麥當勞 (已結業)

平時去開K記食雞，估唔到以家M記都出呢啲。 價錢唔貴呀，90蚊6件，仲3隻都係雞脾。 大量軟骨，蜜糖味都好香，非常難得。如果佢出餐我都可能會食下， 而家買兩件又唔夠買六件又多得滯😂

八號風球現正生效，預計10點至中午前就落波，即係要返半日啦😴一日之計在於晨，起身嘆返個靚早餐再返工先。😋突然之間好想食熱香餅，於是諗到最近可以食到既就係麥記。🤣🤣🤣熱香餅精選套餐🥞✨💲32套餐有三塊熱香餅，一塊漢堡扒，一塊薯餅。飲品方面，揀左熱朱古力🍫。熱香餅口感綿密鬆軟，配上適量牛油同楓糖漿，每一啖都有種好滿足既感覺！美中不足既係熱香餅唔夠熱。🙁相信大家對麥記既熱朱唔會感到陌生😋即使係外賣拎到返屋企，杯熱朱力仲熱架🥰香濃既朱古力甜度適中，同牛奶融和一體，香濃幼滑。👍🏻

今晚8點15左右，有位服務哥哥d態度有待改進喔...同佢溝通唔回應，唔抬頭望人...🤷‍♀️從來未去過一間麥當勞態度咁惡劣... 希望你哋改進一下，或者重新train過d staffs啦

今日行經麥當勞門口見到有個抵食又吸引嘅下午茶喎這個限定$33 Mc Cafe下午茶，平日3-6pm包一杯限定嘅玫瑰朱古力或者咖啡，再可以從四款輕食中揀其中任何一款嘅輕食，分別有鹹和甜嘅輕食，任君選擇。我從多款切餅中選擇了曲奇妙趣蛋糕加一杯玫瑰花鮮奶咖啡（限定）咖啡有淡淡嘅玫瑰花香味，加上面有拉花和幾片花瓣作裝飾，增加視覺效果蛋糕面灑滿白朱古力碎片再加上曲奇妙趣餅，真材實料，非常充實。最後還有一粒瑞士蓮朱古力這樣一個下午茶餐，嘆完充滿力量

今日終於試到火腿扒炒蛋堡，見依排係咁宣傳，終於決定落街食個早餐，見到有雞扒同火腿扒，諗都唔諗就揀咗火腿扒，因為麥當勞啲雞一向都好乾，火腿扒真係冇令我失望今次個餐比平時等得有啲耐，起碼等左15分鐘，可能個蛋係即炒嘅關係，攞上手嘅時候都仲好熱，而且今次個蛋唔乾，仲好滑，原來麥當勞有時都有返啲質素，去買熱辣辣嘅火腿扒就一流，而且個包皮都好熱，應該係啱啱蒸起。睇黎依個炒蛋套餐應該會幾好做，比起平時擺左好耐嘅煎蛋好味得多，值得一試

Order後等35分鐘 然後個餐唔啱嘅.....拎番counter換要再等10分鐘 一小時lunch 用左45分鐘等 食個lunch 要遲到 之前見到有post 話朝早趕時間慎入其實lunch都是

一句說話總結【18件麥樂雞】麥當勞再推男人的浪漫18件麥樂雞餐緊係第一時間衝去食啦再加杯港式凍奶茶成件事真係型到爆炸唯一敗筆就係shakeshake薯條個動作真係好難係餐廳度做出嚟希望下次可以寫篇如何優雅地食shakeshake薯條因為今篇食評主要想講麥樂雞的味道如何相信不用多作介紹我相信所有女仔都唔會明白男人同麥樂雞既感情係有幾咁深厚我可以好肯定話你知全世界既男仔鍾意食麥當奴既原因都係因為麥樂雞但當你懂事之後你就會慢慢發覺我地係唔可能同麥樂雞發展一段感情你永遠唔會見到一個男人係會叫麥樂雞當正餐嚟食但係咁唔代表個男人已經變心其實佢對麥樂雞既感情始終如一呢份純潔得有如初戀一樣既感情係渴望但永遠不能擁有我相信就算我打幾多字寫幾多篇文女士們都係唔會明白麥樂雞對男士們有幾重要所以只能講多最後一句每個男人心中都有一盒麥樂雞點埋蜜糖芥末醬同星州咖喱醬真係無得輸另外兩隻難食到嘔可唔可以換返甜酸醬畀我呀唔該。

