新是你的餐廳 (已結業)

見佢就嚟執粒，就同朋友去試吓，入到去冇人會招呼你，每個員工都係西口西面，完全冇笑容，好似爭佢錢咁，揀好食物後就嗌佢埋黎落單，點知⋯⋯⋯⋯要乜冇乜⋯⋯餐牌上好多嘢食都話冇，就喺冇咩選擇嘅情況底下，最後就同朋友叫埋同一款嘅食物跟餐嘅多士同羅宋湯，味道都OK，法包夠脆，羅宋湯亦夠香濃最後叫咗煎雞扒配意粉總括黎講，食物味道方面OK的，但服務就真係9流，朋友問佢攞茄汁都西晒面，好唔情願咁拎俾你，執笠都好嘅，反正都係趕客！

睇反舊食評先知元朗依間新是你的餐廳原來已經有好多年歷史, 難怪裝潢有點舊, 椅墊都甩皮了😅雖然第一印象如此, 但整體感覺仍然良好一邊食一邊播住謝霆峰半支煙.. boyz眼紅館, 我都不其然唱埋一份 haha下午茶選擇都多, 點左巴提雅炒米粉, 味道原來係廈門炒米辣版本, 材料均勻米粉唔會濕不錯喔 !老公點左焗意粉, 初頭有d擔心焗野要等好耐.. 好彩唔算等得耐, 份量同味道都可以呀~ 跟餐配飲品再加一, 可以理解成茶記高級版 !

黎到元朗都有好多出色嘅小店，同埋好多懷舊嘅餐廳，今日我去到呢間餐廳都唔例外，起碼有30年歷史，不過曾經翻新過，由朗屏站行過去五至六分鐘左右非常方便，而且再行前啲些少就有一個大橋街市，方便食完下午茶去買餸，今日我叫咗Q餐，法式香草雞絲意粉$38 ，味道非常合我心水，香草味並不太濃，反而有好香濃嘅芝士味，雞絲分量亦很多，雞絲不鞋口，雞肉嫩滑👍🏻意粉硬度剛剛好，不太軟又不太硬，易入口😆最終我全個意粉全清，非常飽肚法式雞絲香草意粉$38，未計加一

啱啱去完位於元朗嘅大橋街市買餸，買完餸又攰又肚餓又熱，行過對面馬路見到有一間開咗好耐嘅餐廳。記得對上一次食已經是十幾年前了！今日返去嘆個下午茶，懷念一下😋嘩，下午茶選擇眾多，A-Z一共有26款,由於我太肚餓要食個烏冬先至夠飽😂紅燒豬扒湯烏冬 - C 歺，湯底較為清淡，要加一些鹽先至夠味，配菜只有少許菜，而豬扒味道調得非常好，明顯是煎過才放上烏冬上面🤣豬扒林身，不鞋口😁全清，夠曬飽😁清清淡淡，吾錯既選擇😂

有位女伙計，服務熊度超惡劣，毫無禮貌。食物非常咸，不知所謂，全店漂白水味，不知食漂白水定食牛扒。鐵板餐竟然用碟上，離晒大普，但因想開心食飯所以無嘈佢，做左幾廿年又怎樣？

今日趕住去上水....求求其其食餐飯算拉..之後去咗喺元朗來講算係歷史好悠久嘅西餐廳...皆因我出世嘅時候呢間餐廳已經屹立於元朗喇.....而且裏邊嘅環境陳設同以往嘅一模一樣佢哋仲會有好多唔同嘅扒餐價錢都幾合理....而且都好大碟。我就揀咗呢個紅燒豬扒拼魚柳飯.....我最鍾意喺個炒飯底....勝在夠乾爽而且豬排都好好大塊食到你飽一飽食飽之後就出發咯.....呢度平時仲會有一啲特價嘅下午茶餐....我偶然都會嚟試一下。

