順記 (已結業)

前排好姊妹介紹我嚟呢間順記酸辣粉食，話拍得住譚仔個重慶湯底喎，我心諗有無咁堅啊，點知呢間原來係重好食過譚仔嘅，佢地個湯底酸辣媽都跌宕有致，極有層次，諗住譚仔都食到中辣就喺呢度都嗌番個中辣啦，但係辣到我要揀番啲辣椒出嚟，下次都係嗌返小辣好喇，另外個鹵豆腐極其入味，又夠大舊，真係好正啊。

酸辣粉喺第二度食得多，試下其他新野先。豬骨濃湯配幼薯粉，再加墨丸同辣腩肉～個濃湯望落無乜味咁，其實好濃味下架，肉碎同薯粉煮得好入味，就咁食粉都覺得幾好味，反而啲餸破壞左咁和諧嘅感覺😂因為墨丸同腩肉都係一般般。之後再泥食，叫左個沙爹濃湯配幼薯粉。本身無叫過肥牛，唔知係咪送架呢～薯粉一樣煙韌，個沙爹湯好香，越飲越甜，最後甜到好似有啲粟米濃湯味😂跟麵加左個豬扒做餸，豬扒都ok，炸得香脆，腌得入味，尚算鬆軟。下次試埋個酸辣粉先～

自從冇出現喺屯門醫院之後， 就再冇食過順記嘅胡椒豬骨湯底米線， 猶記得胡椒豬骨湯底胡椒味相當突出， 口感辛辣， 令人一試難忘。 難得經過屯門， 就介紹呢間我認為可以媲美譚仔嘅米線俾 K先生。呢度嘅胡椒湯底豬骨米線，配料有粟米、豬頸肉、同生菜， 如果唔貪心， 其實食一碗已經夠飽， 不過今次就叫埋招牌嘅求其豬扒。胡椒豬骨湯底質素keep到，胡椒味依然香濃。 配料粟米同豬頸肉嘅份量亦唔少， 豬頸肉唔會太肥。至於求其豬扒即叫即炸， 食辣熱辣辣， 夠曬香脆，不過就嫌鬆肉粉落得太多， 食得出有梳打粉味。K先生食過後都大讚， 如果食酸辣米線食得厭厭地， 胡椒豬骨湯底絕對係第2選擇。

這家店之前吃過外賣，漏了配料然後就沒有再吃過了。選擇算不少，價錢普遍不貴。是次叫了麻辣撈，紅薯粉，腩肉，蘿蔔＄34料多份量足，比起麻辣更像酸辣，對不太喜歡酸辣的本人來說還算不錯，醬的肉碎蠻香的。紅薯幼身，不會吸太多醬剛剛好，花生也是脆的。腩肉比想像的好，厚切的肥瘦相間，而且不鞋，滿足。蘿蔔又漏了，只好跟店員說，後來加回給我們。蘿蔔夠淋，但沒甜味配合酸辣味道怪異，不會再叫。豬骨湯米線腐皮＄28便宜大碗，湯不濃加上芫茜等味道剛好，米線軟硬做得比三哥好，可以一吃。豆漿＄7廠家拎貨，沒豆香，還好沒太多糖，本地製造，不貴，支持一下。店家的服務說好，會見漏水幫換位置，說不好的是常漏菜，又不是任吃也會漏這點還人猜想廚房是不是由任吃壽司店轉來的。

前晚心血來潮，特意在屯門盈豐花園附近尋找美食，穿過這短短的小街，發現了這地方一共有五間食酸辣米缐嘅食店，花多眼亂之下便隨便找間小店坐下~ I 這小店雖小，食物種類頗多，就連我最愛吃的胡椒豬骨湯底也有，就來一個吧～跟餐多加$10有一碟菜，一人份量剛好，汁料係豉油酥炸雞扒（$13） - 雞皮炸得脆，雞肉嫩有肉汁，份量也足，不太油，多吃也不膩胡椒豬骨湯底（$31） - 絕對好香胡椒味，配料也足有皮蛋呢，十分香而不太辣，豬骨味濃，湯底跟蔥粒很配很清新，多喝也不嗆喉，豬腩肉肥瘦剛好，不膩... 味道也豐富，有花椒八角味很出，一共有六片，超值屋邨裏也能做出色香味俱全的美食也難找了，價錢也相對地平，下次一定要再來試其他小食

