104
29
15
電話號碼
2365 0112
開飯介紹
\r\n 繼續閱讀
特色
適合大夥人
營業時間
星期一至日: 18:30-04:00
付款方式
現金
其他資料
深夜營業
加一服務費
室外座位
食評 (165)
新晉食家 2016-04-09
2078 瀏覽
鴻福其實就營業左好多年,我都係睇完無間道先識去,不過第一次去到都搵一餐,因為佢位於冷巷,出面又無指示牌喺路口,行到入去第一印象就覺得究竟乾5乾淨架?條冷巷剛好又搭緊棚,好亂好污jeo咁,行起上泥又驚有老鼠,但係當我一入到舖見到爆哂棚兼夾枱枱枱面既美食,先前見既影像都忘掉得一乾2淨😄。今次是第2次捧場了,望住個餐牌,直頭樣樣都想食,主打當然要2味都叫,就係佢地既炭火邊爐同炭爐燒烤啦!叫左幾款海鮮,試下新5新鮮先……生蠔,大蜆,海鰻都好大件好新鮮好多汁!食得辣既朋友,燒既時候上面一定要加埋佢地特制既蒜泥辣汁。再試埋其他燒烤食物,雞心雞軟骨必燒,其實雞心唔多地方有得食,難得有就當然要叫碟食下!佢地既手切肥牛都係重點推介,好靚好新鮮好咬口唔un同都算足份量。由於我地2個人去都唔叫得多,今次就食住咁多先,唯有下次再試下其他啦… 繼續閱讀
(以上食評乃用戶個人意見 , 並不代表OpenRice之觀點。)
新晉食家 2015-03-03
6645 瀏覽
平安夜一行六人來此慶祝, Order了兩個爐, 一個火鍋, 一個燒烤. 點了芫茜皮蛋作湯底, 火鍋料計有鱘龍魚片,野生竹笙,五花腩, 鮮羊片及唐生菜等. 正如MM所言, 鱘龍魚片確是清甜爽脆, 怕腥的朋友亦不妨一試.野生竹笙比平時食開的略為粗身爽口, 五花腩切成薄薄一片, 肥廋分布得宜賣相討好, 食落口感軟滑. 羊片亦是薄薄的一片, 味道鮮甜唔羶.燒烤料方面計有大蜆, 鱔圈,鮮帶子及九孔鮑. 原來燒蜆同放湯的食味好不同, 大蜆經燒過後居然有種似蜜糖的甜味, 勁正勁好味! 鱔圈是另一傑作, 肥瘦適中, 入口甘香豐腴, 正!!! 鮮帶子都是水準之作. 。燒蜆- 味道鮮美,肉質爽口,無沙,正!但因太多,我們試試放落湯,可能給湯衝淡了,沒有燒的好味!燒帶子- 帶子殼要燒到差不多粉碎,帶子才剛剛好,好鮮味,正!唐生菜- 吸收了湯的香味,菜又新鮮,好好味! 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-02-22
5612 瀏覽
鴻福海鮮四季火鍋今次同大伙兒來到紅磡搵食,大家睇左陣Google map,但都係唔識去,最終搭的士哈哈哈。入到去,第一感覺就是環境較簡陋,地方不太整潔,但通常咁既環境,氣氛先好,食物先有驚喜,所以大家都不介意。一坐低,有位姐姐就介紹當日有咩新鮮既食材,我地亦不理價錢地叫左好多好多...炭燒鮑魚一開始我地就燒鮑魚,鮑魚非常新鮮,上枱仲識郁,加上店內提供的醬汁,燒起上來非常香,食落亦彈牙惹味,有陣陣炭燒香氣。另外亦叫左炭燒大蜆,燒到隻蜆開殼後,其實無需加任何調味料已經好好食好新鮮,因為佢有淡淡的海水鹹味,加上炭燒的煙香,令人食指大動!炭燒扇貝扇貝上枱時亦是非常新鮮,size都幾大,店內姐姐教我們加少少辣汁或醬油上去燒,食起黎更吸引惹味!果然,扇貝一咬下去非常鮮嫩可口,醬油香味亦在互相揮映。 繼續閱讀
(以上食評乃用戶個人意見 , 並不代表OpenRice之觀點。)