91
13
13
港鐵尖沙咀站 H/ R 出口
電話號碼
2368 6901
2368 6902
開飯介紹
Ambrosia 提供款式新鮮進口生蠔及鮮嫩味美的歐陸菜式而馳名。餐廳擁有以水天一色為設計主題的蠔吧,放滿來自南北半球包括法國, 澳洲、美國及日本等地的新鮮生蠔。 繼續閱讀
特色
浪漫情調
慶祝紀念日
營業時間
星期一至日:12:00-14:30; 18:00-22:30
付款方式
Visa Master AE 現金
座位數目
110
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務
加一服務費
海景景觀
提及此餐廳的食評 (138)
卓越食家 2016-07-16
1007 瀏覽
回望過去幾個星期留下的飲食足跡,發現多半約會都選了一些坐得相對舒適的地方,因男友工作辛苦,工時長又忙碌,能遷就到的見面時間變得少之又少,其實吃些什麼並不是重點,我倆只是想舒舒服服無限時地吃個午飯,而不知這由可時開始變得奢侈。經過較幽暗的玄關踏入餐廳,首先映入眼簾的是那270度維港美景,即使我們在香港土生土長欣賞過無限次但仍會禁不住讚嘆它的美;一張張梳化椅上面放滿帶有古典味咕𠱸,配上白色桌布,有格調且點到即止。而我們在到達前三十分鐘才致電留位,沒想到也能安排到窗邊位置,坐得更是稱心。不少餐廳在星期日也會以Weekend brunch作招徠,提供的食物多了但價錢同時令人卻步;欣賞這兒星期日的午市菜單和平日的一樣,可選只有主菜的輕怡午餐,或是頭盤加主菜的滋味午餐,兩者皆包括甜品和餐茶,對於胃口不大的人可是個福音,而更令人驚訝的是午餐價錢只是由$88起跳,最貴的龍蝦售二百多,伴著令人百看不厭的美景,整體比想像中相宜。Bread Basket (Complimentary)暖呼呼的麵包籃和冰凍的牛油在下單過後一同奉上,有兩款外貌不同的餐包和數塊薄片狀的脆脆,其溫度為它加了不少分數,挺有麵粉香,塗上牛油不錯的吃。Appetizer - Roasted Pumpkin and Quinoa Salad 南瓜藜麥沙律 $28嚷著肚餓的男友點了個沙律開場,沙律以baby spinach為主,上面放上一大片淡香的Ricotta芝士,加上香甜的南瓜和卜卜脆的南瓜籽,簡單清新。A La Amatriciana 意式蕃茄熟成豬面肉意粉 $98天氣悶熱,心想來個甜甜酸酸的主食也不錯;Amatriciana是意大利的經典醬汁之一,源自於Lazio一個名叫Amatrice的小鎮,以煙燻豬頰肉、Pecorino芝士和蕃茄擔當其三大靈魂角色。雖從未去過意國吃地道的Amatriciana,但這裡的蕃茄和肉燴得夠長時間,細嚐下還有一陣從未吃過的芝士的味道,而意粉煮得彈牙入味,加上面頭點綴的羅勒,為整味帶來畫龍點精之感。Charcoal-grilled Beef Flank Steak 炭燒牛肩扒 $158而男友所選的Flank Steak取自牛側腹,肉質雖不及西冷/牛柳嫩,但肉味較濃,上桌時一般都會先預先切好,因為如若逆著肉的紋理切,肉質會顯得柔軟一些。這兒的擺盤紅紅綠綠甚為悅目,牛肉要求五成熟拿捏得準,肉味果然濃郁,軟腍沒渣;另外伴在旁的薯蓉帶有突出的煙薰味,比一般的牛油薯蓉有驚喜心思。Bread Pudding是日甜品是麵包布甸,切得四方工整,麵包和雞蛋的比例大概是二比一,較為飽肚,而澆在上面的吉士汁弄得香甜,小小一件為這頓午餐劃上一個甜美的句號。喝著自己慢慢倒出來的熱檸檬茶,坐了兩個小時才離開;綜觀服務不錯,食物味道沒有大驚喜但屬水準以上,能望著如斯美景,兩個人不過是花了三百塊,個人倒是滿意。 繼續閱讀
見習食家 2016-07-12
1217 瀏覽