今日竟然早左落車，一於去返個m記早餐見到人都唔係好多，應該會好快有點知買完差d遲到😢9點01分去到買，當然叫緊249點知30個號碼需要25分鐘😣好彩岩岩好30分回到公司打卡一打開個袋點知杯朱古力倒漏左，得返7成連個包都有朱古力味😭原來因為個蓋爛爛地 點知入邊又冇紙巾比如果唔係既可以吸一吸，唔洗個包吸哂😭總括黎講: M記買早餐真係預備足夠既時間去等呢間人手可能不太夠我見落order一個，整野食兩個，執餐一個，比餐一個速度都比較慢!!!

行過麥當勞約左朋友未夠鐘食飯又肚餓，打算買個$11包頂下肚啦，比錢個陣麥當勞店員推介我地用wechat pay比錢，買滿$25以上就可以即時減$10咁就即刻搞啦，有大陸親戚都會有wechat pay既啦，搶紅包嘛不過都係人民幣，ac入面港幣就無啦，店員話可以係麥當勞即時現金增值就用到，$25減$10即係買3個11蚊包，其中一個個包只要加$1就得啦$11＋$11＋$11＝$33-$10＝$23（3個包）其實成個用左過程唔洗5分鐘，超快又平左，不過只係做到2018年7 月16日，買番去比屋企人做早餐都抵，除番都係7蚊幾一個包，真係抵到呢

麥當勞又再次「重施故技」，將舊時推出的「新包」再推出依個北海道三文魚堡又出番黎啦話說之前推出果時都有食過，印象中算係不錯啦，所以今次一出，咁岩麥當勞隱起，就試下我叫左餐，而個包仲係有三文魚配埋塊牛肉係度果隻上次比較，今次個包裝有點design，都靚靚地既，不過食得快餐又點會著重個包裝呢一貫作風，m記啲包係同相有好大落差擰過個包既另一面都還可以既。講番個味道，不過不失，由於係用魚做食材，味道無咁濃烈，食到三文魚味既適合愛清淡啲既朋友我跟餐加4蚊將薯條升級做煙肉芝士薯條，賣相還可接受，有別於上一次推出果時啲芝士汁需要自己jit 上去，今次佢自動加左上去。煙肉粒仍然係又乾又硬，芝士就見仁見智啦，有啲人話唔好食，但我覺得還可以既，係外觀上「膠」左少少整體黎講，未食過又好奇想試下既可以食一次，係食得落肚既，當然永遠唔好預期係好食到爆啦

復活節後，跟三位好姊妹來個週末飯聚，有位姊妹很客氣送上 McCafe LINE 系列飲品 coupon，於是，趁有效期我便去幫襯 McCafe！順便幫襯麥當勞買新推出的漢堡！我跟同事兵分兩路，我去 McCafe 買，她幫我去麥當勞買新推出的漢堡！新推出的漢堡 Signature collection 由5月1日起供應！共有4款，不是牛肉就是辣，當中只有一款適合我食！清新田園烤雞漢堡 $25特厚原塊去皮雞腿、蕃茄、生菜、芝士、沙律醬，主角雞腿肉質超腍，毫無口感可言！從來未嚐過完全失去口感的雞腿！正是最敗筆之處！整體味道總算不錯挽回分數！

