 一出太和火車站行過去10分鐘都唔使..只係因為我唔認得路所以行左好耐...不過唔緊要! 要食好野係要付出既!未出發已經好期待 格兩日就上OPENRICE睇吓D相...未去到已經諗好食乜星期五晚都預左多人, 兩個人大概8點半去到..都要等到九點先有得入座叫左特色蕃茄滑蛋濃湯配螺絲粉同炸魚柳期待左好幾日可以食個蕃茄螺絲粉 一上枱一定係飲啖湯先! 佢個湯真係好重蕃茄味, 又有唔少蕃茄溶, 佢地係話冇落味精的...我唔識分..所以信佢啦哈哈我覺得都仲係好好味既 !!但唔知點解好似唔夠以前咁香濃...都有其他食評提出過呢個問題好多食店出左名之後食物質素就會每況愈下 蕃滿門暫時冇呢個問題, 但一定要好小心唔想第時食唔返呢個蕃茄味...出左名多人左 又唔憂做 水準真係好易跌...個魚柳今次炸得好香脆好好味! 配埋D他他醬真係好正佢得三塊, 其中兩塊幾細塊, 不過炸野點都會比較滯所以我覺得呢個份量都幾好今日黎講我覺得個魚柳有9分, 個螺絲粉就8.5 分啦!!!要繼續一齊去食好野啊 :') ! 

蕃滿門小店不大 但勝在夠誠意 蕃茄湯底好足料 會食到啖啖鮮茄肉每次去到都會揀佢個特色蕃茄滑蛋濃湯配螺絲粉 總覺得螺絲粉同蕃茄最夾試過佢的餃子 香酥雞扒 同豬手餃子餡料係雞軟骨同泡菜 煎得金黃幾惹味雞扒沒有想像中好 脆卜卜但表面炸粉都好厚 比較熱氣豬手每次都無令人失望 好大份亦都好入味 配上酸甜醬好開胃! 值得再等位encore蕃茄焗豬排飯好入味 其貌不揚 豬排一d唔都乾 茄味都好濃郁

今日放工專登去了大埔食蕃滿門 之前食過幾次 真心好味 所以一定要返轉頭再食大約7點半到 有7 8個人等緊位 好彩等咗半個鐘就到我地啦 叫了蕃茄螺絲粉（小辣） 配香酥雞扒 同蕃茄長通粉 配吉列魚柳 保持水準 香濃蕃茄味 而且份量大 唔叫貴女仔食一定會飽哂 最鍾意就係食佢既香酥雞扒 大件而且好香脆 不過咁岩坐係風口位 好快凍哂 下次要再食過

本人是番茄愛好者，一早己聽聞該店主打蕃茄菜式，可惜一路未有機會一嚐，今次選了酥炸雞扒蕃茄螺絲粉，先說說湯低，蕃茄味十足，蕃茄蓉都不少，徵辣的蕃茄濃湯配上爽口的螺絲粉，已經滿足左蕃茄愛好者的慾望，另外酥炸雞扒口感一流酥炸雞扒外脆內嫩，一口雞肉一口蕃茄濃湯，令人停不了口....不過這裹坐位很迫，反而減少了對用餐的投入感…..

路經大埔，跟友人到了以蕃茄知名的蕃滿門，到底味道是否真的那麼值得大讚特讚呢我們各自點了一樣食物，我的是蕃茄炒蛋通粉蕃茄味道相當濃郁，炒蛋也是相當香滑，通粉不過不失，但蕃茄湯味絕對可以蓋過這問題難過餐廳這麼聞名，絕對值得再來

什錦蕃茄滑蛋濃湯非常大碗，味道一流， 唔會太林， 汁又剛好， 不會水旺旺,蕃茄湯:外表蕃茄湯麻麻， 但飲落出奇地鍾意， 蕃茄味夠濃，有溫暖感覺，湯底濃稠適中，不稀也不稠結,好多蕃茄溶，來的時候還是燙手,鹽酥雞外脆內軟，簡直係完美既一餐,俾個like 佢。

