-
緬甸虎蝦
-
厚切牛舌
-
牛角切
-
厚切美國Prime牛小排
-
豚腩肉+26
839
28
23
港鐵佐敦站 B2 出口, 步行約3分鐘
繼續閱讀
電話號碼
22648928
96366012 (WhatsApp)
開飯介紹
餐廳嚴選高質素日本和牛配搭特別秘製醬汁，食物更香口惹味。更有專人教路，讓食客掌握燒肉技巧，滋味驚喜無限！
繼續閱讀
營業時間
今日營業
15:30 - 23:00
星期一至日
15:30 - 23:00
公眾假期
15:30 - 23:00
公眾假期前夕
15:30 - 23:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
有一日碌社交平台見到有間日式燒肉店做緊$10啤酒同半價Sake既promotion，即刻俾佢吸引咗😂 膽粗粗問吓佢地可唔可以帶狗，點知可以喎！原來燒肉店老闆都係愛狗人士，養咗一隻11歲嘅Poodle，仲要係努力抗緊癌嘅小朋友😢於是就同老闆相約，帶埋我既閨蜜，我隻波波，喺舖頭少人啲嘅時間嚟食飯🫶舖頭位於佐敦，好近地鐵站超方便。舖頭好大，仲要有一間坐到八個人嘅房仔，約客食飯都好方便，仲要免切餅費同開瓶費！呢個好重要！老闆好細心，準備咗一張毛巾鋪喺凳度比波波坐，又請佢食零食🥰 我哋一邊飲住啤酒, 食住前菜(牛蒡漬, 韓風泡菜, 螢光魷魚)一邊玩狗講狗經好正😂 到波波settle down冇咁激動嘅時候, 我哋就上主菜啦！燒肉呢家嘢我真係唔在行，所以今日嘅Menu就交俾老闆決定啦！✨美國Prime牛角切 $188✨A5阿久根和牛 $188✨和牛三筋肉 $238✨牛利（厚切）$198✨(爐）燒原條茄子 $82✨特大緬甸虎蝦2隻 $260我想講佢全部嘢都好好食，係食得出真材實料。全部肉都好有肉味，冇筋，肉質鮮嫩多汁，真係冇誇張。最鍾意係老闆上菜嘅鋪排，由冇咁肥嘅牛角切開始，然後到比較多油脂、入口即溶嘅A5和牛。再到口感十足，外脆內嫩嘅厚切牛脷。再食條櫻花蝦茄子解吓膩，最後以手掌咁大嘅緬甸虎蝦作為結尾，虎蝦肉質彈牙，真係可以媲美龍蝦肉！除咗食物嘅質素，老闆仲要好有耐性咁一路燒一路講解肉嘅部位同食材嘅來源，仲要教埋我哋燒肉嘅技巧，老闆教路完之後我都燒到外脆內嫩嘅效果😁喺2月29日呢個咁特別嘅日子，可以帶住波波，同認識咗10年嘅閨蜜，黎到環境雅致、氣氛十足的日式燒肉店，認識到愛狗嘅老闆，品嚐到高質嘅燒肉，諗返起成件事都好浪漫🌹 無論你有冇養狗都好，真心推介俾大家~ 一齊支持本地小店💪🏼而家餐廳做緊好多優惠:🌟 啤酒Asahi/Sapporo $10/支🌟清酒Sake 半價🌟逢日至四 晚市 8折優惠🌟逢五 六 晚市 9折優惠
繼續閱讀