難得平日放假，去完銀行搞完啲嘢之後，見有啲肚餓就去咗呢間「是你的餐廳」食午飯，企係門口一望今日午餐有我自細都鐘意食嘅紅燒豬扒，馬上衝入去開餐！唔講大家唔知，呢間餐廳由我好細個開始已經係到，我諗都有將近二十年喇，細個成日同屋企人泥呢到食晚飯。雖然有聽過轉過手，但好慶幸呢個童年回憶係今時今日仲繼續經營緊。廢話少講，今日我叫咗白湯，個人覺得呢到白湯好飲過紅湯，creamy啲！配一片小蒜蓉包，雖然唔夠熱但都仲脆口嘅，可以浸少少白湯食。期間紅燒豬扒到喇，可以配炒飯、意粉或薯菜，太耐無泥唔太記得原來薯菜係原隻焗薯仔粒。講起紅燒豬扒，細個食唔出呢隻係咩味道，但係大個就知道「哦，原來係叉燒醬汁味」，雖然食得多會漏，但配飯或沙律食都唔錯架！至於午餐食個份量唔算太過量，岩岩好！總結，唔知係咪紅燒豬扒比較冷門呢，我覺得好少地方先有得食到，所以每一次癮起都會去呢間「是你的餐廳」，所以食得多BBQ叉燒汁雞翼，想試下叉燒汁豬扒可以泥呢到一試。

入去點左兩份安格斯西冷牛扒餐,配薯菜,紅湯,首先嚟兩塊蒜蓉牛油法包,幾好食,卜卜脆,紅湯都幾好飲,落單講左兩份扒都要4成熟,等左差唔多20分鐘份扒先到,薯菜D薯仔好難食,唔硬唔軟咁,食落都唔開胃,成份扒D筋同肥膏多過肉,好很失望....2份扒我要4成熟,戲肉嚟喇~~個廚師竟然用佢精湛既廚藝整到塊扒半塊係4成熟,半塊係10成熟!!!好好地一塊安格斯俾佢整到完全變左劣食!好很難食!咁既價錢食咁既扒,完全錯X哂!呢個廚師咁精湛既廚藝你地唔介意接受到既可以去試下既....我就一定冇下次!!!

一間屹立元朗幾十年嘅餐廳......由我小學都已經開始去幫襯嘅地方....裏面嘅陳設依舊.....環境有點昏暗...算是有點點氣氛你面也有我很多兒時回憶...每次我也去食全餐....因為我細個已經好大食....佢嘅全餐由以前到而家都未改變過不過未到始終如一但係有時下午茶我又會去食一個普通點的尼間餐廳係同一位置已經好多年我諗係元朗人都會知道佢啲下午茶又真係幾抵食架裏邊陳設一直都保持原有面貌有以前60幾蚊食到依家＄90嘅全餐今日唔係太肚餓所以走來食個下午茶我叫左一個吞拿魚焗意粉未到唔會有特別嘅驚喜但係勝在價錢平因為你係出邊快餐連鎖食一個吞拿魚焗意粉都要5-60元....不過呢度計埋＋1都唔使＄40算係唔錯嘅選擇食完走人

昨晚我ㄧ個人去吃晚餐經過新是你的餐廳,看出面餐牌扒晚餐不算太貴,我坐下便叫了雙併扒(黑椒牛扒和紅燒豬扒)意粉餐(有餐包,忌廉湯,甜品,熱奶茶),等了ㄧ會兒,首先送上餐湯、餐包,然後上雙倂意粉,黑椒牛扒煎得剛好,黑椒汁調味不算辣攪在意粉ㄧ起吃很好吃,紅燒豬扒很簿,吃得津津有味!還有幾塊椰菜和2薯角伴碟,有菜有肉呢!其實若果我叫雙併扒薯菜是用鐵板上的汁和配菜多些。我吃很豐富晚餐,很有滿足感。

其實食過好幾次, 當係佢係一間高級少少的茶餐廳黎講, 尚算OK!不過今日真係一肚火, 我9點左右去到, 叫左三個扒餐, 兩個堂食, 一個外賣. 我本來全部選黑椒汁, 結果佢話兩個有黑椒汁, 咁唯有轉其他, 佢話只有白汁, 無法啦啦!感覺真係好差, 好次倒左的白湯落塊扒度好難食, D薯菜仲恐怖, 跟本就係蒸熟左D薯仔. 而塊扒有D苦, 太多鬆肉粉, 同安娜有得暉.  服務態度不願平論, 最慘係我地邊食, 阿姐 邊掃地, 仲唔夠, 仲要邊用漂白水拖地, 可能趕收工要趕我地走.返黎, 開個餐俾老公食, 發現D湯淺晒出黎, 原來個飯壓爆左個膠蓋. 我諗有排我都唔想再去食啦!三個餐總銷費係358蚊, 激到我今日一蚊貼士都唔俾. 不過講真句, 價錢都唔算 貴, 自己衡量下啦!