聽過蕃滿門嘅大名好耐，反而已經試過另外大埔區美食「兩寶」，而呢一寶但因到餐廳嘅交通不太方便，所以無咩機會試...... 今日好榮幸終於有我嘅親親大埔區代表帶我試下大埔區嘅美食代表 - 蕃滿門 諗住星期五11點幾到餐廳會少d人等位，但已經有3，4枱等緊，果然係大埔人嘅favourite啊! 蕃茄滑蛋濃湯螺絲粉 & 香酥雞扒蕃茄滑蛋濃湯螺絲粉(小辣): 上碟後，我心中係有小小不滿嘅，心諗:螺絲粉不是很多，而蕃茄不是想像中咁多，其實我個朋友有冇介紹錯嫁 點知完全低估左佢，越食越多螺絲粉，而且蕃茄都好多，仲有更多蕃茄蓉，成個湯都充滿濃郁嘅蕃茄味，完全真材實料!!! 而炒蛋炒得好滑，但蛋味略嫌不夠重，可能濃濃蕃茄湯已經是一切了。啖啖微微小辣口感加蕃茄濃湯，再配上螺絲粉，好過癮!! 完全可以鍾意到將d濃湯全部飲哂蕃茄迷必定大愛香酥雞扒: D個香酥雞扒完全係我嘅favourite中嘅favourite! 份量十足，雞扒外皮切落卜卜脆，肉質嫩滑，食落既香脆又啖啖肉嘅感覺， 真係不得了! 配埋泰式辣醬，酸酸甜甜，解一解膩，完全剛剛好。減肥人士要小心， 香香酥酥嘅口感令人食到停唔到口，好邪惡啊!

晚上先與女朋友仔出大埔蕃滿園食dinner,點了巨型蕃茄螺絲粉,鮮茄朱扒飯、德國鹹朱手和凍朱古力巨型蕃茄螺絲粉,入面有蕃茄,西蘭花,蟹柳,滑蛋,朱肉和冬菇,蕃茄好足料好鮮甜,西蘭花和冬菇易入口,蟹柳和朱肉都入味,最正係炒滑蛋炒得好滑鮮茄朱扒飯,朱扒煎得好香,都好大塊,好味,鮮茄飯好濃好夠味德國鹹朱手,炸得好脆,略嫌有部份位炸得膿左凍朱古力,朱古力沖得好濃,好飲總結今餐好好食的晚餐

呢間野長期都要等位，難得下午茶時段經過有位，就入去食個下午茶啦叫左個下午茶set 蕃茄湯米線配炒蛋同花枝丸，見有得揀辣咁得意就揀左個最小嘅辣試下，食落其實都幾辣辣到唔係幾食到個蕃茄湯嘅味，嘥左。。 個炒蛋都幾出色嘅，花枝丸都幾爽口，但下次黎我一定唔要辣湯底。。。

已經有1年冇去過蕃滿門, 原因是之前一路都好鍾意食既, 但食物質素每況愈下, 蕃茄湯底雖然好好味, 但其他配料, 如豬扒, 豬手, 牛扒, 雞扒, 唔知點解越來越乾曾曾柴晒皮咁, 另外每次經過都大排長龍, 所以為之郤步. 今次有朋友仔一早去等位, 咁又無妨啦!由於我心裡面都係驚左果D乾曾曾既肉類, 所以我叫左餃子, 朋友仔叫左鹽酥雞扒... 蕃茄湯底真係好正, 非常濃郁既蕃茄加上水嫩既滑蛋, 同埋+$3 既粟米粒, 真係啖啖精彩, 份量又夠晒大碗... 餃子有2款, 是雞軟骨和泡菜餃子, 各有各好吃, 唯泡菜餃子今次胡椒味太重. 試了一口朋友的鹽酥雞, 今次比之前好很多, 沒有了柴皮的感覺, 令我一吃再吃, 吃了朋友仔半份鹽酥雞 雖然重新愛上, 但要我咁樣排隊, 真係咪攪.