104
9
2
| 餐廳: | Tokio Joe |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
港鐵中環站 D2 出口, 步行約5分鐘
繼續閱讀
電話號碼
25251889
開飯介紹
Tokio Joe 自1995年起為本港熱愛日本菜的食客提供優質的日本餐飲體驗，25年來深受各界歡迎。餐廳的行政總廚華師傅從傳統的日本菜及文化娛樂取得靈感，並注入其本人對當代日本菜的敏銳觸覺，製作了一系列全新的「廚師發辦」餐單及單點菜式；他堅持選用最新鮮空運到港的食材，並利用其千變萬化的烹調技巧，致力保留各種食材的原汁原味。
繼續閱讀
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
*星期一至五最後點菜時間: 14:30及22:45 星期六及星期日假日早午餐:最後點菜時間: 14:30 晚餐最後點菜時間: 22:45
以上資料只供參考, 請與餐廳確認詳情
有關獎賞計劃
招牌菜
食家推介
相關文章
📍「Tokio Joe」- 中環今次俾👧🏻搵到間位於中環LKF嘅靚靚日本居酒屋，仲可以睇到師傅即切壽司，高質素享受呀😎📷餐廳位於中環蘭桂芳地鋪，裝修充滿日本🇯🇵風，環境恬靜坐得舒服，可以靜靜哋享受美食🍶staff 嘅服務態度都好好，好岩同另一半👫、閨蜜👭、朋友👭👬一齊enjoy 吓🤗🍽Weekend Brunch💰HK$620/head✨推薦指數：8.5/10🍴小食（一人一客）🔸北海道蟹肉件海膽：海膽唔腥，蟹肉味好濃😍🍴刺身（一人一客）🔸吞拿魚腩、吞拿魚、北海道帶子、鰤魚、油甘魚、三文魚、甜蝦：全部都好新鮮，特別係帶子好鮮甜，吞拿魚腩好肥美，油脂感十足😋🍴鯛魚（每兩至三位客人可選一客）🔸鯛魚腩刺身：食落好腍身，唔錯😇🍴主食（一人一客）🔸牛柳厚燒：食落牛味好香濃，肉質腍身，好重油脂味，👦🏻表示好中意🤤🔸照燒海鱸魚扒：外皮煎得好香脆，但係份量比較細，食落肉質超嫩滑，有少少似西京燒，不過沙律醬略略多咗啲，甜咗少少🤏🏻🍴前菜（無限量供應）前菜一共有6️⃣款，今次試咗兩款☺️🔸招牌吞拿魚沙律：雜菜同大大粒新鮮角切吞拿魚，配上沙律醬同黑醋，仲有大大塊脆脆夠開胃😋不過份量都幾多，所以唔夠位試其他款式🤣🔸香辣吞拿魚他他：吞拿魚配上辣醬食落好惹味，中間咗添合脆脆口感非常豐富，👧🏻推薦👍🏻😍🍴壽司卷餐廳主打壽司卷，又點可以唔試呢😝Weekend brunch 一共有1️⃣1️⃣款可以選擇，不過一款有6件，份量都唔少，所以今次淨係試咗兩款😙🔸香辣三文魚天婦羅吞拿魚卷：呢份係餐廳house roll，面頭鋪上吞拿魚刺身，中間包住壽司飯、紫菜、紫蘇葉同三文魚天婦羅，再加上香蔥做調味，食落內脆外軟，口感豐富，味道上紫蘇葉就比較搶fo 😆🔸元祖軟殼蟹牛油果卷：呢份面頭鋪上滿滿嘅蟹籽，下層由牛油果包住壽司飯、紫菜同軟殼蟹，食落口感由creamy 轉做脆卜卜，軟殼蟹炸到非常脆身而且夠大份，好好食😍😍😍🍴燒物（無限量供應）🔸日本雞翼：雞翼燒得金黃色，食落好脆，肉身juicy ，鹹度岩岩好😋🔸雞腎：👦🏻最愛，好似食咗半打咁多🤣🤣🤣口感勁爽口，唔會太淋太薄，調味岩岩好超推薦😍👍🏻🔸牛舌：厚薄適中唔韌，口感爽口🤤🔸日本青椒仔：食落一開始有少少苦味，之後椒味出返嚟幾好食😛🔸免治雞肉棒：食落甜甜味，外皮脆身，內裡充滿軟骨嘅爽口感，好好食，必嗌😆❤️🔸焗雜菇：牛油雜菇正常發揮🔸雞腿肉：外皮燒得勁香脆，內裡肉質嫩滑，只係用海鹽調味已經好好食，所以👧🏻都encore 