上海美華菜館 (已結業)

行街行到附近，朋友話呢間好出名上海早餐，咁咪係咪試下個晚餐咯。我本人自己係唔鍾意口味偏甜嘅上海嘢嘅，但係又鍾意食小龍包，咁咪食下d嘢咯。行入舖頭基本上係度食晚餐嘅都係上海人多，d伙計亦都係上海人，有d去到上海嘅感覺，耳邊都係上海話。-⭐️小食拼盤⭐️比較推薦個肉皮凍，豬皮處理得乾淨冇毛，我致驚就係豬皮唔乾淨有豬毛係上邊，中間豬肉鬆軟但係都有咬口，皮凍嫩滑但係又唔會散，真係處理得幾好。-⭐️鮮肉小龍包⭐️肉餡調味幾唔錯，亦都有湯汁，係即叫即蒸，但係個皮就偏厚身，我自己都係鍾意d薄皮嘅小龍包多d。-⭐️東坡肉⭐️都係算出品不錯嘅一個，肉軟霖，皮同肥膏入口即化，調味偏甜，但是唔會濟，都幾送飯。-⭐️幹煎黃魚⭐️我個人唔鍾意食黃魚，唔做評價，但係睇落都似炸定嘅，唔似即點即煎嘅。-⭐️炒麵⭐️都係甜口嘅，我自己就唔係好鍾意，但係d朋友就個個話好食。-⭐️蒸餃⭐️d皮同餡都係同小龍包都係一樣嘅，d皮都係厚身。-整體評價d食物我覺得整體麻麻咯，唔係話好食，又唔係好難食，舖頭d上海客都多嘅，但是我就唔會再食咯，鐘意上海嘢嘅可以試下。

閒日晚上入座，眼見只有一台客人在第三張卡位食緊野，在沒有招呼的情況下我和朋友坐了第二張卡位。睇餐牌準備點菜時，有一位女士(疑似是老闆娘)要求我們轉枱去第一張卡位(比較近門口較熱的位置)，但我目測第一張和第二張卡位基本上是一模一樣大的，所以忍不住詢問為何要轉枱？而她回應因為第一張卡位是2人坐，而第二張卡位是3人以上坐，一陣繁忙時間就會人多，所以要我們轉一轉枱將就一下。我們之後應要求轉了枱(已經有hard feeling)，熱住咁食了3個小菜，回鍋肉、賽螃蟹、銀芽炒鱔糊，先講味道～回鍋肉不過不失，送飯一流，因為味道偏重，賽螃蟹就過咗火，蛋白有點老，蟹肉超少，鱔糊就味道偏淡，銀芽多過鱔，實屬正常。點了一杯豆漿，超細杯。茶位收3蚊一位，但杯茶唔熱又冇味，似用嚟洗碗筷嘅多，咁就食咗300蚊。題外話～食完整餐飯大約一個小時，都沒有一台客人入來，所以會否太高估自己的生意？

食物質素強美人意，可以話不值一試！特登來朝拜就免了！浪費時間！做生意方式有越客之嫌！不是以客為先，無禮貌！你不能坐得舒服些，他會幫佢安排位置，你是無得揀的！不會再光顧！

19/5 10:30am 諗住去買個粢飯當brunch, 因係網上睇到D留言話好多時叫外賣粢飯不是即叫即包，所以食時個糯米飯表面有一邊會硬左。因此我去到落order時己問個阿姐係唔係即叫即包，佢話“係” ,咁我入去就等老細收錢，但轉过頭個老細己經拎住2個粢飯話係我既，但我唔見阿姐包任何粢飯。我當時即刻問，我唔要包定既，我仲話之前有人買过包定既，有一邊係硬左食唔到。當刻個老細即刻扯火，同個阿姐講話有人想睇你表演，佢先講糯米未熟，仲要等15分鐘。個老細仲做埋手勢叫我走，唔做我生意。我係树諗如果係要等，佢应該同我講清楚，我自己決定等唔等，而不是欺騙食客，咁樣既營運手法，係香港都係第一次見，但其實我只是想去幫襯下D小店，但係佢咁樣既態度，又唔係特別好食，希望佢唔會執啦。

