醋娘子 (已結業)

今日難得去到上環做野，作為上海菜粉絲嘅我晏晝路經呢間「醋娘子」已經見好吸引，上網睇發現係良心小店，就決定今晚晚飯就喺到食啦💛 食完係絕對會想翻兜嘅店🤣🤣💗店內環境唔大，我諗平時應該做午市多，佢都好多午市套餐，晚飯時間店唔算多客，反而靜靜地坐得好舒服😌Menu都好多選擇，咩都想食嘅小朋友就問員工有咩好推介，佢哋推薦干鍋系列，所以就揀咗個干鍋雞配小辣第一次食干鍋嘅我哋發現好惹味！用熱鍋上，仲有用火熱住炸雞塊好多，又有大量洋蔥，正之後再嗌咗大路野，麻辣牛𦟌配海蜇都好香！牛𦟌全部大大舊不過海蜇反而無乜味，主要靠個汁～小籠包同上海炒年糕就係我必食嘅兩樣都做得出色！小籠包皮唔算勁薄，但都夠肉汁有咬口炒年糕都好正，量夠又惹味，重點係個年糕煮得剛好，煙韌有口感，最怕啲餐廳煮到爛哂總括嚟講係好出色又抵食嘅上海菜，menu入面有好多菜我都好想試！下次再戰💛

叫左個酸辣湯麵，唔知食緊咩，難食到嘔酸味又唔夠辣又唔夠，好心就唔好擺上menu坤9人，雖然係良心小店但係都要搞搞啲食物質數….隔離仲有三個呀姐話好食個譚仔，宜家啲人既味覺真心有問題

-點樣食推介✨💛良心上海菜💛💛上環黃店💛醋娘子 地址：上環永樂街139號地下B舖🍖四川擔擔麵 $49 (7/10)我就冇咩食擔擔麵嘅經驗，見本身佢上碟冇咩色水以為流料，男朋友教路話要撈勻佢先，佢又真係冇呃我，成碟野即刻變左橙紅色，咁食落口麵質都ok嘅，但湯底真係好鹹好鹹，我食左一啖就放棄左，男朋友話接受到，依7分係佢比嘅🍖鎮江小排骨薯粉 $53 (6.5/10)冇點試過上海野，對鎮江骨好好奇，上到碟原來係炸左嘅排骨淋上一堆茨汁，個醬對我黎講有d重口，有陣我接受唔到嘅酸味，應該係我個人口味嘅問題🙈個湯方面真係得好清好清嘅味精鹹味，我會話係似媽咪麵包味粉，食完真係幾口渴下🍖小籠包 兩隻 $9 (6.8/10)小籠包嘅皮好厚好厚，外皮好乾，裏面冇咩肉汁，不過9蚊我又真係唔可以要求佢咁多，但唔建議試🍖豆漿 $3 (7.1/10)成餐最好味就係杯豆漿🙈跟餐好抵嗌回頭指數: 🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)其實佢價錢真係好抵食，地點又方便，我諗食佢嘅酸辣粉同酸辣米線應該會好好多，但店家落味精真係落得太多😣，希望佢地可

上星期六有事去上環，順便買外賣，搵食評見咁多人寫好評，所以想試下，點知俾的食評誤導。真的未食過咁難食的上海店，叫了3樣食物，只有鍋貼是比較正常味道。菜肉雲吞完全無味，個湯底味道又差。青菜煨麵仲超級難食，個湯底不知什麼味，勁差，通常青菜煨麵湯底好好味的，完全唔係其他上海店舖青菜煨麵的湯底，超難食，我加了辣椒油，勉強食，我一半都食唔到扔了。我一定不會再幫襯。我從來無寫個食評，今次因為真是太難食，所以忍唔住要寫食評。

在openrice12:11pm落單，12:42出現＂可取歺＂訊號，跟著入店內2次，去詢問出單狀況，同佢地講出現＂可取歺＂，男職員不埋會，兩次都回答末出歺，最後過了1:00pm我再說已等了超過50分鐘，他們才回答轉頭，最後過了1:00pm才取食物。目測，不只一個外賣客摇頭，堂食客因坐位安排混亂，他們即刻轉身走人。第一要成個鐘至攞到外賣，一來不合理地耐，二來出現可取歺來欺騙人，就算再好味，都令人一肚氣。

