191
59
48
餐廳: Promenade 西餐廳
優惠: 消費每2港元可賺 取1里數 (結賬時需要出示您的會員卡)
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
須受其他「亞洲萬里通」條款及細則約束
港鐵紅磡站 B2 / C2/ D6 出口
電話號碼
3160 6880
開飯介紹
餐廳可遠眺維港景緻,環境寬敞,大廚有40年經驗選用新鮮的材料,炮製各種國際佳餚,適合各種不同的聚餐場合。 繼續閱讀
特色
慶祝紀念日
營業時間
星期一至日: 06:30-01:00
付款方式
Visa Master AE 現金 銀聯 JCB Diners
其他資料
酒精飲品
自帶酒水
切餅費
泊車
電話訂座
加一服務費
海景景觀
優惠
「亞洲萬里通」開飯賺里數
餐廳: Promenade 西餐廳
優惠: 「亞洲萬里通」開飯賺里數
消費每2港元可賺 取1里數 (結賬時需要出示您的會員卡)
條款及細則:
  • 惠顧滿認可消費額(最低300港元,最高10,000港元)可賺取「亞洲萬里通」里數
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
須受其他「亞洲萬里通」條款及細則約束
招牌菜
扒帶子件八爪魚雜菜沙律 扒鹿柳伴野菌汁 金箔蛋糕 長腳蟹 凍大蝦
提及此餐廳的食評 (316)
入門食家 2016-07-01
6757 瀏覽
一到weekend 就想食大餐,諗起好多人介紹嘅Promenade, 即刻打去book 位,10點打電話,12點開餐,竟然無full booking,不過就話得返門口位,唔緊要,最緊要食到仲好好彩比我地同中國美國女排同場食飯!啲排球巨人食完lunch 又去紅館對戰過haha, 絕對係小粉絲嘅驚喜。左上角:一黎就整個salad 食下先,salad bar 都幾多選擇,有好多菜,果仁,同魚,仲有10幾種sauce 比你自己配搭。煙三文魚無腥味,加檸檬汁好開胃,另外聽講nuts 對身體好,所以拎左一堆,好似花生友咁默默食XD左下右下:salad bar 隔離有crepe!!!竟然lunch buffet 都有熱辣辣嘅crepe 同waffle! 順手拎左一個,配berries, 因為一開餐唔想食咁膩(雖然無人會一開餐食甜品。。。)Waffles 外脆內軟,berries 有用糖水浸過,個人覺得新鮮生果酸酸甜甜會好食啲。不過仲有好多配料,有cream, 藍莓醬同caramel, 仲可以配haagen dazs 添個crepe 皮都算薄,有唔同生果可以做餡,我今次用新鮮berries 配藍莓醬,好食!(其實我真係好中意食酸野hahaha)Main Course: 生蠔好食,頗生鮮,不過我無影相,蠔都係咁嘅樣姐哈哈。每次限拎兩隻,不過都幾快,條龍平均有6個人排隊,另外有位小助手用鑽石水洗蠔,感覺乾淨啲。我男朋友食左20隻。。。都無肚痛,大家不妨放膽食(≧∇≦)另外推薦拔絲紫薯,真係好好好好食呀,我一個人啪左三碗。。。雖然啲朋友聽完係咁鬧我食埋d cheap 野(。-_-。)不過外脆內綿密仲要熱辣辣嘅甜薯真係唔易整,同埋外面層焦糖脆口得黎好香,真心好食,大家可以淺嘗,因為我食完飽到食唔到Haagen Dazs...蟹腳都有食,無咩太大感覺,因為好難剪開,有d 難處理,但又唔係話好好食,如果中意蟹腳都可以試,refill 得好快,而且都幾大隻。甜品時間!我就係聽無數人講呢度甜品多款先黎咖hahahahha真 係 好 多 款拎左好多,但兩個人係清得晒嘅(≧∇≦)全部細件得黎唔會死甜唔會過膩,我戒左糖一排,食唔到好甜嘅野,都覺得入到口,所以應該男女都啱食XD呢三碟最好食左上:綠茶心太軟好香,入面流心嘅綠茶醬好滑/ 兩件tart 分別係芝士同榴槤,香得黎唔會勁甜,榴槤係好濃味,個撻皮好脆,值得一試。右:紅莓cheese cake, 杏仁蛋糕,tiramisutiramisu 好食,好滑!下:推薦!唔想同我男朋友share 所以一人一件哈哈哈,分別係芒果同榴槤拿破倫,餅底薄脆,生果新鮮,好食!呢張都係精華,Opera Cake(左下) 一定一定要試,細細啖已經好濃朱古力味,仲有食得出一定係dark chocolate, 層次分明,好幸福♪(´ε` )左上:Brownie, 都好食,有好多核桃,中和左甜味,有咬口得黎又有brownie 嘅招牌濕軟口感,男朋友都食得好開心。右上:朱古力撻,有少少甜,不過都香口嘅,因為比前面啲野驚豔到所以對佢無咩感受XD右下係我男朋友食嘅,無特別comment 所以應該無特別XD其實仲有好多好多野食左但未comment, 是次覺得好抵食,加一再用openrice coupon 8折每人$360, 小插曲係我印錯左The Promenade 嘅coupon, 好彩店員都比我照用哈哈哈,真好人,所以大家留意呢間係無THE 咖。 繼續閱讀
