宴鍋 (已結業)

宴鍋朋友買了團購，200蚊當400用，用左幾張，未知係因為團購定其他原因，同其他食評既相睇到好唔同。牛柳粒，肥牛所有野都好細份。味道普普通通啦，唔會有投訴既水平。但份量真係少得可憐海皇湯底，皇帝蟹用已經熟左既急凍貨。為左放而放，又唔鮮=.=我明白，店鋪位於人流不多的位置，想以此提升人流以及作宣傳之效，但如令只會令惡名慢慢傳開。

醬料簡單 不花巧 當中麻醬必試選了推介的沙爹湯底 超香超濃！響玲卷 沒什麼特別 但配了有點士多啤利味的醬汁後 意料之外地配襯 正！主再牛肩胛及安格斯牛粒 又嫩 牛味又濃 虎蝦 $98五隻 ，隻隻成個筷子咁長 超大超低！桂花蚌 爽脆但分量不多 $98貴了一點點野菜盛合$48有粟米 鮮冬菇 雞脾菇 幾款菜 大盤得來又新鮮三個人食咗$68x蚊 有如此質量 低！

又再一次買Groupon食卷,諗住今次都唔例外, 好難訂位及取考, 1行6人坐底, 今次不用等位, 服務員好快就過黎招呼, 介紹招牌海龍皇湯底, 我心諗你唔貴唔介紹,未又煲1個, 老婆話上FB專頁睇睇先決定, 張相真好吸引, 想一下, 半價Groupon食卷不妨一試, 睇下是否取考, 一於聽下你介紹, 個煲黎到已沒有失望, 好爆!, 開火一陣已經聞到好香既龍蝦味,真係唔同出面既海鮮湯底, 湯底很濃, 呢個食得出真係煲出黎架, 不是用蕃茄做底. 朋友話好正. 海鮮類, 非常新鮮, 店員很體貼, 桶蠔鮮味濃郁, 值得一提, 什麼鬼馬油條, 係油炸鬼上釀咗D墨魚膠, 之前未食過, 口感奇特, 可以一試. 可能我地用Groupon食卷, 一次過叫埋好多野食,D野食好快都出哂黎, 最後都食唔晒, 不過貴花蚌真係正, 大大條, 唔似弟度既細細條無口感, 仲有個9菜餃都唔錯, 咬落去啖啖都係9菜,真材實料, 不過最正都係個湯,最後我地都差唔多飲哂D湯, 會再嚟.

食物一般, 最貴的肥牛, 但有筋, 雪花好唔均勻, 丸, 似超市四州一包包既差唔多, 我地無叫海鮮, 唔知得唔得;  菜, 比較細份, 同唔靚地點: 的士都好難搵, 最好自己渣車去, 好唔方便環境: 裝修OK, 舒服, 但店內同店外既地理環境好唔合襯服務: 超差, 職員無禮貌, 主管都原來係無禮貌, 最尾見倒佢地老細黎食飯, 原來same same結論: 打左幾廿年邊爐, 幾廿蚊任食既, 到2千蚊一位既都食過, 性價比最低都算係今次又唔係話俾D垃圾你食, 不過就樣樣都好唔抵咁羅, 亦唔係平貴問題, 唉...人生仲要試一次笨

友人花心思找來此火窩店慶生辰。極度失望！由訂座開始，已感覺到另一邊冷漠態度。到步服務態度又是冷冰冰。講多句都蝕咁。收費$20/位嘅醬料清咗無refill心諗旨望食物質量啦，竟然同樣無驚喜-劣窩底：麻辣/酸菜豬肚 - 麻辣無料無味；另一邊像徴式有料亦無味！火窩料：墨魚滑 - 味道ok! 彈牙！不過首次見咁幼嘅器皿盛載菠菜芝士拼松露芝士意大利雲吞- menu 上有哂thumb up, 意為係有heart之作！點知出嚟係每款五粒既平均十蚊粒既意大利雲吞。又吾大體又吾好食松露海膽丸拼鵝肝墨魚丸- 又一推介之作。一款只有四粒，完全吾係個回事 虎蝦- 同様係menu 上有thumb up, 一碟五隻，睇見就知雪蝦，仲要煮完除殻後見霉OMG鵝腸- 嗜食友人都剩大半碟帶子- ok! 午餐肉/皇帝菜/蘿蔔/響鈴服務：叫加茶，四杯只加了一杯。全場全晚只有三枱食客（共8人）見咁無heart, 咪request放底一壺茶自己加。點知答我地無茶壺。最後都係自己攞佢個壺自飲自酌湯底都係自己動手加。一次都無主動觀察。眼見全店只有三人，廚房丨個樓面2個。隨咗上菜同埋單外，零接觸。出品速度緩慢。少有食物服務同樣轍底差劣

