青藏牛肉麵

營業中

休息中

青藏牛肉麵係一間喺北角區內最出名嘅舖頭，佢位置喺書局加入面嗰條巷仔，呢條行出名多嘢食！青藏牛肉顧名思義就係賣牛肉麵，咁當然都有其他麵同小食。今次我就午餐時段食，試咗佢嘅羊肉麵。羊肉片畀打邊爐買到嗰啲羊肉片厚身，口感會好啲，味道都ok。羊肉份量都唔算少。拉麵方便呢就畀一般中式拉麵粗身少少，類似日式中太麵。湯底就真係偏鹹，芫茜同埋蔥花已經幫咗唔少手，但係都係偏鹹。湯底裏面仲有兩嚿大蘿蔔，都可以喺咁鹹嘅湯之中幫下手。如果大家係期待先甜嘅骨湯，咁呢度就冇喇。每張枱都提供嘅蒜蓉，既然重口味，一於去盡佢。我每次食都會夾好多蒜蓉！唔係算好好食，但同類食物唔多，間唔中一次啦！

從歲首到年終到處查訪美食，雖然到咗除夕，食評功課都不敢怠慢。呢間食店幾年前若然不是同事帶我過嚟，我完全唔會知道巷弄裡面有咁多選擇。話雖如此，佢都係位於北角地鐵站  B4 出口 3分鐘步行範圍之內，十分方便。可惜今次，店主要管理存貨過新春，孜炸鎚仔雞翼同豆漿都賣完，唯有龍年再嚟幫襯過嘞！午餐自選 A+B+CA 1. 煙鴨胸2. 香酥腐皮卷3. 涼拌素雞B4. 青藏牛肉拉麵或扁麵5. 青藏羊肉拉麵或扁麵C汽水唔同上次嘅，今次重臨大家已經各散東西，不過食物正常，湯底、扁麵一樣惹味，牛肉依舊係高原產地強壯山牛感覺。新年舊事常常有，㊗️生意興「龍」

食過好多次，，味道幾好，，，對上次叫羊肉扁麵，，，嚟左牛肉扁麵，，，同佢講嚟錯左牛肉，我係叫羊肉，叫佢換，因為我係唔食牛既，，收銀嗰位阿嬸態度極差，話我自己叫錯，話我一定係叫牛肉，一路拎碗嘢入去廚房，一路不停講係我叫錯，，一個唔食牛既人請問點叫錯羊同牛？仲要大聲講說話俾我聽，不停口upup ，講到叫入廚房換都仲未肯停，忍唔住大聲話返佢，佢先肯收聲，以後都唔會再食，貼錢買難受，男老闆喺度既時候態度好好，其實食物係好食，希望老闆管理下員工既態度質素

今次想介紹一間我哋好鍾意食嘅餐廳，佢就係喺北角，要行一段仔斜路先見到嘅<青藏牛肉麵>。唔好俾餐廳個名呃到我哋覺得佢嘅雞扒同羊肉非常出色。最緊要係無論午市晚市都好抵食。⭐️羊肉湯麵 [$50 set] 🐑羊肉湯麵非常足料，有超多片羊肉。🤩食落係煙韌，有少少羊騷味。😍拉麵咁平都唔會有傳統茶記餐廳嗰浸鹼水味。😳$50包小食，飲品，仲可以去邊到搵。👍🏾⭐️蘇炸雞扒飯 [$45] 唔係講笑，每次嚟食都好鐘意個雞扒飯。皮薄，外脆內軟，件件雞都好多汁，仲要大過kfc嗰d幾倍😆😆

星期五放工，諗起上次去古月，隔離有間青藏牛肉麵，就去試吓。叫咗青藏牛肉麵，少麵。嚟到嗰一刻，見到好多芫荽蔥，個湯熱辣辣，比較清😍，牛肉就似乎淥得有啲過熟。入口發覺個湯都幾濃味，之後都要飲好多水。叫串燒嘅時候，我問老闆娘青藏烤肉串係咩肉，佢話係鴨肉，正。咁叫埋羊肉串同一啲蔬菜就Perfect啦。同老闆娘所講一樣，羊肉一定要熱食，凍食就完全唔係嗰回事。孜然羊肉串好食，有機會下次要試小羊架。總括而言，食物睇落好似清清地，但事實係一間重口味嘅舖頭，啱重口味嘅朋友。

