蔡潤記

營業中

休息中

前幾日諗住去開大埔，順便揾下好嘢食啦！點知中伏。。。話說上網睇吓大埔有冇d咩快靚正嘅嘢食，因為有 d 趕時間，睇到蔡潤記好似唔錯、又老字號、又幾出名咁。。。就諗住去試下啦！閒日去到2:00p.m.左右，見到有條小人龍，都要等3至4張枱左右。。。諗住要排隊。。。應該都唔會伏掛。。。。結果等咗10-15mins左右有位。。。我叫了個魚片、魚蛋河。。。其實佢嘅魚蛋&魚片 size 真係比一般少。。。魚片有 d 似一般春卷切片嘅 size。。。😅😅😅粉嘅份量都不多。。。我見好多人都要加底。。。😅😅😅當然都無想像中咁好食。。。魚蛋有 d 腥而且不算太彈牙。。。再加上湯底偏鹹。。。完全不是我杯茶。。。要收$38一碗。。。本人真的覺得有 d 偏貴。。。真的不會有下次！😑😑😑

以前啲人成日講新蔡舊蔡，新蔡已經無做了，到左今時今日就只有一間蔡潤記 （其實一直都係得一間，明就明）。 好多人黎到都係食魚蛋或者牛腩，仲有炸魚皮。常見嘅叫法有：（1）牛腩河加淨蛋片（一碗牛腩河加一碗淨魚蛋魚片）；（2）魚蛋河加魚皮（留意返呢個加魚皮係加兩三舊炸魚皮，好似叫多個餸咁，而唔係一碟炸魚皮，如果想叫一碟嘅話要講清楚）（3）粉腸/牛肚都有唔少捧場客，例如腸蛋河、肚皮河都係常見組合。 而我就通常都係叫魚蛋河，叫魚蛋河已經包括有魚蛋同魚片，間唔中會加魚皮，主要係肚唔肚餓或者有無賣曬。黎到懷舊港式粉麵檔，當然要叫返支玻璃樽汽水先似樣，細可樂都係我指定項目之一。 以前嘅辣椒油係一碗粉麵配一小碟辣椒油，而家係一大罐放喺枱面。 唔知記得開始，食粉麵嘅第一個步驟係呷一啖湯，感受下每間舖頭獨有嘅嗰種清甜或者香濃。 魚蛋雖然細細粒，但係好夠魚味，當然唔會好似用機打嗰種強勁嘅彈牙感，但係就有手打嘅彈牙感。就好似整蛋糕手打同機器打咁樣，手打做得好都可以保持穩定水準，同時又會有多一種隨意又美麗嘅寛容度。

呢間係大埔其中一間好出名嘅老店，成日都幫襯唔到因為佢成日都好早收工，今日終於有機會試到，不過原來已經係最尾一輪，走嘅時候已經拉閘。不過原來已經係最尾一輪，走嘅時候已經拉閘。嗌咗魚蛋粉同埋牛腩麵，聽講呢兩樣嘢佢最出名。魚蛋同埋魚片都係自家製，味道唔錯，感覺幾足料用咗好多魚唔會成舊粉。佢嘅河粉質地都唔錯，夠晒滑。牛腩好好味，煮得好入味，唔會好多肥膏又唔會太韌啱啱好，個面底比想像中大份，食咗好耐先食得晒。

中午時間黎食牛腩河一坐低店員就走過嚟落單雖然全場坐滿哂人要同人搭枱但都好快有野食送到上枱牛腩好淋好入味好中意呢度牛腩有啲脂肪食落每一啖牛腩好軟😋配埋河粉都索湯底湯底望落好深色飲落味道適中唔會好濃味

