10
5
1
電話號碼
2891 5155
營業時間
星期一至日:11:55-22:55
付款方式
現金
座位數目
32
其他資料
加一服務費
食評 (16)
卓越食家 2014-02-27
334 瀏覽
食店好有日本小店feel~好在早去一步..不出5分鐘後勁多人到全場爆滿但好奇怪~食店得一個人負責開單+整咖喱飯+收拾..真係一腳踼見有d客唔耐煩坐左陣..未order已經走~真係有生意都做唔切呢~ ~ ~ ~ ~ ~ ~ ~ ~ ~食店地方唔太大~大約有3x位..整幅牆仲印上好sharp既logo除左咖喱飯..可以揀烏冬~食物份量分成4級(輕量..中量..重量..超量級)另外可再自選加配料(炸豬扒/炸雞扒/炸蝦/芝士/香腸/咖喱汁/蛋)汽水飲品$10..而取食物檯仲有冰水免費供應呢另一半點個"炸豬扒咖喱飯(中量級)"我點個"炸蝦咖喱飯(輕量級)"~另外..可樂(x2)炸物係即叫即整..新鮮熱辣辣~炸皮層好脆~蝦肉好彈牙但相比之下..我覺得豬扒更優勝~肉質鬆軟..炸皮層有味過炸蝦果款飯底原粒帶黏口~咖喱唔會好甜..淡淡咖喱香+夠濃稠以日本咖喱黎講..味道都好唔錯~整體食物+服務都好ok呢 繼續閱讀
(以上食評乃用戶個人意見 , 並不代表OpenRice之觀點。)
入門食家 2014-01-26
292 瀏覽
一向不太喜歡偏甜的日本咖喱,在友人推介下,試了這間日本咖喱專門店。點了份配吉列豬扒的咖喱飯,飯送上已聞到辛香的咖喱味,濃濃的醬汁伴着煙韌的日本米飯,不用任何配菜已可食光整碟飯。這裏的豬扒雖不是什麼上等貨式,肉味不濃,但因炸得恰到好處,鬆化不膩,又能保留肉汁,所以還是很可口的。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2014-01-07
283 瀏覽
好耐之前經已略為聽過呢間由日本遠道而來嘅日式咖哩店,不過一直無特別記著所以就無去試到,今次因為約咗朋友去銅鑼灣Sogo,就係Openrice搵下有乜好食,見到呢個「猩猩」LOGO咁特別,又點可以唔嚟試下!入到去環境非常整潔乾淨,桌面上餐牌、調味品、紙巾一應俱全。餐牌有好多款唔同嘅Set,而且亦有分唔同份量,方便唔同食量嘅客人,非常貼心嘅設計。最特別嘅就係為311地震籌款嘅「復活咖哩」,而且仲有兩塊炸豬扒,絕對唔孤寒!最後三個人就叫左兩個餐。輕量級炸豬扒咖喱飯 $65 ,咖哩味道香濃惹味,而且辣辣地越食越停唔到。味精感覺唔重,食完都唔會太口乾。比「銀咖哩」同「白熊咖哩」好太多,不過都貴少少。迷你咖喱烏冬 配 迷你滑蛋豬扒飯 $28+$38 ,呢個係一個迷你組合餐,可以俾客人每樣試少少咁。咖哩都係招牌咖哩唔使講幾正,手打烏東非常煙齦彈牙,而滑蛋豬扒都做得唔錯,都有中上級水平。怕食辣嘅朋友,可以加台面上嘅醃紅椒,以甜為主,微酸,但加入去咖哩到可以中和辣味,味道更有層次感,佢嘅爽口都增加咗咖哩嘅咬口。非 常 正 !大紅袍烏龍茶 $15 ,不過店鋪雖然有賣嘢飲,不過其實只係支裝嘢飲。 繼續閱讀
(以上食評乃用戶個人意見 , 並不代表OpenRice之觀點。)