今日lunch搭咗叮叮去北角食清藏牛肉麵，雖然叫「清藏牛肉麵」，但聽聞佢出名係羊肉麵，所以我地都揀咗清藏羊肉麵食🍜湯底非常清甜，食到牛骨嘅香味，亦唔會過濃/有味精令到口乾；配合生蒜同芫荽，更加嚐到湯嘅層次感。扁麵嘅口感似上海麵，麵質都幾嘅煙靭。最後當然唔少得點評羊肉，有少少羊羶味，食落都好香，口感幾爽口☺️ 唯一要扣分嘅就係個白蘿蔔，咬落去仍有點生同冇乜味，如果可以炆耐d就更好。小食有煙薰鴨胸，素鵝同腐皮卷、鴨胸口感軟腍而且煙薰得好香，食落都幾有驚喜！😍飲品方面包豆漿/汽水/綠茶，熱飲有蜂蜜/紅棗同菊花茶，加$3。整體黎講都幾好食，聽聞同事見過連中環返工嘅朋友都會專誠搭車黎食lunch，所以大家如果都喺附近返工可以一試！

本来要去旁边的铺头，没开门，看这家openrice评价还可以就尝试下，自己取名青藏牛肉面，但实际上跟青藏没有任何关系，就是国内的拉面汤加上机器做的拉面，就可以叫牛肉拉面了，牛肉拿的肥牛片，根本就不是现切，把成本cut到最低，除了拉面汤估计有人供应，但其他方面完全就是不伦不类的伪冒青海牛肉拉面嘛。 最搞笑的是我们一行6人午餐去吃，店没有主动提供餐巾纸，跟他们要纸巾，六个人只给了三张纸，后面再要直到买单都没有送上来，抠门到家，这种格局倒是很符合这种小店的气质，应该不会再来第二次。

喺北角既青藏牛肉麵已經屹立好長既日子，出名既當然係麵。雖然佢個名叫牛肉麵，但我一直以嚟都係會選擇食佢既羊肉麵。午市套餐：1個小食+1個麵+1杯飲品，算係咁啦。我經常既配搭就係1個腐皮卷煎得十分香脆，而且饀料亦十分充足，以蔬菜為主，沒有太大油膩感1個羊肉扁麵個人覺得扁麵比起拉麵更掛湯，更有口感。然後湯底鮮甜，食完之後唔會十分口渴，看似經長時間煲出嚟。另外，羊肉鮮嫩，唔會十分之韌。蘿蔔亦入味，唔會成口渣。1個飲品可以選擇罐裝飲品或者豆漿，不過豆漿就係現盛並唔係自制既。整體來講，$56算是不錯。

態度惡劣，店員態度差對待顧客，自己看不清卻將責任推在顧客身上，當眾大聲夾惡態度差對待我們，對其他顧客也態度差，而且黑口黑面，從來未遇過這樣態度惡劣的食店，兩次來態度也一樣，沒有改善，以後不會再來光顧。羊肉麵是有質數，但可惜店舖員工態度惡劣，所謂(貼錢買難受)，食物雖有質數但吃完滿肚子氣也沒意思，以後不會再光顧。

#搞串個pantry講起牛肉麵🍜，大部分人都會先諗到台灣🇹🇼嘅紅燒牛肉麵。但係今次就好特別👀，去咗一間食新疆🐪牛肉麵嘅餐廳！呢間餐廳位於#北角 錦屏街，一入到舖頭就有好濃郁嘅孜然味💕。今次我哋就嗌咗🟤師傅蒜香撈麵(牛肉)($50)、🟢青藏羊肉麵(拉麵)($52)、🔴串燒拼盤(孜然)($78)。師傅蒜香撈麵(牛肉)🌟🌟撈麵嘅份量都幾多😋，而且牛肉嘅數量都唔少，呢個價錢嚟講，幾抵💰。撈麵落咗蒜茸、辣椒🌶️、秘製醬汁，食落味道好濃郁，有少少辣，不過食到中後期，就覺得偏咸😣。牛肉就係普通嘅肥牛，食落都普普通通。除咗撈麵本體，仲跟咗碗湯，都係偏咸🤨。青藏羊肉麵(拉麵)🌟🌟湯麵上加咗芫荽🌱，唔鐘意嘅話記住要走芫荽。麵同羊肉🐑嘅量都好多，麵條嘅口感幾好，幾有咬口，唔會太腍🤩。羊肉食落無咪羊騷味，不過同時都無咪羊味😂。串燒拼盤(孜然)🌟🌟🌟拼盤有牛肉🐮、羊肉🐑、墨丸、翠玉瓜、芝士腸各一串。上面灑上好多辣粉🌶️同埋孜然粉，食落味道好似啲夜市串燒咁🤤，同時好有塞外風情。五樣入面，最出色係燒墨丸，外面脆口，入面仍然好juicy💕！

