海逸軒 (已結業)

呢間北角海逸酒店,3樓的海逸軒酒樓.網上寫到啲點心及中菜和服務都好好.咁啱去北角.就去試下佢中午嘅點心放題.點知一試,就中招!服務差!食物擺盤及質量.差到極!先講服務,一個頭髮短短,平頭裝男侍應.多次叫佢扮睇唔到.回覆問題態度也極差.另外,酒樓漏單情況極嚴重!等候時間亦大長.我们大部份食物,要等30分鐘以上.另外,食物質素.真係慘不忍倒.啲蝦成條蝦腸未清理就係比客食!碟蝦沙律只有一隻蝦.班球全部粉,一碟3小塊.釀辣椒全碟都係豉油.咸到唔入得口.雞又肥只得皮.酒店每碟的擺盤,完全沒有.很難想像是酒店出品.有圖有相.連加一差下多500一個人.好搵笨!

根據youtuber報料，今日獨食嚟咗北角海逸軒 嘆中茶buffet，時間由11點食到2點半，eshop買300蚊全包有找，環境清幽，地方寬敞，衛生程度中上，侍應有禮貌，工作態度良好。飲茶嘅食物通常都係嗰啲~蝦餃燒賣之類，今日差唔多試曬佢點心紙上面嘅食物，蝦餃豆苗餃燒賣义飽水準之上，反而粟米蟹肉羹冇youtuber講得咁好(水準一般)，另外試咗佢嘅蟲草花胡椒魚片湯，大家可以不試。 小菜點咗西蘭花炒帶子，正常操作，反而個泰式柚子蝦沙律，我就覺得麻麻，食曬啲蝦淨番啲柚子同沙律，其他叉燒酥同香芒蝦春捲，我覺得幾好味，重點推介傑哥叉燒，一定要試，最後叫咗楊枝甘露、杏仁茶、桂花糕同雷沙湯圓收尾，都係正常操作。總括而言，呢餐我覺得值230蚊度，其餘嗰啲算係加一同服務費，一個月可以去一次，大家不妨試一試。抗疫成功

今次又試飲茶放題，啲間曾經攞過點心獎上網睇片介紹，又近屋企，eshop購買有折，約293一位連加一茶介首先，環境夠晒寧靜，位置寬敞。疫情期間，枱與枱位置不太接近，緊係very good 啦中式點心款式不太多蝦餃，皮薄，隻蝦都份量十足👍👍👍燒賣，蘿蔔糕，小籠包，义燒飽普普通通牛肉球肉質太實翡翠帶子菜苗餃，都有一小嚿帶子，不過啲菜苗就有點渣雞絲鮮蝦春卷，足料，夠脆👍👍👍想食豉汁鳳瓜排骨，炸雲吞，咸水角等傳統點心就唔洗諗喇😫第二part蟹粉白玉羹，普通豆腐羹，蟹粉唔多見到😂，味道都不差最搞笑就係，叫左一碗蟲草花胡椒生魚片湯和一碗香蔥胡椒豬肚湯，兩碗湯味道機乎差不多😂，只不過啲料唔同。一個有魚片，一個有豬肚上湯粉絲中蝦，蝦都幾大隻👍👍👍又第二個double 唔同名，但上碟係差不多味道😂芹香螺片滑花枝同馬拉盞炒花枝片，最好食馬拉盞，因為啲螺片又硬又無味，反而花枝片還要好食鮑魚雞粥，我淨係食左啲粥，啲料見到都無興趣椒鹽5香豆腐粒，👍👍👍泰式柚子蝦沙律👎終於甜品喇，楊枝金露，銀耳蛋白杏仁茶👍👍👍食足3個鐘，任點，你話係咪超級正，一定唔係囉，係咪好差又唔係囉，就是一次已足夠，自己諗喇😂