🌟 呢餐係：「平凡地好味 」嘅一餐黃金週第四彈！近排成日喺上環出沒🤣 難得有上海/川菜黃店，冇理由唔try try佢🤩 食晏時間去，等咗一陣就入得！星期一至六都有lunch menu可以嗌。小菜就二四六一個list，一三五另一個list🐷 流心豬扒麵 $57（+$8 轉擔擔麵）流心豬扒炸得好脆！芝士冇得拉絲， 但係熱辣辣嘅時候芝士流出，所以一定要趁熱食😋 豬扒薄薄地，夾埋啲芝士真係好正！👍🏻🐟酸菜魚飯 $57去食嘅時候係星期五，但係星期一三五就冇酸菜魚飯🥴 老闆好好人俾我嗌酸菜魚麵，轉飯😅 所以其實唔係太清楚啲小菜點解會分星期幾有咩小菜🧐 魚超級大件又厚身，冇咩魚味但係都好滑！味道濃郁，夠曬酸🤩 但係個人覺得可以再辣啲！好多芹菜，如果大家唔鍾意芹菜嘅話就記得要走青🤢 🥢小籠包 （4隻） $18小籠包黎到熱辣辣🥰 皮薄多汁💦 細細粒，但係餡份量都夠，汁都夠曬味👍🏻 推薦！🤩環境質素：🌕🌕🌕🌑🌑食物質素：🌕🌕🌕🌖🌑CP值：🌕🌕🌕🌕🌑回頭指數：🌕🌕🌕🌕🌑好耐冇食過啲好味嘅黃店啦！雖然都偏普通，但係個人覺得幾好味。包熱飲，凍飲+$3。經過都可以試下！😋

每次經過都見到有人排隊等拎外賣，今次係open rice見到佢外賣有85折，試下佢個醉雞冷麵。醉雞我嫌佢有啲大太舊，見到舊舊雞都咁大舊，有啲唔係太開胃，鍾意食雞既人可會鍾意佢啖啖肉，而佢啲冷麵太乾身，我揀左花生醬，醬唔夠多，啲麵無醬都唔太食得落。

去到上環附近有嘢搞，喺嗰度搵吓嘢食，心血來潮想食上海野，就試一試你👆🏻銀絲卷😼都算做到傳統銀絲卷，外面算係香脆，入邊一條條軟身銀絲👆🏻重慶酸辣薯粉😼同坊間嘅酸辣薯粉冇太大分別，不過可能有名你叫醋娘子，酸味比較重同特別，薯粉都係蛋呀加埋花生都可以👆🏻口水雞😻呢個來講相對比較有趣，佢係去咗骨，加埋重花生同蒜香，唔似出邊坊間全部都係辣油，都幾值得一試👆🏻小籠包😿皮比較厚，入邊又冇飽滿肉汁，仲好似蒸乾左水，可以不試

返工呢區平時都唔會食呢度，只不過今日真係想試食啲酸辣野，所以一試。點知服務態度超級差，正垃圾，落單時呢個職員Debbie完全冇問我要咩辣，咁只不過啱啱落單一秒之差，我問佢可唔可以微辣，佢就話已經禁咗，冇得轉，下次早啲講，我心諗：嘩、超級差嘅服務，你落咗只不過啱啱一秒前禁，你個廚房咁近，同埋根本就餐廳都冇人食咁得閒嘅時候，你去廚房講一講聲有咩問題。跟住拎完嘅外賣上去office食，仲嬲明明講咗俾佢聽要走蔥，點知冇走蔥，我一定有好清楚講因為我對蔥敏感，所以去邊度食嘢買嘢，我都會講走蔥，所以冇可能冇講到，但係最後冇就蔥。咁我就打電話去問嗰個Debbie小姐，點知佢非常之態度惡劣，佢就話「退返錢俾你囉，咁不滿」cut我缐。咁cut咗我線超嬲，所以我再打去第二次問佢「你最後個句咁不滿」係咩意思呀？我咁不滿係因為你服務態度差，跟住點知第二次呢個電話佢再cut線，跟住就唔再聽電話，超級嬲未試過食飯食到一肚氣，一個鐘lunchtime休息時間咁受氣法早知食杯麵算。 唔係錢嘅問題，我not bother落去退錢，服務態度超級差，好似唔憂做，又唔好食，冇必要出錢買難受，出錢買難受lunchtime食飯休息

