C.C. Cafe (已結業)

帶住隻狗狗行行吓去咗入西貢，唔知去邊度食嘢好，原本想食海鮮，但係價錢又好似好貴咁喎，所以想搵間餐廳可以坐住食，但係有啲餐廳唔俾帶狗入去食，所以去咗間Cafe嗰度食嘢，狗仔可以坐係我隔離一邊食嘢，真係好啦，佢間餐廳仲要十分窩心預備了小小坐墊俾小狗坐，讚！我叫左個午餐套餐，有意粉食，有嘢飲，加少少錢就可以有埋蛋糕食，好似大概＄60至＄70左右啦，價錢合理！有戶外座位，就有啲去到郊外嘅感覺一樣，十分良好！啲意粉估唔到都幾好食喎，啲魚煎到脆脆，，而且佢啲意粉有香料架，唔係茶餐廳嗰款，算係咁啦，一班年青人攪嘅cafe，感覺到佢哋嘅熱誠，讚！

嚟西貢已經第N次~每次都要試唔同的小店~今次諗住去鹽田梓,距離上船仲有d時間,又未食lunch,所以搵間cafe hea下~上網見食評都唔錯,又有all day breakfast就入嚟試下~唔洗等位~好舒適的環境,仲播住我至愛小豬既歌~加10分~好似地方有flat white叫~係介乎latte 與泡沫咖啡之間的coffee~拉花好靚,奶泡好厚實,味道好香濃,值得一讚~見到店舖放左好多唔同既咖啡壺同擺設,仲有好多精品咖啡~係好專門既coffee shop~叫左個all day breakfast $78 (加$8轉牛角包-好大個;加$12 煙三文魚)份量好大,share 食都得~味道不錯,性價比高~雖然無egg bendict~不過都幾豐富跟餐已經有好多唔同款細杯的咖啡,加$4可轉12oz~可以慢慢坐下,hea下~~既好地方

假日的早上和蚊蚊早起了, 便入西貢嘆個all day breakfast~ 可惜一心想到的CAFÉ 已人潮滿滿… 所以一邊漫走一邊找另一間CAFÉ。C.C. café 外內裝修並不吸引, 但餓了便入餐廳。 我們各點了兩個sets.All day breakfast (FULL) $78樣子並不吸引, 價錢相對食物質素屬中等。 招牌的外國入口腸, 不但不JUICY, 肉質也是””梅梅””的, 煙肉也是普通貨色 雖然外表金黃但並不脆口及熱… 沙律菜也不爽脆不鮮。 只有甜豆是暖暖及份量多, 值得一讚。火雞芝士牛角包餐 $41外表跟預期的有差… 牛角包扁扁的… 內裡的餡料也真的只有火雞及芝士… 跟外間豐富有料牛角包差很遠。不過牛角包鬆軟也是微暖, 芝士也是溶溶的, 火雞肉質算不上幼嫩可接受, 味道不差就是最original 的味, 如果配上醬汁相信評價能更好。跟餐加大Hazelnuts Latte沒有飄來的陣陣COFFEE 味, 但入口香滑, hazelnut 的甜並沒有cover coffee 的甘香。 我注重的拉花當我喝到一半也沒有走樣, 是杯靚正COFFEE~Strawberry Cho

那天...我覺得真會熱死人...入左西貢一日遊，但冇落水 好快就熱到濕透晒..好後悔冇去游水!話說本來我係想去let's jam的，但入面full 晒，D妺妺仔店員又完全ignore我地成5分鐘(真係企係入便阻住佢做野佢都可以唔理我地，好勁) 咁咪唔去囉，睇佢都唔志在招呼我。咁所以就行左去隔離CC Cafe，其實我都係想食個all day breakfast姐 有冷氣!!! 正...我叫左個all-day-breakfast轉Waffle，honey叫左個火腿三文治ummm..其實見到佢個樣個陣真係有D失望，賣相不討好，全部都好plain...果然...都真係超級普通，搞近唔好食，望下廚房，D人好年青，咁我又唔可以咁年齡歧視人嘅...再睇睇openrice，都唔係話好好好差呀...睇下個日子...3,4年前...真係轉左手都唔奇...總知我就未食過咁唔好食的all day breakfast..浪費了我入西貢食一餐的quota...honey個sandwich反而叫做普通好少少，我個個breakfast未達普通好少少的層次，咁咖啡來說，比起食物，叫做好好多架啦。算啦，下次都係排對面個間

