61
26
7
港鐵九龍塘站 C2/ H 出口
電話號碼
2265 7680
開飯介紹
餐廳位於又一城,處於衣服陳列室之旁,另有電影Poster的裝飾,感覺獨特,格調高雅。而且餐廳擁有其餘兩間餐廳的精選菜式,其中焦糖雪糕及法國青口值得一試。 繼續閱讀
獎項殊榮
最優秀開飯法國菜 (2011)
特色
浪漫情調
慶祝紀念日
飲o野傾計
營業時間
星期一至日: 11:30-22:00
付款方式
Visa Master AE 現金 銀聯
其他資料
酒精飲品
自帶酒水
切餅費
泊車
電話訂座
招牌菜
All day full breakfast Creamy white wine mussels French galettes Rib eye burger Roasted duck leg confit Terrine burger
提及此餐廳的食評 (100)
入門食家 2016-03-31
621 瀏覽
昨天下班後,跟朋友去這餐吃飯,一黎幾鐘情佢地既Cake,反正沒試過晚飯,就一於試試。我們三個人點了: 前菜: 無花果巴馬火腿沙律小吃: 田螺、青口拼薯條主菜: 牛扒、鴨腿、疏菜扁意粉甜品: 焦糖燉蛋、伯爵茶朱古力蛋糕。另外Happy Hour紅白酒買一送一,不妨一試! 但酒款比較少,只有每款兩至三隻,不過都值得一試!老實說,除了青口、甜品比較突出外,其他都一般,以這價錢來吃,應該有更好的選擇!但餐廳燈光,擺設都好適合下班後放鬆一下心情,餐廳座位較疏,所以摸摸酒杯底聊天一流! 繼續閱讀
入門食家 2016-01-17
1205 瀏覽
午餐時段去了九龍塘又一城,只因為要慶祝太太生日。揀選 agnès b. LE PAIN GRILLÉ 因為它給我的感覺是有少少型格的中檔路線餐廳。餐廳位於 服裝店內,空間不大,座位也不算寬敞,燈光和室內的設計總算配合得宜,有型格但是未至於令我感覺跼束。 黑松露芝士火鍋 ($168), 上枱時用了一塊長方形木製的碟(其實似是一塊砧板), 一共有九樣食材,而小小的碗內有黑松露芝士,下面用了黑色的小火爐,感覺都幾精緻!我先選了露筍試味,芝士有黑松露的香味和有點杰,初吃不會太漏, 但吃到最後就有點兒過份。薯仔,麵包,鵪鶉蛋和露筍一樣,本身都沒有味,所以配合芝士是挺不錯的。火腿粒本來已經頗鹹,再混了芝士就有過鹹的感覺。反而雞肉(可能是火雞肉)先煎熟了,有了香味,再加芝士就有雙得益張的效果。最後,芝士剩了一半,真有點浪費。另一碟鴨腿肉意大利細麵條 ($138),配料有洋蔥冬菇紅椒和波菜,麵質有嚼勁,麵身充滿了醬汁的鹹香味,有意外的驚喜。很喜歡帳單上寫著:Merci et a bientot! A beautiful journey of love since 1995 繼續閱讀
殿堂食家 2015-12-26
2062 瀏覽