因近OFFICE, 所以成日都在這裡攪飯局食,  佢地的所有食物都好味,  而且裝修很典雅,  某些信用卡有discount, 我已經食了無數咁多次,  本來唔打算寫食評,  不過今次真係想講下感受。 我感到是他們的服務奇差, 酒店服務基本禮貌都無......首先, 我們是四人, 一早book 了位,  但給了張六七人臺比我們, 我說要四人臺, 因為我們四人太遠距離, 唔方便傾計, 服務員話細臺唔方便我們放食物,  多餘借口, 唔想安排便算。 另一服務員問我們要什麼茶,  朋友唔知點坐位時, 因為想主角坐中間, 方便傾計, (如果一早是四人臺, 我們便無依個問題, ), 遲了回答服務員, 我感到佢面黑。跟著送上茶及前菜(nuts) ,  我即請佢退回前菜(nuts), 我又見佢對眼"苗" 我,  雖然退回前菜(nuts)是"少家" 要求, 給人感到我想節省支出, 但我們大家都唔like 碟前菜(nuts), 無必要接受囉。 酒店的服務員實在亦不應黑面"苗" 顧客啦。今次的相片是上年的相片了, 今次影得唔靚, 算啦。

睇完網上youtube 及食評， 抱住好大期望試這裏的點心放題，期望越大失望越大。 和三年前在這裏飲茶的質素相比，今次真係極之失望。 我在網上首先購買coupon 每位都要300蚊，連加一茶芥，雖然有六十多款食物選擇，但係其中不少 內容相同， 只係換咗醬汁和配料而已。首先講下有質素嘅食物， 如果你係蟹粉控 會食得好滿足， 因為有不少蟹粉菜式，而且質素非常高，芫茜蟹粉白玉羹，蟹粉豆腐， 蟹粉西蘭花， 蟹粉鮮甜濃郁，真係好好食。蟹粉豆腐蟹粉西蘭花芫茜蟹粉白玉羹另外蝦嘅菜式都唔錯，我試咗黃金蝦和甜酸蝦球都幾好食。黃金蝦但至於點心真係一般般。比較好食只有蝦餃和叉燒酥，春捲屬於正常，燒賣又鹹又難食，小籠包個皮好厚，蘿蔔糕非常實只係得粉，松露煎餃子很難食。蝦餃皇叉燒酥甜品方面，蛋白杏仁茶做得唔滑和楊枝甘露，芒果和柚子比例好好，呢一樣幾好食。楊枝甘露至於服務方面，侍應絕對不會主動換碟和修空的碟子， 除了一開始主動問要什麼茶 水和送上食物之外，基本上沒有什麼服務可言。 以酒店中菜的服務標準，一點都不合格。總括而言，以這一個價錢很多點心都難食 價值比真係唔得， 所以亦都不會再次光顧。

最近都去左幾間點心放題，今次講下這間吧！北角地點真的很遠，住荃灣的我坐地鐵就係一頭去一尾，本想食完會有咩野商場、特別地方可以行下，搵Google map係冇呀！酒店地點非常易搵地鐵鰂魚涌站C出口對面街就係啦！我係佢酒店網訂位有折大約每人$300食3個半鐘（11:00-2:30），海逸軒環境方面帶有中式酒樓紅色feel,枱與枱之間相隔都遠，我好彩分派到有少少海景睇下😚。餐牌有60多款點心/小菜/粉面/甜點，這間點心放題有到好係可以點一粒點心，普通酒樓會一籠4粒咁上，點少d就可以試多d😁 ,另外留意到用蒸籠上的點心會再用碟一齊上，食咁多間只有這間會咁做，高級酒店質數👍🏻，食物就剔左20-30樣，有幾款都是蟹粉做主題，例如莞香蟹粉白肉羹、蟹粉煮豆腐、蟹粉西蘭花、蟹粉脆米炒飯、蟹粉炒烏冬都係回本位金沙大蝦重咸香味👍🏻每一樣都好好味足料對得起$300品質，係有2-3樣野唔好，剁椒白玉蒸斑球又鹹又辣，西瓜🍉完全冇味！侍應有禮貌，收碟速度快，服務唔錯！食3個半鐘真係可以邊食邊慢慢嘆，感受下難得的慢活，不一樣的早午餐！🥰🥰

服務態度好差，叫位男侍應介紹一下咩好食，佢竟然話你未睇餐牌咩! 而且又漏單（話係廚房出錯）. 位男侍應長期黑口黑面, 無諗過食lunch 也要受氣，以後唔會幫襯.