即興之富貴晚餐 (焦點食評)
新晉食家 2016-05-07
17383 瀏覽
今日收工男友話係紅磡等,去到先知佢訂左台食飯,話用信用卡有85折,去到餐廳門口,先知我地去錯地方,我地訂既係The promenade, 而唔係呢間promenade 呢間要608再加一, 但男友話算啦~都黎到😅所以今晚食得好富貴入到去就有靚景睇,餐廳都幾大,而且望到海景咁當然食野最緊要好~~去相先因為壽司counter 擺最出,就食壽司同魚生先,每人限攞一份既帶子,只有兩小片,好鮮甜,三文魚刺身亦好新鮮,反而龍蝦沙律就一般般,沙律醬搶哂境好快食完,出去認真行個圈,發覺比想像中多好多野食,而且質素好好急不及待1)蟹棒:味道較淡,新鮮,唔會有好大陣海水味,肉質唔錯2)燒牛仔骨:調味料吊起個味,令人廷言浴滴,但略嫌唔夠熱3)慢煮牛肉:一個字:好味,煮到岩岩好,用左小量既鹽去吊味,食得出牛既香味4)泰式無骨鳳爪:略嫌淡左d,5)龍蝦筒:個筒已經唔脆,如果脆d,一定會加好多分牛油果醬墨西哥薯片:因為好鍾愛牛油果醫既關係,個人認為必試6)龍蝦+牛仔粒:牛仔粒先係主角,6成熟,牛既味道一值停留係口中。反而龍蝦肉無咩味,有d硬7)呢間餐廳有好多天夫羅食,我只揀了蟹棒,由於係即炸出來的,好新鮮,好好味8)無骨雞翼:入面包左d菜同葱,加上去骨,食落啖啖肉,好肉者,要試9)龍蝦疏乎厘:呢個只得個喊字,完!沒有quota既朋友,可以唔試10)生豪龍蝦仔:呢兩樣都係男友食only. 佢話ok! 出去拎既時候,見佢地係用鑽石水去沖洗生豪,感覺好乾淨11)無花果清煲涼豬肉豬骨湯:好好飲,飲到清新既味,而且真係無味精,飲完唔會口渴,中湯愛好者必試12)鵝肝多士:舊鵝肝好大舊,肥美,d油跌哂落個多士到,好正。鵝肝煮到岩岩好,唔會太淋,但入口即溶13)瑤柱燕窩帶子生滾粥:見到生滾粥可以自己揀配料,而且配料好吸引,一於一試,實際上配料其實唔多,但清清地食碗粥都好開心,d粥煲到好棉,瑤柱應該一早帶煮過,食落好淋,燕窩就當然溶哂落個粥度,帶子煮完覺得好爽口,雖然只有兩小塊跟住就係甜品啦,一路忍住口,終於要食啦4款都係榴連野14)榴連pancake, er 呢個失望,入面無榴連,得cream,個皮好硬15)榴連酥:好好味呀,啖啖榴連果肉16)榴連tart:外脆內軟,咬到中間有小小流心,好正17)榴連pudding:好香既榴連味、唔太甜再黎甜品:18)榴連mouse:中間好食,外皮有點硬,似擺左一段時間19)提拉米蘇:normal20)cream burle: 有點甜,但個蛋係好滑的,就算覺得好飽,都堅持食埋佢21)燕窩鮮奶:熱甜品,當然燕窩少係意料之內,鮮奶好滑,有奶味得黎,感覺食緊養顏野,好正22)杏仁燕窩:杏仁味好重,入面有兩三條燕窩23)呢個係重點推介:綠茶流心Creamy既綠茶醬,甜甜地,配上外皮暖暖既蛋糕,好正呀!一切落去,綠茶醬湧出黎甜品必試呢個!24)畫上完美句號:食番d生果一個女人仔,食咁多樣野,真係抵番哂 繼續閱讀
見習食家 2016-06-29
3809 瀏覽
頭盤:青口非常美味,藍青口相對地遜色。炸蝦片配牛油果醬既出色又有特色。牛肉片也一流。凍蝦可以。沙律菜的和風麻醬汁最佳。細細杯的火龍果飲品是最有特色的 appetizer.刺身:三文魚很受歡迎,但個人覺得不是在酒店食會特別好味。吞拿魚、醋青魚非常有鮮味。有卷煙燻魚在沙律區取,有特色又美味。蟹籽和蟹棒宜配壽司飯(現場沒有),因偏鹹。比目魚柳一定要試。甜品:朱古力蛋糕、榴槤拿破崙好食。榴槤奶凍、榴槤芝士蛋糕一試無妨。特色甜品:因綠茶心太軟而慕名而來,事實上係很獨家,又值得一試。但味道及不上榴槤系列甜品。榴槤撻也是心太軟,意料之外更好味。 繼續閱讀