本身諗住去哥登堡食扒，泊好車經過呢間上海舖，見好多人，於是改變食上海菜。叫咗清炒蝦仁、咸肉小棠菜、獅子頭，小籠包，仲有好好味嘅豆漿。一開始飲，覺得少少怪，但之後愈飲愈鐘意，兩個人前後飲咗5杯😂。清炒蝦仁，雖然唔係用河蝦仁，但都好出色，除咗雪園正店（現在全關），佢做得最好。獅子頭係老公情意結，佢話佢婆婆做得好好食，佢食完第一啖好似好感動，不過都係話婆婆煮得最好。我就覺得係食過之中最好味。咸肉小棠菜係炒，唔似平時嗰啲用上湯浸煮，都好味。小籠包上枱以為啲皮好厚，但原來好滑，啲湯汁好味，如果真係要挑剔，啲肉有少少「鞋」。之後真係好飽，食唔落8粒嘅高力豆沙，老闆好好肯做半份（4粒）比我哋。不過今日無香蕉，我見好多人想要，可能都係招牌菜。我未食到豆沙已經覺得好味😂最後一點，老闆娘超好人，好好笑容，又同我哋傾計。臨走佢話我知佢好惡，出哂名，我真係唔可以想像😅😅😅

訂咗位又話要人齊先至可以入得，出邊落緊大雨仲有老人家，服務態度極差，同她鬧咗幾句終於比我哋入去坐，想坐入邊張枱她又不願意又比面色我哋睇，坐低茶都唔俾要我哋叫晒嘢食，睇吓叫啲貴唔貴嘅嘢之後先至比水我哋，啲嘢食一般唔係講得話咁好食，我哋都唔係話要求好高好高嘅人，最重要嘅係個老闆娘態度極差態度極差態度極差，其他夥計及姐姐都冇問題，都係嗰句個老闆娘態度極差態度極差態度極差，有佢喺度你哋就掉頭走啦唔好幫襯👎🏻👎🏻👎🏻

媽媽喜歡食上海菜，土瓜灣區上海食店不算多，家人在OpenRice 搵到這間食店就去book啦！今次也是第一次去食，點知一入門口已經一肚氣😤老闆娘大大聲話要齊人先可以入去，叫我地在門口等。其實我地只欠一位未齊，當時仲落緊大雨，我唔想老媽子企咁耐，要求先比我地入去，當時入面有幾張空枱但佢比咗張門口位枱我地，家人要求坐入去，老闆娘態度極差不可一世，點之家人同佢吵了！老闆娘仲話下次唔嚟都無所謂！真係態度囂張！叫餸只可以落一次單！家人想叫砂鍋雲吞雞，大大聲話冇雲吞！排骨麵話冇麵！老實講味道真係好一般，有雪味！上海粗炒無味，醉雞無味，韭黃鱔糊得幾條全面都是韭黃，蝦仁炒年糕尚可，最後家人食上海粗炒竟然食到有骨碎，個老闆娘大大聲話報警拉佢阿笨！我地買咗蛋糕諗住食完飯切，老闆娘話若果喺度食，佢話要加五十蚊！我地嗱嗱林快食埋單走人，真係冇下次啦😡😡感恩老媽子知道我地愛錫佢，受氣也算了❤️

老店自以為是坐低茶水都無杯午市時間 小弟家人比較喜歡食麵類所以先叫四個湯麵另加兩客小龍包四大一細食然後再打算叫其他小菜落打員工表示今日母親節淨係食麵嗎？我地餐牌後面有套餐當下個人感覺佢想表示今日係節日可以食好d後來負責人出來表示今日午市都只賣套餐唔會再幫襯！

完全同意，今日我二個人，老闆娘指示我們坐靠牆的一張大圓枱，整張枱無其他人坐，我坐開近路口小小其實走道仍寬濶，老闆娘話我阻住條路，我們逼到好似孖潤腸咁坐，我隨口回應一句咁樣點坐，她立刻叫我離開去別處吃。其實之前我幫襯過，那次我沒有遇上不快，但不久見她鬧另一食客，原因不明。其實只不過一間老舖，食物不見得特別好食，價錢也並不平宜。

