三藩市餅店 (已結業)

原本係諗住去後一條街既麵包舖買麵包🥖食既，不過咁啱經過佢地個凍櫃果陣見到一個個包住左既糕點真係覺得非常可愛，就買咗4個黎試吓😁但俾錢既時候，無意之中聽到店主講原來佢地做到21號就唔做啦😦實在有D可惜😔原味桂花糕$8原味桂花糕只係加入左桂花去製作😚製成一盤盤既桂花糕後再切件，用保鮮紙包好再出售，製成一件件既布包桂花糕🤗桂花糕既顏色非常清透😯裏面飄浮着一朵朵淡黃色既桂花。桂花糕入口既質感偏向比較似啫喱😊而魚膠粉既份量亦都唔會落得太多，所以桂花糕入口亦都唔會太硬身🤪味道方面，桂花糕入口同時可以食到有淡淡的桂花香味同清甜既甜味😌但個人覺得桂花既味道略為有少少不足，令到成件桂花糕入口既桂花味道偏淡😎杞子龍眼桂花糕$8桂花糕入面加入左桂花、杞子同龍眼製作😋同樣係切件後再用保鮮紙包住，製成一個個味道傳統既布包桂花糕😜一打開估唔到原來桂花糕都幾足料😚裏面有大量既杞子同龍眼肉。不過顏色相對就會比原味桂花糕深色D😉入口味道方面，桂花糕有好重既桂圓味🤤同桂花糕整體既味道都非常夾，而且感覺上桂花糕既甜度亦相對比較低😏至於口感方面，桂花糕裏面加入左爽口既龍眼同軟腍既杞子，亦都令桂花糕既口感更加豐富😝整體來講，呢

原本對糕點意慾唔係太大，行過路過都未必會望，週日喺佐敦行街，居然會俾呢間餃店吸引、仲要消費埋，對我地黎講都好稀奇，完全係被賣相弰誘。三藩市餅店除左糕點、糯米糍、奶油蛋糕，主要供應麵包。桂花糕一共有5種口味，包括原味、椰汁、玫瑰、杞子、杞子龍眼，每件一律$8。比起一般糕點大，約手心大小，以保鮮紙扎緊，好似舊番梘，幾可愛。原本只係想買兩件過口癮，但店員話買四件有盒，另一半就傻傻的為左個紙盒買多兩件(暈)。椰汁、玫瑰、杞子、原味桂花糕 $8/件一共買左四件，杞子桂花糕口味最正常，口感軟嫩，傳統糕點清香，杞子份量都多；椰汁糕帶淡淡椰味，甜度適中。玫瑰味好明顯係賣相行先，單靠花瓣好難做出咩味道，甜度亦唔自然。反而原味太淡，印象模糊。糕點即日食會比較鬆，隔夜兼雪過會實啲，影響口感。

有時遇著一些好同事，真係返工都開心啲，我地夜晚同事是好齊心，齊上齊落，共同進退，共同努力工作💪🏻💪🏻大家每次見到有乜好野食，總會買回來請大家食，呢日某某同事就買左呢幾件好特別的糕點回來，唔講好唔好食住，單看外表已覺得好特意，漲卜卜。我就揀左桂花杞子糕，唔太甜，不過本人就覺得無乜桂花那陣清甜味道，好似大菜糕一舊咁囉😅

當發覺愈來愈多大品牌餅店大肆宣傳其實喺一啲街頭巷尾都有一啲其貌不揚但造出出色又抵食包餅既小餅店☺️呢間位於佐敦庇利金街既三潘市餅店就係小肥其中喜愛既一間🐖😆喺佐敦站C2出口行過黎亦十分方便😆除左麵包夠哂抵食足料之外更加有小肥從初中發掘呢間小店後最愛既新鮮出爐酥皮蛋撻☺️中學嗰陣一到放假都會過黎買返個食☺️酥脆外皮配合充滿蛋香無偷工減料既內餡😋新鮮出爐更有風味😆呢10幾年黎質素依然☺️朋友們經過佐敦都可以一試的☺️

打風前夕，掃完超市，街市，文具店，仲食埋午餐，回家前，梗係要買吓d甜品西餅啦😍我呢種c9最怕打風冇嘢食🤣😂點知行下行下，就見到間好舊式嘅西餅蛋糕店🍰🎂果然好懷舊呀⋯⋯💃我俾窗內嘅桂花榚吸引住，好靚，真係好靚😍我終於忍唔住買咗玫瑰桂花榚🌹同杞子龍眼桂花榚👀本身買完諗住返屋企先食，但已經急不及待。。。要即時處理佢先🤣玫瑰🌹桂花榚。。。冇乜玫瑰味，但有好多碎嘅花瓣。。。杞子龍眼桂花榚。。。反而都幾夠味👍🏻廚窗內其實仲有懷舊海棉蛋糕🎂下次朋友生日，我一定要買個試下先得❤️

