14
20
8
電話號碼
26676643
營業時間
星期一至日
07:00 - 22:00
以上資料只供參考, 請與餐廳確認詳情
招牌菜
相關文章
食評 (46)
睇廣告KFC出左黑鑽松露點脆雞，好似好吸引，專登黎試吓。黑松露係高貴食材，KFC炸雞竟然配黑松露? 唔係呱。 今日星期六，排隊買飛都用左15分鐘，買完飛等野食又要等多15分鐘。等左成個半鐘，一攞到份炸雞時都好失望，原來一切都係我諗多左。脆雞上面有少少香草，再另外配左一包黑鑽松露醬。 炸雞味道唔及原味好食，而且仲好油膩。而黑鑽松露醬亦唔係好大包:叫左兩個餐，有兩包黑鑽松露醬。呢度就係兩包份量:個醬的而且確係有黑松露味，但同個香草雞又唔係太夾。多個味道，叫做多個選擇囉，但千祈唔好有期望
繼續閱讀
從未試過坐低堂食品嚐過，絕對 100% 外賣。香港除神州民外，菲律賓也不少，大埔亦不能幸免。已完全佔領 KFC，就連超級城商場、大埔廣場天橋、寶湖天橋、大明里公園、等等，都同樣淪陷，慘不忍睹！KFC 卡路里好可怕呀﹗食一件雞等於食左一碗即食麵，我食一餐 KFC 等於四碗麵，好驚呀﹗必須搵間人流多的家鄉雞，雖然等得耐，但因為去貨快，件件新鮮熱辣辣炸起，件件皮香肉嫩肉汁激射，唔會暖爐焗到乾爭爭，我依幾隻雞都排左廿分鐘先買到架﹗發現不是因為員工效率低手腳慢，係好多師拉阿叔細路神州民菲律賓查詢優惠，怎樣買最抵？怎樣有拆扣？怎樣慳幾蚊？好耐無嘆家鄉雞喇，回想年青時只有原味一款，現時真的種類繁多，推陳出新。今晚要 all in 曬冷先得，滅雞行動開始﹗原味家鄉雞上髀，依個世代是否不再受歡迎呢？去貨太慢，所以留在焗爐變雞乾嗎？雞皮出晒油而味道陰沉混濁，肉質乾爭爭還鞋烚烚，沒有半點肉汁，一絲絲柴皮而且油淋淋，熱度不足使到味道咸咸的，十分驚嚇啊﹗味道無以前那麼香那麼甜美，變得差了嗎？巴辣香雞翼，乾得恐怖，皮乾肉乾，炸粉味強烈，雞肉雞皮同樣無味，是否跟家鄉雞原味同一命運坐冷板櫈呢？大埔 Baby Q 即炸肥美雞中翼好食千倍萬倍！黑椒雞上髀，新出品當然要品嚐一下，食家要膽大心細，要有冒險精神。味道及質感似足原味家鄉雞，只不過是特咸家鄉雞，不香不辣沒有黑椒味，地獄咸度！由外皮直達骨頭，咸味霸道。不怎受歡迎，而被曬得乾乾的，使到更加濃縮。滯銷所以雞肉 keep 到乾爭爭鞋烚烚，really bad ﹗香辣脆雞上髀剛剛炸起，好新鮮又熱到不得了﹗銷量高去貨快，雞髀不停新鮮出爐，大大啖連皮帶肉咬落去，肉汁激射！剛剛出爐正到痺，熱到燙手﹗用門牙撕出脆脆雞皮，噴射出白煙！滾燙肉汁雞油沾到咀仔，超熱呢！肉汁兇湧狂瀉，激射出來的態度﹗白滑嫩肉有著紅紅辣椒粉點綴，滋味無窮。熱騰騰雞肉嫩滑勁多汁，幾十種香料醃得雞肉辛辣入味，最外層雞皮奇脆漸變嚥韌，剛炸起所以沒被暖爐焗到變雞乾，雞味香濃，高質享受，好好好食。損完骨，再損手指，感動啊！狂野燒雞上髀，味道微辣帶甜，皮香肉嫩，肉汁豐富，熱騰騰，特別好味道 ﹗見到表面乾乾地，心知不妙，明顯放了段時間，希望不會連裡面都乾啦。大大啖一咬一扯，yummy﹗味道微辣，甜味突出。雞髀肥美飽滿，脹卜卜的質地非常舒服，嫩滑可口。雞皮黏黏不油膩，略為乾少少，溫度暖暖的，輕輕肉汁，足夠達標好食。蜂蜜雞上髀，碰巧有新出品喎﹗外皮香脆，仲有粟米片鋪係上面，味道好甜，好濃郁蜜糖味道，因為外皮炸過，可以更大量地吸收蜜糖，雞肉質地依舊嫩滑又多汁，最緊要新鮮出爐熱辣辣﹗
繼續閱讀
之前買左KFC既團購, 優惠只限星期一至四，今日就去左換團購做晚餐。個餐有四件雞（雙料韓脆雞，普通辣雞，磨茹飯，薯蓉，汽水全部各二; 另外加左葡撻比自己）六點半左右去到，排左五分鐘，入面有3個人，一個cashier, 一個廚房出入，另一個負責pack野。到我既時候, cashier落完我張單，雖然佢忙，但都保持笑容，落完我張單後，都幫pack野既同事囉我既野飲同野食，仲開埋袋比佢方便pack野。佢真係好細心! 到我去到pack野既同事到，盒雞未出，佢就預先將我兩個飯放係個袋到，到個廚房同事拎盒雞出黎，佢就將盒雞放係飯上面。未出門口袋野已經咩埋一邊，出面仲要落緊大雨，結果我係要重新再pack過。野食方面，韓脆雞配芝士醬。芝士醬類似nachos果隻，雞炸粉太多同炸到好燶。其他都冇乜特別
繼續閱讀
肯德基真的太开心了，聽說他們的故事是一個很老的伯伯就是頭像的那個男的。 他很早就发财了是开店友站的然后到了二件的时候大家什么都是去了，所以他決定要把自己做自己的配方分享給大家。 他跑過了很多地方最後終於有人給他買了這個配方。 他的假期配方就這樣子到了現在還是一樣在吃，吃著吃著我也很開心。 我给大家分享一下我觉得世界各地的肯德分別很小，可是香港的肯德基有這個薯格是非常好吃。我给大家诚意推荐一下这款！喂喂看到以后记得要去吃啊
繼續閱讀
今晚想試愛琴海點脆雞，來一份吧！兩件愛琴海點脆雞，賣相不錯外面脆，有香料在面，肉質竟然嫩滑juicy！！比原味同辣味更好食，質感亦好好多！配上包希臘沙律醬味道跟普通沙律醬冇乜分別雞皇飯，例牌只有幾粒雞肉（我食過連一粒雞肉都冇）。冇乜材料，只係飽腹用！唔知雞皇係點定義！？今日仲連飯都係爛，口感似糊狀。連個飯都未識煮
繼續閱讀