金寶泰國菜館

營業中

休息中

Already visited Cambo for a few times and it doesn’t disappoint. However, it was my first time visiting for lunch on a weekday!They had quite a lot of rice and noodles selection for their lunch menu, yet I opted for a safe option that I know will never go wrong! Super flavourful and generous portions of their Thai basil pork with rice 😋 the meat to rice ratio was almost 1:1, which is a steal for $68!Since I came after a hike, I also chose their iced drip coffee. Always love a coffee mixed with c

來到九龍城這個最多泰國餐廳的地方，當然要吃泰國菜了，今次就選擇了位於衙前塱道的這間「金寶泰國菜館」。「金寶」在九龍城已屹立多年，店內裝修簡潔，放了藤椅，令人有身在泰國的感覺。餐廳環境舒適，食物款式選擇多樣化，有海鮮，串燒，烤魚，粉麵飯等泰式美食。老細炒飯很足料，整體味道偏濃，極具鑊氣和鮮味，令我喜出望外。米飯粒粒分明，芥蘭焦脆又有油香，與炒到乾身的炒飯撈在一起吃是最好的配搭。加了魚露好惹味。仲叫咗個綠豆冰。生牛肉湯河湯㡳清甜，牛味濃郁，河粉嫩滑爽口，牛肉味道十足，整體味道配合得天衣無縫。新鮮爽口的蝦酸酸甜甜，加上洋蔥、乾蒜、香蔥，一入口就有多種層次的味道，真的很開胃。甜品點了黑芒果糯米飯，上檯時仍暖暖的，滿口香濃的椰汁味，芒果夠香甜 ，煙煙的糯米飯又軟又好食，加上和暖的椰汁放入口，真的好幸福！

本來也算常光顧的餐廳，想食品質素比較有保証，星期六下午便選吃兩份午餐，一份泰式豬排，一份80元的海鮮燴河粉，另加錢選特別飲料，沒想到，那個泰式豬排，十分乾，質素與一般快餐沒有分別，那份海鮮燴河粉，驚見一個人份量也不夠，草草加了幾片魷魚和幾棵菜，連给一個正常食量的孩子也不夠，如果每次都要賭博廚師的心情，出品質素和份量都不隐定，這次光顧的體驗，令人感到非常失望，應該不會有下次了，至少也不會是首選餐廳，到九龍城，也少了一間有質素的老店了。

今次品嚐嘅泰式炒金邊粉實在係一場味蕾的視覺盛宴！當熱氣蒸騰嘅金邊粉一上桌，立即散發出誘人嘅香氣，金邊粉口感煙韌，炒得恰到好處，能感受到濃濃的泰國風情。椰青更是這頓美食之旅中的亮點！新鮮的椰肉搭配清甜的椰水，帶來一陣清涼的口感實在令人難以忘懷。不僅品味到泰國道地的美食，更感受到那份細緻入微的烹飪藝術。一定會再度蒞臨

🥣🇹🇭🥢九龍城冇人排隊嘅泰國菜去食泰菜去左九龍城，行左2間都要等位又見餓，是但入左間吾洗等位嘅，明白點解吾洗等位。。。▫️免加一▫️qr code落單🆗冬陰功（細）🍲-$88冬陰公用明爐上，有個小火熱住個湯，配料有一隻開邊大蝦，但感覺吾太新鮮，另有草菇及番茄。個冬陰功湯有啲粉，尤其飲到最尾時會有沙沙口感，感覺偏辣。☑️泰式乾炒金邊粉🍤-$73金邊粉炒得幾有鑊氣，夠乾身，調味都唔錯幾惹味，蝦只有兩隻，其他配料有火腿，芽菜、雞蛋及豆腐乾。🆗青咖哩軟殼蟹🦀-$118軟殼蟹同青咖哩會分開上，避免浸淋，青咖哩一大鍋明爐上，椰汁味濃但冇咩咖哩味，入面有豆角同圓型嘅茄子，茄子生生地吾係幾入味，豆角好d。軟殼蟹吾錯，脆口量多，點汁食吾錯。🆗蒜蓉包🥖-$32叫黎點青咖哩的。2件法包，就甘食超級硬，一家要浸湯點汁，都有蒜蓉味。🔘三色冰🍸-$28係我飲過最難飲嘅三色冰😂😂個味好怪，吾似椰汁味，感覺溝咗好多水，另外叫咗少冰都好多冰。