咗好幾次🤩🤤🤤🤤🔸雞軟骨：正常發揮🍴炸物（無限量供應）🔸左口魚天婦羅：用紫蘇葉包咗炸，炸得好香脆，不過就蓋過咗魚味😕🔸茄子：外皮炸粉好薄，咬落好juicy，唔油膩😙🔸番薯：炸粉依然好薄身，番薯幾甜😗🔸海蝦：超中意呢款😍炸粉薄身海蝦勁大隻，炸到肉質岩岩好嫩好好食，推介🤩👍🏻🔸南瓜：超薄炸粉，南瓜好夠甜，好食😙🍴甜品（無張量供應）🔸雪糕：今次有兩款，分別係抺茶紅豆同黑芝麻，抺茶味超香濃，不會太甜，配上香甜嘅紅豆粒好夾，好食到encore 咗🤣🤣🤣黑芝麻味都好濃，但相比之下👧🏻更愛抺茶紅豆🤤🔸鮮果拼盤：今次有提子、哈密瓜同西瓜，全部都好鮮甜，解膩一流🤩🔸香蕉天婦羅配士多啤梨醬：正常發揮，不過👧🏻麻麻哋炸香蕉🤣
繼續閱讀
📍Tokio Joe 🍽中環蘭桂坊16號地舖-----新年前去咗呢間bookmark想食好耐嘅日式餐廳食咗WEEKEND BRUNCH（$620 Adult；$350 Child (aged 3-11)）呢個BRUNCH喺以半放題形式進行嘅，有部分食物係任食，有部分食物係固定份量嘅。.餐廳環境雅緻，服務亦係高級餐廳嘅標準，上菜無漏單，餐廳中央位置可以見到壽司師傅整壽司切刺身，整個用餐體驗都對得住價錢。🍴COMPLIMENTARY ITEM：北海道蟹肉伴海膽精緻小食每位客人都有一客，蟹肉鹹鹹鮮鮮，加上幼滑海膽，貌相精緻，好食得黎唔會佔胃，可以留返多啲空間比後面嘅食物。.🐡SASHIMI：一檯一客嘅刺身，望落色彩繽紛令人食指大開。赤身爽滑、吞拿魚腩魚油豐腴、北海道帶子貝柱肥厚、螄魚軟滑無筋、甜蝦甜味出眾，整體都無咩挑剔，質素整體中上。🐟BEST SEASONAL FISH：BURI: WINTER LARGE YELLOWTAIL（每兩至三位客人可選一客)餐廳用上今期嘅當造刺身製作料理，我哋就揀選咗鰤魚腩刺身，魚腩位置油脂充足，入口即化即化，加上酸甜嘅醬汁，幾開胃。🍲MAIN COURSE （每位選一款）主菜可以8選1，推薦照燒海鱸魚扒，海鱸魚魚質嫩滑非常，燒過嘅蛋黃醬醬汁香香甜甜，高質。其實試咗另一款主菜鰻魚飯亦不錯，鰻魚外皮香脆，內裡厚嫩多汁，不過有飯，容易佔胃。.除咗以上嘅食物之外，其他食物都係無限量供應嘅。.🥗APPETIZERS款式主要以沙律同埋刺身為主，個人好中意嘅有麻醬味好突出嘅蟹肉菠菜沙律，同埋香辣吞拿魚他他，吞拿魚軟滑，加上糅合於當中嘅薄脆，口感好豐富。🍣SUSHI ROLLS佢地嘅多款sushi rolls都係店內嘅人氣之選，款式好多，礙於肚子空間不多，最後都只係試到3卷，推薦元祖軟殼蟹牛油果卷、香辣三文魚天婦羅吞拿魚卷，前者嘅牛油果🥑揀選得非常靚，入口香脆幼滑，後者中央位置有天婦羅蝦🍤，外層則有鮮甜三文魚或吞拿魚，味道好豐富。🍢GRILLED ITEMS & DEEP FRIED ITEMS燒物及炸天婦羅同樣做得不錯。免治雞肉棒咬落帶粒粒軟骨口感。日本雞翼則燒得外脆內你嫩，非常多汁。焗雜菇牛油香氣馥郁，口感亦爽脆。天婦羅方面，個人心水之選係索盡油香嘅茄子同香甜蕃薯，整體天婦羅嘅炸皮都夠脆夠薄，同坊間平價d嘅放題有明顯差別。
繼續閱讀
