本陣 (已結業)

同朋友食飯坐吧枱位, 叫左2個set 之後, 諗住倒定啲日本鼓油，點知真係嚇親人!!!!  一碟仔鼓油竟然有4只有翅膀既昆蟲仔屍體係入便，更嚇人既係我同個女侍應講時， 佢一啲反應都無，即刻拎走碟鼓油，當無事發生咁拎第二樽比我地後走人.. , 好明顯係唔止第一次發生!! 都諗住間嘢唔平，應該咁啱係呢樽有問題即, 所以都無 再追究落去，再倒第二樽鼓油，今次出黎就冇嘢啦，但基於有啲唔放心，我打開個鼓油蓋望入去， 因為深色比較難望，望左一陣先見倒面有一隻...我地即刻O晒嘴, 即取消order 走人, 當然佢 地唔敢阻止我地啦。 全個過程佢地都無任何歉意，可想而知佢地既衞生標準係差到咩地步，收中環價錢， 茶餐廳既環境同服務，好彩最後都取消order, 因為見倒樓下留言, 我都係叫左個雜錦魚生飯, 如果出黎真係佢所講咁既質量, 我反枱都似, 仲call 埋食環添!

一行三個人第一次中午行到木星街見到一間日本料理，擔粗粗行入去試試，叫個3個餐，雜錦刺身定食竟然得三文魚同一樣白身魚，係個師傅有問題還是剌身定食只有兩款魚，差到真係無朋友，同名蔣差唔多級別 ，另外一個羅白青魚，第一口咬到羅白全部都係雪櫃味，個件青魚硬過石頭，個湯底就唔須要多講，個師傅咁都可以比個客食 ，最後一道菜鐵板牛肉薄燒已放棄，點知出奇地好味，平時食開食牛肉入面夾葱同蒜，今次加埋洋葱真係好特別 ，如果要比份，刺身40分 ，羅白青魚10分 ，牛肉薄燒80分 ，食品唔好食重要衛生環境差，小強周圍走，蚊周圍飛，同個四眼肥肥地經理講，只笑笑口無回答就走 ，劉徳華個句(今時今咁嘅服務態度點得架)，本陣已經列入我心目中黑名單唔再來食飯。

今次同朋友再次去本陣，今次鐵板燒比起之前更好味，比得起花盃松菱，我同老婆叫左一個龍蝦二人餐，龍蝦焗得有鮮味，鮑魚好有質感，酒煮蜆火喉控制得好好，牛肉薄燒新食法，炒飯炒得好香，第一次焦糖多士，真係好好味，今次有驚喜，下次我一定會再試多一次。

抵夾正師傅好有心機, 煮得好好味, 侍應生很殷勤有禮, 待意在此讚佢地 刺生好新鮮, 鮑魚很鮮甜, 三文魚又滑又甘香, 雖然件頭不大, 但材料正, 這个價錢, 吃到的質素, 很低啊! 再要讚師傅, 所有熱食都是即煮即上, 一道接一道, 好好味呀! 焗蚝是用廣島蚝, 滑而不靱, 芝士汁配調得好, 連汁都啜哂; 天婦羅炸得鬆化, 裡面主要是鮮蝦, 好味 可是胃口有限, 最後放棄了炒得靚又香的海鮮炒飯, 吃了魚子冷麪, 啱啱好飽飽!

真係忍唔住想在此投訴下!!用$148買了"本陣" 特盛晚餐 Coupon, 見佢的Menu, 同post 出來的相, 以為有番咁上下質數, 點知完全唔得!!食物質數真係好普通, D 野好細碟(部份質相片不乎), 除了第一碟鵝肝不錯之外, 全部都係普通貨色.. a. 鮑魚、甘蝦、三文魚刺身 : 除了鮑魚同三文魚OK D 外, 甘蝦有d 腥臭味。 話係南非鮑魚仔, 其實係普通野, 平時西貢食個d仲正. b. 焗蠔 : 算OK, 不過好細隻, 酒店自座餐個d 大隻美味好多lor !! c. 法色冷春雞 : 主菜之一, 真係不知所謂!! 好似雪櫃拎出來, 求其加d 汁比你咁; 沒咩顏色, 味道好淡.. 老婆話, 都唔知咩來, 我地成碟沒食!! d. 美國安格斯牛 : 也是主菜之一, 話係安格斯牛, 真係唔係好信 lor... 我在 Sogo 買個d 仲美味!! 相片個度 Show 係一塊牛扒切成 8 小片的, 點知上主菜時係用細點上 4 小片, 好似一塊牛扒分開兩份上比客人...