每次來到大埔，一定要到蔡潤記吃上一碗魚蛋粉ʕ·ᴥ·ʔ /以前吃新鋪，原來不知何時已變成東記豬扒麵o̴̶̷᷄ ̫ o̴̶̷̥᷅ 舊鋪舊式的裝修、木摺枱更添另一番風味。環境很乾淨，安全1.5米距離❗️不需搭枱❗️令人放心又安心❗️/🌟牛腩河🌟牛肚河🌟淨魚蛋、魚片腩汁湯底入味，河粉滑溜，牛腩牛肚都夠腍，加少少秘製辣油，再吃上幾粒爽彈魚蛋，滿足🫶🏻

大埔除了群記以外，我有時也會到訪另一名物 — 蔡潤記。此店的牛筋、魚片、魚蛋、炸魚等都做得很出色。牛筋魚片粉 (總分8.25/10)最喜歡這裡的牛筋。牛筋炆得軟淋柔滑，相當入味。炸魚片自家手製，形狀特別，質感真實，魚味濃。———————————————————————————⭕️ 總結：大埔老牌魚蛋粉店，牛筋炆得好，自家製魚蛋魚片炸魚俱佳，已多次翻食✅💵Budget: $40 pp 📍 蔡潤記大埔東昌街7號地下

🎈#cathlife_yum 廣成麵家⛳️🚨傳統粉麵老店🚨🌸必食新鮮脆炸魚皮👍🏻🌸 ════════════════════💨早上或中午來一碗熱騰騰的雲吞麵🍜配上一碟炸得金黃脆卜卜的魚皮😋為寒冷的冬天添上溫暖，是一種享受，讓每天充滿活力🔥極主觀個人推介🔥🎲極脆黃金魚皮꧁••••••••••••••••••••••••••••••꧂🔸極脆黃金魚皮🌟驚喜😍☻︎真是第一次吃這樣的魚皮，口感像三塊的墨西哥脆片一起吃的時候，炸得硬脆，以這個魚皮的硬度，浸湯10秒左右咬下去，🌟不需要特別的調味☻︎雲吞麵的湯底沒有味精咸，可能加了腩汁，所以湯底好濃牛腩味，魚皮浸湯後，味道剛好.💬店內放滿了炸好了的原塊魚皮，客人下單後，店員會即時打碎•🈶 ∎ 廣成麵家（大埔）📍 大埔東昌街7號地下🚊大埔墟火車站A1出口，步行約9分鐘☎️餐廳電話：不詳🕰營業時間：星期一至星期日09:00-15:00

老牌的港式粉麵係香港已經唔係得返好多間，近年疫情都令好多老字號都結業。大埔都仲有幾間的粉麵店仲保持水準，依間係尤其牛腩類的真整得好出色。今次點了筋腩撈粗麵，麵餅都大份，係鹼水味較重，而牛筋入味又軟腍；牛腩都夠腍👍🏻👍🏻。另一碗點左肚腩河加底，牛肚係金錢肚，都炆得好爽唔UN!! 今次都好想食蛋片，又加左碗淨蛋片，彈牙、好夠鮮味，唔會似有D係一咬就散，配埋佢地個辣椒油加豉油，真係好好食。不過湯河粉都要加底先夠食…

以前幫襯要排長龍反而食得開心，因為真係有規有矩，現在門口位女士，完全不懂維持秩序，隨她心情安排座位，若你有一大班親友一齊入，她就會客氣些，否則就當你人球，坐最差的位置。叫了魚蛋粉加菜，看到廚房的女士，隨手在枯竭了的菜心中取了一兩條，心裏就感到後悔了，食物來到，果然，葉是黃的。街巿十四元一斤菜心，現在只是兩三條，已經十二元了，還要食爛菜，經營者有沒有良心?  本來就是想簡簡單單食碗粉，可加少少菜才來到，始乎選擇錯了，早知去三不館，雖然沒有白魚蛋，但起碼三不館門口位阿姐非常盡責有禮，還將搭枱食客分開一格格，唔似蔡潤記，要與陌生人搭枱無遮無掩一齊除罩食粉。  以後不了，蔡潤記!