有時候到郊區郊遊，感覺上很舒適的，一來可以舒展筋骨，也可以呼吸一下新鮮空氣。繼早幾天到過南丫島和長洲，今天來到西貢，可謂有點山長水遠，不過已經有好幾年沒來過。來到西貢，已經是二時半，實在肚餓，於是找吃。行經一餐廳名為 C. C. Cafe，不加思索便進入了。這餐廳不算太大，格局完全是咖啡茶座，帶給一種寫意悠閒的感覺。看看送來的餐牌，長的是午餐和全日早餐，細小的卻猶如一本相薄，相薄薄牌有各種顏色，今回是紅色，內裡記載了各款三文治，熱狗，厚多士和意粉，也有各式的意大利咖啡，還有的是，尚有其他的全日早餐。鮮茄牛柳絲意粉。無錯，餐牌上是記載了意粉，上桌時為何是長通粉？原因就是意粉售罄，結果要轉換長通粉。鮮加味道未算濃郁，牛柳絲也不算太滑，通粉都幾煙靭和彈牙。忌廉汁煙鴨胸長通粉。鴨胸富有煙董味道，不算太濃郁，忌廉汁也未算太過忌廉，較為淡身，長通粉也說過，煙靭彈牙。唯一挑剔的，是醬汁不足。Mocha 咖啡。拉花都幾清晣，泡沫打得混鈍厚身，下面的咖啡充滿了朱古力味道。白古力在外面甚少見到，是用上白朱古力漿加上牛奶合成，因此朱古力味道不夠，味道感覺上似是煉奶般。吃過午餐，便在西貢閒逛了好幾個小時，才出

難得嚟到西貢行山賞花，當然要順便relax 一下啦。行入舊區見到有好幾間特色的餐廳。見到呢間cafe就入去試試。原來呢度仲有情人節晚餐食woo 而我本身就好仲意飲咖啡。呢度竟然有精品咖啡飲。今次我選了Ethiopia ，其實本身我不喜歡酸的咖啡，但經過店員介紹後，話呢隻咖啡有意想不到的果香和士多啤梨的甜味。我當然諗都唔諗要試試啦～此店要求客人飲黑咖啡，不提供糖奶，相信很多客人尚未能接受吧。不過店員解釋，希望客人可以飲到咖啡原味。如客人堅持，就寧願不賣。現今做生意竟然可以企硬。佩服佩服。我的咖啡終於到了。温度不是太熱。剛好入口。意想不到的是我聞到士多啤梨香氣。入口有清香的果香味。太神奇了。怪不得此咖啡限量供應愛咖啡，必要試試。

因為想食all day breakfast 但周圍都滿哂見到呢間唔洗等位所以入左去四個人叫左四個full set all day breakfast加錢轉左厚多士同窩夫 另加三文魚好喇、啲野食到。家姐見食厚多士、想問位姐姐仔拎個牛油姐姐仔拎左丁丁黎（叫四個餐、但比得丁丁 ）想叫佢比多啲啦之前廚房個老女人衝出黎話個多士已經塗左啦！  無錯係衝出黎！九秒九個隻多士本身係有、但係咁宜塗左二野，覺得唔夠想自己想塗多啲係咪想再塗左多啲牛油係咪會死？洗唔洗咁緊張呢？係咪好貴？服務好差，大家都係想食餐早餐姐！講返食物方面條腸係凍的：（加十蚊得一小件窩夫唔問佢係唔會比蜜糖同牛油十分普通的食物態度十分惡劣加小家未試過為左牛油發火因為從來無一間餐廳會為左個客想要多啲牛油係廚房衝出黎話塊多士已經塗左唔開佢年唔得

放假入西貢碼頭行下，食個tea我其實成日係碼頭食野行下，成日經過C.C. Cafe都唔知點解無行入去食，今日終於入去作為一間cafe，其實d位就真係一般，有少少逼既感覺，始終都係鋪面細如果真係要坐得耐，會寧願行前幾步去一間叫panda既餐廳但都係講返C.C. Cafe d野食先！叫左個all day breakfast (full) hkd$682講價錢真係平平平雖然同人地專食all day breakfast個d無得比，但其實味道不錯！d腸咬落去juice煙肉唔會太乾，成個野份量適中！名乎其實：比上不足，比下有餘 All Day Breakfast (Full) 配上一杯coffee, 爽阿！

