Pork Bistro (已結業)

主打食豬肉既西餐廳 ，門口註明全日不設加一，所以即管一試。1. 三度菜晚餐 $145 :      餐湯: 是晚餐湯是忌廉磨菇湯 ~ 平時好憎飲白湯的，但居然有驚喜，因為都幾好飲，而且有好多磨菇。     主菜: 豬皇飯 ~ 豬柳件都幾好食，不過黑椒味重咗，飯亦偏油膩。     甜品: 搽茶馬卡龍 ~ 賣相OK，但本人好討厭馬卡龍，所以唔like 。2. 蕃茄意大利濶麵 $90 ~ 份量不多，意粉煮得恰到好處。3. 五度菜晚餐 $325 :      餐湯: 蕃茄凍湯 ~ 加了 $25轉飲此湯，凍凍哋都幾好飲，亦有好多蕃茄。     沙律: 本地菜配有意大利火腿。     主菜: 黑毛豬鞍扒 ~ 感覺像是簡單撒上鹽和黑椒煎香，燒得焦香粗獷，但又係好重黑胡椒。      甜品: 搽茶馬卡龍。

是日約家人到我家打邊爐，到九龍城街市快火鍋配料，順便踫踫運氣偶遇發哥。買餸前首先來個午餐，地點選定為以豬為主題的【Pork Bistro】12時入座成為第一枱客人，好處是坐位任揀任坐。另外，影相沒有任何阻隔。餐廳牆身是水泥牆，天花掛上黑色復古吊燈，營造出簡約效果。叫得 【Pork Bistro】當然店內有不少有關豬的擺設。豬真是人見人愛，越睇越可愛。牆上另貼有8隻粉紅小豬，上面寫上餐廳的賣點，例如No MSG, No service charge, made to order....午餐選擇豐富，全部都是4-course：餐湯麵包、主菜、甜品及餐飲。餐牌前後兩面，一面以意粉及意大利飯為主，價格不用一百元，另外可以加$加配料。從價格來看，表面價格實惠但是意粉及飯是基本味道沒有配料，因此加$加配料是必定。餐牌的另一面，主菜比較精緻，同樣以豬為主。這個主菜不用加$加配料，因此實際前後兩面價格差不多。是日餐湯只有雜菜湯，如果要豐富些可以加$25 招牌豬骨濃湯、蕃茄凍湯及蘑菇忌廉湯。【雜菜湯】雖然找不到湯料，但味道清新。每份餐湯有1片法包，法包焗得太乾，咬下去不是脆口而是硬身，硬到會把嘴巴介損。

叫了黑松露mushroom risotto 同 豬扒都係跟餐加10蚊 餐湯係羅宋湯，料似打爛左，有啲酸。餐包係hea hea garlic bread, 豬肝醬有啲腥同咸，中意食豬膶既我表示接受唔到。risotto 煮到硬硬地，唔理正唔正宗係點，我地都係中意食淋啲。但黑松露味都夠，汁多咸淡岩岩好，mushroom算夠，唔係一兩粒搵笨個啲貨色，有啲誠意。豬肉肉質軟，嫩，8成，伴菜略咸。扁意粉有garlic同洋蔥炒，幾惹味。個兩粒似花生既macaron好甜，甜到食糖咁。菠蘿有用鹽水浸過。生病食的聖誕晚餐。 唔使加一好少有！

一向欣賞小店，見衆人介紹，便去一試晚餐。然而豬是較難煮得令人驚喜。豬濃湯意大利麵僅屬一般，不難吃但不驚喜。湯質難以令人有印象。Iberico 面頰欠缺一分上乘豬的油感與層次，也許應從選貨及調法改善。服務也較生手，不熱情，像冷冷的。整體來說，以一家以豬作賣點的餐廳，誠意不算足夠，與一級西班牙餐廳的黑毛豬也明顯有點距離，望可再多改進。

