14
6
3
以上資料只供參考, 請與餐廳確認詳情
聽聞個 $599 鮑魚餐好抵食,就同屋企人去呢樹試下~第一個翅, ok, 個味幾濃, 夠熱~不過我未食完個 waiter 就收左佢!!! 好趕咩?!?!?!?咪叫佢拎返黎 law~!~!~! 跟住翅都未食完.. 個鮑魚就上啦~果個所謂 8 頭鮑... 細到呢~~~~~32 頭就差唔多~ 又無味 wor~蝦仁、龍崗雞 & 菜就上"木台",搞到 d 野食凍哂..... =.=個腰果合桃炒蝦仁, 無味 + 勁油,d 腰果合桃林哂... 唔好食!個龍崗雞一般, 好鞋~個菠菜係痺 "月利" 架!!!最後有 d 斑, 果條斑就 ok 啦~蒸得都叫o岩o岩好, 幾滑啦~糖水 + 生果盤~茶芥連加一... $7xx... 唔值 law~
繼續閱讀
做完嘢,老友話要食餐好嘅,就近就嚟呢間,貪佢唔使等。叫左個鮑魚套餐,$298一位,無計la!唔想食魚,叫部長換燒味,但係話揸唔到主意,要問經理。搞一大輪,話換都得,要加$50!問佢如果要多諜燒味点計,佢話$60!,原來咁大條魚只值十雞!死古板,算!唔換啦!主菜嚟la.....ding ding ding.....5頭鮑啊!個樣ok,好林,咦,乜嚟?無味嘅?即刻跌呢。以後發生嘅都唔值得講la。三大死罪:無招呼、死板、貨不對板。講完!
繼續閱讀
今日喺同事R嘅last day,所以我哋成team人同佢 farewell。最鐘意咁多人一齊飲茶,可以試多D欵式。食物上得很快,一陣間就已經成張枱都滿哂點心,先食我喜歡嘅炸雲吞,都幾脆喎,餡料有蝦,甜酸汁做得唔錯,又唔會螢光橙色,味道幾好。牛肉腸粉都幾滑,炸兩麻麻哋,唔夠脆,XO炒腸粉賣相好差,見到都唔想食,哎!試一啖啦,冇味,唔好食。蝦餃特價,$1一籠,但最多要3籠(12人),D蝦都幾爽喎,味道好。燒賣有蝦有肉,口感好,味道唔錯。椒盬魷魚,味道OK,但唔夠脆。春卷、排骨、牛肉球都OK。咖哩魷魚都好味。珍珠雞好大隻喎,不過我冇食呀。好飽呀!最後仲送甜品,喳咋甜咗少少,但味道OK又足料。張枱好大,14個人都唔會迫,Service 都 OK,價錢平,抵食。
繼續閱讀
見好耐都冇飲過茶,見喜悅都幾平,所以就去左喜悅飲茶燒賣 幾好食,豬肉夠彈牙流沙包 名不虛傳,包身鬆軟,好流沙,好香蛋黃味,唔會太甜千層馬拉糕 幾鬆軟,甜度適中,不俗蝦腸 腸粉幾滑,蝦亦爽口,好食蝦餃 個皮厚薄適中,蝦亦彈牙,水準之作蛋白蝦仁炒飯 好好食呀,蝦夠彈牙,蛋白夠香,炒得夠乾,不太油香煎簿餅 煎簿餅又點會難食wor,好食ar炸雲吞 普通,但幾脆幾香口煎腸粉 不太油,但幾香,幾掂煎蘿蔔糕 好好味,真係食到一絲絲ge蘿蔔,外皮亦煎得金黃三個人先好百幾,但已經好飽,重想點?
繼續閱讀
約了多年前的暑期工工友霞姐午膳敘舊,為方便她,要在上環,在她公司附近,她建議吃快餐,招待前輩,豈能馬虎,是她地頭,由她建議,她提議到喜悅,但怕人多難找位,我說我早些到取檯。在銅鑼灣辦完事乍見有往中環碼頭巴士便跳上,約有四十五分鐘時間,想必相當充裕,唯車至中環非常阻塞,及後至畢打街才發覺,巴士往中環碼頭與港澳碼頭不同,遂隨即下車改乘電車前往,約一時到達,但霞姐已在門口輪候中,罪過!罪過!是日輪候者眾,而投訴事件特多,有過了十張檯而不知,有電話訂了檯仍要等十多分鐘等,接待員被罵得體無完膚,木無表情,我們約等了二十五分鐘才有檯,坐下後才發覺這店可選搭檯與不搭檯制度,很多四人檯都是祇坐兩人,其實午市繁忙,相信大家都不介意搭檯,解決一餐便算。祇剩半小時午膳時間,連忙點了燒賣,鮮竹卷,另加鮮蝦腸粉和雞絲炆伊麵,寓意祝望霞姐長年嘻哈大笑及長命百歲。可幸點心來得頗快,即著霞姐多吃,燒賣一般,放面的假蟹籽色變啞,十分可怖,蝦腸則不錯,蝦肉爽口新鮮,腸粉米味濃,入口滑,不糊嘴,鮮竹卷也做得好,包著豬肉、甘筍等,而雞絲炆伊麵的雞絲大小不一,刀章技巧問題,雞肉應用雪貨,無鮮味,而伊麵汁水太多,像水浸,銀芽爽口,甘筍亦切得太粗,整體可接受,但可以做得更好,賣$68一碟則稍貴。茶$9一位,結賬$167。能與多年的前輩敘舊,內心充滿喜悅,但願人長久,千里共嬋娟。
繼續閱讀