4
1
0
電話號碼
2613 8129
付款方式
現金
其他資料
加一服務費
室外座位
電視播放
食評 (5)
新晉食家 2014-12-29
2334 瀏覽
約了朋友一齊打羽毛球,打完時間又尚早,不知去哪才好,又不想去行街,當時已帶點秋涼,幾適合去BBQ,所以我們就齊齊SEARCH下去邊個BBQ場。朋友SUGGEST去龍鼓灘海邊BBQ,反正沒去過,就去試下。收費為星期一至五HKD100成人,星期六日及公眾假期HKD110成人,價錢已包1支水及1罐汽水。龍鼓灘海邊BBQ會有FREE WIFI提供,約想CALL的士閃人,他們都有相熟的的士可以召援。他們更有VIP房,會超適合一家大細的人租用,我見到有冷氣的,而且房費是包了麻耀耍樂,電視收看,以及卡拉OK,大房HKD600/日,中房HKD300/細房HKD200/日。當中仲有其它雜費,如有需要可以付費享用,但一般都不用的。若你手機無電,又忘了有尿袋的話,可以付HKD10,可充電1小時,還有可免費泊車。食物款式方面,同各大BBQ場所提供的大同小異,食物都夠FRESH,不會過份醃製。個人最LIKE他們提供的蜜糖,因為勁杰身,完全不會溝稀,只要搽一層,燒出來已經有香噴噴的HONEY味。地方都幾大,仲有部份是在海邊燒,好似每位再加HKD10左右,但我們沒有加錢,因為覺得要行去洗手和拎食物都遠了…除了有攤位外,仲可以租單車玩,亦有個迷你版冒險樂園。我們一行4人,給了2包炭。另外,見到有些是2個人去BBQ的,就得1包炭。ANYWAY,最緊要有得燒雞翼,好好食。不過,BBQ最重要都是有腳,可以閒聊下大家近況,仲要可以傾好長時間,都不會被黑面或被趕走,而且一家食得飽,最多大家都有一身BBQ香水味罷了。 繼續閱讀
(以上食評乃用戶個人意見 , 並不代表OpenRice之觀點。)
入門食家 2014-12-23
1963 瀏覽
同男友鍾意去唔同地方BBQ,今次去左呢到,如果冇車都幾僻下,去到好小人.....十台都冇,好多都係最海邊,一去到,真係好靚,其實BBQ D野食大同小異,環境佔左好多分...如果簡海邊坐每位加十蚊,但好值得加!今次收費 110+10=120/PER包一支水同埋一罐野飲, 好平, 冇開爐費.---野食方面,雞肉腸唔係大眾食開個D,唔好食!雞翼有2種 辣個隻太辣,辣到係咁飲水. 另一款香茅就比較好食.好可口.金沙骨- 有少少似叉燒.但係橙色既叉燒. 幾好食. 幾入味.---1730去到,已經口落,真係好靚...好涼好舒服..野食冇影到, 因為間間差唔多, 基本上食開既都有.但D野唔難食. 但你唔會預好食. 普通..個環已經加晒分...坐附近既人都好正經...好多大家大細..又有得唱K..踩單車..有沙灘...GOOD呀 繼續閱讀
(以上食評乃用戶個人意見 , 並不代表OpenRice之觀點。)
資深食家 2013-10-03
2707 瀏覽
燒烤是我喜愛的飲食活動之一, 正是屯門龍鼓灘令我愛上燒烤那些年, 合群、朱古力、龍門......寵壞了我的舌頭, 養胖了我的小胃。現在, 剩下的只有朱古力和這間已易手的海邊, 前陣子還有團購呢, 昔日龍鼓灘的人氣鼎盛已不復再了此燒烤場頗有規模, 環境乾淨企理, 洗手間衛生情況不錯。而且很有系統, 服務員都很落力收費方面, 假日100元一位包一瓶水和一罐飲品, 有免費糖水提供。當天糖水是西米露, 非常冰涼可口。調味料就只有蜜糖, 其他要付錢食物方面, 可能是流量大關係, 新鮮是新鮮的, 但不太入味, 食味較單一, 較多用香料醃食物, 整體是可以的。丸類-龍蝦丸、墨丸、貢丸、墨魚丸、魚蛋, 較特別的有芝士丸和蟹子丸, 其中蟹子丸較特別。腸類-紅腸、廚師腸、切片熱狗腸肉類-豬牛雞扒、雞中/全翼、金沙骨、叉燒, 其中雞扒、雞全翼、叉燒算不錯海鮮-尢魚、多春魚、魚柳、秋魚魚, 都不錯其他-豆卜、麵包、數款瓜菜、番薯(不甜...)食味方面, 個人認為富泰燒烤樂園較佳, 不過海邊味道較自然, 而富泰味道而且醃料色素較多。設施方面值得一讚, 雖然沒小欖的燒烤場面積那麼大, 設施卻一應俱全。有麻雀耍樂(50元)、單車(小童20元, 大人30元二小時)、夾公仔、街機、攤位遊戲(?)最有趣的是有個很大的舞台供人唱免費卡拉OK一到入夜, 勁多人一展歌喉, 也有一家大小, 製造不少笑位和嘈吵聲。大部分的歌是那些年的歌, 有人唱了很多首張柏芝, 當懷舊一下也不錯。此外, 欣賞燒烤場的貼心, 特設海邊位(+10元/人), 天氣好看日落應該比下白泥還要好。另有大中小VIP房, 數百元左右, 但當天見到細房已FULL BOOK, 多是帶狗的人, 對狗主是好選擇。旁邊附設小餐廳, 不吃燒烤也可帶狗來光顧。燒烤場附近有小沙灘, 觀浪也不錯, 附近是中華白海豚觀望台, 只需上山走十分鐘, 景觀很美。十年前第一次接觸龍鼓灘, 十年後看到沙灘變黑了, 遊人少了, 覺得很可惜, 其實這是個郊遊的好地方。 繼續閱讀
(以上食評乃用戶個人意見 , 並不代表OpenRice之觀點。)