影片
開飯介紹
主打融會亞洲和新派西班牙及歐洲料理，一系列Tapas、海鮮飯、打卡甜品，咖啡亦甚有心思。
繼續閱讀
營業時間
今日營業
12:00 - 22:00
星期一至四
12:00 - 22:00
星期五
12:00 - 23:00
星期六至日
12:00 - 22:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
Espuma 位於中環M88，地點方便，望出去仲有山景，環境頗舒服，氣氛輕鬆。試咗佢哋嘅Set Menu（$398 + 10%），包頭盤、湯、主菜同甜品頭盤中最有驚喜係辣味蟹肉撻，撻底鬆脆有牛油香，入面蟹肉帶微微麻辣，加上融化芝士，味道層次幾豐富。男友唔食蟹，所以我一個人食晒兩件（笑）。其他幾款頭盤比較清新，包括香芒牛油果蝦沙律同吞拿魚Ceviche，調味偏輕，適合夏天食有兩款湯選擇。鮮茄海鮮湯略為煮得濃縮，味道偏鹹，但入面有大帶子、青口同大蜆，海鮮好足料。相對之下，龍蝦湯（+$10）味道順滑，有龍蝦肉，我就鍾意海鮮湯多啲主菜揀咗波士頓龍蝦西班牙Paella（+$40）同炭燒美國Prime肉眼扒（+$50）。熱辣辣上枱，龍蝦肉質正常發揮，但蝦膏真係幾香，軟硬膏都有。肉眼扒厚度偏薄，熟度掌握得好，口感都尚算正常甜品係芝士蛋糕，簡簡單單作個結尾菜式風格以西式fusion為主，有幾款菜式做得幾用心。尤其係蟹肉撻同海鮮湯，個人覺得可一試。餐單設計多選擇，適合想嘆一餐唔太heavy又有啲變化嘅朋友。同埋餐廳幾適合傾偈
繼續閱讀
Espuma 嘅呢餐真係幾有驚喜，啱晒鍾意食西班牙fusion又想試啲特別嘢嘅朋友。一開波嚟嗰個「辣味蟹肉撻」已經搶晒風頭。撻底香脆到吱吱聲，咬落去仲有少少焦香味。入面嘅蟹肉帶啲辣勁，唔係嗰種死辣，而係帶層次嘅辛香，加埋滑滑地嘅醬汁，一啖落肚，辣同鮮個感覺爆開咁，好有衝擊力。跟住係「香芒牛油果蝦沙律」，成碟色彩繽紛，賣相已經好吸引。蝦爽口彈牙，完全冇腥味，牛油果夠creamy，芒果甜中帶酸，成個配搭清新得嚟又有層次，食完好爽口，啱晒開胃。重頭戲係「西班牙橡果黑毛豬柳龍蝦汁沙鍋飯」。個飯底用咗龍蝦汁煮到入晒味，金黃色飯粒乾身香口，少少焦邊更加有口感。黑毛豬柳啖啖肉，肉質嫩滑得嚟帶啲咬口，仲有陣陣果香味，啖啖都好有質感，簡直係米飯界嘅貴族。之後嗰個「慢煮六小時牛肋肉龍蝦蛋湯麵」都唔可以忽略。個湯好濃郁，有龍蝦嘅鮮味又唔會太鹹，啲麵滑滑地好掛湯，牛肋肉一咬就散，冇半點柴，完全感受到六個鐘慢煮嘅誠意。最後甜品「泰式奶茶麻薯窩夫配雪糕」真係畫龍點睛。打卡一流，有個巨大嘅棉花糖。窩夫外脆內軟，麻薯煙韌中帶住微甜，奶茶味雪糕好香滑，唔會假奶茶嗰種死甜，反而有啲似飲緊地道泰奶咁，層次感十足，甜而不膩。總括嚟講，Espuma 食物好有創意又保持水準，每樣嘢都有佢自己嘅特色，食完真係會記得。
繼續閱讀
喺中環食一餐西班牙會好貴？唔使～今日我同Foodie朋友仔去咗中環一間西班牙餐廳「Espuma」，位於威靈頓廣場17樓，可以望到中環靚靚嘅夜景，而套餐只需$398，已經包括咗4款前菜、餐湯、主菜同甜品，每一度菜式都經過精心配搭，擺盤精美而且味道一流，CP值極高🉐Starter香芒牛油果蝦沙律新鮮爽口嘅大蝦配上爽脆嘅沙律菜同幼滑creamy嘅牛油果，味道酸酸甜甜多重口感，非常開胃嘅一道菜檸汁醃鮮吞拿魚、乾蔥、脆甜薯片、紅甜椒汁吞拿魚粒肥美鮮甜，加上香脆嘅乾蔥同甜薯片，兩者口感形成鮮明嘅對比，配搭香甜嘅紅椒汁入口更加清爽細膩辣味蟹肉撻必食推介👍🏻我個人覺得蟹肉撻最有驚喜，撻底酥脆帶黃油嘅香氣，裏面加入蟹肉同雜菌，濃郁嘅菇菌香帶著蟹肉嘅鮮味，芝士經烤焗後呈半溶焦香嘅狀態，味道辣辣地香口之餘更加惹味芝士焗法式洋蔥法國鵪鶉以法式洋蔥湯去烹調，鵪鶉充分滲透著洋蔥