agnès b. 嘅咖啡店到過唔少次,一向都覺得佢啲蛋糕好有水準;而agnès b. 嘅南法小餐館今回先喺第一次嚟,未知質素跟咖啡店又如何?因為都喺首趟,差啲搵唔到間餐廳,原因喺餐廳晌同名嘅運動服飾店裡面,入到去好似有新發現咁。又一城好多食肆都好多人,agnès b. LE PAIN GRILLÉ相對靜局少少,可能生客經過門面都唔知裡面有間法式小餐館。環境唔錯,唔好諗住喺賣法國菜就會好拘緊,其實,似咖啡室多啲,走輕鬆路線,以深啡襯墨綠,帶少少小館嘅悠閒風格。又以法國品牌Le Creuset器皿盛載,感覺更多幾分格調。雖然有晚市套餐供應,餐湯或沙律、主菜、甜點、啡茶,定價$328,好似有點貴,主菜又只有二揀一,所以,套餐好似唔划算。試試晌散點餐牌着手,3大頁就顯示晒所有菜式,包括:前菜、三文治、全日早餐、漢堡、主菜、法式蕎麥薄烤餅、意大利粉、咖啡、茶品、朱古力、特色凍飲、果汁……等等,選擇真唔少。先點啲飲品,再慢慢研究食乜。菠蘿茶 $42初時以為喺乜嘢,即喺檸茶嘅菠蘿汁版本,菠蘿汁加入紅茶內,味道都唔錯,茶香中有股菠蘿嘅清甜味,友人話嗒落幾得意,不過,$42的確有點貴,其實佢依度一杯凍檸茶都$38架。藍莓香蕉沙冰 $48沙冰及梳打喺特色凍飲嘅類別,而依一杯沙冰掂喎,因為沙冰打得冰凍幼滑,唔會出現冰粒感,入口先嚟藍莓嘅酸香,再飲落就有香蕉味慢慢滲出,真喺幾好飲,兼幾抵飲,啖啖真材實料。鮮奶咖啡 $40鮮奶咖啡一向喺小弟心水,不過,杯咖啡絕對成為唔到是晚嘅心水,拉花拉得麻麻都有相睇,但亦唔好睇得太重拉花嘅嘢,重點喺個咖啡撞奶泡唔夠平均,所以,入口唔夠圓滑。牛油焗田螺 $98喺經典嘅法式味道,一客有6隻田螺,隻隻都頗大粒,所以,肉地都比較厚身,入口挺實而帶點韌勁,隻隻都充滿牛油及香草香味,只喺小弟略嫌佢有少少過油。煙雞肉及煙鴨胸配車厘子醬汁法式蕎麥薄烤餅 $88甜品嘅法式薄餅食過唔少,而依一種鹹食嘅法式蕎麥薄烤餅(Galettes)都喺第一次試,一共有5款選擇($78-$148),我哋揀咗中間價位嘅煙雞肉搭煙鴨胸。深啡微焦嘅蕎麥烤餅口感煙煙韌韌,帶點點麥香,裡面包住唔少嘅煙雞肉,外面鋪上煙鴨胸,淋上車厘子醬汁,肉嘅煙燻味夾雜車厘子嘅甜甜酸酸,感覺非常有趣。因為時值聖誕,店家亦有乘勢推出應節菜式,有芝士火鍋、雜綿拼盤、燉牛臉頰及甜品,都喺散點嘅,店員就自不然會推介俾客人。睇落定價亦唔算貴,值得試試!雜綿拼盤 $188一共包含6款食物,雖然以二人份為前題,不過,鎅開去又可以讓幾個人一齊共享。賣相頗精緻,因為件件都做得的骰小巧,色彩繽紛,非常吸引,大可作為餐前小食。當中嘅鮮露筍、炸薯條配黑松露沙律醬就唔多介紹,前者新鮮爽脆,後者亮點都喺個黑松露沙律醬。鴨肝松露醬麵包厚厚嘅鴨肝醬,豐腴甘香,塗晌麵包上,變得更加軟滑可口,配搭一小瓣新鮮無花果,清香甜蜜,平衡番少少鴨肝醬,喺幾款小點中最欣賞嘅一款。鮮蝦松露魚子酥餅鮮蝦先經過烤香,口感仍保持爽彈。下面喺迷你酥盒,有蕃茄沙沙加少少黑魚籽,酸香鮮活中滲出淡淡鹹鮮,幾有心思。巴馬火腿鵪鶉蛋包裹成球形,真喺唔一啖咬落去都唔知喺乜,巴馬火腿充滿油香,帶鹹味而令鵪鶉蛋都變得甘香。田螺酥最驚喜喺個螺殼都可以食得,仲好鬆脆酥香,而且,啲田螺比起上面所介紹嘅牛油焗田螺仲好食,一來無咁油,二來加添少少芝士,效果更好,墊底嘅薯蓉都好軟滑。燉牛臉頰 $228打開煲蓋,香氣四散,大大件牛臉頰肉肉質唔單止鬆化軟腍,仲富有重重嘅膠質,而個砵酒汁非常香濃好味,所以,再以外脆內軟嘅法包沾嚟食,同樣不減「味」力,再者,汁內有好多配菜,令整道菜都顯得極之豐富。咁正嘅菜式,大可納入常規菜式中。同朋友聚一聚,傾吓偈,講講近況故然開心,但能夠一齊享用到美味嘅食物,稱心滿意,就更加滿足! 繼續閱讀