還記得早幾個月麥當勞與Christian Yang聯手，推出了好壞參半的手撕雞堡。當麥當勞再次遇上Christian Yang，到底出來的新鮮配搭會否有所進步？還是會比起上一次的更差呢？以往麥當勞新漢堡餐總會準備了看來用心設計的紙盒，而漢堡則用上迎合主題的包裝紙包裹著。這次的包裝當然也不馬虎。美式蘋果安格斯漢堡套餐 $38看著盒面的美式蘋果安格斯漢堡，層之分明之餘，安格斯的汁感與煙肉的修長已教人流晒口水。當然，麥當勞那隨時違反商品說明條例的誇張式相片只供參考之下，本來對實物其實不會有任何美觀上的奢望。果然，揭開紙盒入眼的與漢堡包無異的新堡，充其量所謂的安格斯牛肉比漢堡扒厚了一點，加了幾粒蘋果粒，還有那些扭作一團團的生菜。至於味道，漢堡包的味道應該不用形容吧。還有差點兒忘掉了的煙肉，在我咬了一口之後才醒起本來應該存在的它。只有兩片麻雀般大的煙肉，既乾且硬，挑戰牙力之物。跟餐點了薯條與熱朱古力，一貫的味道不用多說了。其實難得找來飲食界的有名人士之一，麥當勞是不是應該做得好一點？這樣的味道、這樣的賣相，你們是在整蠱自己，還是在玩肥哥哥？

最近，見到廚神楊尚友 Christian 為 <麥當勞> 拍新系列食品廣告，包括：美式蘋果安格斯漢堡及瑞士芝味安格斯漢堡！ 此外，還有其他新出品：香烤雞翼、香草辣雞翼、忌廉蘑菇粟米湯、粟米批。我甚少幫襯 <麥當勞>，今次我反而幾有興趣買來一試！美式蘋果安格斯漢堡 單點 $28如果配薯條及汽水套餐 $38以紙盒盛載，打開紙盒，包裝紙包裹包身，店員細心地把其中一面沒有用紙包實，方便進食！鬆軟的包身夾雜多款配料：生菜、蕃茄、芝士、煙肉、表面略乾尚有點肉汁的安格斯牛肉漢堡，新鮮連皮切粒的蘋果粒，清甜爽脆！ 混合沙律醬，令人更開胃！整體口感豐富！值得一試！粟米批 $7金黃色的外層，咬落超鬆脆可口！酥皮碎四散到桌上， 與滿載甜美的醬汁及粟米粒互相輝映！忌廉蘑菇粟米湯 $13.5 質感濃稠，剛剛夠味！蘑菇片及粟米粒份量也不少！

來到新的工作環境，與同事的關係還是一貫的慢熱，午餐的時間還是先做獨行俠，既是感覺自由一點，也當是抽點時間在公司附近走走認一認路吧。走完一圈，最後還是試試這陣子麥當勞新推出的美式手撕雞堡。說到是名廚的作品，對於味道似乎會有點保證？美式手撕雞堡套餐 $38看著包裝盒面的手撕雞堡，厚厚的手撕雞著實吸引。再看看手上的雞堡，遺憾是實物總是兩碼子的事情。輕輕炸過的手撕雞肉早已變成一塊，吃下去既沒有雞味、也沒有手撕的感覺。至於那挺大的洋蔥圈，炸得過火而變得太硬，味道一般。厚切薯條 套餐+$4轉配嘴饞想吃粗薯條便二話不說加了$4，卻換來比正常薯條份量更少的「厚」切薯條。大概只比正常薯條粗一點點，很難說服我這是要加錢的東西！算吧，麥當勞的新品總是差一點點。

兩星期前的早上，在上環信德中心外拿免費報紙！ 見到頭版廣告正是麥當勞新推出的菠蘿蝦堡及蝦堡！ 反正，當晚去食自助餐，午餐不用食得太飽啊！食快餐的話，也消化得快！ 一於買來做午餐吧！ 菠蘿批 & 菠蘿蝦堡 + McCafe (Earl Grey Latte)菠蘿批 $8金黃色的外層，熱辣辣甘香鬆脆，內裡的菠蘿粒配菠蘿醬，酸甜有致，內外兼備！  菠蘿蝦堡 $21.8套餐 $28，但我不想食薯條又不想飲汽水，只想飲 McCafe 的伯爵茶鮮奶咖啡！  菠蘿蝦堡配上生菜，口味不錯又惹味， 菠蘿酸甜多汁，蝦堡則爽口彈牙，蝦肉卻是無味，整體配搭一流！ 最有趣的是餐紙印有不同食相的菠蘿，反映不同的菠蘿格！而我個人屬於阿菠蘿 (完美主義者)、金菠蘿 (喜歡試新嘢)、菠蘿的海 (與世無爭)！係咁，大家又屬於邊一類型菠蘿格呢？