今次上雅虎買左個148/人既團購慰勞下我男友。原價398有八道菜。不過間野罷烏龍筍左我食足九道菜。雖然分量唔大但勝在多野食，食到好飽。北角個間既服務都可以接受，個鵝肝，牛肉他他整得幾好，焗蠔其實都唔差既，不過佢焗完有好多蠔汁，有點腥，如果可以改善下就好。冷春雞普通得很，安格斯牛肉反而冇他他咁好食。炒飯唔錯，飯入面有一粒粒硬的材料，唔知係咩，不過令到飯有咬口，又不至於太膩。最敗筆係個湯，我男友話味道好似翠華個鯊魚湯底。

煎鵝肝沙律: 香脆鬆軟不油膩，水準之作。海膽海泉蛋: 海膽極甘甜，配合軟綿綿的蛋，相得益彰，上佳之作。芝士焗蠔: 火侯控制一流，肥美的蠔剛熟，內裡仍帶濕潤，驚喜之作。牛舌牛肝菌: 牛舌外脆內軟，味香同時保持極佳軟滑質感，極品之作。以上是一個$568套餐的幾道菜，其他味道一般所以不提。注意套餐份量相當少，如布份量評分，我只會給2。(團購價$149, 正價加一)

我們是用Beexxxxx coupon 去試食一個原值$568+10% service charge per head 的 dinner set 有8道菜Saturday night 只有一半枱有人,大部份人也是用Beexxxxx coupon. 雖然客人少,但waiter的服務連茶餐廳都比不上, 而且食物只值三級食府水準.頭六道菜超快上曬仲快過M記, 所以我也頂唔住叫佢唔駛禁快.出聲後仲慘, 到第7道菜時, 個waiter竟然把我地道菜俾咗人. 之後等咗超過20mins都未有, 所以再吹佢地. 係我第三吹時, 佢地又想上雪糕先, 但又知我地未食第7道菜, 所以將我地兩杯雪糕就噤放係bar枱,又唔放返雪櫃.同時有個廚師走出黎係部電腦左check右check, 好似話我地想食多份噤, 完來只有個waiter知道俾錯咗人, 而廚師唔知. 即是個waiter無係上錯枱時叫廚師出返比我地在食物方面, ８道菜中只有２道可以接受.1. 三件魚生或２隻鮑魚 - 生鲜但超細件2.温泉蛋 - 不知所謂3.黑松露焗蠔２隻 - ok好食4.牛脷 - 一般5.雜菇 - 超唔好食6.湯 - ok7.飯團 - 街

11-11-2010又係即興食的 dinner, 又係去到銅記 / 天后唔知食乜好, 今次就行近炮台山呢邊碰運氣. 而點解呢條街兩間 quasi-港式日本餐廳當中入了呢間, 純粹因為地方好似乾淨光猛一點. 2 人叫了店員推介的秋刀魚刺身 ($130 一條) 及 5 款熟食 share, 食到超飽, 整體印象亦唔差:-鹽燒牛舌: 一串兩件, 幾厚身, 不過點解兩件大小不一得咁嚴重 食了細嗰件, 燒得熱辣乾身, 簡單以少少鹽及黑胡椒調味, 食落夠爽口, 而且又香又 juicy, 幾好食.秋刀魚刺身: 擺成「怕羞草」狀, presentation 不錯. 諗住呢段時間秋刀魚應該會幾肥美 (還是 11 月已太遲?), 我哋呢條就偏瘦, 不過夠新鮮就係真的, 質地爽身, 魚味香濃, 蘸點有生薑茸及花穗 (?) 的酸汁同吃就更鮮甜又開胃, 都幾好食.蟹肉燒飯糰: 外燒得金黃乾身, 食落幾脆, 不過又無預期中的「飯焦」香? 中間 d 飯就夠軟熟, 唔太濕又唔「糊」, 米香撲鼻, 還不錯; 蟹肉實實在在, 份量亦不少, 不過混得太多 herbs 了吧, 食落只有「芫茜」得很的味道,