同客人食中午飯 選擇咗北角嘅海逸軒 呢度環境唔錯 寬敞寧靜 服務員態度都好好 一入到黎服務員隨即為我地帶路 亦為我地披上餐巾 今次我哋被安排坐在窗口位置，食美食嘅同時又可以欣賞下風景，感到份外舒適🥰喺午飯嘅過程中 服務員都不時為我地添茶水服務評分：9.5/10環境評分： 8.5/10而令我最印象深刻既係呢隻鮑魚呢隻鮑魚大概有我掌心咁大，d醬汁配得唔錯，自己食左半隻已經好飽😂而其他出色嘅點心包括： 鮑魚仔燒賣、蘿蔔酥等等。食物評分 : 8/10

講起呢間野，講下呢間酒店先，其實我次次去都窄窄地，因為我個日本Friend 試過住到叫晒救命！當然，疑心生暗鬼，我哋做人行得正企得正，對得人拜得神！係完全唔怕呢啲嘢。講完啲八卦嘢之後講返呢間野，呢間酒店裝修幾好，雖然唔算最高級，但都算好豪華。冇記錯係叫咗個二人餐第一道菜嚟咗個牛柳，唔錯幾好食，但係我世界好食已經是必須～哈哈呢個蟹黃芥蘭印象比較深刻好好食，小兩條，有種小小唔夠食，咁就滿分呢個龍仔荷葉蒸龍躉也是一絕！最後係龍蝦天使麵，說實際冇得彈！呢餐千零蚊，係值嘅！可以推介！

北角海逸酒店的中餐厅。环境还是比较传统中式的吧。但装修不算老旧，整体空间还是很大的。层高很好，算是典型的香港中端吃港式食品的地方。中午的时候过来吃饭客人不算太多，用餐环境还是挺好的。各种点心点了一堆，叉烧包，榴莲酥，虾饺，时蔬，肠粉，烧麦，小笼包等等。海鲜，肉类，炒饭之类的份量超大的，如果食量不是很大的人，可以酌情少点一些。不然结果会挺浪费的，价格总体而言不贵。他们家服务态度相当好，用餐环境很愉快，总的来说蛮喜欢的。

呢餐晚餐無咩特別，係醫肚餐，媽媽又有會藉優惠所以就係食餐晚飯喇。裝修較舊式，所以燈光偏暗黃。枱同枱之間距離都闊落，坐得幾舒服，隔離兩檯大陸人講嘢大聲但係都接受到。炒斑球蜜汁排骨魚肚雲吞湯米線三樣甜品，合桃露，杏仁茶，焗西米布丁

幫同事FAREWELL,一齊來吃午飯豉油雞: 佢地話個汁好食, 又真係唔錯, 甜甜地GE豉油, 雞肉幾滑,送飯一流。2面黃: 唔知係咪俾錯, 變左賽磅蟹2面黃, 有隻生蛋俾我地撈, 賽磅蟹幾滑,有少少奶味, 但個2面黃就唔係2面煎過的, 只像普通麵餅。松露帶子餃: 松露味就無乜喇, 但都成大塊帶子, 幾鮮味, 個餃入面有蝦同西芹溝埋GE餡, 好食。原個南瓜飯: 成個南瓜都食得, 同事話好食。瑤柱叉燒腸: 入面真係幾多瑤柱, 比平時的叉燒腸多左D鮮味, 叉燒都多, 足料, 腸粉皮都幾薄。燕窩EGG TART: 燕窩無味的, 個TART 微暖, 少少奶味, 唔甜, 個酥皮好鬆, 唔算好油GE, 再甜D 會好D, 而家太淡。馬豆糕: 唔會太甜, 好食, 馬豆再林D就好。

