嘉麗園潮州粉麵餐廳

營業中

休息中

講到元朗食牛腩，一定係老字號嘉麗園，元朗街坊一定認識，聽日聽得多，食就未食過，今日去咗元朗行街，終於可以去試下。睇介意佢仲有牛4寶食，不過我係唔夠膽食嘅店舖裝修好有香港特色，老式潮州粉麵，最有氣勢係麵檔個招牌原來牛腩都可以有好多選擇，有平有貴，有唔同部位，今次叫咗碗新鮮牛腩河，新鮮牛腩牛味特別香濃，牛腩帶小肥唔會太韌。湯頭亦都係重牛骨味，用料十足，濃而不咸地址元朗康景街9號利景樓地下5號舖港鐵朗屏站E出口，步行約13分鐘

嘉麗園元朗經典 特式 老店 人地話冇食過同冇去過元朗一樣 😂你又有無食過？宵夜精選 早餐特選 店鋪係任何事段都歡迎光臨 夜店 24 不關門 😂浦吧後宵夜我懷疑佢係開24 😂😂我任何時候去去都係營業嘅尋晚飲完酒去食左四寶丸子紫菜河粉加醋，超好味無限醋 重口味 常餐-沙嗲牛肉公仔麵配兩餸😂呢個係經典選擇仲有一個選項，就係加通菜 不過尋晚我哋太飽，所以冇加如果你想食啲特別嘢仲有嗰啲咩咩特色野 牛歡喜牛鞭食 😂以形補形 😂😂😂

元朗老字號嘅嘉麗園，一如以往咁好味！細細個已經成日去食！牛腩河嘅冰鮮牛腩反而最好食，牛肉好冧，重牛味，肉同肉之間有小小筋位，好好食。紫菜四寶河啲魚蛋同豬肉丸都好彈牙，好好食。腐乳通菜都好正，腐乳味道好香但都唔會話好咸，通菜唔會有渣，加埋腩汁一流！豆漿偏甜，但豆味好濃。總括而言，嘉麗園果然係元朗嘅老字號，食物味道一流，質素好高！如果你鍾意食粉麵，呢度嘅牛腩河同紫菜四寶河一定唔會令你失望！🍜😋🫣

叫咗一個腐乳生菜比錯咗個蠔油生菜，提返佢改左一次。結果返到屋企見到得一個魚蛋河分湯同埋生菜，而牛腩米唔見咗。究竟做嘢做到幾咁差先可以連續錯幾樣嘢。間野啲員工都冇心做，建議大家幫襯之前諗清楚。嘢食又真係一般般，價錢唔係特別平，係凌晨冇嘢食揀先會幫襯佢，點個就遇上今次呢件事。要特登番到屋企再出去多次問佢拎番。 而去到問佢個陣，態度又唔好，好似呃佢碗麵咁！？經過今次呢件事後，真係寧願返屋企食杯麵都唔會再幫襯。乜嘢百零二點

來到元朗，試吓全港得一間嘅嘉麗園潮州粉麵，環境及坐位都不太好，狹窄；嗌咗碗牛雜麵，果然用料足，樣樣齊；牛雜煮得好入味、軟淋，特別係牛筋；湯底好濃郁，不過食完係會有口渴感 。

相信元朗街坊都好熟悉呢間屹立不倒40年 食飯時間仍然人山人海 座無虛席嘅元朗老字號唔少都會專程入元朗 只為佢嘅招牌牛腩同墨魚丸碗嘢係真心好食 湯頭濃郁 不過越食越貴🥺💸.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️牛腩河(燒焗賓沙腩) $73牛腩分幾種普通牛腩、肥肉頭腩、燒焗賓沙腩、爽滑邊腩叫嘅時候要講清楚 記住揀好食咩先避免口塞塞牛腩材料新鮮 用料足 仲有芫茜葱同重手既炸蒜粒湯底濃郁 燒焗賓沙腩都有7-8舊 香濃牛肉味 有口感完全唔會黐牙😋😋😋價錢偏貴 都值回票價嘅 不過少少肉赤.招牌辣椒醬炒得好香 暫時係我食過最有記憶嘅辣椒油👍🏻.❝