平常實在沒什麼時間做運動，所以周末都會被人拉去做運動，有時行山，有時踏單車。這次挑戰的是西貢郊野公園，選這裡最主要是因為在鹽田灣那邊有家士多，聽說有好吃的炒飯（連行山也只是想著去吃！），就趁著秋高氣爽，去走一轉吧。開始行山之前當然要先醫肚，鬆弛在開飯網找到幾間CAFE，最後因為時間趕急，我們去了一家應該不用排隊，最後順利入座及點餐。坐在甜品櫃旁，看到甜品的賣相還不錯，但未必夠時間吃，因為要趕去搭入效野公園的小巴。Cafe內有一台似模似樣的機器，而且就在我們身旁，可能是跟咖啡有關的吧，可惜我們都不太好咖啡，否則可以叫一杯，看看它是如何運作的。午市套餐只有幾款，點了個蕃茄豬頸肉意粉和一個西式早餐，隨餐會附送一杯飲品，包茶或咖啡，如果想點別的飲品也可，原價減$25，再補差價即可。我的熱朱古力奶味很重，味道普普通通，朱古力味略嫌不夠濃。鬆弛的Green Tea Latte顏色很深，抹茶味挺苦澀，入口也不夠細滑，看來在這裡還是喝咖啡比較安全。蕃茄豬頸肉意粉。家常煮意粉的賣相，不怎麼吸引，豬頸肉不多，意粉都幾有咬口，味道沒問題，只是沒什麼特色可言，也不怎麼出色，至少不會吸引自己會為這個意粉再回來。

果日收工約好朋友, 入去西貢食下tea歎下世界, 上openrice睇下有咩野好食, 見到呢間cafe好似唔錯, 就決定去呢度! 去到見到好多人喎, 仲諗住要等好耐! 點知又好快手喎, 等左15分鐘左右就有位! Very good!!坐低睇下有咩好食, 細細間, 但係又有好多choice喎, 又唔貴! 花多眼亂, 結果我就點左一客忌廉汁煙三文魚意粉, 加一杯Cuppucino! 等左一陣, 終於有得食! 好味喎, 意粉好彈牙, 唔會好焾, 煙三文魚又新鮮, 忌廉汁唔會好杰, 分量都唔少! 因為我最怕d汁煮得太濃, 食食下痴埋一舊, 咁就唔好食! 但呢個唔會, 啱我口味! Good! 再講埋個Cuppucino, d泡打得好幼細, 好滑, 細細間舖頭有咁ge水準, 算係咁啦!朋友叫左個All day breakfast, 加埋一杯Latte, 話明breakfast, 仲諗住只for朝早, 但係原來唔係喎, all day嘛! 睇到份量都唔少, 如果女仔食當lunch, 一定足夠!

終於來到星期日，可以慢慢享受下，暫時拋開煩惱。今日，我獨自一人前往西貢，打算搵間西式coffee shop enjoy enjoy行下行下，比我發現呢間C.C. Cafe，望一望個餐牌，見到有我最愛嘅窩夫，即入！Cafe店舖面積不大，容納到十五六人左右。早餐款式有十多款，我諗左幾分鐘，就決定左叫個窩夫配蛋沙律+ Hot Earl Grey Tea ($42)。過左一陣，親切嘅侍應就送上 Earl Grey Tea。Earl Grey Tea味道普通，無特別。過多5分鐘，新鮮出爐嘅窩夫出場！窩夫份量不大，相信男士們應該唔夠食。首先試一試個蛋沙律，d醬幾好味，ok! 跟住就試個窩夫，一切落去，好脆！正！食落去，外脆内軟，相當美味。雖然價錢偏貴，但食物幾好，唔錯唔錯！下次有機會可再一試：）

