156
67
22
港鐵葵芳站 D 出口, 步行約6分鐘
電話號碼
2610 0488
營業時間
星期一至日: 11:00-02:00
付款方式
現金
其他資料
深夜營業
泊車 詳細介紹
加一服務費
食評 (264)
見習食家 2016-07-19
2169 瀏覽
真心推薦去食!好耐未試過食咁有鑊氣嘅小菜啦!話說父親節同爸爸媽媽一家人去食晚飯慶祝上網見間餐廳長期要排隊等,所以早兩日用電話預約留左位當晚去到真係好多人打人好彩訂咗位姐入到去真係已經全場爆左一都係問你有咩茶之後俾咗個餐牌你揀見佢推介金沙南瓜、黃金大蝦、鮑魚粒荷葉飯就叫曬佢地仲叫咗聖子同菜金沙南瓜又香口,好有鹹蛋味,仲好脆!!!仲唔會好油或太鹹!評分:10/10黃金大蝦都好香,仲好鮮味!🍤😋 評分:10/10蒜蓉蒸蟶子都好好食,但個人認為太鹹啦⋯⋯又有落鹽又落豉油。評分:7/10鮑魚粒荷葉飯真心正好足料,有冬菇瑤柱蓮子仲有鹹蛋黃添仲要分量十足,五個人食都得菜方面就有點失望,未洗得太乾淨有少少泥。絲瓜仲要好苦添⋯⋯其實係超苦,仲苦個苦瓜其實整體都好高分,但可能人客太多,侍應服務態度有啲燥。除此之外都唔錯呀!但就要注意用餐時間有限,食到咁上下侍應會趕人走架 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-12
294 瀏覽
同朋友黎食宵夜,一人叫番支啤酒同汽水!😆佢哋嘅魚皮配啤酒真係好正!😍魚皮非常新鮮,唔會雪到硬晒,好爽口!另外,有個秘製辣汁可以點,味道同一般辣汁好唔同,能夠帶出魚皮嘅鮮味,仲有花生又可以送酒😚胡椒蜆湯嘅胡椒味好重、好香,而且仲好鮮甜,蜆肉非常肥美!👍🏻本來我以為薑蔥蠔係就咁薑蔥炒蠔,估唔到係用啫啫煲,上菜嗰陣已經聞到非常香,蠔仲用油桌一桌,外層好香口鬆脆,裏面既蠔肉好大隻同埋鮮美!非常惹味!一定要試吓!佢哋位置唔算多,成日都排長龍,店內環境幾擠迫,而且價錢唔算平,不過食物質素有咁上下保證。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-06
365 瀏覽
放工同同事去公司附近食野,呢間我食過幾次覺得好唔錯就介紹同事一齊去食chopstick其實呢間真係好多人食,晚晚都排晒長龍,但係其實冇必要限時要人地食半個鐘,好似我哋今日咁,一班同事一齊食嘢自然會傾吓計,食晒唔走老闆又會係咁望住我地完全唔能夠享受用膳嘅時間鮮魚皮非常爽口!!點埋佢嘅自家秘製辣汁再撈埋芫茜一齊食,真係好正胡椒豬肚湯係我次次都會叫,同事飲左一啖都話正!好香既胡椒味,加上蜆既鮮甜同一d雜菜既清甜椒鹽鮮魷平時食得多,咁樣嘅椒鹽鮮魷第一次見佢唔係用魷魚鬚,係一塊嘅魷魚,外層既生粉好薄而且非常鬆脆!黃金蝦唔連埋蝦殼會平啲大隻d..不過我哋就揀咗連蝦殻,因為同事話有蝦殼更加香脆tongue黃金蝦外層用鹹蛋黃加生粉,所以食落去好鬆脆香口!蝦嘅肉質冇咩特別,唔會好霉。唔記得咗呢個餸叫咩名,不過佢入邊最主要嘅係豆腐。豆腐外層用油炸過,但係又好「淋」,唔係好好食,裏面先至滑。醬汁都係偏向清淡,唔值得推介嘅一道菜。總括來講,呢間野嘅食物好唔錯,但係一間餐廳嘅成功唔係單單食物嘅質素,出去食飯仲要好趕咁樣食,有邊個會食得開心呢? 繼續閱讀
(以上食評乃用戶個人意見 , 並不代表OpenRice之觀點。)