95
13
17
港鐵朗屏站 D 出口, 步行約10分鐘
繼續閱讀
開飯介紹
提供All day breakfast，主打茶品，多由日本或外國進口。另配菜的薯蓉是紫薯蓉而非傳統薯蓉，甚有驚喜。
繼續閱讀
附加資料
手工啤酒，特色紅/白酒，單一酒桶威士忌
營業時間
星期一至日
09:00 - 23:00
以上資料只供參考, 請與餐廳確認詳情
食家推介
相關文章
今日帶肥妹女友去元朗開餐，見到呢間achacha格調幾好，肥妹女友又無搶住要話食其他野，咁就咁話啦有餐湯，忌廉湯幾濃厚，但就唔夠豐富，材料感覺單簿，餐包係條餅乾條，略為唔夾叫左個10安士肉眼牛排，全天然，牛味十足，七成熟，煎封左表面，內裡juice,配左個紫薯，都真係唔多地方有得叫紫薯，但就唔算好甜，可能唔岩時候,應該配薯條正常啲。另外叫左個意粉，味道唔多夠濃，可能我食開重口味，好彩肥妹女友無詐型啫
繼續閱讀
雖然呢間餐廳可以選擇嘅食物都唔算多但係入面都有牛扒食而且價錢會貴所以就即管試一試店員詢問我哋想食嘅生熟程度要是廚師嘅手勢同埋要食牛扒嘅味道就梗係選擇medium rare不過呢個生熟程度就真係好考廚師嘅手勢因為只要手手戰多幾十秒好多時都已經會過咗火牛扒上到枱見到有煎個個嘅坑紋已經知道煎嘅功夫有幾好一切開之後果然冇令我失望入面依然保持粉紅色而且仲見到牛下肉汁流出來食落口牛扒冇根冇渣而且牛肉味道好濃郁，以＄178呢個價錢真係完全對得住性價比好高
繼續閱讀
叫了了一個strawberry crepe + 倫敦茶Crepe皮太脆，我以為食緊餅煮過嘅士多啤梨好酸 講真我從未食過咁難食又一d都唔飽的crepe 唯一可取嘅係蜜糖唔錯我無去法國食過正宗crepe, 但同灣仔出名食crepe的la creperie的質素差太遠了吧？我見到all day breakfast價錢好抵食點解個crepe咁唔抵？由於太餓嘅關係，水果茶（$48）我剩返半壺就走人因為茶都無咩特別埋單$93.8再加一，食左空氣😫果然入去時無人嘅餐廳唔應該幫襯
繼續閱讀
本人第一次寫食評，沒想到係負評。不過，為其他食客著想，我還是要花這點時間。首先，OpenRice 上標示地址是西鐵朗屏站行10分鐘是不對的。那個實際最少要15分鐘。在b 仔涼粉附近。如果說在輕鐵豐年路站附近會更合適。中午時間汗流浹背去到，仕應說要等30分鐘，沒關係，因為我們是一心要來試美食，美食是值得等待的。我們在門外等待，但不到5分鐘，就有一位夫人，面帶怒色出來，著我們不要幫襯，因為這裡仕應服務很差。那夫人跟同行男子，轉去了旁邊的台式麵線吃飯，一邊行，還一直在說要投訴。 但我們看到那麼多好評，而且是專程來試吃，所以，我們還是進去了。這是不幸的開始。終於，我們坐下了。仕應服務態度沒有剛才那夫人說的那麼差，但，我們點餐後，他們就特意說了一句，由於中午時間人多，上菜時間要久一點。ok, 沒關係，我們不趕時間。 我們點了温泉蛋煙肉芝士扁意粉，附有餐湯跟麵包，外加25蚊要了一份炸魚。我男友點了 all day breakfast. 不一會，我的湯跟麵包先上來，湯是磨菇湯，湯是温的，不熱，湯質也很稀，像是強行加水煮過。味道只有奶味，沒磨菇味，洋蔥也沒打爛，一條條。麵包是 panini, 雖然不熱，但還不錯。主菜扁意粉上桌，也只是温的。煙肉沒有味道，也沒有滲在白汁內，更遑論滲在扁意粉內。感覺是跟訂單即席把配料湊合上碟而已。更附送小量蛋殻。男友的 all day breakfast 也上桌了，除了那炒蛋，全部只是温的。整份餐也只有那炒蛋比較好吃。跟餐點了 extra 炸魚，沒想到 來了的炸魚是用腍魚來做。 粉漿也做不好。炸出來的魚 一叉起便散開 完全不成形。上枱的時候，侍應給了茄汁，很奇怪。 一般都是他他醬。隨後，問了侍應要了他他醬，看來 他們分不到甚麼跟甚麼。來的是卡夫沙律醬。。吃畢整個午餐，我們只覺得那杯 ice latte 比較正常。雖然我們沒受到像那位夫人所說的不禮貌對待，但我們還是非常失望，並決定不會再光顧。特此記錄，以免其他食客也在此受到類似遭遇。
繼續閱讀
見Openrice評價唔錯，點知好失望！首先 waiter做嘢好慢，叫完嘢食，過咗10至15分鐘d餐湯同餐飲都仲未到，要催先到， 好似冇意識可以俾客人飲住湯等main dish咁。 湯係忌廉蘑菇湯 又稀又淡。Main dish 仲要隔多一陣先至嚟, 又唔係特別好食. 漢堡包舊牛比較鞋和乾， 唯一食得過嘅係佢嘅意粉。整體上食物同服務質素都好差。 隔離嗰枱比我地遲一至兩分鐘落單，但我地食完， 佢哋啲嘢先啱啱到 絕對唔會再嚟食或者推介俾朋友！
繼續閱讀