服務差到呢仲要加一服務費 叫落單都推三推四 條友仲要落到9唔答8 又粗聲粗氣 落落下就走左去 諗住据個扒點知成肚火最後點左個牛柳餐 味道一般 忌廉湯太杰 個蒜容包唔係脆係硬唔知係咪擺太耐定點，冇下次了

新是你的餐廳由中學時已經係度，粉紅色既外牆，高掛手寫餐牌，依舊不變，不過我從來未食過野係度。趁湊姨甥女之前食下lunch係咪同餐廳味道一樣懷舊。蒜蓉麵包烘得金黃香脆，微微蒜蓉香味，整得唔錯。至於忌廉湯一般，比普通茶餐廳好啲，唔會太稀，蘑菇軟腍。芝士焗白汁腿茸魚柳飯好大碟，我鐘意佢既飯係炒底，而家好多焗飯都只係普通白飯，佢炒到個飯好香蛋味，而且啲飯粒粒分明。芝士白汁都好濃郁，有著兒時食開既味道，白汁仲充斥一陣洋蔥既美味。汁同飯呢啲配角做得好好，但係主角魚柳就失色，肉質過份軟腍濕潤，一切就零碎散落，破壞左個咁好既汁同飯，如果條魚脆番啲會好味好多。

早期港式西餐還是比較昂貴的時候，到餐廳吃扒餐是大節目，若然有事情慶祝，或許會讓小孩點「全餐」，那可能是考試第一名才有的獎賞喔。一般西餐前菜通常只有餐湯和牛油麵包，而沒有頭盤，但「全餐」不但包括有前菜，更有甜品。 今天到元朗新是你的餐廳，名字相信是翻譯英文名字New Schneider Restaurant，如同走回六七十年代，竟然見到全餐，那餐牌亦已經歷風霜，甚有期望。先來個麵粉忌廉湯配蒜茸多士，忌廉湯烹調得很杰身，很有舊式餐廳的影子。跟著來的香草石斑意粉及紅燒豬扒配炒飯，賣相一般過一般，石斑普通貨色，甚至相信不是石斑，而且比較油，汁亦太糊。豬扒配炒飯算有點誠意，但看到那汁像極豉油，果真豉油西餐。 心中不是味兒的同時，全餐的紅燒豬扒沙律及馬仙尼雞扒飯到，正所謂「期望越高，失落越大」。成間餐廳好像從數十年前雪藏至今，雖然是傳統西餐，可是水準緊比快餐好。上甜品更好笑，店員大大聲叫『上全餐甜品』，最後竟然是一粒雪糕糯米糍，還以為會是綠色的啫喱杯呢。 有時，對食物的感覺，還是放在心裡會更美好。

好耐好耐無食過，唔知食咩好之下，就泥左呢度重溫下以前嘅味道，睇下差左定好左。室內無以前咁暗，格局差不多，餐牌都仲有好舊式揭揭下果啲，最好笑有幅清明上河圖喺度～Order左個全餐同另外叫多左個湯share食，忌廉湯一般，羅宋湯都算濃郁同多料，多士無乜味，不過勝在夠脆。紅燒豬扒個樣真係唔多討好，仲要紙咁薄，又估唔到食落幾入味，點啲沙律醬一齊食，都ok喎。雞扒意粉賣相都係有啲強差人意，橙色汁確係有啲嚇人，之但係味道又唔係太差，有啲蒜香味，雞扒都算大塊，意粉仲係al dente口感～上埋甜品同餐飲就齊晒，不過啫喱個size好似比前細左好多咁。可能真係太耐無泥，老老實實，覺得啲野好食過以前😂