近呢幾日的天氣似足女人的心情，有時雷暴交加，但有時又天朗氣清，上星期已開始計劃今日放假要去西貢relax下，搭車出去西貢的時候又下來大雨來，興幸落車既時候就雨過天青了！一陣的大雨絕不影響我出發的興奮心情呢！一早計劃好去游水之前去醫下肚，有朋友介紹我去呢間cafe, 因為平日的關係，客人很少，除了我們之外，就只得一台客人！近廚房的一個廚櫃，放滿了約六、七款homemade蛋糕，款式以大路為主，例如藍莓cheese cake, tiramisu 等等，樣子完全也很討人歡喜！環境上，全部採取圓形玻璃枱子和籐製的椅子，陰暗柔和的銀色吊燈，播著輕快舒情的jazz music, 令人可以暫時掉下工作上的壓力，好好享受著呢一頓午飯！牆上掛上很大幅黑版，提醒客人這裏所用的黑咖啡全不加糖，以保持原有咖啡的純真！喜歡這間店的朋友，不妨在Facebook上俾個like丫，飲品上就可以享有升級優惠了！C c special係呢度特色推介的咖啡，第一次見咖啡用紅酒杯盛著，別有特色；份量不多，只是佔紅酒杯的一半左右。呷一口，質感較“傑”身，但after taste較長，慢慢滲出了一點點酸味，可是，我本身太受不起稍

weekend入黎西貢差不多係指定動作, 飲下咖啡, 食個早餐, 價錢又唔貴, 最重要係d 咖啡又好好味~今次, 試左個cappucino, 跟餐加埋都係40蚊左右, 好正啊~呢杯老公既, 拉花好得啊~再黎多杯creme brulee cappucino, 焦糖on top, 好味過普通既cappucino, 又無flavour latte咁甜, 正!再黎多個affogato, 呢個都唔係周圍食到啊, 好特別, 搞到我想係屋企整tim, hehe!我叫左個turkey豬仔包, waitress姐姐話呢度既豬仔包好正, 咁就試下囉, 食左真係覺得好正, 不過, 食完好快肚餓@@'' 老公叫左個意大利粉, 唔記得左影相, 但係味道不錯, 份量就唔太大既, 所以要整多個affogato先夠, kaka!

跟家人去西貢的全記飲茶，吃飽後四處逛逛，最後來到 C.C. Cafe 小歇。環境舒適，花心思的擺設，室外也有少量座位。店員親切有禮，但略嫌太過 hard sell，時常叫客人轉套餐 / 加多件 cake。煙三文魚牛角包，新鮮焗起，脆口富牛油香。煙三文魚挺多的，配上生菜和醬汁，味道不錯。Lemon Cheese Cake，質地不夠濕潤，但尚算幼滑。檸檬味把芝士蓋過，帶雲尼拿香油，挺清新的。Dark Chocolate Cake，面頭有一些閃粉（不知什麼食材來的），型格美觀。香醇的黑古古力蛋糕，用上 Oreo 餅底，古古力迷不可錯過呢 可惜質地極度硬實，連切開都有困難，希望能稍作改善。兩杯熱咖啡，很美的拉花，但圖案比較普通。家人說 Cappuccino 比 Latte 出色，後者的奶味太重了。整體感覺不錯，tea set 價格相宜，但 homemade 蛋糕仍有很大的進步空間

一直係到搵西貢有咩地方食野可以唔係食海鮮，因為兩個人食海鮮真係食得唔多，又唔洗咁貴得黎啲野又好食，又要適合兩個人架呢？所以就係openrice做過research 本來簡左另外一間餐廳~不過就好似貴左啲，所以再簡就簡左呢間黎幫男朋友慶生，應該唔會太頹掛@@睇過啲食評，都驚假日會多人，所以一早book定@@不過最後發覺都未必真係多人到要book相對對面的colour brown, 對面係就旺啲，但好似好嘈好多人咁@@慶幸呢間cafe就唔會 好適合想靜啲既人 黎睇下書悠閒下 二人世界high tea~ or同狗狗黎既人 因為出面有枱有櫈而我同男朋友都係選擇左坐出面，有啲似外國既cafe~我地食既時候係下午五點到 食完都七點打佯了順利當晚飯食我地叫左一個all day breakfast Set 包一杯飲品，男朋友叫了一杯 有可樂+咖啡+咖啡啫哩的東西一個 tea set (包一杯$38以下的飲品）所以我叫左C.C special !我覺得不錯！一個蕃茄鴨胸pasta~All day breakfast 方面我覺得個腸係幾特別~但口味既野就見人見智整體感覺不錯！Tea set 叫了一個roc