55
16
10
餐廳: 靚煲皇
資訊:
出街都想食得健康啲? 梗係揀「有營食肆」啦!
認住「有營食肆」標誌 ,點選餐牌上貼有 標誌的「有營菜式」。
電話號碼
2399 0812
營業時間
星期一至日: 18:00-06:00
付款方式
現金
座位數目
250
其他資料
深夜營業
酒精飲品
電話訂座
室外座位
電視播放
招牌菜
手打墨魚滑 正宗澳門豬骨煲 羊腩煲(時令) 赤阪豚仔煲 招牌靚煲皇 極級本地手切肥牛
提及此餐廳的食評 (87)
59年來最冷的春天,回暖幾天又開始冷,相約家人聚會,最合適吃火鍋,一家人烚下烚下特別感覺溫馨,地點位於旺角跟大角咀交界的靚煲皇,鄰近旺角街市,地理環境方便,靜中帶旺,環境相當不錯,歡聚閒談的好地方。 地方不算很大,環境舒適,乾淨整潔,設有室內及室外的座位,室內的空間有點窄,室外露天的木椅和枱,氣氛很好。事前我巳致電訂位,當晚我準時七時半到達,新年快將來臨很多人出來食火鍋,門口巳聚集很多的食客,晚市時段擠滿人群更會座無虛席。 靚煲皇(大) $248熱騰騰靚煲皇火鍋真滋味,香氣四溢,靚煲皇的材料非常足料,份量豐富,靚煲皇的材料包括有扇貝、粟米、豬骨、冬瓜、蘿蔔及魷魚乾,扇貝很大隻,鮮嫩又軟滑,粟米新鮮鮮甜,豬骨咬下來美味可口,魷魚乾爽滑有咬口。火鍋的湯底是豬骨熬製而成,撲鼻的濃郁豬骨味道,口感衝擊味蕾,不能抗拒靚煲皇的誘惑。 魚皮鮫 $38魚皮鮫鮮嫩剔透,口感細膩,肉質很爽滑彈牙,彈牙之餘有咬口,不需任何調味,味道恰到好處,口感不錯,芳香的味道仍在口中留戀。 響鈴 $48響鈴放進煲上浸一會兒巳可以食,如滾得太耐,會變得較淋,所以滾一會兒就足夠,吸收火鍋的湯汁,溶溶地就最好味,響鈴內裡香脆多汁,打邊爐必定要食。 手打牛丸 $78手打牛丸內層肉質鮮嫩有彈性,食起來熱度非常令鮮味提升,非常有嚼勁,濃郁的牛味,有些牛肉汁滲出,讓人一試難忘,值得推介。 手打蝦滑 $78手打蝦滑咀嚼後第一個感覺是有咬口,香滑紮實彈牙,蝦肉保持新鮮結實,再咬下去食出魚子的細粒子,層次變得更是分明,非常滋味。 芝士腸 $32每次打邊爐我都會食芝士腸,濃郁的芝士味道,咬落有少量的汁液流出,肉汁豐富,口感煙靱彈牙,不會太多油膩,正合我的口味。 唐生菜 $28蔬菜新鮮,細細咀嚼之下,感覺清新爽口美味,充滿優雅不膩的滋味,百吃不厭的推介,多食都不會膩,水準很不錯。 烏冬麵 $10最後要把烏冬麵放入煲裡,太久會煮淋,滾一會便可,烏冬麵吸收火鍋的湯汁,帶出香濃的豬骨味,麵爽彈口,口感極煙韌,齒頰留香。Supreme Hot Pot靚煲皇地址:旺角塘尾道18號嘉禮大廈地下 繼續閱讀
新晉食家 2014-02-08
2239 瀏覽
雖則「放題」、「任食」對現代人嚟講係非常吸引,不過人越大,胃就越嚟越細,所以對食物要求就越嚟越高。冬、春天氣凍凍哋點少得一班朋友打邊爐,而靚煲皇絕對係打邊爐平靚正不二之選。地下有露天位,樓上有室內冷氣位,就算打風落雨都可以食得舒舒服服。一坐低啊姐就會先送上 1 set 調味品,客人可自行挑選所需。靚煲皇其中一大特式就係極多湯底選擇,單單係豬骨煲就經已有好幾種,例如澳門豬骨煲、胡椒豬骨煲、日式麻辣豬骨煲、花膠海蔘豬骨煲、海鮮豬骨煲等等,亦都有花膠藥善煲、花膠海參雞煲一啲比較少見嘅湯底。澳門豬骨煲 例牌 $128 ,湯底非常足料,未落嘢食經已好多嘢食,包括豬筒骨、豬軟骨、紅蘿白、白蘿白、粟米同大蔥,本身想叫碟白蘿白,不過啊姐提醒我哋個煲入面經已有,好貼心!豬筒骨有勁多骨膠原,幾受女士歡迎。靚煲皇另一特式就係「料靚」,基本上每樣都好新鮮,同任食邊爐無得比,而且計落都只係貴任食邊爐少少,真係一試就翻唔到轉頭!手打魚滑 $38 ,味道鮮甜,不過略嫌打得唔夠起膠。手切肥牛 $138 ,第3貴嘅牛肉,雖然係貴啲,不過絕對物有所值,又係一食翻唔到轉頭。脆鯇片 $38 ,新鮮不過唔算太特出。魚雲 $38 ,識食魚一定會食,不過食嗰時就比較麻煩。珊瑚蚌 $58 ,每次嚟靚煲皇都要叫,非常鮮甜爽口!白鱔片 $58 ,幾款魚入面就呢款最好食,叫完再叫!白菜仔 $20 ,細細棵,鮮甜唔起渣,打邊爐一流。黃沙豬潤 $28 ,感覺幾新鮮,爽口,就算唔食內藏嘅朋友都讚。什菜 $28 ,咩菜都有啲,人人唔使爭。 繼續閱讀
入門食家 2013-11-10
1114 瀏覽
比較鍾意食呢間靚煲皇的豬骨煲,其實都有幾種分,澳門豬骨煲,胡椒豬骨煲,日式麻辣豬骨煲,花膠海蔘豬骨煲同海鮮豬骨煲,不過始終like胡椒豬骨煲多d,可能啖湯好飲d,又唔太鹹太辣,適中味道.其他就叫了田雞,幾新鮮,因為仲郁緊,手切肥牛有牛味,其他就魚類為主,脆脘魚腩,白鱔片,呢兩樣都唔重雪藏味,而個豬骨煲裏面都有好多料,豬筒骨,豬軟骨,紅籮白,白籮白,粟米,同個湯好match.另外都有叫菜類. 繼續閱讀