32
16
15
港鐵荃灣西站 D 出口, 步行約6分鐘
繼續閱讀
開飯介紹
「陶源酒家(鮑魚專門店)」的成立，始於2002，楊生覺得鮑魚不單只是中產人仕享用的。為了吸引普羅大眾前來品嚐，故此在觀塘區開設第一間鮑魚專門店，其品牌的標誌亦標榜著鮑魚形狀。
繼續閱讀
營業時間
星期一至日
08:00 - 00:00
以上資料只供參考, 請與餐廳確認詳情
招牌菜
食家推介
一餐晚飯食到一肚氣，搵人落order 完全無人理，根本唔夠人做野，落左order個十九經理應都唔應，唔會答一句ok定唔ok,餸又遲上😡😡😡，超不知所謂，永遠唔再幫襯
繼續閱讀
今晚約咗4個同事一齊晚飯，事關公司之前cancel 咗中秋節餐晚飯，但又已經俾咗500 蚊訂金，無謂浪費，所以老總益我哋俾咗呛500蚊我哋去自己再補錢食返餐。5點半準時收工，6點已經到達酒樓。星期一嘅夜晚水靜鵝飛，全場得我哋一枱客，我哋坐正喺大廳中間好似包場咁，哈哈哈！先睇下個menu......發現價錢都幾貴，又無乜選擇！不過，我好快就睇中咗個燉湯，跟住太難揀嘅關係，我哋要用差唔多30 mins 先決定到叫乜其他餸。期間同我哋相熟嘅經理又遞咗個新menu 過嚟，不過都係唔多啱，因為大部份係大閘蟹，同事個個怕膽固醇，所以都係叫返小菜好d。石斛蟲草花燉鷓鴣個湯好足料，有原隻鷓鴣，瘦肉、雞腳、蟲草花、圓肉，好清甜！湯嘅份量都唔少，一盅可以分到6碗！湯渣都有一大碟，雖然係湯渣，但點少少豉油食已經好好味。一哥靚叉燒點解要叫一哥呢？？乜一哥唔係大家樂咩？？哈哈哈~真係唔知，淨係知呢度d叉燒確係唔錯！肥瘦適中，叉燒d燒得焦香帶點麥芽甜味，肉入口又唔會太過軟腍。因為同事都覺得好味，諗住放工行過可以斬下料返屋企食，點知問咗經理，原來外賣都只係得例牌108蚊，無得斷斤買，所以大家都立即放棄呢個諗法！姬松茸遼參豆腐煲味道中規中矩無乜特別，姬松茸同遼參都好似好矜貴咁，但份量都算幾多，豆腐就有6大件，我哋5個人都夠食。榆耳百合浸豌豆苗榆耳有健脾養顏，滋陰補腎，含有幫助吸收天然食物嘅植物性膠質，有潤膚同抗衰老嘅功效。至於豌豆苗，佢同我地平時食果種荷蘭豆豆苗有d唔同，有人叫佢蝴蝶苗，因為頂頭兩片小葉似蝴蝶。有人叫佢翡翠苗，因為佢色澤翠綠。豌豆苗營養都好豐富，含有多種人體必需嘅氨基酸。但有人會覺得佢有陣草青味唔鐘意食，不過我又幾鐘意呢種味道獨特嘅菜。古法蒸海斑件其實我對魚麻麻地，唔係樣樣魚都食！但大多數係酒樓蒸嘅魚我都會食，唔係因為條魚本身，而係因為d豉油。不過今次呢個豉油唔太香，吸引唔到我食多件魚，反而墊底係果d金菇同雲耳就幾好味。蒸紅棗糕呢個係經理送嘅，同事以為呢個紅棗糕係凍食嘅，但其實我哋之前Annual dinner 都有食過，佢上台果陣仲係暖既。糕本身帶有紅棗香味，又唔太甜，都唔錯。
繼續閱讀
星期日就梗係同屋企人飲吓茶傾吓計，一盅兩件啦！今日就試試荃灣如心廣場嘅陶源酒家。我地一家七口，因為book 咗枱所以唔駛等。環境算唔錯，但人手不足，冷氣又唔多夠。我地今次以食點心為主我地七人食得唔多，連加一食咗$520，價錢算中上
繼續閱讀
熱帶風暴「洛克」襲港,雖然天文台懸掛1號戒備訊號,但無損我們尋找美食的雅興.今天選擇了如心廣場內的”陶園酒家”,作為享用晚膳的地方.”陶園酒家”位於荃灣如心廣場3樓,經過兩重扶手電梯,尋找商埸的指示路標,好不容易才抵達.酒家的門面裝飾富麗堂皇, 牆上貼滿獲獎的相片,配合倘大的魚缸牆上,使酒家的氣派生色不少.我們在門外等了一會,便有待應帶領入座.剛坐下不久,待應便不斷推介”黃金蟹鮑魚餐”,稱每日限量供應廿份.比較其他單選菜色,相比下較為抵食,最後便揀選了它.”黃金蟹鮑魚餐”第一道菜色是”黃油蟹粉小籠包”,薄薄的皮包裹著鮮肉,點上醋汁後進食,口感不錯.“原隻鮑魚件金柚鮑魚伴隨醬汁,味道較濃.幸好金柚和菜蔬的味道相對清淡,中和了鮑魚濃味的感覺.“金湯小米燴遼參”,放有菇粒和遼參,湯味頗濃.於添加胡椒粉前後飲用,可嚐到湯的不同味道.“極品黃油蟹”蟹身不大,穿上膠手套,利用剪刀把蟹續一拆開.只有蟹鉗有多一點肉,鮮味十足;蟹蓋分佈的蟹榚不多,有少許肥膩的感覺.“黑魚子煎魚扒”魚扒和麵條配合醬汁進食,味道一般.“黃金蟹皇炒飯” 飯身乾爽不油膩,碎瓜粒和肉粒配合得宜,味道和口感不錯.“蛋白杏仁茶”茶温保持熱騰騰,打開蓋時看見有輕飄.清潤且甜度適中.“鮮果薈萃”的菠蘿和西瓜,未知是否“蛋白杏仁茶”,掩蓋了味蕾的觸覺,竟嚐不到水果鮮甜的味道.整體來說,各式各樣的食物的味道不錯,待應招待有禮,用心推介優惠,值得一讚!”黃金蟹鮑魚餐”買一送一推廣,優惠至2017年9月15日.,
繼續閱讀
今日好耐冇去過陶源飲茶，所以今日就去試吓飲茶食點心。今日星期日，人流都唔係好多，所以唔使點等位。叫咗個龍蝦伊面，係芝士伊面嚟嘅。味道都唔錯，芝士味好濃。而且龍蝦亦都唔算少，適中。不過龍蝦肉就冇乜，腳就好多。叉燒，叉燒好肥美同肉厚。而且肉質嫩滑，味道都唔錯。鮑汁鳳爪，非常之入味，好重鮑汁味。紫薯西米布甸，侍應話啱啱出爐所以就試吓。但係點知一啲都唔熱，仲凍冰冰，不過味道唔錯，紫薯味好重同好濃，甜甜地。
繼續閱讀