食午餐，口水雞麻醬麵油淋淋難以下嚥，小籠包竟然是那種超市賣的速凍貨，難以置信咁都夠膽賣28蚊一份。不理解咁嘅質素的鋪頭點解可以存活。唯一優點可能是48蚊一份午餐一杯豆漿價錢OK。

好少上海嘢係黃店，終於可以滿足下飲酸辣湯同食上海雲吞嘅心癮！•原價係嘅$52，但外賣自取可以有85折，所以只要$44就有交易酸辣湯好多料，豆腐、豬紅、筍啖啖都有，個湯微酸唔辣；雲吞有4-5粒，皮厚薄適中，如果個餡多少少調味就更好（淨係影左嘢食大合照，無影人）【後記】➡️餐牌上有酸辣湯麵，有淨雲吞或者紅油抄手，但無寫酸辣湯雲吞，問左店員其實係有，不過無寫，好彩問下啫➡️平日兩點左右黎，應該啱啱過繁忙時間，只有兩位堂食同兩個號碼喺前面，等左7分鐘左右就有得拎嘢食

上環的黃店中，較少出現傳統中菜，而醋娘子就是其中一間性價比高的小店。菜肉雲吞雞滿滿的一鍋，裏面應該有一隻雞髀以及五隻以上的雲吞，份量簡直爆燈！上湯中的雞肉精華全融入湯中，配以白菜的淡淡清菜香，能一解油膩，可以直接喝下上湯。麻辣海蜇- 永遠不會失手的小菜。由於同行朋友不能吃辣，所以店員特意另上辣椒油，以滿足各位食客的需要，服務非常彈性化手撕包菜，新鮮美味，可惜有點太油。小籠包有四粒，小籠包的薄皮仍能鎖住肉汁，非常美味最後以香炸小饅頭配煉奶作為甜點，非常好吃，下次再來必點！

I’ve been in Asia for over 7 years. I am not kidding, I don’t write bad reviews everywhere I go. This is easily the most tasteless meal I’ve had, period. It’s just that plain and simple. They throw the ingredients in a box, sprinkle some salty sauce that they dare call “Sichuan” on top of it and that’s it.We ordered 6 dishes. They were all bad.

💛醋娘子·依家開始發掘下上環嘅餐廳😍😍我發現呢一區好多餐廳都勁早收 夜晚你想食嘢其實冇乜選擇🙊😂·重慶酸辣薯粉$48呢個都幾好食😋佢個質感真係好好 煮到啱啱好 而且都幾惹味 我哋嗌咗BB辣 所以一開始係酸同麻多啲 但係食到尾就開始辣啦😂😂但係我係唔係好食得辣嘅 所以大家可以挑戰下佢啲小中大辣😈同埋佢入邊有好多肉碎啊炸蒜嗰啲 超有口感🤤·上海小籠包 $28呢個就一般 佢個皮係比較厚嗰種 同埋入面冇太多湯 所以唔係太juicy😭😭都係酸辣粉好食啲😌·📍上環永樂街139號地下B舖

前幾日lunch time天氣好好，行遠少少買外賣呢間差唔多行到去上環街市既四川餐廳，大部分menu上既都係辣既，不過都有唔辣既選擇💡依家外賣自取仲有85折！*糖醋魚塊配菜飯 豆漿 $46 (85折後)魚塊大大塊有好多舊，酸甜度適中，唔會太酸菜飯普通跟餐包野飲，可以㨂豆漿大熱天飲杯凍豆漿幾舒服，而且隻凍唔係加冰果隻，女仔都岩飲！======================#foodreview_junjunjunko#hkworklunch_central#junjunscore8/10#黃店 #黃色經濟圈 #hkfoodie #foodie #hkfood #foodpond