10
0
0
營業時間
逢星期一休息 (如星期一為公眾假期, 則星期二休息)
以上資料只供參考, 請與餐廳確認詳情
招牌菜
今日又入來元朗探望我朋友，上次來呢度食開都覺得幾好，於是今次決定再來響呢度食lunch!環境都算乾淨以上為餐牌乾炒肉片河 + 凍朱古力 ($58)，整體炒得均匀，都算不會過油或過鹹，可惜肉片有些乾嚡，也欠了肉鮮味。但整體來講其實都算係幾好味既！朱古力D味道好香濃，都唔會話知係得個甜字，奶同糖同可可粉既分量配合得剛剛好，非常有水準！特別—提的是餐廳內有—兩位年青男侍應非常有禮貌，其他員工也不錯。平日免收加—的。
繼續閱讀
朋友極力推介來這間餐廳，說味道一流而價錢超值，所以昨天特來一試!由於是星期六，所以預先訂位，6點半入座時人並不多，到了7點半就差不多坐滿了!點了幾款餐廳的招牌菜試試:炸乳鴿 – 皮脆肉滑好好味! 10個讚白貝蒸雞 – 白硯帶點酒香而雞很嫩滑, 又是一讚小炒皇 – 足料好味菠蘿生炒骨 – 好耐未食過咁好味的生炒骨, 炸粉適中, 酸甜汁恰到好處, 菠蘿新鮮，排骨肉嫩。正正正!雜菌腐皮魚湯浸娃娃菜 – 漁湯很鮮味，與腐皮及娃娃菜很是配合!
繼續閱讀
在 貴網頁搜尋元朗食市，見到呢間被評價很好，很正！但已是2012年的評語，是吃西式的，現在已轉了吃中菜，在家附近都即管試試啦！我們頂了6大1細，吃晚飯。一去到人不多，不用等位，即入坐，環境闊大舒適，發覺原來多年前已來過，那時也是吃中菜，是酒樓，而現在卻是西式裝修做了中菜！見到她們服務很周到的已安排好B B櫈及BB膠餐具，很有心！！正題當然是餸菜，十分意外的好味，像吃私房菜呀！我們點了以下幾樣：秘制豉油雞 （我不愛吃雞也覺好味）鮮腐竹浸菜苗 （超常好味，很讚！）特色波蘿姑撈肉 （好特別，新鮮波蘿，鬆脆肉皮）清蒸筍殼魚特色炸雞卷 （少肉，多齋，反而吸引，正！）足料燉湯全部都好好味呀！！
繼續閱讀
睇咗ladygaga編食評，決定去大使館試試! 因為有歌手唱歌既餐廳已買少見少，而且呢間餐廳就喺我家附近。 雖然家住錦繡花園，但今日都係第一次嚟加州花園。一家四口約7點多駕車到達大使館，沒有選擇看到歌手的位置，反而選擇了靠窗的卡位。不久歌手開始唱歌，第一首唱的是我佷喜歡的What A Wonderful World，自彈自唱，很不錯。今日天氣非常非常熱，快要打風，太太話食清D，所以叫咗沙律、海鮮、意粉、PIZZA及脆炸雞中翼。頭盤揀咗個白酒煮青口，清口鮮甜帶淡淡的酒味，很好!沙律係煙三文魚凱撒沙律，D生菜爽口新鮮，份量十足!再嚟係海鮮併盤，賣相唔錯，有花蟹、大蝦、大蜆、生蠔、翡翠螺及青口等等，我地4個人食唔係樣樣都夠分，我同太太食生蠔，呀仔同囡囡就食翡翠螺，整體來說各樣海鮮都很新鮮，生蠔無咩蠔味但清甜、花蟹好鮮甜(4個人食唔夠喉)、蝦每人一隻夠彈牙、蜆啖啖肉，$380非常超值(比起酒店$500以上的還要好)!!食完海鮮，就係意式薄餅，食慣Pizza Hut的厚批，今日食薄餅底，覺得唔錯，稍微是材料少了一點。意粉係黑松露醬野菌天使麵，雖然係無肉，但味道夠濃，而天使麵的韌度亦控制得宜，好好味，稍嫌油多了一點點!吃完意粉太太同囡囡都話飽，急不及待要食雪糕，叫咗士多啤莉及芒果各一個share食，兩個都話D雪糕真係好正，似係用鮮菓做，好好味。我同呀仔仲食得落，所以叫多一客脆炸雞中翼，加多一杯生啤，配合現場歌手唱歌，感覺很不錯! 甜品我唔好，呀仔都揀咗個芒果雪糕。大家對呢頓晚餐好滿意。最開心係屋企附近有間質素高味道好既餐廰，以後鍾意幾時嚟就幾時嚟。
繼續閱讀
星期六與老公駕車到南生圍，拍照觀鳥看日落!! 接著來到加州花園的大使館餐廳食晚飯，揀呢度係因為知道佢有免費泊車，而且星期六有人唱歌，想感受吓係咩Feel，所以決定一試。由南生圍過去非常方便只需5分鐘。未入到餐廳已經聽到音樂有人唱緊歌，入到餐廳聽到首好熟既英文歌，但唔記得歌名。望吓四週，覺得個環境同氣氛唔錯，最後揀咗個可以看到歌手的座位。我地叫咗兩個SET DINNER，再加一個頭盤。頭盤揀咗個巴馬火煺伴蜜瓜，啲火煺有酒店水準，新鮮好味，就連啲蜜瓜都好甜(十個讚)。餐沙律係雜菜沙律，啲雜菜好新鮮，老公叫個餐湯係雜菇忌廉湯，料多忌廉味香濃!!主菜我叫咗個扒海鮮而老公就叫咗個燒德國鹹豬手。海鮮味道OK，隻蝦好新鮮爽口、帶子及青口都好味，魷魚一般；老公話個鹹豬手好得，皮脆肉嫩，配埋啲酸菜及一杯比利時生啤，佢話無得頂!!食到咁上吓，我叫老公點唱，佢點咗首Can’t Help Falling In Love, 個歌手叫Ricky, 佢唱之前讀出老公名, 話首歌係點俾我聽，好冧!是日甜品係雪糕，侍應姐姐特別强調呢度既雪糕係蘇絲黃推介過的意大利雪糕，又叫我一定要試士多啤梨味，而老公就揀咗芒果。嚟到硬係會交換嚟食啦，雪糕真係好滑，而我從未食過咁好食既士多啤梨雪糕，個味道好Raw帶酸甜，好正! 食完好開心，覺得自己選擇正確。心諗如果呢間餐廳開喺市區, 一定會好爆，因為食物水準得、環境得、氣氛得，惟一係唔太就腳，有車除外!!
繼續閱讀