嘅清甜，肉質緊致有彈性，嚼勁十足，越嚼越覺鮮味Add-on海鮮拼盤加$68就有一個豐富嘅海鮮拼盤，裏面有鮑魚、翡翠螺、帶子同青口，四款海鮮都十分高質，鮑魚彈牙、翡翠螺有咬口、帶子爽甜厚肉、青口肥美脹卜卜，CP值高👍🏻Soup鮮茄海鮮湯餐湯有兩款，我地揀咗各一，鮮茄海鮮湯裏面有帶子、大蜆、青口同魷魚，蕃茄微酸飲落去有少少辣，充分刺激味蕾龍蝦濃湯龍蝦湯經過長時間烹調口感十分濃稠，再加上龍蝦肉令鮮味更為提升，入口順滑蝦味濃郁，兩款都各有特色Main香脆西班牙純種伊比利亞黑毛豬腩肉伴甜醋珍珠麵黑毛豬腩肉外皮脆卜卜，直頭好似食緊薯片一樣，半肥瘦嘅腩肉入口即化，鬆軟而且鮮嫩肉汁，一點都唔覺得膩，以珍珠麵混入蕃茄仔同黃椒作為配菜，口感煙煙韌韌，軟糯而香綿波士頓龍蝦西班牙燉飯主菜只需加$40就可以升級為原隻波士頓龍蝦燉飯，龍蝦肉質爽口彈牙再加上溶化嘅芝士，香味十分濃郁鮮味十足👍🏻米飯粒粒飽滿有咬口，再加上咸香嘅西班牙火腿同雞肉去燉焗，口感較為濕潤，味道層次豐富Dessert今晚嘅甜品係自家製黑芝麻蛋糕，好食到我食埋朋友仔嗰件😆朱古力脆皮入麵包住黑芝麻同原味蛋糕，蛋糕濕潤口感軟綿，上面用家有一粒黑芝麻球，芝麻香味極為濃郁，微甜而不溜📍Espuma (中環)中環威靈頓街2-8號威靈頓廣場M88 17樓人均消費：$400-500食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
今日慶祝結婚周年，嚟左中環呢間餐廳到食飯慶祝，餐廳環境夠高可以睇到中環的大廈夜景，帶點昏暗嘅環境真係好有情調。手打和牛肉丸伴果仁甜椒蕃茄醬 和牛肉丸有六粒，咬入口有少少香辣同幾彈牙，佢個醬汁creamy得嚟又好香，有回甘的甜椒味。香蒜欖油櫻花蝦蟹肉辣肉腸意大利麵意粉好夠彈牙，仲有少少帶子粒，加埋其他配料整件事好夾，唯一覺得佢份量比較少。炭燒加拿大天然豬鞍肉質口感一啲都唔韌，生熟程度做到剛剛好，仲要幾juicy，佢嘅配菜薯仔片好好食。招牌鮮雜果麻糬窩夫配雪糕我哋揀左半份，共有四件窩夫，入口外脆入面鬆軟，下面雪糕係用Movenpick牌子，我哋揀咗楓糖合桃味，加埋好多種唔同嘅生果食，真係唔錯。招牌雜果沙冰草莓蜜桃沙冰兩杯都好大杯，整到滿滿的，雜果沙冰有橙同青蘋果，飲到好多果肉粒；草莓蜜桃沙冰仲有藍莓士多啤梨呢啲水果粒可以食🤭🤭夏天飲真係好透心涼。
繼續閱讀
位於中環威靈頓街2-8號威靈頓廣場M88 17樓的Espuma (M88) 是一家融合亞洲風味與新派西班牙及歐洲料理的餐廳。這裡的菜單設計獨具匠心，提供一系列精緻的Tapas、海鮮飯以及各式打卡甜品，甚至連咖啡的選擇也讓人驚喜。最近，Espuma (M88) 還因Restaurant Week而受到關注，吸引了不少食客的目光。老婆一直想嘗試這裡的西餐，因此我們特意來到這裡享用晚餐。我們點了幾道招牌菜。首先是Pork Fregola，這道菜的意大利小圓米飯搭配多汁的豬肉，口感豐富，令人驚艷。接著是Foie Gras Spaghetti，濃郁的鵝肝醬與意大利麵的完美結合，讓每一口都散發著奢華的風味。Parma Ham更是不可錯過，薄片火腿的鹹香與肉質的細膩感讓人回味無窮。此外，我們還嘗試了Deep Fried Baby Fish，外脆內嫩的小魚，搭配檸檬汁，口感相當出色。甜品方面，我們選擇了Full Bombon和Rum Raisin，兩款甜品都以精緻的外觀，豐富的水果與絕佳的味道征服了我們。餐廳也很有心思，值得一提的是，即場登記會員就能享受每人一杯紅酒或白酒的優惠，清新的口感搭配我們的餐點讓整個用餐體驗更加完美，也讓我們感受到賓至如歸的款待。總的來說，Espuma (M88) 的獨特料理和精緻環境讓我們度過了一個愉快的夜晚，期待下次再來探索更多美味！
繼續閱讀