143
72
52
港鐵沙田站 A3 出口
電話號碼
2694 3886
開飯介紹
環境優雅,設計時尚的2+2 café,薈萃歐陸及亞洲各式美食。 每日均設有精選自助早、午、晚餐,多款口味獨特的國際佳餚,任君挑選,讓客人感受香港美食天堂之美譽。 相連之露天咖啡閣,最適合忙裡偷閒,小歇一會享受一杯香濃咖啡。 繼續閱讀
營業時間
星期一至日: 06:00-00:00
付款方式
Visa Master AE 現金
座位數目
300
其他資料
酒精飲品
切餅費 詳細介紹
泊車 詳細介紹
電話訂座
加一服務費
食評 (289)
卓越食家 2016-07-06
7666 瀏覽
自問是孝順女一名,總覺得爸媽多年的無私奉獻,換來只是一道又一道深深的皺紋,以及累壞了的身體,所以就算再累,我亦會抽點時間與爸媽一同看電視及傾談,就算說一些無聊的話題亦沒有所謂,反正,生活就是由一些瑣碎無聊的事情組成。 而除了平日多點關心倆老外,我亦特別著重母親節及父親節等節日,所以在父親節,我便帶著爸媽到沙田吃自助餐。 家住九龍,為什麼要來到新界吃自助餐,皆因家住沙田的同事極力推介這間2+2 cafe,說這裏的食物不但選攞多,海鮮、刺身、壽司、熱食、炸物、冷盤、湯麵等應有盡有,而且還有生蠔及龍蝦生食,對於我這個海鮮迷來說,實在不能過,還有就是食物refill速度極快,當職員看到食物只剩下一半時,便會火速補及,所以,父親節就帶兩老試試。我與媽媽非常有默契,就是會到取食物的地方環繞一周,再鎖定目標後再出擊,當然,吃生蠔最能回本,所以我們二話不說,第一時間拿美國生蠔,雖然每次只能拿3隻,但數量極多,大家就不用擔心第一次就沒有了。 雖然是夏天,很多人都擔心吃蠔很容易壞肚子,不過,餐廳給人的感覺相當衛生,開蠔後職員會即時在大家面前把蠔清洗乾淨,而且所有生蠔都是用冰粒來冰鎮著,確保新鮮。雖然是美國生蠔,但感覺有點像法國蠔,因為細細隻,能夠一啖一口的放進咀裏,而生蠔的海水及金屬味道不重,肉質爽口,味道鮮甜,而這份甜味能於口腔內久久不散。吃過後本來想再encore,但不知怎的又被其他的海鮮吸引位,所以就轉攻其它海鮮。試想想海鮮迷看到這一幕有多興奮,說實,我已經把爸媽忘記了,一邊排隊,一邊想著吃什麼海鮮,最後,有選擇困難症的我,決定每一款都要一點來試試。 個人極愛東風螺,螺肉肉質爽嫰,而且帶有鮮味,細嚼時更有一股甘甜的香味,加點辣醬汁調味,味道辣辣甜甜的,既惹味又刺激。另外,鮮蝦的味道超讚,蝦肉不但新鮮,而且口感爽口彈牙,蝦頭部份更有甘香的蝦膏,超級好味。我本身是很愛吃扇貝,可惜每一次order 時,都只分到"公扇貝",感覺有點可惜,不過,公的味道亦不錯,帶子肉爽甜,裙邊亦夠爽口,非常鮮味。瀨尿蝦雖然稱不上飽滿及肥美,不過,以海水焯熟後,就能把瀨尿蝦本身的鮮味保留,說實,瀨尿蝦蝦肉超級甜,而且蝦殼很容易就能把蝦殼剝下,讚。 旁邊一角提供炸物,廚師會不停的炸出各式各樣的天婦羅,那大家就不用排隊了,喜歡什麼直接在架上夾走就可以。我超級愛吃多春魚及秋葵,所以不停的encore 了好幾次。 來到刺身及壽司部份,三文魚、元貝、八爪魚、北寄貝、甜蝦等,全都一應俱全。三文魚夠肥美,口感油潤甘香,味道豐潤,而元貝肉質鮮甜彈牙,甜蝦肉質細緻,一啖一口相當滋味。 另外,個人極度推介這個魚生飯,因為飯內放了大量的魚生,而且師傳炮製時,還可以要求多加魚肉份量,三文魚真的超級甘香,而吞拿魚肥美得相拖羅,加了蟹籽及芝麻後,口感脆卜卜的,非常有層次。還有就是BBQ部份,燒烤食材真的超多,包括有龍蝦、西冷、羊架、茄子及秋葵等。可能師傳留意到我目不轉睛的看著龍蝦,所以燒好後第一時間便把有膏的龍蝦給我 ^^龍蝦雖然經過燒烤過,但龍蝦肉的水份仍然能保留,入口時不會過乾,肉質非常彈牙,而龍蝦膏份量不少,我分了一點點給爸爸吃,大家都大讚蝦膏入口甘香,讚。