17
2
0
食評 (19)
見習食家 2016-08-06
190 瀏覽
黃竹坑地鐵站隔離,通車後位置方便,熟食市場內有四間泰國菜但晚市地下舖頭全部冇開於是走上一樓,見你最多人食就坐低。兩個人點左一支泰啤($25)、馬拉盞炒椰菜苗、生菜包及青咖哩雞跟蒜蓉包及白飯,後來見到隔離枱點椰青沙冰賣相一流於是加點。馬拉盞椰菜苗($50)炒得乾身大量惹味蝦米,生菜包($50)香辣惹口,半肥瘦比例均勻。青咖喱雞($48)水準未算突出,椰青沙冰($40)誠意推介即開即挖椰子肉即打,店舖貌似家庭經營服務有禮,環境就熟食市場開放式格局尚算衛生夏天夜晚不算太熱,價錢比九龍城熟食市場平一至兩成,希望地鐵通車後唔會加價。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-07-31
319 瀏覽
係黃竹坑游完夜水,個肚餓到咕咕聲,即刻想起附近南朗山道熟食中心的泰國菜,可惜一去到平日常去果間冇開 於是就上二樓幫襯第二間"青咖哩",聽朋友講呢間都好食,有位就試下啦!先黎一個椰青,冰凍解喝,清甜無比,而且椰青水係滿滿的,真係好好飲!再黎一份蒜蓉飽,佢地呢個做法係舖上厚厚既蒜蓉黎焗,而且係一粒粒,唔同其他只係搽上蒜蓉醬,所以更有口感,而且咬落係好脆好香的,餐前小食 青咖哩牛腩,係用茄子伴菜,有別於坊間用薯仔什菜,係新奇既。牛腩肉質尚算嫩滑,一D都唔"un",青咖哩很香,咸淡味道適中而且帶點辣,茄子索哂D咖喱味 呢味菜用黎送白飯一流.蝦球抄金邊粉,蝦球很爽,配上蛋絲,芽菜,酸菜黎抄金邊粉,酸酸地好醒胃。最後食串燒,肉質嫩滑,搽左香料黎燒,再配上美味既沙嗲醬,十分惹味 講到食物既味道呢度真係唔錯,可以叫做美味 比起商場或規模大D既泰國菜,呢度絕對唔遜色,甚至有過之而無不及,唯一既缺點係呢個熟食中心係冇冷氣,同埋環境麻麻地,想食好味既野就要忍一忍啦,以後再黎到呢度,我都識走上二樓了 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-05-15
746 瀏覽
環境:熟食巿場預左熱,但佢有大大把風扇吹到行弓行,空氣又流通,夏天黎食到唔怕食物:香辣肉碎飯豬肉碎同九層塔一齊炒夠晒惹味! 肉碎仲有肉汁之餘又夠乾身。啲肉汁撈飯的確一流!見到餐牌上有二雙辣椒仔圖案,其實個心都有啲怕太辣,但辛辣度合適,配飯一流! 仲有二片扎肉唔會得一味餸咁寡! 四季豆夠脆,生得黎又冇草青味,為個飯加多一層口感。飲品:椰汁珍多冰珍多爽口,但太多冰, 椰汁不夠香濃,味道偏淡。 繼續閱讀
(以上食評乃用戶個人意見 , 並不代表OpenRice之觀點。)