東莞佬粥店

營業中

休息中

粥店可以由上水匯經天橋過來，尚算方便。一早起來，友人就話想特登來上水食早餐，一坐低見到優惠套餐餐牌，粥+小食+飲品夾埋$35蚊，都幾抵食。我哋叫咗呢幾款，總共🟰$70，食物好快到。🌟艇仔粥 （大大碗，好多料，有水發魷魚，豬肚絲，豬皮等等），面頭仲有少少油條同脆花生，啖啖都好足料）🌟豉油王炒麵 （爽口，夠味，配埋芽菜同蔥，有口感）🌟蝦米腸（有驚喜，同比時出街買的好唔同，好滑軟糯，多蝦米，好食😋，混醬芝麻任加）🌟碎牛粥（無特別）🌟豆漿 x 2 （偏甜）食完係超飽🤣🤣

今日去咗家店食晚餐，氣氛溫馨，菜色潤眼，一於叫咗碗雞絲皮蛋粥，口感滑溜，皮蛋夠香，嗰陣雞絲撞落口嘅感覺，真係正👍！枝竹蔗粥夠晒清新，幾滴糖水嘅甜都融入晒粥底，一食即溶。轉吓口味，試咗碟咸魚肉餅飯，肉餅香辣辣，拎嚟夾飯，簡直就係絕配，食到停唔到口🍚🌶️！今次食評寫到度，下次有時間，我一定會再去試其他菜式。記得呀，去開花粥塲，不妨一嚐呢家東莞佬嘅古早味，絕對會令你懷緬舊時嘅地道食材同煮飯手藝！😉🥣

呢間東莞佬我地由細食到大，好興幸咁多年都係道。我地多數都外賣番屋企嘆，但真係第一次寫review。低食，食物質數又中上 (大家記住係街市）。今次外賣碎牛粥，蔥花蝦米腸，炸兩，炒米。佢地既炒米好多時都賣晒，炒得好有鍋氣，以前再多d牙菜架，會仲正。炸兩雖然做唔到脆卜卜但份量足。蔥花蝦米腸好香都係低食～Recommend this congee place to travellers if you would come into Sheung Shui 🤭

🎈食物：🌕🌕🌕🌕🌑今次叫左菜乾粥、炸兩同熱豆漿，加埋都係40$，好抵食👍🏻👍🏻👍🏻個菜乾粥真係好好食，仲要有成粒𧐢屎係粥，超入味，炸兩有蝦米係表面，大大份，足料，係個熱豆漿麻麻😂🎈環境：🌕🌕🌕🌕🌑街市既環境，不過唔多人，可以自己坐一張圓枱，擺到袋😁😁😁🎈服務：🌕🌕🌕🌕🌑出菜率超快，叫完好快有得食😁😁😁🎈回購：🌕🌕🌕🌕🌕菜乾粥一試難忘，一定會回購，豆漿就….🤣🤣🤣

🎈食物：🌕🌕🌕🌑🌑話說太熱氣，想食一食粥降下火，醒起上水街市呢間開左幾十年既粥店，叫左個皮蛋魷魚粥食，即叫即整，新鮮出爐。味道淡淡，完全無落味精既痕跡，皮蛋有皮蛋味，魷魚有魷魚味，哈🫢25$好抵食😍🎈環境：🌕🌕🌕🌑🌑環境都乾淨，現場無咩人，可以放袋係張櫈到。🎈服務：🌕🌕🌕🌑🌑可以用八達通比錢，出粥都好快。🎈回購：🌕🌕🌕🌕🌕想食粥個陣，都會再幫襯佢，下次再試下其他粥先😁

位於在熟食中心既一個鋪位，餐牌貼係鋪面，大大隻字，非常當眼。為既係食竹蔗粥，因為冇食過，亦係第一次聽。仲有多款粥品、油器、糕點、蒸飯都有。早市11點左右到，一坐低侍應姐姨姨好快落單，基本上食物5分鐘內送到。竹蔗粥套餐($31)，已經煲好一大窩，所以一叫就即刻送到。超香竹蔗味，顏色仲要係深啡色，d蔗糖煲到出哂顏色，超好味。粥料有紅蘿蔔、豆、淮山(?)等等，就好似平時飲竹蔗茅根既味，但仲要濃幾百倍，鍾意食甜粥既人唔好錯過，一個人食哂成碗冇問題。套餐叫左炒米，超大碟，成座山。炒得香口，米粉透透地明，有少少芽菜，可以自己加餐枱上面既白芝麻、醬料。雖然冇咩配料，但鑊氣夠。眼見單點外賣既話，超級大盒，滿到瀉咁濟。魚片牛肉粥($24)，即叫即熟，熱辣辣，送上枱仲冒煙添。牛肉軟林，滑身，而魚片雖然有少少骨，但滑嫩。食完甜粥食鹹味粥，鹹香味濃郁。份量亦都係大大碗。整體，環境衛生雖然一般，甚至唔係人人接受到，但熟食中心有林林總總既餐廳，想食咩都有，仲要價錢平到笑，但食物味道唔差，仲比想像中好食。體諒人手唔多，但出野食快，見到侍應廚師老闆好忙碌，辛苦哂。

今次係第2次食，第1次食已經覺得唔掂，又咸又濕，但係我都係想比多次機會自己再試佢點知係一樣，芽菜好多，而且好濕，完全唔乾身，自己撈左啲甜醬落去蓋左佢既咸味或者佢特色係咁，不過真係唔岩口味，唔會再有第3次炒米粉