生日翌日，女朋友約了我吃晚飯，為我慶祝生日。其實遲或早並不太重要，心意還是最重要的。女朋友對於吃甚麼本來守口如瓶，不過最後還是說了出來，原來女朋友預備和我吃喜知次，地點選在北角的本陣，因為女朋友光顧過其中環分店，對其爐端燒留下深刻印象，因此希望我也能試試；不過今次選定的是北角分店，近放工時份，天文台竟發出黑色暴雨警告訊號，結果令我和女朋友進退維谷，不過女朋友問過店方會照常營業，因此我們亦決定如期赴會。時近七店，當我們到達本陣時，黑雨已除，不過店內都是一位客人也沒有。侍應安排我們坐到沙發的位置。女朋友先說明訂了一尾喜知次，著侍應去準備，另外在我們要求下，侍應把魚捧出來讓我們拍照，最後我們決定以汁煮的方式烹調這尾喜知次。女朋友亦點了一客麵豉燒蠔、串燒牛舌、冬菇及鰻魚。落單過後，侍應表示奉上一客前菜送給我們品嚐。前菜前菜一式三款，賣相精緻，包括雜菜沙律、牛蒡及蒜粒。沙律菜切絲，以沙律醬撈勻，味道相當不錯。牛蒡以醋漬之，吃著雖見頗為粗身，但起來腍甜無渣，兼有嚼勁，味道很是不錯，蒜粒同樣以醋漬，是近年相當流行的一種健康食法，就連我媽媽也有自家製作，不過我對蒜頭的味道實在不太感冒，因此在家也沒怎麼

19/12/09(六)很高興木星街有3R外，一口氣開了三間新餐廳。今天試第一間，裝修精緻的本陣，有氣派(在本區來說) 得來又令人眼晴舒服，其認真程度是連鋪外的地面也美化一番。燒鰻魚飯($58) ：肥美的鰻魚燒得香，飯又可口。雜錦魚生飯($88) ：魚生是普通種類，但很新鮮美味的。麵豉湯、前菜都比同類餐廳略勝一籌。甜品欠奉，也好，別讓一粒雪糕糯米糍破壞了好印象。不過，食材烹調等樣樣好，唯獨是以其小巧精緻的份量，只適合做下午茶。

星期五，聖誕節，天氣灰暗。度過了一個寧靜嘅平安夜，是晚與外家一起食飯，除了歡度佳節之外，以慰勞岳母在搬家一事中幫了個大忙。此店是太座所選，是西環同名食店嘅姊妹店。年前吃過了那分店，其串燒是頗不俗的。今次試食新店，看一看水準能否保持。沒有揸車，是難得開懷暢飲嘅時候。是晚選了一支可暖飲嘅越之關吟嚷，精米度是55%，味道清新，有淡淡嘅米香，口感亦細滑。一支750ml，大約是四百多嘅價錢。肯定是貴了一點 (印象中一般純米吟嚷大約是百幾二百蚊便有交易了)，佳節當前，放肆一點也可以吧。刺身拼盤有基本嘅八爪魚、三文魚、吞拿魚、鰤魚、帶子等。吞拿魚是云云刺身中最差，魚肉紋路不明顯，食落一點也不肥美；鰤魚肉尚算甘香豐腴，但也不是最好嘅水準。蝦反而不錯，味道鮮甜；鱲魚肉爽脆，與鰤魚肉嘅甘香，各善勝長。當然，吃過北海道魚市場生劏即食剛從海裡捕獲嘅海鮮，是沒有任何地方可以代替的。串燒類點了四款，分別是雞腎、雞軟骨、露筍煙肉卷及牛舌。水準是與西環分店一樣的出色。每款肉類俱能用猛火封住肉汁，外表則燒得香脆，在面頭加上適量嘅鹽和黑椒，帶出食材本身嘅肉味。露筍煙肉卷包得論盡一點，奉上時已經有些散「修修」了，比起西環分

Have been there for lunch several times, the price is reasonable. Taste is up to standard. The most impressive is the spacious of the restaurant - the layout is similar to 5-star hotel. If it is located at Causeway Bay or TST, it must be one of the fully booked japanese restaurant.Sushi and Sashimi is fresh and good looking!!Will come back for lunch next time.Btw, there is a carpark in the end of the road, parking fee is $7 per hour only (all days).