2
2
0
港鐵朗屏站 B1 出口, 步行約7分鐘
繼續閱讀
營業時間
星期一
全日休息
星期二至日
17:00 - 01:00
以上資料只供參考, 請與餐廳確認詳情
响元朗周圍行，突然見到有一間小型既韓國食店，响門口睇到價錢又ok，不彷入去試下，點知真係有驚喜，地方企理乾淨，但入面得幾張枱，好細，要搭枱，入面有一個韓國人侍應，叫左個雞肉炒粉絲，好大碟，只係真係雞肉少得可憐，後來見到有人食韓國年糕，又叫埋黎食下，粉絲唔油，係有啲辣，炒得條條分明，年糕都ok，後來我食唔晒，叫佢俾左外賣碗俾我，拎返啲粉絲返屋企，等我第二日可以做早餐，絕對可以再幫襯，原來佢係下午14:30就收工，18:30先再做夜市
繼續閱讀
老公嚟接我送工時經過見到...於是就一齊去試~ 以為鋪仔細細...原來仲有個閣樓仔...有好多張檯~樓底比較矮...比較焗...睇完menu 叫o左三樣o野...海帶湯套餐 $38呢個價錢咁平...以為得好少...點知上到檯都幾大碗~而且入面仲有好多魚仔乾同豬肉片tim~就咁飲味道咸o左少少...但係撈埋d飯食就o岩o岩好~ 而且天氣咁凍都非常熱!!!飲到最後都係熱的~ 牛肉石鍋飯 $58石鍋飯到o左之後我特登唔撈佢住...食完一轉海帶湯飯先加d醬撈佢~ 即刻好多飯焦!!! 仲要超脆~ 好正!!!牛肉石鍋飯有菠菜, 翠肉瓜, 蘿蔔, 大豆芽菜~仲有生雞蛋~ (之前食過有d鋪用煎蛋...即刻無o左o個個風味...)撈勻晒食口感好豐富~ 又熱辣辣!!!而且食o左兩三轉都仲有飯焦!!!不過去到尾都有少少窿得滯又刮唔到出來食...可惜...韓式火腿煎餅 $38以呢個價錢估唔到咁大碟...入面仲有好多餐肉粒!!! (唔知會唔會係韓式午餐肉呢...)o係煙韌o既煎餅面頭...仲有一層蛋漿~所以食落去仲好香蛋味~ 呢個真係幾特別~配埋d有少少麻油o既醬汁真係好好食~ 正~ 除o左有兩款前菜 (泡菜同大豆芽)...仲有韓式麥茶~ 呢度D泡菜偏咸同埋唔夠辣...大豆芽就OK~麥茶好濃好好味~ 我飲o左好多~ 飲到見到打卡有飲品送都飲唔落lu~ 見到menu 有$99部隊鍋...都好多後生仔女食~ 反而韓燒就少d人食...始終都係散叫抵食d~ 我地食到7點幾o個陣已經滿晒座~ 似乎都幾多人食wor~
繼續閱讀
隻史諾比想寫首個食評,就比佢寫先 ,今次來到呢間韓國小店,地方看似唔大,但其實有兩層,上層堂食,下層廚房,洗手間,menu唔多選擇,有燒烤同一般韓國民間食品,每個位都包一大支茶,似麥茶任飲,也有韓國飲品選擇,就選擇了梨同芒果汁本來隻狼想燒燒燒,但隻比比唔比 ,話要返工,唔夠時間,所以就點了4小碟,有牛肉石頭鍋飯,有芽菜,蛋,菜,豬肉,同韓式醬,拌好就食得,幾好味,但唔夠熱炒年糕就唔辣,但好硬,唔熱,似未熟晒海鮮薄餅,眼看得尤魚,比較淡口,麻麻地紫菜包好凍,有芝麻醬加青瓜,明顯一早做好總結,元朗韓店中,呢間只算一般,問題出於食物不夠熱,也太淡,希望日後有改進
繼續閱讀
朋友一早發現呢邊新開左間韓國菜…點知唔夠兩日就唔記得左…好彩我突然靈機一觸先先無錯過咋…ˇ～ˇ…黎到大門口…正想入去之際…才嚇然發現係廚房黎…原來呢度只得樓上雅座…基本上呢度每張枱都有個燒烤爐…同抽煙系統…無咩裝修…白雪雪既牆…掛住一部播放梗k-pop既電視…同好有代表性既韓式銀器用具…menu亦係好簡單既兩頁紙…朋友一見到有燒烤爐…頓時露出狼相…可惜由於我呢d蟻民lunch time只得短短既一個鐘…所以要委屈一下呢位狼人啦…>o<…唔叫lunch set...其實都仲有其他心水既…不過唔知點解…無左例牌既炸醬麵lor…等食期間…先黎野飲…當然係made in korean...但其實只飲免費茶都得…一大樽自助式…似係小麥茶…既香而解渴架…壽司係一早整定既…因為紫菜已經唔脆口…仲凍冰冰...餡料只得青瓜蟹柳…伴有少許芝麻醬…叫做甜甜地有d味咁啦…海鮮得魷魚一種…料唔多…薄餅帶點通透而煙韌…面層由雞旦薄薄咁包住…但感覺完全無味…年糕好似未熟透咁…內心有點生硬既感覺…味道係甜加辣…辣味超輕怡…伴碟有3塊甘荀…完全係未煮過既…似乎真係伴碟裝飾用…^^!石鍋飯都係基本料…芽菜，甘荀，菜，雞旦等…石鍋保溫一般…無左果種係冬天食熱辣辣既野…食到出汗既感覺…辣醬稀而不辣…再添加一小碟…依然唔見特別出色…飯焦得少少…但唔夠香…整體上…無論上上下下都似係韓國人…似家庭式作業…但卻操流利粵語…唯食物味道有欠家鄉風範…味道偏淡…期待有所改善…
繼續閱讀