價錢親民，三十蚊有粥有麵粥超大份量大到，飽到嘔粥軟綿綿，料足老細好好人，有時會請熟客老人食嘢有人話咩伙計態度唔好我又唔覺大排檔想五星級酒店服務咩我覺得服務 ok唔錯又多謝又叫我做阿妹好貼地親民冬天最好食粥暖胃上水街市東莞佬粥店大件夾抵食，又好食，老板人又好強烈推介

味道雖然ok，但真係比錢受氣，無論眼神語氣態度真係好唔掂，唔受得氣既人真係唔好諗住黎，你會幾日都一肚氣，員工既態度真係不得了，差到不得了.....我不會再來的了，雖然味道係ok，雖然係寫住東莞佬粥店，但身分東莞人既我5歲就開始食東莞粥啊米粉，我知道不是呢到間太過正宗，味道都係同正宗差啲，米粉過鹹，食鹽咁，無香味，而且整定擺係到，係凍的食落去，鹹！態度隔離左右的店好親民，差好遠，真係無下次，就算食都去隔離左右嗰啲店好過。

雖然位處於街市熟食中心，搵位同坐得一定冇咁舒服，但係聽人講呢度嘅粥好特別，好味道同海皇粥店差好多！今次叫咗個好特別嘅甜粥，其實未食過甜嘅甘蔗粥食，其實有啲似甜品，蔗糖幾香甜又青得來唔會太膩，是中會有馬蹄嘅叔叔聲爽口嘅質地, 值得一試出面難見呢個口味，但係就唔係同油炸鬼好夾啦！單食來講都幾特別同新鮮，冬天凍凍地當一碗粥都幾好食！豆漿豆味都幾濃郁，唔會加咗好多水稀稀的，雖然夾左少少豆渣唔夠滑，但好自家製風味，唔會太甜，但加埋粥就會有少少膩啦！都係叫一個腸粉比較好！

工作一星期，終於等到星期六放假了。一於出街買早餐返屋企慢慢嘆。走咗上去街市上面的熟食檔覓食。熟食檔勝在夠地道，經濟又實惠，氣氛熱鬧。皮蛋瘦肉粥&油炸鬼 外賣返到屋企仲係熱辣辣。雪花皮蛋配軟滑瘦肉，好味。粥夠綿滑。油炸鬼脆卜卜。簡單美味的早餐。

還記得中學的時候，在上水讀書，每個lunch time，都會到附近的石湖墟街市搵食，原因是選擇多，價錢又平而，當時常去的一間是東莞佬粥店，那些年五蚊可以買到一個炒麵，時至今日，它的價錢依然貼地，一個炒麵、粥和豆漿只賣二十九蚊，論食物的質素，不能稱得上高，但絶不是差，性價比超高。

上網search上水美食見到呢間有竹蔗粥都幾特別，所以來試下。 見到個套餐幾抵所以就叫咗， 另外叫咗個炸兩。 炸兩都預咗唔脆， 普通。 五花茶飲咗一啖感覺會糖尿病， 可以煮飯堂菊花糖漿用。炒米...只有幾粒蔥和兩條芽菜。食落未食過咁硬嘅米粉 好似食膠條咁。 竹蔗粥就真係唯一食得落嘅嘢食，足料 而且好健康。 我第一次食嘢食到覺得人生冇意義， 一天的心情都被他破壞了， 以後都唔會再食呢間。 我男朋友話第一次食完唔想俾錢，當畀乞衣。

因為夜晚工作所以我既晚餐係正常人既早餐多數朝早6點左右就去，所以所有野都新鮮咁我習慣一星期去一次呢間鋪頭咁都試左幾款粥粥底黎講，其實好少分到好壞除非真係好差呢間既粥底係正常既碗粥份量足之餘，料都好足早餐黎講係夠既如果唔夠佢都有套餐提供 27蚊其中有得配粽，油條，腸粉，炒面印象好似係呢4樣仲加埋豆漿或菊花茶我試過兩次套餐配腸粉同豆漿佢無問過我豆漿凍定熱但2次係分別凍同暖，所以我估係有得簡不得不提佢既腸粉係蝦米腸但係佢捲得麻麻，加上切3刀切得太細舊另外我好鐘意食佢既炸兩 15蚊都係用蝦米粉皮包住油炸鬼，味道好好今日心血來潮試左排骨飯加炸兩好飽，真係好飽排骨飯有得簡要唔要豉油同咸菜佢飯同排骨係分開上呢樣野真係接受唔到咸菜鋪係飯面，唔太咸但令個飯易入口左排骨份量都多，10小舊左右，偏咸排骨飯係21蚊，個人覺得係抵食但我都係中意蒸飯d肉汁滲入飯

今日約了好友番大陸， 我哋去咗東莞佬粥店食早餐， 食完就一同出發。地址：上水石湖墟市政大廈2樓9號舖位置非常方便， 於上火車站下車， A4 出囗， 步行五至十分鐘就到了。 我最愛是炸兩， 份量十足， 大大舊， 油炸鬼脆卜卜， 十分香囗。 油炸鬼被香滑腸粉包住， 仲有蝦米添！正！我沾了豉油同甜醬， 一齊食， 好好味！ 除了喜愛炸兩外， 牛脷酥都係唔錯嘅選擇， 其實香港已經唔係好多粥店有得賣了， 口感香脆， 味道帶甜， 幾有趣。 值得一提係好抵食， 我哋三人叫咗好多野，三碗粥、炸两、 牛脷酥、 香滑腸粉同炒麵， 人均消費都係大約四十元，抵啦！