從朋友口中聽說口碑好食物有質素, 最後同老公決定係呢間餐廳渡過我們的相識2週年紀念飯. 原本book左晚上 730 pm 但因為我們早到了, 於是打電話去問可否早一點入座, reception二話不說改成了 700 pm入座, 值得一讚!由於入座時天還亮著我們想先觀賞一下景色, 侍應們都非常有禮貌地照顧著我們的需要, 例如會先比水同麵包給我們當小食, 非常周到! 上菜時間: - 水牛芝士番茄沙律 (呢個水牛芝士大廚將芝士整成ice-cream既口感, 食材新鮮, 非常特別!)-Duo de Foie Gras (呢個真係一定要食, 好味到形容唔到)-Coffin Bay(好creamy, 有驚喜)-Lobster Soup(超足料, 好濃既龍蝦味)-慢煮安格斯牛(剛剛好, 表面煎過非常香牛濃的味滲透出來)-慢煮三文魚(食過咁多三文魚中最好食最鮮味, 因為慢煮關係, 保留了魚的肉汁在內)最後我們品嚐埋個甜品把今晚的晚餐完美地畫上句號.呢間餐廳比我感覺非常好, 一定會介紹朋友食. 繼續閱讀
見習食家 2016-07-04
1686 瀏覽
相約中環朋友食晚飯, 想去遠D, 揀咗尖沙咀。友人諗起食生蠔, 非 isquare 28樓既 Ambrosia Oyster Bar 莫屬 。好彩有訂位, 可以坐到窗口位  雖然兩pair人坐落有點迫, 但這個「情侶廂座」實在無敵, 個view靚, 海景無遮無擋, 加兩張座椅背著窗口都無問題!幾個月無來, 打開menu一看, 完全唔同咗!!! 生蠔選擇依然多, 頭盤主菜更豐富, 但最 capture 到我地班數人 (做開銀行、會計, 對數字當然特別敏感!) 嘅目光, 當然係價錢! 竟然平咗一、兩成!!!聽經理話新來了韓國生蠔, 無喺外面見過, 大家也亦未食過, 當然先來半打。呢隻韓蠔 golden pearl, 大大隻, size 絕對唔輸蝕俾法國蠔, 但索價不貴, 每隻只是$68。隻蠔夠哂 meaty, 入口甘甜, 有淡淡 mineral 餘韻, 有驚喜! 緊接是少不了的法國生蠔 la lune。法國蠔果然是法國蠔, 縱使不夠當造, 但一口吃下去, 海水味十足! 有蠔香! 令人彷彿一下子飛到法國 非常新鮮! 正!  最後是澳洲 Sidney rock 生蠔。肉質同樣厚, 海水味十足, 有long finishing, 當造的鮮味, 加上只要$48隻, 果然無敵!!! 生蠔係自私餐, 但appetizer 同 main course 就可以大家share。 先來一客意大利蕃茄配水牛芝士雪糕。Mozzarella cheese 就食得多, mozzarella ice-cream 都係第一次食。香滑而奶味重的雪糕, 配上意大利紅橙黃綠色蕃茄, 既新鮮又清新, 實在是夏日的清涼前菜。女士特意 order 了甘藍羽衣橙沙律, 食味不錯, 份量很大呢! 油甘魚sashimi, 襯酸紅菜頭及青蘋果, 魚生肉質鮮甜, 醃得入味。鵝肝是友人的至愛, 兩食更好! 鵝肝煎得恰到好處, 可惜鵝肝mousse 就有點失手, 似pate質感, 少了幼滑及lightness。主菜前叫了湯。响蠔吧當然叫蠔湯。味道非常濃郁, 仲有一隻生蠔在湯內! 另外叫了鱈魚清湯, 令人驚喜。碟上盛放了魚肉及配菜, 用茶壺倒出熱清湯來。此湯有魚鮮甜味, 輕身, 足見用料多, 工序多, 價錢只是$128, 非常合理! 下次一定要再試~ 主菜出場。首先是我喜愛的多寶魚。魚肉鮮嫩, 火候剛好, 配菜卻麻麻, 但魚肉上加上三隻小小的西班牙紅蝦, 叫人歡喜! 有畫龍點睛之效! 多寶魚一般索價不低, 這裡賣的差不多$400, 但份量極大, 食得非常滿足! 接著是羊肉卷, 賣相特別。羊肉外圍包了一圈煎過的羊皮, 香氣洋溢; 羊肉呈粉嫩紅色, slow cook 的, 肉質嫩滑, 味道出奇的好。最後點了澳洲的 Wagyu hanger steak。炭燒味十足, 三四成熟燒得很好, 份量大, 更有配菜, 價錢不過$988, 我地四個人一齊share, 不知幾滿足。  甜品嘛... 有女士怎能沒甜品? 甜品來之前還說飽的, 但甜品一到, 女士的眼睛卻閃出「光彩」...   繼續閱讀