晚上嘅九龍城仍然有好多美食選擇！各式各樣美食，任君選擇！🥰朋友仔今次推介真好，她在上個月食過！抵食好味推介比朋友們！除了區內平價之選外，歷史悠久，味道亦吸引外，店內設計雅緻，坐位也坐得舒服！😋串燒，包括有雞、牛及豬，3款味道，好滿足！泰式菠蘿炒飯，半個菠蘿入面有4隻鮮蝦，口感良好！青口又入味，吃到不停口！青咖喱雞很入味，加上法式麵包，一試難忘！而大大條既魚，肉質鮮嫩又抵食！ 九龍城衙前塱道25號

回港第一餐估唔到係泰國菜思鄉病又發作啦🤣🤣🤣泰式炒金邊粉 $73泰式炸蝦餅 $66香茅豬扒飯 $58椰青 $40菠蘿梳打冰 $28簡簡單單嘅一頓晚餐，填飽了胃和肚之餘😋😋😋，亦填滿了小妹對鄉下嘅思念😂😂😂

點了生牛肉通粉，泰式蝦餅，青咖哩軟殼蟹，馬拉盞通菜，特式牛柳粒。湯粉要點魚露是正常要求吧，第一次問女店員取，過了一會店員冇反應，再問，女店員竟然說要魚露要加錢？！！之後我們作罷了，後來卻見隔離枱有魚露的味架？？冇深究因為湯粉已食完，唔知係個女店員唔識定隔離枱加錢要了魚露😓

約咗朋友喺大西北去九龍城食泰國菜，預先喺OpenRice book咗位，所以唔使等位。餐廳分兩邊一邊食泰國菜，一邊食越南菜，咁我哋就梗係食泰國菜啦。三個人叫咗六個餸，食到好飽，全部嘢都好好食，當中我最鍾意嘅係椒鹽軟殼蟹，個串燒都十分出色。仲有每次食親泰國菜都必叫嘅蝦膏炒飯，好香蝦膏味。一人一杯特飲，我杯菠蘿梳打係用新鮮菠蘿唔係罐頭菠蘿，正。一定會再幫襯，今次食咗泰國菜，下次可以試埋同一間隔離嘅越南菜！

-青咖喱味道好甜，適合啲唔識辣嘅朋友，但係冇乜咖喱味。軟殼蟹可能外賣，然後睇慢慢滲油，唔夠脆口，建議一定要堂食。泰式生菜包肉碎肥瘦比例適中，個醬汁好開胃，一日後邊算，食到有青檸汁，之後會有少少辣味滲出，加埋金不換同香料，都幾好食，但係整體偏酸。金邊粉炒得超惹味，食得出有鑊氣，粉質地保持煙靭唔會太淋，可以加檸檬汁更加開胃，配料有大蝦、豆乾同雞蛋。整體嚟講，食物都有質素，九龍城食泰菜都可以選擇呢間。-

今次約左朋友去九龍城打波順便一齊搵間泰國野食，就見到呢間餐廳。佢隔離連住仲開左間越南餐廳，見佢連開兩個舖咁勁就不如試下佢啦🤓我地叫左個菠蘿焗飯（$108），佢就真係用菠蘿殼裝住，幾有feel，仲有3隻大蝦，份量十足，而且個炒飯味道係整得幾好😄 我地午餐時間去，佢會包一杯野飲，我就揀左抹茶牛奶冰，野飲都唔錯，幾香抹茶味，溝埋d奶幾正😁另一樣就叫左香茅豬頸肉凍檬（$65），呢個餐既豬頸肉份量都算ok，而且燒得幾香唔會太韌，檬粉我就略嫌佢細碗左小小，不過問題不大既👌🏻呢個餐飲我就叫左珍多冰，呢杯飲品係一個椰汁冰底黎，再加左d啫喱粒同有大樹菠蘿係入面，幾特別既一杯野飲✌🏻最後就叫多份串燒沙爹（$84）share食，我就叫曬豬牛雞各2串，個沙爹醬幾惹味，d串燒都燒得唔錯，唔會太韌先😋