路經此地，發現這間三藩市餅店，櫥窗陳列了很多80、90年代很流行的奶油蛋糕🎂，款式直頭是小時候常見那種！ 便決定進去看看⋯⋯ 首先要讚，很少店舖會長設暖飲櫃，畢竟香港的四季不分明，多數人都是選擇冷飲，但餅店竟然如此體貼，冷暖櫃也有提供🙏🏻🙏🏻🙏🏻 照顧到女孩及老人家需要吧！我最後買了一包鈣思寶 及 一磅方包。 還見到其他懷舊款式的餅點！ 像菠蘿批、雞批、奶油號角、牛油曲奇等，全部都製作得很精美。我買的方包是厚切的，一磅才$8 大元✅😄在佐敦這種旺區來說，實在是性價比奇高！老闆娘的態度也很親切，總括來說是很驚喜的發現。這樣有誠意的小店買少見少，希望可以有更多街坊支持！

這幾天的我一直都接二連三，禍不單行發生很多大災難，所以我藉著今天星期天不用上班，便外出明逛。誤打誤撞我走進了一間名叫「三藩市麵包西餅店」，看見內裡有一個穿著優雅高貴的女士，穿上了高跟鞋，獨個兒打理這間店舖。當我在打量一番時候，看見她在把放滿了在盆子上，很多不同款式的甜點，慢慢的端出來門外的透明玻璃櫃，巧合給我看見「玫瑰花水晶桂花糕」，最愛玫瑰花的我當然忍不住上前選購，每一件都又圓又大，而且像玻璃水晶一樣晶瑩剔透，還有價錢又很廉價，能夠給我看見，又可以品嚐到，我真的很幸運。又到了品嚐時間；「玫瑰花水晶桂花糕」除了又圓又大，而且像玻璃水晶一樣晶瑩剔透，還有價錢又很廉價之外，爽口感十足，真的很彈牙，拿上手是有彈力的，保鮮感夠冰凍。

某日行過佐敦，經過三藩市餅店，記得同事講過，呢間餅店係大師傅做完酒店出黎自立門戶做既，d餅特別好食，講到咁堅無理由唔試下啦，屋企咁岩今晚開Party，就買返去試下。問過各位大人既意見後，大家都覺得買紙包蛋糕，一打開盒，嘩！係超香，飄來既係蛋漿既香味，一種香味令你會好想去偷食！外表同一般既紙包蛋糕無異，先試下蛋糕皮，有時會發現蛋糕皮較林身，一pat咁，但呢個認真唔錯，爽中帶點軟，充滿好香既蛋糕皮味！再試試蛋糕仔既餡，蛋糕超級鬆軟，每啖meet出黎都好軟熟，最重要係唔會出水，唔痴手！甜味方面，我就覺得甜左少少，如果少返d甜就Prefect啦！幾蚊貨仔一個，我覺得正到痺！屋企𠴱堆大人都讚！

舖頭裝修了，奶油蛋糕跟以前的不一樣。(1) 奶油同砂糖未打溶，用來唧花，好似吃砂糖似的。    (2) 奶油唔夠凍，不像從前的奶油蛋糕，  亦沒有了奶油蛋糕獨特的實實口感    (3) 以前的唧花有很生動的雀鳥及美麗的玫瑰﹐而家的玫瑰花，好似初學師傅的唧花，一看就知不是從前的玫瑰唧花，有點失望。 附上去年的奶油蛋糕和今年的作比較。有雀仔的是去年的生日蛋糕，冇雀仔的是今天買的。一眼就看到了分別。

媽咪生日，好想食奶油蛋糕，其實喺香港有做奶油蛋糕既餅店已經唔多，不過呢間傳統餅店仍然係堅持呢份傳統其實呢間餅店入面嘅麵包我睇到價錢都算平，而且蛋糕種類除咗舊式嘅奶油蛋糕其實仲有新式嘅蛋糕，不過可能始終係街坊小店，所以蛋糕嘅品種就唔係大集團咁特別，都係一般平實嘅蛋糕款我買咗呢個奶油蛋糕，裝飾係玫瑰花同雀仔，都係非常傳統嘅裝飾，外面全部係奶油，入面就係海綿蛋糕，拎蛋糕時佢話由於啱啱整起所以建議我放雪櫃一陣先攞出黎食，個蛋糕奶油味好香，好滑，不過唔可以食太多，因為好快會好漏，不過個個都好滿意呢個兩磅蛋糕，因為佢地好開心可以食返童年既美味人愈大愈明白，童年回憶永遠係最開心

今天趕著上班, 經過麵包店時, 順路買了個海鮮包. 香噴噴的麵包內夾滿了餡料, 如蟹柳, 新鮮生菜, 水果和沙律醬. 一口咬下去, 鬆軟的麵包配著甜甜的沙律醬, 爽脆的生菜, 滋味非常. 再來一口, 滿滿的蟹柳絲和甜甜的水果, 一口接一口, 不一會便消滅了這個海鮮包. 一天的開始最好還是配個好味早餐呢!