今日入咗新界大埔大埔好多街坊都介紹呢一間魚蛋粉中午時間都唔使排隊但其實佢係坐滿嘅我就叫咗佢最基本嘅魚蛋米、油菜、炸魚皮魚蛋米⭐️⭐️⭐️彈牙爽但味道唔夠味湯底唔鮮甜整體一般炸魚皮⭐️粉超厚口感好硬試咗就算🤣菜花⭐️⭐️⭐️正常嘅粉面檔油菜整體來講真的一般但是可能真的大埔街坊情懷！但坐位距離夠唔會迫住人咁坐！舖仔舊但地方尚算乾淨.落單快麵都很快上枱，所以碗麵到食時都係熱辣辣嘅😂但如果未試過又想嚟打卡食下懷舊麵食可以試食下

呢間我由細食到大，佢嘅魚蛋魚皮全部都係自己做，湯底方面都唔係落味精。呢個魚蛋粉清得來又有味道，如果你揀唔到要咩面底，不妨嗌佢個鴛鴦，加魚皮，服務態度方面就見仁見智，係比較有人情味嘅❣️

一天由肥腩腸鴦開始🙃約咗朋友去大美督踩單車，租單車之前先食飽！食牛腩我鍾意食肥腩，當然都要牛腩肥得來唔會話好騷好油膩！再加埋粉腸，米粉幼麵雙拼無得輸！食飽就上路啦

蔡潤記去大埔周圍都有一間魚蛋粉，個個大埔友總有一間心水魚蛋粉念念不忘，仲意佢浸味同魚蛋唔再話下，仲有由細食到大既⋯人情味。今日為大家介紹係大埔魚蛋粉三甲之一既蔡潤記，記得係東昌街個間蔡潤記，唔係「新蔡潤記」，大家唔好搞亂呵。朋友係大埔友，誠意推介呢間蔡潤記魚蛋粉，唔怪之得成日都咁多人排隊，點解一碗魚蛋粉可以有咁多人排隊？等我去試下先。我試係一碗淨魚蛋，老闆好快手，唔洗兩分鐘就上左魚蛋，有魚蛋、炸魚片同埋炸魚蛋，用上牛腩湯底，一粒粒白色魚蛋浮係棑色既湯上面，配少少蔥花，望落已經好吸晴。第一口當然會飲湯先，牛腩湯但唔係好油，再食埋粒魚蛋，牛腩湯同魚蛋又出奇地夾，一啲違和感都無，魚蛋好有魚既鮮味，粒粒彈牙爽口，唔係廢話，因為隱約間仲見到半掩到門入面有人打魚整魚蛋，真材實料既魚蛋，當然係魚蛋有魚蛋味，唔係平時急凍魚蛋個種質素。再試下魚片，都係好彈牙有魚味，佢既魚片係每日手工做，細細塊既魚片出面炸左，多左一種香口。我見好多食客會食牛腩面再加碗淨魚蛋，大家下次黎都可以試下。據聞佢既牛腩面都好出名。食完魚蛋叫左支玻璃樽既可口可樂，因為出面唔係成日有架，玻璃樽既汽水特別多氣好飲，大家見到都可以叫番支爽

今天光顧東昌街的蔡潤記外賣，外賣叫得慢啲都俾你串，去到最後俾話比你咁做生意唔得，你話以後唔做我生意仲要問候我老母。感覺非常不良好，就算佢有幾好食以後都唔會幫襯。其實今天新街市欽記和洪記冇開先走來幫襯你。講真有得選擇我都選擇街市嗰啲先！

魚蛋魚片細又薄很淋冇咬口，湯是豉油黑萌萌，無鮮味，都唔敢飲！一碟牛肚，牛筋和牛腩，冇鮮味很鹹汁又是豉油汁。不明白為什麼可以成為名店？香港太多魚蛋粉店都好過他，中伏，永不回頭！😡