28
3
1
港鐵藍田站 D1 出口
電話號碼
2328 5128
9072 8683
營業時間
星期一至日: 11:30-22:00
付款方式
現金
座位數目
100
其他資料
酒精飲品
自帶酒水 詳細介紹
電話訂座
室外座位
電視播放
招牌菜
水鵝 凍蟹
食評 (33)
新晉食家 2016-06-22
1362 瀏覽
嚟到呢間潮州菜館,又真係幾得。唔係有friend住呢頭,都唔會識得嚟呢度食飯。鹵水鵝片并豬腸 - 好大碟。鵝片好嫩滑,豬腸夠淋,頌有豆腐墊低,鹵水汁夠晒味,又煮得夠火喉,剛剛好不會過鹹。福果胡椒豬肚湯 - 胡椒味夠,好香濃白果,不過湯渣唔多,豬肚較少。味菜煲大蟮 - 條蟮好大條,好滑好鮮甜,味菜煮得好淋啲味入晒係嗰湯底度,鹹中帶有鮮味,好好食。潮州凍蟹 - 不過不失,蟹比較細,肉不多。食凍蟹主要食鮮味,但鮮味不足稍為遜色。不過價錢咁平都算係交到貨。九肚魚春卷 - 之前未食過想試下,不過其實食唔到九肚魚味,剩係覺得啲「涵」嘅質感似係九肚魚嗰種質地,不過即炸春卷熱辣辣,已經夠好食。豉油王煎蝦 - 中蝦size,鮮味不足似係雪藏蝦,但係嗰汁校得好好,豉油好香又有甜味。潮州芫茜燒鷄 - 鷄都幾滑,但唔覺有芫茜味,所以唔知點解嗰名話芫茜燒鷄。點豉油食就更好味。蠔仔烙 - 好多蠔,蛋香夠,配搭合宜。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-03-14
2245 瀏覽
感謝兩位好友又在今年為我搞了一個慶生飯局,時間就在我生日前幾日的一個晚上,餐廳方面由我來安排。其實之前都試過麗港軒, 發覺有一定水準, 而且地點也就近兩位好友,便提議到這間潮菜館,在大家同意之下就落實這次飯局。麗港軒潮菜館位於麗港城的會所內,以私房菜模式經營, 有標準套餐供應, 收費方面是按人頭計算,而人數越多可享用的菜色也越多, 訂位時已要選定了所有菜色,當中有些菜色需要預訂, 有些則要另外加錢。除了有標準套餐之外, 也有其他散點菜色。在周五的晚上,一行三人來到後覺得地方是實而不華,由店員引領入座,被安排坐在餐廳最盡頭的一張枱。先來一窩湯品, 福果胡椒豬肚湯是也, 呈顏色奶白的湯, 湯料方面有福果、豬肚、腐竹等,喜歡當中的豬肚,豬肚煲得很腍,而福果即是白果, 份量也多, 煲得煙韌, 用了一粒粒的粗胡椒,湯內有很濃的胡椒味,味道清甜香濃, 是有水準的端來的是潮州凍蟹,烹調方法不太複離,就是最簡單的烚熟後再攤凍就可以了, 是晚供應的是花蟹,雖不算非常大隻,但就十分好肉也肉質爽實而鮮甜,還有一些豐腴的蟹膏, 不用任何調味已非常美味。來一客蠔仔烙,這裡的蠔烙是煎得不錯的, 蠔餅煎得剛剛好, 沒有過火, 表面有點焦, 蠔的份量也算多,雖然不大隻, 蠔仔又圓又大,滑嘟嘟, 入口沒有腥味, 再加上蛋漿甚香,配上啖啖鮮美的鮮蠔, 就是好吃。一味潮州芫茜燒雞, 每件雞件整齊地排列在碟上,賣相已是不錯,雞件皮薄肉厚,雞皮炸成金黃色而且香脆,雞肉也保持嫩滑的肉質,肉汁充盈也夠雞味,是出色的一道菜。還有豉油王煎蝦同樣吸引,海蝦都算大隻, 先泡油再以醬油入味,燒得火候十足,蝦殼乾身脆口,海蝦沒有霉味, 是出乎意料的新鮮, 蝦肉鮮嫩爽口,豉油份量落得啱啱好, 小小鹹味可以有提鮮作用, 有水準。吃完標準套餐的四菜一湯後,也額外散點了一個菜類項目, 就來一個蒜蓉炒白菜仔,份量已算大碟,白菜仔是新鮮的, 入口時沒有任何纖纖的渣滓,白菜仔帶點清甜,配合蒜蓉的味道, 效果也不錯。單尾來多個散點的方魚蠔仔肉碎粥,蠔仔粥是相當大窩,蠔仔的份量也相當多,蠔仔也很肥美,蠔仔都新鮮,無任何腥味,肉碎也新鮮,粥方面都相當好味,湯底也是鮮甜。甜品方面是清潤的綠豆清心丸,是味潮式糖水, 糖水內有綠豆和清心丸,味道只是微甜,清心丸口感煙韌, 而一粒粒的綠豆也香味十足,食完多個潮州菜式後,來個甜品確係相當滋潤。大家吃得飽飽, 而且食物水準都唔錯,加上每道菜的份量相當足,價錢方面也是經濟實惠,但環境只是一般。其實有時好友聚會, 簡簡單單的去吃一餐已足夠。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-02-27
1292 瀏覽
雖然不是麗港(城)友,但因麗港城有個由細睇到大嘅勁醫生(唔知點解係睇佢先睇得好),所以久唔久都過來呢度。今次因感冒未清,放工又長征過來睇一睇。由於 Mr A 好想食潮州菜,就喺 open rice search 觀塘區有乜中菜食,竟然出咗呢間潮州菜館,rating 好,仲要喺正麗港城裡面喎!睇完醫生食晚飯啱哂!睇評語話要book 位,Mr A 就即打去訂到兩位,不過話唔好介意要喺門口位置。估唔到星期四晚,約8:15pm 去到時都坐無虛席,真係得返我地二人門口一張細細地嘅枱。由於我仲有啲感冒未清,所以無叫dinner set (有凍蟹我好想試呀~!最衰有點咳廢事食凍嘢),而散叫咗蠔仔粥,鵝件雙拼,鼓汁蒸鱔同勝瓜。真係估唔到咁嘅價錢,啲嘢食咁有水準,仲要足料大大碟!蠔仔粥: 蠔仔非常肥美,入口香滑無過熟,食得到蠔仔的鮮味,湯底味濃而沒有過鹹。 鹵水鵝肉掌翼紅腸:不是掌翼紅腸fans, 所以主要食鵝肉。鹵水入味,鵝的肉質幾嫩幾腍。非常不錯! 蝦乾蒸勝瓜:我覺得勝瓜有點over cook 腍咗少少,但A 就覺得口感幾好。個蝦乾同鼓油幾香,清清地送飯不錯。 最後係鼓汁蒸鱔:啲鱔大件件,蒜蓉豆鼓汁味道香濃,非常入味。連平時唔多好飯的Mr A,都即時KO 咗一碗飯再要多碗飯來送呢碟鱔等我下次好返來試個凍蟹先 繼續閱讀
(以上食評乃用戶個人意見 , 並不代表OpenRice之觀點。)