收工搵野食，未試過去呢條街，通常都公司附近食多。見上網介紹呢間，仲寫係新疆菜，諗住試下，入到去，完全好似唔想理你咁，又落漏單，費時煩，無叫佢補返，中間仲有人黎嘈個外賣無左，A同事一見到無個外賣，即刻射波落B同事到，原來自己部機有問題。野食一般，價格正常，但份量唔算多，味道唔算特別，

青藏牛肉麵 📍：北角錦屏街41A號地舖🚗：北角地鐵B4出口 步行3分鐘📞：+852 2151-0506💲：~HKD52-56/head for lunch setFood quality✔️：青藏羊肉扁麵👌🏼：香酥腐皮卷(跟餐)、豆漿(跟餐)總結：😋錦屏街作為後巷真係美食雲集 呢間開業多年嘅青藏牛肉麵喺區內都少有名氣 午市時間人流絡繹不絕 食完只可以同大家講午餐cp值高 食物質素未到驚艷 但都唔錯 難怪係北角居民嘅街坊飯堂☝🏼😋午餐A+B+C即係要揀個主菜+小食+飲品 A就有煙鴨胸/腐皮卷/涼拌素雞三擇一 B係牛/羊肉拉麵/扁麵 C為汽水 呢個cp值非常高嘅午餐之選👏🏼 另外唔食午餐都仲有啲小食揀😋性價比高 午餐$50包埋小食飲品都真心抵食 而且主菜嘅羊肉份量好多 難怪咁多人排隊✔️🤔️說實話食物質素就比較普通 冇咩特別 尤其我喺大陸食過正宗嘅新疆嘢 更加覺得佢嘅味道普通 但呢個價真係冇投訴可言 果不期然係該區嘅街訪食堂 但如果特突嚟食會容易失望🥹🤔️環境比較逼 同埋繁忙時段會比人趕走 所以大家想食得輕鬆啲就非繁忙時段嚟食 同埋衛生就比較強差人意 潔癖嘅朋友可能要針著下啦🥲🤔️員工態度就好過澳牛

今日忽然想食新彊菜，又想食羊肉，於是去到北角錦屏街揾到呢間餐廳，大约下午兩點鐘去到，客人又唔係太多，於是就點左午市套餐，叫左青藏羊肉湯扁麵，個餐仲有前菜揀左凉伴素雞，共$56,另加$3飲熱薑蜜綠茶大約15分鐘啲食物己上枱，羊肉湯麵羊肉份量幾多，食落冇乜慅味，個麵軟硬啱啱好，個羊肉湯飲落好濃但唔鹹，另外再加左兩款小食，羊肉串$20,同埋燒羊架$38,呢兩款小食都要左孜然粉，唔使等好耐有得食，食落味道幾好羊肉味重今日呢餐品嚐新彊菜好滿足，羊肉控黎食值呀！

係錦屏街小巷最尾嘅一間鋪，雖然冇華麗嘅裝修，不過食物質素唔差！午餐時候黎到都幾多人架！依度都有set lunch揀架！$54連汽水價錢都ok!熱辣辣嘅一碗麵係冬天食真係啱哂🍜牛肉份量都唔少架！

經常都聽同事講今日就去試吓的確門面睇唔出食羊肉12:00去到冷清清好似剛剛開門一坐低唔夠5分鐘已經座無虛席估到應該好好食一坐低阿姐已經問食啲乜嘢我哋大家都叫咗個午餐羊肉扁麵加埋小食仲有飲品都係$56咁嘅價錢的確超值性價比高見到成碗都係芫荽～超開心香濃嘅羊肉湯底～飲完再飲都唔會覺得口渴一片片嘅羊肉爽口彈牙扁麵都係一樣小食就係普通貨飲品我就揀咗雪碧～細罐嘅OK啦值得推薦好好味下次我都會再選擇羊肉份量都唔少㗎門面平平無奇☝🏻（侍應姐姐態度的確唔係太好不過算啦食物質素好）😅