知道有這家三藩市餅店有好多年了, 每次路過看到櫥窗裡的懷舊款式蛋糕, 都在想誰人生日的時候就要來買一個 (當然到現在都未成事了), 今晚又經過了, 決定無論如何都要進去看一看。一步進店裡, 赫然發現兩張圓桌 - 我沒搞錯這是麵包店啊! 原來這兒兼賣車仔麵, 所以是有人在這裡吃麵的, 其實麵包也可在店裡吃啦。這一帶的佐敦, 是比較...五湖四海的, 所以服務基本是非常之簡約, 收錢的阿姐隱隱有兩分江湖氣概; 門口放著一籠砵仔糕, 要買的話就自己從碗中撩出來放在膠袋裡拿去收銀處吧。我就不是買砵仔糕, 而是買菠蘿切旦糕 ($5.5, 真的是這樣寫的!), 就是上面有片菠蘿, 塗了層糖漿, 下面是厚身的牛油蛋糕。小時候我是很喜歡吃這款蛋糕的, 現在雖然仍有不少地方有得賣, 但是市面越來越多賣相花俏的糕點, 這種樸實的舊式蛋糕就難再得到青睞了。好, 買了蛋糕以後就直接在店內享用。糖漿不是太厚 (我覺得厚一點比較好, 不然吃到後來蛋糕就會太乾), 菠蘿也只是小小的一塊, 蛋糕倒是質感厚實, 有些牛油香味, 吃完會有點飽的。

笑料一則 : 剛才晚飯唔知點解夾錢時多咗張100蚊出來, 搵唔到誰是物主... 到而家甜品夾錢時又多咗20蚊出來, 今次, 我袋咗, 嘩咔咔咔...係門口接收神秘20蚊時, 鬆咗手, 飛走之際, 朋友同我只係驚叫+手足無措, 路過的外籍少女一腳踩住張20蚊, 朋友幫我執起, 向少女道謝及道別後, 我問朋友"喂, 究竟佢踩住邊忽", 接過張20蚊紙後, 朋友建議我係前面麵包店用咗張20蚊, 咁我就買咗硬豬同朱古力菠蘿包...店主好好人, 見我手忙腳亂, 主動問我想要咩包, 仲動身係收銀柜行出來想幫我夾, 我話"唔使麻煩你, 我自己得架啦"...第2朝食菠蘿包時... 一咬開... 嘩!!!!!! 入面真係有菠蘿o架!!! 仲有車厘子, 同埋應該有沙律醬, 微微的酸味, 濕濕的, 有點不習慣, 但非常有驚喜, 驚喜在店主的創意及嘗試... 麵包店算是舊式新派的, 不是最舊式那一種(麵包一焗好就成個黑色鐵盤捧出來擺賣), 但亦不是新式(獨立包裝麵包), 有種街坊情懷...

每 日 收 工 去 巴 士 站，都 會 經 過 呢 間 麵 包 店 成 9 點 幾 都 未 收 鋪，今 日 終 於 忍 吾 住 要 試 下 ...一 入 到 去 就 見 到 鋪 頭 入 面 個 廚 房，望 落 都 幾 乾 淨 另 外，麵 包、蛋 糕、餅 類 款 式 都 吾 少 最 後 買 左 個 紙 包 蛋 糕 + 3 角 朱 古 力 蛋 糕 呢 2 款 都 系 細 細 個 成 日 食 既 野 而 家 要 搵 返 真 系 有 D 難 好 香 好 香 既 紙 包 蛋 糕，好 軟 身 ...而 且 吾 會 太 甜，吾 錯 吾 錯 不 過 咁 細 個 蛋 糕，賣 $5 真 系 有 D 貴 個 邊 系 由 朱 古 力 組 成，但 比 較 薄 身而 蛋 糕 則 無 咩 朱 古 力 味，幸 好 中 間 有 層 奶 油 奶 油 亦 吾 會 太 甜，總 括 黎 講 不 過 不 失 的

店鋪外表同廟街普通包鋪冇分別,但相比大集團包鋪真係抵食又不錯香蕉蛋糕鬆軟有彈性,少少甜,切開有5-6件,只係9蚊鋪內仲有2張枱俾你坐,係鬧市裡有個位俾你坐仲可以平平地食唔錯野無得彈