4年一次嘅2月29日🫶🏻🫶🏻好特別！要過得特別d！相約好姊妹過❤️韓燒我就食得多今次好姊妹帶我食日式燒肉🐮去專門店當然試特別野炒飯嗰啲就無揀日式燒肉講究好多，分唔同牛嘅部位D部位刁鑽到我都未聽過😆首先有冷盤小食第一次食螢光魷魚，又幾好食喎！今晚試咗👉🏻美國牛角切、阿久根和牛、和牛三筋(稀有部位)、黑毛和牛厚切牛舌🐮🐮🐮全部都好特別又好食🤤🤤🤤燒到外脆內軟，好味到爆😚😚店員好親切，教我哋厚身肉嘅燒法，同薄身肉燒法唔同！長知識！牛以外，另外試咗燒原條茄子🍆、特大緬甸虎蝦🦐第一次見到茄子係加櫻花蝦燒點知味道幾夾😚食落口仲有淡淡櫻花蝦香味🍆👍🏻同平時加蒜蓉，完全係兩回事！特大緬甸虎蝦🦐🦐 大隻到我哋呆咗😮😮有手掌✋🏻咁大隻好新鮮🦐，肉質爽口🫶🏻🫶🏻因為和牛嘅油脂，唔洗食好多肉已經飽到上心口😆😆好完滿嘅一晚🌕今晚嘅2月29日，好有過情人節嘅感覺💞🤭
繼續閱讀
朋友力推嘅燒肉宴，一轉眼就到我地訂嘅桌邊，頓時香味四溢，起勢到不得了 🥩！首先，佢哋家嘅日本豆腐沙律就已經打起咗好多分，豆腐爽滑，配埋胡麻醬嘅香濃，一開始就嚟咗個開胃先導。跟住，同品嘅磯煮鮑魚，每一啖都似在說「我真係鮑魚級別」，新鮮又彈牙。傳統燒肉中「封門柳」同「豚腩肉」表現都唔差，肉質夠喉，燒得啱啱好，個豚腩肉更係油脂四溢，滿足到所有對肉肉嘅渴望！呢到仲有一道令我拍案叫絕嘅「厚切牛利」，直頭係銷魂！顆顆肉汁又Juicy，咬落去嘅口感簡直無得輸。至於天婦羅方面，個尖椒炸得金黃酥脆，少少辣味令人回味。唔止咁，每個海鮮控必食嘅「特大緬甸虎蝦」同「牛油帆立貝」都做得好出色。虎蝦夠身手，少少燒功便夠鐘，而帆立貝搭配牛油，簡直係邪惡嘅誘惑 😍！總括嚟講，呢間店嘅燒肉質素真係幾正，肉質鮮嫩，加上得閒讓緊的燒烤爐🔥，整體嚟講真係一個滿足嘅夜晚。下次一定會再拖埋一班朋友，再黎個大飽口福！
繼續閱讀
今次嚟到呢間燒肉店，真係話咗晒香！一踏入去，燒肉嘅香味撲鼻，令到胃口大開！🍖 開始搞盤豆腐沙律，感受到清新嘅滋味同夠晒酥脆嘅蔬菜，麻醬汁帶點溫和嘅香味，簡直夠晒開胃！磯煮鮑魚煮到啱啱好，鮮美得嚟唔失本味，嗌鮮呀！主打嘅牛魔王套餐真係震撼到我喇！🥩 牛小排肉汁豐富，每一啖都感受到肉味滿分嘅享受；和牛油脂均勻，溫柔地熔喺口腔，簡直係奢華嘅感受！牛角切則略微有啲「咬口」，姐係肉質彈牙，頂級滿足感！最後嘅Peach Mocktail就如夏日清泉，一飲而盡後，口腔油膩全無，餐後完美收尾。真係食到停唔到口，而家啲味道仲喺腦海中揮之不去！呢度絕對值得推介畀啲愛食牛肉嘅朋友，記得帶埋好胃口過嚟試吓！🥤🍽️
繼續閱讀
地點非常方便~ 佐敦站一出行幾分鐘就到~ 環境舒適闊落 食完都唔會一身臭味😂 仲有串燒可以選擇~ 店員親切有禮👍🏻👍🏻👍🏻 詳細解釋牛嘅唔同部位🐮 又會教你應該要點燒先係最好味 😀 like 咗 社交平台啤酒 $10一杯😍😍😍 任叫冇上限 最緊要係冇限時 唔洗食到趕頭趕命 👍🏻 朋友聚餐好地方🩷
繼續閱讀