路過食下午茶，叫咗豬扒包和芝士薯條。豬扒肉質真的很不錯！但配百吉包有少少硬，如果可以配Ciabatta就好了。芝士薯條份量好大，非常酥脆，好食到停唔倒口！配黑松露醬和芥末蛋黃醬，美味！咖啡認真麻麻...最後講吓個服務。一入嚟，個侍應問：你哋幾多位㗎？我和家姐不約而同feel倒佢嗰股趕客嘅氣場。因為當時只得一個客人食到尾聲，佢原本諗住嗰個客走埋就可以吞吓pop？而我就覺得佢個語氣係：你哋幾多個人㗎？得兩條友唔好坐張大枱喎！食物係好，但不敢久留，食完急急埋單。

從FB看到此餐廳介紹，特意試試。午餐有兩大頁選擇每次消費後會送現金券，圓點選色貼紙代表不同現金券價值。今日試了P3套餐+安格斯7OZ牛扒。黑松露扁意粉味道OK,不過洋蔥太大片，而且食到最後多油多蒜。安格斯牛扒叫了7成熟：多油多根多肥肉，不多合口味。隨餐送的甜品飲品叫橙汁：有少許苦味

是月生日，朋友係九龍城返工，話去試下呢間食豬既餐廳。入到去，得一張二人枱有人，成間餐廳都靜悄悄，walter仲多過客，心諗：今次可能中大伏了......黑松露意大利飯第一個就黎左個飯，佢d黑松露好香，個意大利飯軟硬度幾好，少少偏乾身，口感一流扁意粉配西班牙黑豚扒意粉意外的一般，沒太大感想，全靠豬肉救返豬皇飯件豬肉真係好食，成個飯既味道偏濃郁，食完有少少口乾，叫佢加左好幾次水意大利式茄子芝士肉醬焗釀彩椒全部都肉，特登叫左個菜，估唔到佢係放係黃椒入面焗，唔會話好濃味，相對清返少少，如果份量多少少就好。燒排骨如果呢間係以豬肉為主題，咁燒排骨真係可以唔使食，肉質一般，骨多過肉太多，比起其他失色不少甜品佢送咗個馬卡龍，本人其實非常討厭馬卡龍，因為太甜，不過呢個甜到適中，可能係呢度最出色嘅一味總括，味道不錯，但好濃味，要不停加水。價錢偏貴，完全明白點解無咩客，希望佢可以維持落去！

身邊有好多唔食牛嘅朋友，睇嚟呢間主打豬肉嘅餐廳啱同佢哋嚟試喎！想試好耐，今日終於有機會試試！由門口到入面嘅裝飾都會見到好多隻肥豬，尤其是牆上嘅餐牌都係豬形㗎食物選擇非常多，價錢合理，有選擇困難嘅朋友真係會唔知點算；+$40有是日餐湯，不過好似貴咗啲喎！全店食物唔用味精，仲即叫即製，不設加一手撕烤豬肩肉配欖油蒜片扁意粉（＄95）蒜蓉包雖然非常脆口，但只係有牛油完全冇蒜蓉味；手撕烤豬肩肉本身個樣似豬肉絲湯渣，但原來肉質非常軟稔，腴潤細嫩，肉汁豐富之餘調味唔會過龍，可以好好地品嚐濃郁嘅豬味，有驚喜！不過手撕烤豬肩肉比較杰，所以好難同扁意粉撈勻，但好在份量夠多，總會啖啖都係肉！唯一嘅問題係，蒜片唔見咗嘅？對於蒜魔嚟講，呢度蒜嘅份量一定一定唔夠！熱檸茶特別要提一提杯餐飲，外面通常都只係一杯。但呢度竟然係一壺咁上，想要幾濃幾淡，隨你喜歡可以自己㩒㩒㩒，有誠意！最後每人送一件馬卡龍，上下嗰兩塊餅都係唔同色㗎喎，第一口有Hazelnut味道，食食吓就有啲berry及nuts味道，好有層次，雖然我唔鍾意食馬卡龍，但呢個絕對係驚喜之作！不過服務比較普通，例如我覺得熱/凍檸茶嘅茶葉味道好特別，想問吓係邊種，