今日叫姐姐去嘉麗園買咗碗$200淨牛邊腩做餸，點知一打開，舊舊都淨係得條邊一啲肉都無😵！仲要啲邊韌到咬都咬唔開🫣！記得之前食牛邊腩都唔係咁樣🤔！真係激到啤啤聲！

💜嘉麗園潮州粉麵餐廳💜 ⚪️長征十萬八千里入到元朗二次探訪潮州粉麵 🍜⋯就係為咗粒墨魚丸🍥⚫️相信住元朗嘅朋友由出世至今一定有幫襯過呢間由70年代起至今仍屹立不倒嘅潮州粉麵檔🟡店舖保留70年代裝修風格 ，金碧輝煌嘅招牌，加上裏面又紅又金的裝潢色調…..真係好old school。廚房保留了開放式烹調食物地方，令食材更顯風味木圓枱 、復古嘅風扇…..呢隻風扇好駛好用就算夏天嚟都唔會覺得好熱 🟣嘢食方面簡直係包羅萬有，你食咩部位都有 （包括肥肉頭腩，燒🔥焗牛孖筋、牛子、牛鞭…等等數過百款食物品種🟠最多人慕名而來品嚐的是 📣牛壇肉丸 聲稱獨家用潮州古老方式手打製作…肉質超級彈牙🟤由於小編唔多食牛 …所以都係叫返個我至愛嘅墨魚丸河及潮州四寶河🔴嘉麗園嘅墨魚丸size唔會特別大粒 ，所以一啖入口 ，手打墨魚丸爽口彈牙 ，口感十足，湯底較濃味 ，加入大量嘅香蔥、芫荽炸蒜配料 令成個湯底更加鮮甜🍜潮州四寶（$50）包括有 豬肉丸、墨魚丸、魚皮餃、魚皮餃及紫菜，每款2粒，樣樣款式都可以試吓，當中以魚皮扎最為特色，感覺似用了薄肉包住裏面個餡 ，較獨特嘅感覺另外泰國入口通菜也是必食的$25 適中份量，泰國通菜

除咗粉麵，嘉麗園嘅小食麵好正😋蜜糖炸雞翼雞翼新鮮炸起，外皮炸得香脆，雞肉香滑，輕微醃製後帶少少蒜香咸香，而且掃咗層蜜糖，好開胃汕頭粉絲皮春卷皮薄，餡料豐富，有乾瑤柱、冬菇絲、大地魚、肉絲、蝦角、紅蔥、洋蔥，雖然食唔出咁多隻味，但食落味道食好豐富同開胃😋配魚露/雞汁食，唔點都夠味。不過新鮮炸起，勁熱氣🫢淨河粉 & 炸魚皮少眾推介，除咗之前介紹嘅墨丸紫菜河，我有時會嗌淨河粉，因為都有我最鍾意嘅紫茶💚之前都多咁嗌，因為紫菜份量都好多，同埋淨河粉先12蚊😍仲平過杯奶茶(上圖成set先50蚊，平過一碗墨魚紫菜河），但成日咁嗌，又教人咁嗌…好似俾人發現咗…依家淨河啲紫菜少咗，墨丸紫菜河啲紫菜多咗😝未箍牙之前好鍾意食嘉麗園啲炸魚皮，好有特色，比坊間嘅炸魚皮厚身啲啲同埋好咸香，帶微微燒焦味🤤打邊爐勁正🤤🤤但箍牙之後無咩牙力，就覺得有啲太硬🤐腐乳通菜嘉麗園嘅通菜好似特別青綠幼嫩💚配上餐廳特調嘅腐乳腐醬，質地較一般腐乳稀，發酵味唔算好重，卻有淡淡嘅花生咸香味加持😋（唔記得嗌少醬）