星期六早上到老牌上海店品嚐人氣粢飯，早上9點入座率只佔店鋪一半，不用等位已可入座點餐用餐。先嚟個粢飯～粢飯是暖笠笠糯米煙韌有彈性，滿滿糯米香，涵料是豐富的肉鬆，包含粒粒咸香炸菜，仲有出息脆口的油炸鬼，現在好難係香港搵到同食到粢飯入面既油炸鬼係脆㗎！🥰😋如果炸菜多番少少會更完美 算係我長大後暫時係香港食過好美味既粢飯，兒時好味既粢飯以家都無得買，見少買少好少鋪仲會做其實我唔太喜歡飲咸豆漿，但見多人推介就即管試下，有驚喜咸咸香香，好似飲緊豆漿湯，加上半脆半淋既油炸鬼、蔥花、蝦仔，口感咸鮮好飲～真不錯👍蔥油薄餅有別於我地係酒樓叫的中式薄餅，比較乾身重蔥味，餅質地煙韌而乾，反而我麻麻地喜歡。小籠包一客 4粒，上枱時熱騰騰相信是即叫即蒸，皮薄涵靚，夾小籠包時要輕手怕內裏的湯汁流走，汁加上肉鮮甜美味整體食物都唔錯，最好味都係粢飯落單、上菜、埋單店員都有禮，下次會再到訪食粢飯

4/15號週六9：30後，入到店，所有卡位枱擺上預留座，迫我座大圓枱，好，我座，照叫食品，整間店的氣氛怪怪，後來有人入店，人客多過一人就給他們座卡位，嗯！垃圾店，這間店老闆娘尖酸黑薄，我來過幾次，因我是一人來，我感受到裡面的氣氛。總之這間店的老闆很小家。男，女都一樣。出不到大場面。

📍地址: 士瓜灣美善同里13號✿😋味道😋：2/5✿🏙️環境🏙️：2/5✿🤵🏻服務🤵🏻‍♂️：1/5✿👀賣相👀：1/5✿💰價位💰：4/5↠⏰時段：Breakfast 10:30 ↞ ✦✧ 「上海美華菜館」位於土瓜灣喺一間接近70年歷史嘅餐廳，小店喺1953年由第一代老闆開業，後來喺1990年後來由葛氏夫婦接手打理，標榜以價廉物美嘅正宗上海菜；雖然早餐嘅價錢的確好平，但係食物嘅質素唔係網上所講嘅咁好食咁誇張。✧✦ 重點一提，呢度嘅老闆娘簡直一流，睇住佢無啦啦大聲當眾鬧隔籬枱嘅客人，大聲話人哋所有嘅早餐一定要加甜豆漿或者鹹豆漿，如果唔係唔可以堂食，亦都叫嗰台嘅客人即刻離開同埋外賣走，但係奈何人哋係有叫豆漿，係佢間舖頭嘅夥記寫漏咗，而佢話錯人都見唔到佢道歉，可見服務態度係點樣；而且食早餐嘅無論堂食定外賣嘅客人記得喺門口排隊，以免又俾人鬧。—————————————————————🥢🍲❝油豆腐粉絲湯❞ $20☞ 呢個經典上海小食「油豆腐粉絲湯」喺幾出色，油豆腐吸滿咗湯汁，而粉絲都夠滑溜，湯底有鹹鮮味嘅醬油香味。—————————————————————🥢🍙❝咸甜粢飯❞ $26☞ 聽聞呢度嘅粢飯喺話正宗

平日9點幾嚟到已經好旺場終於可以一試土瓜灣名物早餐店必點鹹粢飯配咸豆漿 $26+$16粢飯非常脆口好好味，而咸豆漿飲落似飲湯，幾特別但係冇違和感😂鮮肉小籠包 $33唔知點解得四粒，但係用咁大個鐵籠載着🙈不過的確好多湯汁同埋肉味香濃，唔錯鮮肉鍋貼 $35算係食過最多湯汁嘅鍋貼，外面脆裏面就掛滿肉汁👍🏻蔥油薄餅 $7呢個好抵食，好香蔥味極都有一定嘅厚度甜豆漿 $10最後想試埋個甜豆漿都嗌咗，味道唔差，但有啲普通，係平時嘅豆漿再加糖，飲完係舒服嘅總括而言，雖然店員好匆忙食得有啲趕，但呢個質素值得一試嘅😋

服務態度惡劣，對客人呼喝這種態度是對的？食物方面粢飯不是即叫即包，而是包定的，所以有點凍，粢飯裏的配料只有肉鬆而沒有榨菜，價錢方面偏貴，其他的食品只是一般沒有難食

一個沒有食物的食評和朋友老遠開由港島去土瓜灣,想試試這間youtuber吹噓的小店粢飯,入座時老闆娘惡形惡相指罵我們坐錯位,“這不是你們可以坐的” ,朋友不服氣回她一句,老闆娘山洪暴發般破口大罵“我不做你們生意.....@#@#”食物是否一流真的不知道,但這小店一定是逆市奇葩 🙄