九龍城不嬲都出名多野食朋友一次話俾我知九龍城又一間餐廳煮蛋係黑豚肉感所以我就去試下啦今次叫左一下黑豚肉 青欖油蒜片忌廉意粉 啱啱上枱已經聞到陣陣嘅蒜片香味同埋啲忌廉香味 黑豚肉因為唔係到到地方都煮得好好食 咁所以我都會有啲期待嘅 豚肉食落口嘅時候呢肉質唔算太乾身有少少肉汁係入面都算幾juicy 咬落去有口感又彈牙 意粉食落口嘅時候唔算太硬 所以都係算幾有口感 而且食落口嘅時候就蒜香味同埋忌廉汁嘅香味 所以係配合得幾好

成日去九龍城開飯，呢間以食豬為題既餐廳成日想試，聽姐夫講，收費唔低，但唔試唔心息，成日心掛掛，最終都係要一試先安樂。星期日Lucnh九龍城一般都係人少D，唔洗 Book，去到就坐低，裝修比想像中要簡潔，Menu 好大張，Lunch Set價錢略貴兼無咩特別，所以散叫左個西班牙Duroc黑豚扒及招牌豬骨濃湯！Iberico 就好多地方有得食，Duroc黑豚就唔識，本來想食Iberico，但係又想試下Duroc，最終都係Duroc，價錢都差50%，Iberico真係幾貴！先黎個湯，無餐包，個湯豬羶味濃，好豬兼幾稠下，同日本湯麵既朱骨湯有少少唔同，呢個湯清少少但豬味就好出…都可以一試！Duroc黑豚扒到，賣相一般，可能Duroc都係上價貨，份量唔大，唔係好夠睇頭，我先食下面燒瓜同薯蓉配菜，幾岩口味，不過重點係佢個汁，幾特別，應該係朱骨湯再調味，好味道。豬扒雖少但夠厚身，燒至八成熟，味道唔錯，其實肉質同味道同Iberico都幾似，可能放埋一齊都未必食到分別！價錢平Iberico咁多，食得過！甜品唔知點解係"馬交龍"…以為食梗法國菜。

一間主打食豬肉既西餐廳 PORK BISTRO, 中文名字相當搞鬼 - "豬肉在前", 擺明玩食字, 保證不用味精, 即叫即製, 不設加一 店內面積唔算好大, 似走簡約時尚路線, 入內見"豬"踪影處處, 屬豬既朋友有無好有親切感呢?! 哈.. 打開餐牌, 食物選擇都幾多, 價錢合理唔算貴, 一班朋友就點左以下幾款食物 豬骨醬汁芝士薯條(分享份$85) 面頭有香脆煙肉碎粒, 熱溶左既芝士醬伴隨熱辣辣薯條一齊食, 味道偏咸, 建議叫杯BEER一齊食 豬骨濃湯黑松露意大利飯 ($100) 味道偏濃, 唔係好食到黑松露味, 意大利飯粒口感偏硬, 似未夠時間去令湯汁被飯粒索晒 豬皇飯 (多款西班牙"伊比利"及黑豚肉加特式芝士白汁配白飯) ($175) 見到兩款唔同種類豬肉(深淺顏色), 豬肉味幾濃, 芝士白汁配白飯口感較意大利飯好好多 招牌燒排骨 (半份/$95) 燒到骨肉有D分離, 食落肉質有D嚡口, 配以甜酸燒烤醬, 味道一般, 無咩特別 食滿指定金額, 送上特色甜品, 今次有賣相可愛既馬卡龍, 每人一個唔駛爭 侍應服務一般, 食完都費時再坐咁耐, 轉場去食甜品好過!