雖然食完會好口渴，但係一定要食！！！係一定要食呀！ ！ ！嘉麗園嘅牛雜，絕對係全宇宙最強，牛雜河走膀多腸，係我不二嘅選擇。而先生就鍾情佢嘅新鮮肥腩河，佢嘅牛腩有分冰鮮同新鮮，唔係成日黎食，緊係要食新鮮啦，雖然貴啲，但真係好食好多好多。佢嘅牛雜，又香又林，而且一啲都冇嗰啲內臟血腥味，食得出佢事前嘅清潔同處理工作，一定做得好好。而佢哋嘅肥腩，炆得香，又唔會太淋，入口即溶，特別係嗰啲肥膏，真係齒頰留香。佢哋嘅河粉就係特別又幼滑爽口，仲要記得用招牌辣椒油黎點牛腩牛雜🤤 雖然每次食完都好口渴，但係每一次食都係咁滿足咁開心，同埋其實出街食親米線牛雜車仔麵都係咁口渴㗎啦，食得開心滿足咪得囉😌

在地朋友介紹食尼間牛雜，終於襯新年幾日假期入元朗行街順路去試吓，去到未行入去已經見人山人海，場面頗混亂，枱枱都有人企喺度等位，但店內通道非常窄，店員手拎2個大碗係客人身邊左穿右插，其實都幾危險，好唔容易終於等到2個位，即刻叫野唔好阻人做生意，一心想叫牛鞭，點知一坐低就聽見牛鞭沽清唔知食乜好就叫左個十寶麵其實一上枱有少少失望，個碗就好大啦，但點解咁少牛嘅，基本上同普通牛雜麵店嘅份量冇分別，不過個味係好食嘅，另一碗係崩沙腩河，賣相係幾靚嘅，不過個人覺得太淋，淋到完全唔需要咬已經可以吞，河粉就好滑有米香唔會碎濕濕，個湯飲完都唔覺好口渴，食得出係新鮮牛，但唔會好驚艷，叫做見識過啦

話說平時成日都會入元朗試好多名吃，佳因男朋友其實元朗長大~ 今次，元朗叔叔話想帶我去尋找下小時候嘅味道，係一間開咗幾十年嘅潮州粉麵鋪「嘉麗園潮州粉麵餐廳」！ 餐廳裝修好喜慶，墻身大面積紅色同黃色！menu望落密密麻麻，選擇好多，主要都係牛腩、牛雜類，都有一啲丸類同餃類！ 🧡潮州四寶湯河（$47）個人其實唔係特別好牛腩、牛雜~呢個潮州四寶就啱哂我，全部都係丸同餃！每款分別有兩粒，全部都係店家手打自制，所以食落彈牙爽口，特別係個墨丸，超級彈牙！湯底方面就比較重口味，好重蒜香，適合重口味人士！ 🧡鳳城水餃湯河（$42）鳳城水餃食落有啲似魚皮餃，包得好實淨，咬落去好脆口、彈牙！湯底都係一樣重蒜香味！

路經此地方，週圍沒有其他餐廳，第一次嘗試這餐廳，對茶餐廳環境其實並沒有什麼要，食物一般但價錢偏貴。食物沒有特別麵底不太好吃，牛肉汁味道太濃吃不出沙爹味，牛肉肉質也一般，咖啡也很淡。食物質素水準一般，份量一般，整體評分一般。

係元朗幾廿年都唔明點解仲未執,價錢貴不特止而且份量少服務態度又差要境仲要好污糟,周不時見列烏蠅飛過,,湯底大殻大殻咁落味道,食完勁口乾,飲哂成枝水都係唔夠,食得多腎3都有份…

鍾意食牛雜麵嘅 唔可以錯過呢間😤❣️新鮮專家牛雜 配幼麵🐮 $42湯底濃郁〰️每款牛雜都煮到好入味🍲處理得非常乾淨無異味 牛肚有金錢肚同草肚兩款 牛腸煙煙韌韌 牛膀粉得黎香 我最中意呢一舊😍！最後牛肺有獨特既彈牙口感 配埋生麵既爽彈口感 成件事係一種享受💓PS：食得辣既朋友一定要落佢地自家制既辣椒油🌶香得黎辣度十足 我屋企長期放左樽黎看門口☺️新鮮泰國通菜 $22平凡既烚通菜加上秘制既腐乳醬就變得不平凡 腐乳醬香濃咸香 依附係通菜上面 會令人一啖接一啖 真係食菜身體好呀〰️😋鮮炸大腸 $28第一次嗌炸大腸 炸大腸當然佢都處理得非常好 但味道就同我想像中有些微出入 外皮揸得唔夠脆口🥺