239
80
41
港鐵佐敦站 C2 出口, 步行約2分鐘
電話號碼
2736-5561
開飯介紹
這裡最出名的是鮮蝦雲吞麵,雲吞淨係包蝦,用料十足,配合鴨蛋製的生麵,加上熬足四五句鐘的湯底,認真一絕!可恨細細碗麵,一兩啖便吃完,食家只好在「抵食」和「好食」之間作出選擇了。加上一碟靚油菜,成為這間四十多年麵店的標誌。 繼續閱讀
營業時間
星期一至日: 12:00-00:30
付款方式
現金
食評 (373)
入門食家 2016-06-30
1964 瀏覽
哈! 尋日剛剛睇到facebook上一編由openrice post的文"開飯有話兒", 今日編文就被彈回頭了, 編輯大人還加了一句: "建議:請避免重覆﹑濫發或利用不同食家身份對同一食肆刊登相似或相同內容的食評", 重覆??? 濫發??? 利用不同食家身份??? 我都無喎... 細時住佐敦道, 廿歲前..真係食到悶..., 又事隔廿年, 搬離了這區後, 十幾年都無食, 近年常回到這裡, 再嘗, 口味完全一樣, 成了名的店, 水準依舊, 算難得了... 這塊六十年如一日的餐牌, 數埋不過廿種食品, 而且多數是相同, 例如雲吞麵、雲吞撈麵、淨雲吞, 三款..其實只係一款, 所以食物根本不超過十種..., 那些甚麼市場學家說... 消費者喜歡產品多樣化..., 絕對係"八加一"up...南乳豬手麵 $34, 以名店來講, 三十四元, 絕對唔貴, 尤其是相比於隔兩間店的麥奀記, 我直情覺得超值, 南乳味香濃, 如果叫"淨豬手", 那些南乳醬汁更加濃郁, 間中我也會買一盒翻屋企慢慢嘆, 當然, 豬手浸了入湯, 味道略為淡口了一點, 所以我永不會叫"豬手麵", 那...這碗麵...?? 隔離個傻佬叫既... 聽其言... 豬皮炆得淋中帶爽, 入口帶一種膠質的漿口, 肉質軟熟, 非常滿意... 我當然都搶了一件來吃... 哈哈..來麥文記, 必定食雲吞麵 $32, 雲吞放湯底是常識吧....把麵谷起, 以防浸得太淋, 傳統稱為"細蓉", 即一兩的生麵, 雲吞放四粒, 習慣先喝兩口湯.... 坦白說, 麥文記的湯底, 不及何洪記和正斗的好, 重點是缺少了蝦子...  應該係炒蝦殼... 專家教的正確食法, 為免麵身太淋, 應該係先食完麵, 才食雲吞, 但我食得快, 無需理會那些所謂專家的說法, 況且...專家多數都係亂up 居多的... 哈哈... 相傳話... 正宗的雲吞麵是用鴨蛋做的, 以前可能係... 依家..?? 我唔信囉..! 我信麥文記是用全蛋麵, 但肯定不是鴨蛋, 友人問: 那...是甚麼蛋?? 我心..吓咗一聲, 除咗"雞蛋", 還有其他蛋嗎?? 怕不會係鵪鶉蛋...或係.. 恐龍蛋吧...?!? 麥文記的油菜 $20, 也是全港數一數二高水準的, 淥得時間剛剛好, 中間心淋, 外圍爽脆, 當然...最重要的, 都是菜心本身高質素, 並非那些只有軟淋的菜心苗, 也不是那些中間心乾涸的老菜心, 唔係幫佢賣廣告... 雖然麥文記出名不會免費給蠔油, 但又真係唔使用蠔油, 都好好味!這是另一天來幫襯, 一編文寫了兩次食後感, 所以稱為"一文兩食"... 哈哈... 友人叫了一碟京都炸醬撈麵 $42, 友人評價, 食唔出與其他麥記店的分別, 水準不差, 辣度輕微, 肉絲質感厚身, 醬汁濃郁.我...當然都係食雲吞麵, 完全和上次一樣, 保持水準, 好!淨水餃 $32, 感覺上, 比雲吞差些少, 蝦仁無問題, 但那些豬肉比較鬆散, 有兩隻水餃內的木耳大少, 沒有那重軟中帶爽脆的口感. 菜心... 今次渌得過了時間, 略為偏淋, 合友人心意, 但我喜歡爽脆一點. 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-08-23
77 瀏覽
上星期吃過連鎖式的粉麵店, 勾起想吃碗較好的雲吞麵的念頭.  正好今天去佐敦覆診, 乘著不太餓的狀態便再來這裡光顧一下. 這家店的旁邊是一家長年有人排隊的牛奶公司, 我從未光顧過, 還好這個麵家並不需要大排長龍. 根據之前吃過的經驗, 這裡的麵食份量並不大, 以前午飯肚餓時我還會吃兩碗填肚. 今天看了一下, 便點一個豬手麵吃. 等了大約5分鐘, 豬手麵便上來. 期間看到旁邊的枱, 客如輪轉, 座位有點擠逼. 麵身彈身, 輕微碱水味. 豬手有3大件, 豬皮部份不會過淋, 但較爽及彈牙正合我口味. 湯底亦帶有豬手的南乳汁香. 不用5分鐘便吃完, 亦一如如期地不太飽肚, 但味道上滿足了. 服務上, 雖然客似雲來, 但店員的態度保持友善, 合作. 服務上可以給4星.  繼續閱讀
(以上食評乃用戶個人意見 , 並不代表OpenRice之觀點。)
見習食家 2016-08-18
198 瀏覽
The wantons and dumplings are tasty. When order remember to order oyster sauce vegetables to complete the meal. Price very reasonable . 繼續閱讀
(以上食評乃用戶個人意見 , 並不代表OpenRice之觀點。)