不愛吃刺身及生冷食物的人士,可以到熟食區選擇適合自己口水的菜式,因為食物選擇真的超多,大部份都是平日吃到的小炒,如炒通菜、咕嚕肉、炒雞丁、魚塊及炒飯等等,總人一款菜式合胃口。吃得太飽了,要吃了清甜的水果及沙津,清清品蕾,再轉戰甜品。喜歡吃甜品的女生,相信一定會和我一樣大叫起來,因為這裏的甜品真的超多,西式蛋糕及布甸外朱古力,以及中式甜品如豆腐花及紅豆沙都應有盡有。 而旁邊還放了朱古力噴泉及糖果,看見一眾小朋友雀躍心地把綿花糖及水果串起,再放進噴泉內,然後露出開心滿足的表情,就自自然然被他們感染了,想立即到朱古力噴泉親手弄一串給爸爸試試。 這一餐爸媽食得相當開心,值得一讚的是這裏的職員很細心,當我不小心把食物跣到地上,心急之際,他們已經以九秒九速度拾起及清理好地上的油漬,還向我表示不要緊,服務態度真的非常專業,令我覺得超級窩心。 繼續閱讀
(以上食評乃用戶個人意見 , 並不代表OpenRice之觀點。)
大路的自助餐 焦點食評
卓越食家 2016-07-04
5482 瀏覽
朋友來了沙田, 約左佢去呢間餐廳食自助餐. 我們5點幾已經到了, 仕應好奇怪我們坐係餐廳入面, 就問我們有咩要幫忙, 然後帶了我們去我們的座位度等.餐廳唔算好大, 食物種類都幾多, 不過較迫. 首先當然食生蠔啦, 細細隻的,即開, 每次3隻, 鮮甜呀, 唔腥的, 好味.刺身有我的最愛三文魚, 仲有魷魚, 好鮮甜的, 新鮮, 顏色都唔似好舊咁, 有光澤的.有個海鮮區, 可以煮, 都有好多款選擇, 有蝦, 蜆, 元貝等. 白蛤就會冇咩味, 但都好鮮甜的. 又夠大隻的呀.燒烤就即刻燒的, 好熱架, 有茄子, 雞亦, 仲有龍蝦呀, 好正, 龍蝦都好大隻, 半隻的, 啖啖肉呀, 燒得好香口, 好味, 有好多膏添呀. 雞亦好香, 燒到唔算好乾身, 但係好香脆, 好好味, 入面D肉還JUICY的. 茄子有點醬, 甜甜地, 唔會好淋身, 少少爽口, 好味.當然有長腳蟹, 仲有蝦啦, 長腳蟹唔算好大條, 但都好鮮, 咸咸地唔會好重海水味, 好味的, 肉都好爽身, 唔會好淋呀, 蝦好好味, 夠爽, 又甜的, 仲有燒排骨, 好正, 好入味, 又淋喎. 話咁快已到甜品啦, 甜品都好多選擇的, 有馬卡龍, 都好多款口味的, 唔會好甜, 好疏化, 好味呀, 仲有朱古力蛋糕, 焦糖燉蛋, 大菜糕, 係櫻花味的, 好特別的, 有些櫻花味的甜品, 都好FRESH的. 唔會好甜. 最後食埋雪糕就好完美啦, 有好多選擇, 我食士多啤梨, 雪妮拿, 仲有菠蘿. 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-07-26
1374 瀏覽
OpenRice 囉既65折,果日7月13日,早到左,17:45 就到左,入左去座,招乎Ok, 有禮貌,勤加水. 可能我果邊係有經驗既待應。起身行一圈已經有唔妥,咩事?比幾他buffet 少野好多。1800H 開波,龍蝦主題,緊係去囉龍蝦,之後就生蠔,同魚生。2000H (如果我無記錯) 會有人響鐘,初頭嚇一嚇以為走火警。原來係大廚切板壓壽司中間就唔講喇,咪又係食食食。點解會話垃圾?我當然唔係咩食家or 打手,我都去過唔少自助餐,但係真係估佢唔到少野成咁,可能要睇價錢入貨喇,不過真係幾失望下。1. 龍蝦, 鐵板燒-可能急冷關係(食開龍蝦應該知我想講咩,如果唔信可以自己試下就知咩事) 2. 生蠔, 大家要小心,佢有2隻,如果係出面開果d應該係美國Rock, 如果廚房囉出黎果d應該係法國珍珠蠔,黎隻好食好多,不過一次只可囉3隻。3. 薑蒽炒蟹, 薑蒽仲多過蟹,D蟹細粒到呢。4. 離場埋單,$8xx , 抵唔抵同好唔好食就真係見人見志,起碼我就永不錄用。 繼續閱讀
(以上食評乃用戶個人意見 , 並不代表OpenRice之觀點。)