班朋友同我慶生日黎打邊爐。我地8個人, 被安排自己一間房, very gd!湯底有10幾款俾你揀, 最平$58, 最貴$328, 有人請,我當然地揀左個最貴招牌海龍皇湯底。呢到打邊爐d 款幾多, 有d出邊未食過...例如菠菜芝士云吞, 手打黑松露墨魚丸(yummy). 我們食試湯底, 未打邊爐之前都飲左一碗, 湯底好濃足料既龍蝦湯...好認真!之後加d湯都是龍蝦湯...講究火煱料有好多款揀, 貴價, 平價都有:美國安格斯牛肉, 好靚, 但牛味十足餃餃陣, 名夠特別...喜出望外, 樣樣餃有d嚮聆是用深水埗樹記...唔使自己排1小時隊去買..有心思花甲.大大隻, 有5隻, 食落鮮甜,無沙手打烏冬, 好滑, 食落不是普遍貨式牛丸. 好彈牙, 好味另外有日式活魚刺身...一流刀功...鮮甜味美飲品一定要叫什莓沙冰...配合火鍋簡直一絕埋單每位$250係貴d, 不過d 野好食就最重要。

飲食雜誌介紹冇好野！Book了！未夠七點到現場！居然六人迫在四人枱！要求 轉枱！肥妹侍應話全場full，冇得轉！😡兩位坐冇椅背椅！全塲keep住吉到八點半才有啲客！隔離張枱到9 點都冇人坐！1500蚊也不是平啦！坐足成晚硬木圓椅！搞錯！多人不要去！一啲都唔會識做！海龍王湯底係好多海鮮，也足料！看似好濃！但啖湯居然一啲味也不鮮，冇乜味！好奇怪！呢間嘢係響鈴同芝士餃不錯！其他真是一般到一般！地方太迫！位置超離涉！係冇需要！專登去試！公道句，唯一係冇收我地切餅費！但前因，我地嘈佢坐左成晚圓椅，初時，負責人仲好強硬咁話一定要收！唉，簡直係奇怪！

女性肌膚最為敏感，在這秋意漸濃的日子皮膚也開始繃緊起來，是時候換換鏡枱上的護膚品。肚皮也得作好鬆綁的準備，事關秋冬美食繁多，突來的秋風吹出暖笠笠的蛇羹、煲仔飯、火鍋等，看來不光護膚品，胃納也得換季。雖然香港人一年四季都吃著火鍋，但冬季吃火鍋無疑是最應時、最具風味。心癢癢，找到獲一致好評的宴鍋來頓冬日火鍋預試。宴鍋位於佐敦以文字頭為街名、食肆雲集的小區內。文昌街面對著還未拆封的新豪宅與小荒地，相對其他街道寂靜，大可能是宴鍋那邊沒有其他食肆進駐的關係，漆黑的街道上就只得它散發著燈光。宴鍋室內以黑色為主調，與黑夜長空份外匹配，而火猛的光線卻像舞台上的射燈把室內空間聚焦起來，雖然火鍋的電爐沒有火光，就讓冷冷的黑色帶出一份暖意。侍應第一時間為我們送上調味架，有葱、辣椒絲、生蒜、炸蒜、芫茜、麻醬及豉油，食客可自我混醬一番。宴鍋的湯底選擇有20款之多，中、日、韓式也包攬在內，其中4款是1隻姆指推介，破天方獲2隻姆指推介的是海龍王湯底，看到對面一座客人差不多滿瀉的海鮮便曉得，看得人口水也在流！我們選了一個特價 $388 的二人餐，湯底可選擇 $68元或以下的，而日式豆腐麵豉湯、日式豆乳湯與鹹菜胡椒豬肚