放假去咗蘭桂坊一間隱世日式居酒屋Tokio Joe食Weekend Brunch，國際級巨星碧咸和唔少名人都曾經嚟過，呢度也是香港早期提供廚師發辦的餐廳始祖。Weekend Brunch$620 Adult$320 Child(Aged 3-11)Brunch Menu 有刺身、主菜、甜品。還有可以無限量供應的前菜、壽司卷、燒物、炸物等。✨小食▪️北海道蟹肉伴海膽蟹肉味道鮮甜、海膽新鮮，一啖放入口回味無窮。✨刺身▪️季節性刺身、吞拿魚、吞拿魚腩、甜蝦、三文魚、油甘魚、鰤魚、北海道帶子每件刺身都是厚切，樣樣都咁新鮮美味。✨前菜▪️香辣吞拿魚他他▪️薄切三文魚配柚子醬香辣吞拿魚他他口感綿滑味道唔會好辣，包新鮮嘅生菜，每咬一口有外脆內軟嘅口感；三文魚配柚子醬味道都幾夾。✨卷物▪️元祖軟殼蟹牛油果卷▪️蝦天婦羅刺身卷卷物選擇都多達11款，每款卷物都好大碟足六件，軟殼蟹同蝦都炸得好香脆，味道唔錯，但建議唔好一次點太多，要留肚試其他。✨主菜▪️A5佐賀和牛薄燒▪️牛柳厚燒主菜有8款，我同朋友都鍾意食牛，所以揀咗兩款牛，牛味香濃，肉質鮮嫩仲可以保持肉汁。✨燒物▪️免治雞肉棒▪️雞腎▪️牛舌▪️焗雜菇▪️雞腿肉▪️雞軟骨樣樣燒物做得出色，以上燒物我地食咗兩轉。雞腎、牛舌食落好爽口，咬落唔乾仍保留到肉汁。✨炸物▪️海蝦▪️番薯▪️茄子炸物方面係天婦羅，粉漿唔會好厚，咬落鬆脆唔錯。✨甜品▪️抹茶雪糕▪️芝麻雪糕食埋甜品好滿足。餐廳氣氛唔錯，大多以外國客為主，環境都坐得好舒適。
繼續閱讀
早兩日同男友食Tokio Joe 講起我第一次入呢條街，先發現原！來！我！冇！真！正！入！過！蘭！桂！坊！行來行去都係德己立街 🙊🤣初嚟報到就食到餐高質日本理料，對老蘭印象唔錯👍🏻 唔想煩，點咗Joe's Tasting Menu，一次過滿足N個願望。►Chef's Appetizer打頭陣嘅枝豆同牛油果蕃茄新鮮清甜，甜蝦+章魚刺身辣辣地幾開胃🐙►Sashimi吞拿魚、拖羅、深海池魚、鮑魚、左口魚都係我至愛，全部入口即融，份量再多啲就好喇 (暴食mode on🔥)►Sushi 5貫壽司入面我最愛海膽，鮮甜creamy嘅海膽汁係口到爆開好爽🤯 辣呑拿魚炸壽司非常特別，暖暖地嘅脆飯焦配微辣呑拿魚沙律非常惹味，實測一啖係食唔哂🫶🏻►Tempura三文魚同左口魚天婦羅真係未試過，用紫蘇葉包住一齊炸，竟然感覺好輕盈 (請幻想人在油鍋中暢泳🏊♀️)►A5 Saga Beef Hitokuchi YakiA5和牛卷好高質🥩 牛牛嘅油脂同蒜香嘅味道一直係口腔徘徊，齒頰留香是也。►Joe's Inaniwa Noodles龍蝦湯麵有🦞龍蝦Tempura配🦞超濃龍蝦湯，食到我笑蝦蝦 😆►Kyoto Matcha Ice Cream最後以香濃綠茶雪糕同生果作結，滿足。題外話，💯分嘅問題：食完好甜嘅雪糕先再食提子，竟然仲食到提子好清甜，究竟本身粒提子有幾甜呢？！
繼續閱讀
朋友推薦下來了一試這間餐廳的Tasting Menu，地點好方便就喺蘭桂坊入邊，中環收工嘅話行過去都幾快。特登揀星期一去，想要靜靜地咁享受二人晚餐，因為星期五蘭桂坊一定超多人。～Chef's Appetizer 前菜為枝豆，爽脆嫩綠，佐酒不錯。刺身方面，迷你吞拿魚沙律口感鮮嫩，吞拿魚刺身色澤粉紅，魚油滿滿，都很不錯～接下來是Joe's Signature Sushi ，個人非常鍾意炸壽司飯上面擺滿辣吞拿魚蓉的菜式，香口有新意，北海道海膽就好鮮甜，而深海池魚爽彈爽彈的～一向都唔鍾意紫蘇葉，見到呢度天婦羅係用紫蘇葉包起再炸，本來想枱嘅時候好擔心，點知食完之後出乎意料地好鍾意，紫蘇葉炸完之後脆卜卜，可以解膩同時，又為單純的魚味加入獨特嘅紫蘇葉香氣。～在主菜方面，龍蝦湯稻庭烏冬非常濃郁，天婦羅蝦同樣都係炸得外皮香脆，浸泡落龍蝦湯入邊一陣之後，有種平時麵包浸西湯嘅感覺，幾有趣。～最後嘅甜品幾有驚喜，有水果有雪芭有雪糕，好豐富，而且黑芝麻雪糕口感細膩順滑，為晚餐很好地收結。
繼續閱讀
您可能會有興趣的...