日式放題就食得多，點心放題就第一次，所以好期待。點心放題11:00開始至2:30。有好多款式選擇，花多眼亂。豚肉紅油抄手：抄手既皮厚左少少，但醬汁味道幾好夫婦肺片：有牛肚同牛舌，醬汁好麻辣，配埋芫茜一齊食，好惹味。花膠鴨絲羹：味道幾清，唔錯金沙大蝦：咸蛋黃味好濃郁，好香芥末雙味蝦球：甜甜酸酸仲有啲芥末味，幾特別薑蔥日本帶子：帶子好大隻，啖啖肉上湯小籠包，萵苣蟹肉彩絲餃，翡翠帶子豆苗餃，如意鮮蝦津菜餃，瑤柱魚茸涼瓜餃涼瓜餃幾特別，未試過點心餃係苦既。味道雖然苦，但又唔會話難食。香麻叉燒酥、五香炸芋角大閘蟹粉燴飯：好大碟，裡面有蟹肉絲，好香蟹膏，好食椒鹽五香炸豆腐：個皮炸得好脆，豆腐好滑，外脆內軟，口感一流。面頭仲有椒鹽，少少辣，好惹味。點埋個點醬，甜既，都幾夾。我地點川味蘿蔔絲，但啲蘿蔔唔辣，個汁似係醋，懷疑其實係咪蟹醋蘿蔔。呢碟蘿蔔好爽脆，酸酸地好開胃，好味！最後仲有中式甜品同水果，我地差不多每款都叫左。銀耳蛋白杏仁茶同楊枝甘露都唔錯。其實仲有好多款想試，但真係好飽食唔晒。整體覺得唔錯，食物同服務質素幾好，環境舒適。

話說有兩位新同事返工，我哋當然book左酒店去歡迎佢哋加入我哋嘅大家庭啦雖然我哋都點左好多普通嘅點心，果D都冇特別影相，直至去到飯局嘅尾聲點左個飯同甜品就真係忍唔住要出post讚下佢登登登登，就係下圖嘅飯啦嚟到嘅時候我都有啲愕然，明明個manu寫住話係脆架喎?!點解嚟到啲飯濕濕地嘅嗰刻有啲中伏嘅感覺...當我食第一啖，果然有驚喜，咬落去好有口感，脆米好香脆，飯仲有濃烈蟹粉味整體唔錯分量都唔算少，值得推介! 呢款甜品我以前未見過，尤其咖啡加斑蘭？味道唔知會唔會好怪... 但食落都幾特別比我想像中好，未試過嘅朋友可以試試總結: 點心不過不失，唔算出色。餐廳環境優美又可以食到比較特別嘅菜式，大家有傾有講，令我地過了一個舒服同愉快嘅午餐時間

假日訓到自然醒就係最寫意既事, 起身後就當然要去食下好野, 友人來電邀約去酒店飲茶, 唔想去D旺區同人迫, 近近地就去呢間係門口已經見到中餐廳既威水史, 尤其係點心就更為出色, 有D期待喎...................潔淨整齊既餐具已預備好, 我個胃亦準備好啦咪講咁多, 先叫幾款點心食下先, 呢碟香麻叉燒酥, 上枱時仍然係熱辣辣, 焗至金黃色既酥皮, 咬落去十分鬆化, 有芝麻更加增添香味, 內裏饀料份量我覺得OK, 唔會有太多叉燒令你覺得好"滯", 加埋焗完後仍然食到有少少醬汁, 唔會食到一口"乾"!另一款係我至愛既蘿蔔絲酥餅, 件件外形飽滿, 咬落鬆化, 欣賞佢既蘿蔔絲仍然食到少少爽脆感, 唔會整到腍晒一PAT野咁, 仲可以食到佢既清甜味道, 相當唔錯!稱得上"皇", 外型一定要有番咁上下, 呢籠龍蝦餃皇, 四隻漲卜卜既身型差唔多迫爆個蒸籠, 外皮煙韌, 饀料有主角彈牙龍蝦肉, 雙重口感, 餃上加上金片作點綴, 更添貴氣!能夠以人名去冠名既應該都有返咁上下水準, 呢碟傑哥叉燒, 充滿光澤既叉燒雙行並排而至, 每件大小厚薄適中, 肉質有少少嚼勁, 口感幾好, 咀嚼中肉汁係口內爆