韓舍

127
30
30
港鐵旺角站 E1 出口, 港鐵旺角東站 B 出口, 港鐵油麻地站 A1 出口
所有分店 (2)
電話號碼
2111 1663
營業時間
星期一至日: 11:00-15:00, 17:00-01:00 韓舍全線初一,二休市,初三晚市照常營業
付款方式
Visa Master 現金
其他資料
Wi-Fi
電話訂座
加一服務費
前往餐廳網站
http://ypsilver.yp.com.hk/ypdiy/IndexTopic.aspx?cid=7330&pid=7330_U924797&lang=ch&published=N
有關餐廳
酒店級自助餐式燒烤 韓舍旺角分店
韓舍在元朗的鋪頭口碑好,為滿足更多燒烤迷,韓舍進軍旺角後, 2015年再進駐荃灣開設第三間分店。新店的裝潢會更瑰麗堂皇,環境甚至可媲美酒店,自助餐更 包羅多國美食,中、日、韓、歐、美等。燒烤爐沿用元朗店的獨立抽風爐,食客無需擔心燒烤後滿身油煙。所有燒烤醃料由曾在外國工作15年的大廚自家秘製,味道正宗。
食物除了燒烤的肉類外,更會有刺身師傅駐場,為大家準備即叫即做的新鮮刺身和壽司。而甜品除了有在元朗店及旺角店很受歡迎的窩夫機和雪條機,更會擺放自製爆谷機和棉花糖機,滿足貪玩貪吃的大小食客。

優惠
5人同行1人免費
有效期至:
$100優惠劵
有效期至:
食評 (198)
抵食放題 焦點食評
入門食家 2016-09-24
489 瀏覽
Happy friday約左舊同事聚聚舊。想試韓舍好耐,難得大家唔介意夜啲食。就揀左8點9後時段。158+10%如果四人仲可以用open rice coupon減一百蚊。五人同行仲四人收費。更抵。等位時有爆谷可以比大家食住等9點入座。急不及待拎野食。熟食有燒雞扒,鯖魚,關東煮,豬腳薑,盆栽叉燒飯,等等炸物有炸薯蓉,餃子,麥樂雞,咖哩唔知咩,燒魷魚,蕃薯仔。雖然啲野唔夠熱。但味道都ok...盆栽叉燒飯係用珍珠米架。蕃薯仔樂努食。咖哩丸都好食。口感qq的。韓燒當然要燒下啦。大家一致好評。雞亦好好食。牛柳粒同雞腎都唔錯。仲有我好愛嘅菇,南瓜,三色椒,洋蔥泡菜,唔算好辣。仲有魚生同壽司。希靈魚,good呀。仲有個沙律吧有沙律菜,車厘茄,粟米,提子,麵包糠,雜果。同好幾款醬汁。甜品都唔少。朱古力班尼,班蘭蛋糕,桂花糕都好食。軟雪糕都好滑好香奶味。豆腐花,朋友話一般。芝麻糊唔夠糊。甜品diy.有窩夫,炒雪糕,綿花糖,叮蛋糕。雪糕機。仲有章魚丸同炒年糕可以自己整。呢個價錢,有咁多種類...真係幾抵食。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-09-17
280 瀏覽
大家都知道平時食韓燒 通常都只有一啲大路既熟食食多幾次都覺得悶但今次同屋企人食既中秋飯 我地選擇左黎旺角既韓舍中秋聚餐廳嘅面積好大 劃分咗唔同嘅區域有生肉區 熟食區 刺身區 飲品區 甜品區啲食物選擇多到基本上如果你可以每樣食到一樣嘅話 你已經可以抱住個肚返屋企佢哋嘅肉類算係新鮮 燒出黎並唔韌而我最鍾意食嘅係燒菠蘿暖暖地嘅菠蘿再加埋咬落去嘅菠蘿汁味道一流除此之外佢哋嘅魚生都算係新鮮每份魚生既份量係一口既大小餐廳仲設置咗好多diy既機可以自製八爪魚丸仲可以整埋棉花糖 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-08-29
3781 瀏覽
韓舍一入到黎發現原來係全自助既放題,除左燒烤既肉類蔬菜之外,仲有好多款式既食物,熟食、凍盤海鮮、壽司、刺身、炸物、沙津、甜品......一應俱全,想食乜,想食幾多,完全自己話事。為免一路食一路行黎行去,決定拎左想食既食物先坐低慢慢嘆,結果拎到成枱都係,但放心,我地冇浪費食物有食晒架。肉類拎左五花肉、黑椒牛柳粒、豬頸肉、雞翼同韓式辣雞肉等,調味都唔錯醃得幾入味,唔會話太味精。而且仲有調味醬料同配菜可以拎,我就拎左生菜、泡菜、生蒜加韓式辣醬黎包燒好既肉,咁樣食冇咁油膩仲好清爽添,係咪好有韓國feel先。當然唔可以淨係燒肉,拎左d蔬菜,我最鍾意燒翠玉瓜,燒完之後依然咁爽甜多汁。熟食拎左d韓式煎餅同炸魚柳,煎餅味道唔錯煎得幾香口,但炸魚就一般了,因為食既時候已經凍左。呢到最得意既地方係好多DIY既食物,有炒雪糕、燒鯛魚燒、章魚燒、炒年糕,啱晒鍾意自己煮過下手癮既人,我都自己試整左章魚燒,原來要整到圓碌碌都唔容易架,同埋等佢熟都要比d耐性,唔心急得架。最後幾飽都要食埋甜品先完滿架嘛,揀左oreo木糠布甸、tiramisu 、綠茶糯米糍同藍莓芝士餅,款款都細細件,可以比我試多d唔同味,滿足晒貪心既我。 繼續閱讀
(以上食評乃用戶個人意見 , 並不代表OpenRice之觀點。)