前排到宴鍋打邊爐，最近先得閒打食評!我同媽咪家姐樣樣都想食食物好新鮮!!有好多配料選擇!左邊麻辣湯底，辣得好刺激好正!右邊蕃茄薯仔豬骨湯!有屋企老火湯既水準仲有芝士腸同牛丸野菜盛，好新鮮青綠色既蔬菜拼盆牛+柏葉，牛肉好嫩，柏葉又夠林，正烏冬，我打邊爐一定要有烏冬!!吸哂湯底d精華!!好大隻蟹!!!d肉好鮮甜而且又多肉雜莓smootie，打完邊爐飲好正!好好味我一定會再黎!!

一行10人為2位壽星公慶祝, 經朋友介紹就試試這間新開的火鍋店. 因為有10人所以安排了一間房間給我們. 一坐下服務員已反應很快地為我們倒茶我們點了2個湯底, 一個是蕃茄薯仔豬骨湯, 另一個是豆乳湯底, 一上那個蕃茄薯仔湯很濃郁, 還有大豬骨在湯內, 簡直可當湯飲, 本來對豆乳湯底沒有好感, 只是朋友極想試下而叫了, 但試後改觀, 與火鍋料出奇地搭配.我們頭輪叫了一客牛盛合, 裡面有手切肥牛, 牛柳粒, 黑/白柏葉, 份量足夠10人, 牛肉味濃. 手打墨魚滑, 四寶丸很爽和彈牙 還有魚皮餃, 韮菜餃, 花枝片, 枝竹, 竹笙......水準都不錯, 可能邊食邊說笑而不覺飽, 再叫了第二輪, 點了鯇魚腩, 鯇魚片, 超新鮮 其他有魚皮, 響鈴, 菜, 不知不覺叫了25碟餸, 大家都吃得很滿足 當然我們還有May's Cookies的蛋糕作甜品埋單合共$1,700, 非常抵食

今年新年飯，我地一行10大1小尼左 新開左無耐既 宴鍋 打邊爐~我超愛 打邊爐，對 打邊爐既食物都有D心得~今次去宴鍋，因為有朋友話“好正呀，好好味” 甘我地book 位試下先~果然無錯，食物真係好正，同超新鮮超新鮮超新鮮呀~連墊底生菜都係翠綠色靚仔個D,比我地食埋.HAHAH我地要左2個湯底 一個係麻辣+清湯， 另一個（係我前面)真係未試過打邊爐湯底好似自己煲湯甘濃,濃到我地個個都飲左碗湯~正跟住D 食物不斷尼到好多我都未影到，佢地就夾曬la~~好多重係encore 再encore~~AHAHAH有個冷蟹，又係正到無朋友，尼個book 位時訂ka~貝同蠔一流，新鮮呀重有D烏冬，蝦滑，菱魚滑一食就知超新鮮~~又滑又彈牙KA~重有一定叫炸魚皮，正不少的牛，我地叫左個拼盆牛+柏葉，好滑好嫩正，再encore 牛~今餐真係正，一路食一路話好味,好甜，勁滑~~AHHAHA~P.S 係響鈴吳夠脆~ 但ok 既，吳會油淋淋的

bowl:食物新鮮, D牛肉食過一定覆啅! 刺身好好食, 賣相又靚. 裝修有氣派. 有獨立房,開PARTY一流

天氣凍,最適合一大班朋友去打邊爐! 今日去了佐郭文昌街這間新開的火煱店試新野.店的位置有位偏辟, 不過旁邊有個停車場, 泊車不用煩.成班朋友仔訂了一間VIP房, 房內有TV, 一邊打邊爐一邊撈電視汁, 好有FEEL, 又夠私隱.叫了一個蕃茄薯仔鍋&醉雞鍋, 十分足料, 不得不介紹, 一定要盛返碗湯底來當湯飲, 好鮮味!!打邊爐前點了個刺身作"開胃菜", 果然無選擇錯, 刺身好厚身, 夠新鮮.再來牛盛, 野菜盛, 雪場蟹柳, 長腳蟹柳, 海斑, 神戶鳥冬, 日本豆卜.....真的很令大家大飽口福. 一分錢一分貨, 真係無得彈.期待快點再約一大班朋友齊齊吃餐飽