雖附近有不少類似雲南米線連鎖店,唯仍不及其他小店的特色，由以這間最吸引本人。確實，這間餐廳價錢不是最便宜，但本人認為性價比最高，例如今天本人點了腩肉娃娃菜雲吞酸辣上海麵，不到數分鐘便上菜，湯底酸辣分明，不會一種味道太重而蓋過另一味道，麵底軟硬適中，娃娃菜伙候剛好，而腩肉也十分入味，唯雲吞皮爛了帶點美中不足。但凡事總有瑕疵，以整碗麵的價格來說沒99分也有90分，這種價錢能吃到這麼高質的麵在出面可沒見過。另值得一提此店設有水吧，奶茶等算不錯。通常放假日子，時間許可下也會到此店吃一碗米線底麵作午餐，除了食物外，小店獨有的佈置和店員們跟顧客的人情味，可不是連鎖店能比擬的。願眼前一切不會隨所謂香港發展而消失

之前，我告訴媽咪屋企附近有間大碗夾抵食的粉麵小店 <順記>！有次星期日，她說到不想煮飯，不如落街食！ 況且，食完我不用洗碗，方便大家！媽咪也支持街坊小店！ 我的選擇：炸醬紅薯撈粉 $17紅薯粉被滿滿的炸醬配料掩蓋著！包括：肉碎、蔥花、芫茜、花生、芽菜、韮菜、...等。忍不住要起筷了！ 紅薯粉晶瑩剔透、口感煙韌！ 仍是熱到出煙！跟多款配料一起撈至均勻，增添食味！份量充足！食完已經好飽！ 媽咪的選擇：豬骨濃湯紅薯粉 $18 紅薯粉放湯同樣美味出色！ 豬骨濃湯熱辣辣！ 更是對媽咪胃口！她至喜歡食熱辣辣的食物！平均每人不用 $20，無謂煮飯咁麻煩嘞！

做了無帶飯開工一族,有時都會叫外賣食 ,公司附近有幾間同類型的雲貴粉店 .我都試叫過外賣 .最令我們感動的一次是天在下雨 ,某間粉店的外賣金額突加至一百元才送貨 . 幾經張羅才由其他同事手中得到另一間的粉店即順記的餐單 .這是我第一次叫順記的外賣 .她的紅薯粉和豬骨湯分開兩碗上 ,不怕放得耐索乾了 ,材料ok 好入味 .最好係講明四十元送貨不會臨時加價 ,下大雨也送來 ,服務態度十分好 .現在每次返夜班可以的話我們都愛叫她的外賣 .紅薯粉車仔麵是必吃 .就算返早班下午收工都會行去食碗粉才回家 ,此店已成我們同事的賣飛佛

黎過好多次，好鍾意佢地整的酸辣湯底，好惹味。而我喜歡吃這間店子的幼紅薯粉，做得很煙靭彈牙。湯裡加的花生也出奇的很脆，不是淋滋滋的。而湯裡肉碎也多。所店的食物都OK，但嫌份量比較少。另吃了店子的鹵水拼盤，各樣餸菜也很入味，份量每件2-3夠。其實價錢與一般米線的店子無異，尚算滿意，因為價錢與份量都成正比。可讚賞之處，就真的是它的湯底及紅薯粉，非常惹味。

