早幾日返工時, 師傅咁啱遲左少少, 加上見司機又未到, 於是就諗住搵個地方整個快食早餐, 行到黎呢度見到呢間食店, 於是想入內一試; 但由於時間緊逼, 本來想試車仔麵, 最後還是放棄左!於是入到去就坐底, 然後柯打左一碟腸粉, 點知個姐仔話坐底食最底消費要十雞, 咁師傅咪再加埋燒賣啦! 轉個頭就有得食, 燒賣有五粒, 而腸粉都幾多條! 先講下腸粉先, 腸粉唔算好滑, 加上帶少少硬, 口感一般, 不過好在豉油夠香, 甜醬又醒胃, 而麻醬芝麻亦好香, 絕對刺激到味覺, 醬料啱啱補償到腸粉參差嘅質素; 而燒賣入口頗香, 軟軟地, 都唔錯啦!總括黎講食物質素中規中舉, 環境一般, 服務就普通, 價錢又唔貴, 埋單十一蚊兩食, 都可以接受到; 師傅都有好難冇喺返工時間耐坐定定食個早餐, 雖然呢個早餐唔算特別, 但師傅依然享受, 再次光顧嘅機會仍然存在, 不過笑臉暫時比唔到住!
繼續閱讀
0
1
0