兩個女孩對九龍城完全吾熟悉剩係知道好多野食，黎到就無從入手。 然後就見到依間店，環境好似吾錯幾大 雲石檯(影相一流)又有lunch set就試下。 個蒜蓉包都幾好，但就甘睇好似有少少吾大體，一塊仲要切半變兩個人食。兩碟上檯時個賣相係同想象有出入，好似好難食以為中伏 點知個肉醬 夠驚喜 味道調製到剛好真係有濃郁豬味 因為其他店有啲根本係靠汁 重口味一pat野吾知食緊咩)，加上黑松露分佈均勻 個味發揮到出黎，好香！飯又未去到意大利飯既質感，雖然都粘但係乾身啲，最面層係薯仔絲黎架旁邊既西蘭花伴碟莫名好笑，得一棵好孤單(笑) 豬肩肉 依個係全部手撕整到近似吞拿魚醬個樣 ，配上扁意粉令佢吾會太乾身，粉既軟硬度適中。. 飯品方面我中意佢除左有普通凍飲外仲有蘋果汁果啲，感覺健康啲 嘿嘿。 原來消費到某個金額會送甜品(意料之外既驚喜好開心)，咖啡中間帶有焦糖 反而無過甜，少食馬卡龍既我都成舊清完果到宣傳話吾收加一 吾用味精 即叫即整 不過可能上菜速度會比較緩慢，趕時間架話就要注意喔。

今晚慶祝好友脫毒揀左間食豬既餐廳 價錢唔貴 但物超所值 磨菇湯 好清新既磨菇味 薯條正 豬仔骨一流 招牌係唔同啲 菠菜飯味道淡 如果重口味可能唔岩但不加味精取勝 最後仲有免費 macaron 超好味

來到龍城區內這一所以豬肉作主題食材的Bistro，實乃吾之大欲也....原因在於小弟乃不折不扣的一名"豬八戒"，所有和豬有關的菜式，我都是對之有一份大愛的....除了菜牌內的東西大多和豬肉有關係之外，就連店內的裝飾也是一樣，到處您都能找到豬隻們的身影....一客"豬意粉"午餐，連主菜加一瓶熱情果汁要索價過一百大洋(沒有加一)，在這一區來說亦可被列為高消費的午餐價位的....屬來貨的熱情果汁味道您我也能預計到。小弟所期待的，當然是這一道頂級西班牙黑豚肉(Duroc)配蕃茄辣椒意粉....可惜的是linguine不太夠 al dente；蕃茄辣椒醬汁調得不俗 ---- 茄香味還濃的不特別杰身且能沾到每條麵上，而碟底是不會出現水汪汪杰撻撻一pat汁的情況出現。辣度方面是真正的微微辣由此帶出了一份惹味開胃微嗆的感受，這固之然不會讓人討厭；Duroc豬肉片本身有丁點的羶氣，略經火灸過表皮是帶焦脆非常的香口。肉質方面是軟身中帶點點彈牙；鹽的調味落量相當恰當，肉咬將下去有輕微的鹹味但不太over，出色....反而另添了十塊錢加碼的蒜蓉多士卻屬浪費金錢的一舉 ---- 包並非很香脆之餘蒜蓉又下得極少

好耐冇去九龍城食飯，不過自己有D唔舒服，所以都唔揀食泰國野。最後黎左呢間食。純粹俾佢門口既餐牌吸引左。幾得意，又唔想再行黎行去，就入去吧！差唔多7點，店舖唔算好多人.店名已經話俾大家知佢係專門豬既一間食店, 入面既裝修、牆上的餐牌都用豬型既膠板display, 好得意!豬骨醬汁芝士薯條 ($55)份量都唔少, 芝士薯條炸得好新鮮脆口, 加入秘製醬汁, 味道又真係好夾, 唔似普通肉燥~招豬骨濃湯意大利粉配西班牙黑豚肉 ($95)呢個意粉既份量反而少很多了! 不過味道卻有驚喜~意粉選用扁意粉, 容易入口, 又彈牙.黑豚肉既口感好似好嫰滑既豬扒, 味道真係同平時既豬扒有分別, 好有肉味! 而且個湯好濃豬骨湯, 好好飲.豬王飯一個焗飯, 但味道又係相當好! 豬扒肉焗後唔會好鞋口, 而且用上珍珠米焗!每人食滿指定金額, 食店會再送每位客人一件馬卡龍!樣子是不錯! 但我個人不太好食馬卡龍, 未能評價好味與否. 但味道很甜的. 一款係花生醬, 另一款為芒果味 (好似)