我爸爸媽咪去大陸玩 3 日，即係無飯開！放工又要返屋企做家務，開咗洗衣機之後，即刻走落嚟食碗麵！之前，我試過紅薯粉及米線，今次想試吓紅薯寬粉！ 因為，紅薯粉及紅薯寬粉都係自家製，值得一試！況且又咁平！雖然，睇餐牌紅薯粉加價 $1，但係，配料唔同咗！ 豬骨濃湯紅薯寬粉 $18 + 鹵水豆腐 $4 + 雲吞 $4 ( 唔辣 ) : $26 豬骨濃湯湯底比之前濃一點！無咁咸！配料包括：腩肉、炸醬、花生、生菜、芫茜、蔥花。 十分豐富！完全舖滿面！ 腩肉 - 瘦多過肥，勝在夠入味！ 炸醬 - 即係肉碎，肥美惹味！ 花生 - 變壞有油益味！ 生菜 - 係唐生菜，沒有特別！ 鹵水豆腐 - 我見到老闆取出一件鹵水豆腐切片，然後上碗；幾入味！ 豆腐質素一般！好多孔！ 雲吞 - 只得兩粒！做得馬虎，賣相一般！ 皮厚包得鬆，入哂湯！有韮菜、木耳、豬肉、冬菇做餡，夠好味！ 紅薯寬粉 - 呈半透明，比較河粉闊身，實在太滑關係，幾難夾起，必定要匙羮輔助。質感爽滑彈牙，每條長度參差不齊！份量充足！食完已經好飽！轉咗兩位阿姐，雖然多嘢講，但係她們都幾好！幫食客催老闆快啲手！ 費時食客等得太耐！

前兩日見呢間舖新開,冇時間試!!難得今日放假~特登行過去試試!其實舖頭位都ok既~ 因為租埋隔離舖~多d坐位,唔洗成日外賣!!去到舖頭~ 入面得一個客! 可能新舖關係(冇映相,sorry)入到去~門口姐姐派單張!! 不過唔得閒睇~因為入面都有得睇放入袋口~ 就求其搵個位坐底!!坐底睇餐牌...比以前既店舖多左幾款小食~ 叫外賣就唔洗特登叫兩碗或多d送 夠40蚊先送外賣!! 叫左濃湯米線~唔辣!! 自問食米線首先一定要試下店舖既湯底!! 如果湯底唔得~ 跟本就唔會有人幫親!餸方面~ 叫左羅白,腩肉 同 時菜!! 飲品方面本來想叫罐裝橙汁飲...後尾靚女極力推薦支裝豆漿~又話冇防腐劑 又話新鮮製造...即管試試!!豆漿黎到...開左個蓋...發現仲有銀紙封頂!! 好難開!店舖職員話冇防腐劑係難開d~ 不如我搵野幫你開....其實店舖職員點解唔可以開左先拎過黎呢? 其後拎支飲筒比我....我成支飲筒放入豆漿後....唔夠1秒支飲筒入哂落豆漿度支豆漿仲大過支飲筒~ 其實店舖職員有冇諗過呢個問題?難道次次飲果時都伸隻手指入樽口位【挖】返支飲筒出黎??碗野黎度,白色湯底!! 一睇就知豬骨湯底!!

最近，返工時，見到屋企附近開咗一間小店 <順記> ，招牌以白色底色配紅色字，十分搶眼！ 隔雜正是地產舖，其實都好易搵！ 店子細小，只有 5 張枱及 18 座位。兩位女店員，分別負責樓面及派傳單，她們面帶笑容真有禮！老闆則負責廚房，真係親力親為！呢度主打酸辣米線，據女店員稱，米線係來自雲南，聽起嚟真夠正宗！ 此外，有自家製紅薯粉，相當夠特色！ 我一向鍾意特色食物！ 最吸引我莫過於自製紅薯粉； 酸辣湯底米線及豬骨濃湯底米線，同價 $17 ，完全街坊價，估唔到咁抵！辣度：唔辣 / 少辣 / 中辣 / 大辣 / 麻少辣 / 麻中辣 / 麻大辣 配料：由 $3 ~ $4 ；$3 配料共16 款包括：貢丸、雞翼尖、生菜、鹵水蛋、豬舌、雲耳、蘿蔔..... ；$4 配料共12 款包括：鹵水豆腐、鹵水雞翼、豬大腸、豬耳、豬頸肉......款式不太多！另外，特色小食由 $12 ~ $28 ；有辣及原味：手拍青瓜、口水雞、瑞士雞翼、泰式鳳爪...... 總算抵食！豬骨濃湯紅薯粉 $17 + 雞翼尖 $3 ( 唔辣 ) : $20等了大約 5 分鐘，一大碗紅薯粉送到！ 豬骨濃湯-飲一啖