活蝦刺身 $95生蝦新鮮🦐肉質爽彈軟糯配搭生蒜同酸辣汁🍋🌶️好味😋酸辣脫骨鳳爪 $72鳳爪唔入味🦴唔夠凍失望😔泰式生菜包 $73揀左豬肉🐷肥瘦比例係四六order左小辣🌶️無咩辣味豬肉用香料、金不換炒香保留到肉汁用生菜包住食🥬清爽唔heavy🤓鹽燒鰂魚 $190即叫即燒♨️鰂魚頗大條🐠魚肉肉質鮮嫩沾上秘製酸辣蒜汁一齊食🧄味道更正🤤泰式炒金邊粉 $75金邊粉唔會太淋🍜保留到煙韌口感味道酸酸甜甜🍋🍯好開胃配料有兩隻肉質爽彈既大蝦、豆乾、雞蛋等每次食泰菜必嗌✅香芒椰汁黑白糯米飯 $75芒果香甜多汁🥭黑糯米較白糯米有咬口🍙淋上鹹鹹甜甜既椰汁🥥口感、味道層次鮮明又係必食item🤩整體而言，金寶食左好多次了🤣食物質素當然有返咁上下👍🏻無加一服務費性價比高💰想到九龍城食泰國菜唔知食邊間不妨一試🤟🏻

1月尾，同家人去番呢一間食泰國菜，阿媽要咗個扎肉蒸粉包，有4塊粉包同理4塊蝦片，扎肉鹹香，蒸粉包內有菜，幾好味又飽肚。咖喱雞比較港式，雞肉都係平時食嗰啲淨雞腿雞胸肉。泰式金邊粉，酸酸甜甜嘅味道，開胃，份量都好夠。仲叫咗兩個菜，食得健康，每次食泰國菜必叫椰菜苗，呢間餐廳用的椰菜苗比較大隻，煮得比較硬口。餐廳用QR code 落單。都算方便，冇咗落錯單同埋等待應落單嘢情況

在九龍城吃泰國菜，過往與朋友聚會，一般都是光顧「隆姐」。而這次家庭聚會，則選擇了「金寶」。預訂前看了一些食評，好壞參半，但想了想這是30年老店，能立足至今，該有它的原因。故仍決定預訂一試。一行五人，點了「醬爆蝦球」、「柚子蝦沙律」、「香葉炒蜆」、「炸蝦餅」、「馬拉盞通菜」、「蔗蝦」、「冬蔭公湯」、「青咖喱雞」、「沙嗲串燒」、「薑蔥牛肉」、「芒果黑白糯米飯」、白飯一碗、椰青兩個、泰啤一枝。值得一讚的有，蝦球、蔗蝦、蝦餅等炸物，全部新鮮炸起，香脆可口；青咖喱的回甘帶有椰奶香味。沙嗲醬則很合我口味。椰青份量十足，物有所值。有待改善的是青咖喱裡的雞肉，肉質不夠嫩滑；冬蔭公湯味道不平均，一開始辣味重而香味少，但喝到底的部分則較好，香味突出。其餘菜式正常發揮。老闆年紀不小仍在場親力親為，令人敬佩。侍應則皮笑肉不笑，但仍算有禮。是晚白飯漏單，經提醒後很快便上枱。由於沒有加一服務費，我倒是能夠接受這服務態度。埋單一共約$1100，人均消費約$220。總括而言，「實而不華」是我對金寶的評價。後記：結賬時看到鄰枱的咖喱蟹色香俱備，有機會再試試味道如何。

臨近假期嘅最後一日，梗係要食餐豐盛嘅先至對得起自己😎唔知點解天氣一熱就好想食泰國菜，酸酸辣辣超級開胃，由於九龍城實在太多選擇，所以就揀咗間歷史比較悠久嘅餐廳金寶泰國菜館。一入門口，就見到蔡瀾先生嘅提字同書法，就知道我今晚揀得冇錯。泰國嘢我自己嚟講就一定要食生蝦，佢嘅生蝦同出邊有啲唔同，已經直接淋上酸蒜同辣椒，所以根本唔使糾結要點幾多辣汁😂生蝦質地爽口，份量正常，價錢就少少偏貴。酸辣大蜆粉絲煲，我以為係好多辣椒粉，好似冬陰功嗰種，點知上到嚟個湯頭比我想像中清新，但又好清爽嘅酸同新鮮嘅香料味，粉絲浸得耐都冇話特別淋，仲係好爽口。飲完呢個湯真係超級開胃，可以準備食好多好多嘢😂😂😂辣椒膏炒青口同串燒發揮正常，但係配上蒜蓉包，味道層次即刻幾何級上升，幾時都話泰國嘢一定要配蒜蓉包或者薄餅😂😂最後不得不提嘅就係芒果糯米飯，明明都食到幾飽，但一定要食個芒果油糯米飯先可以叫畫上一個完美嘅句號，芒果質地偏爽但味道鮮甜，配上順滑香濃嘅椰汁，同埋煙靭嘅糯米飯，果然印證左女仔係有第二個胃嚟食甜品哩句話。