2
0
0
港鐵大埔墟站 B 出口, 步行約11分鐘
所有分店 (6)
電話號碼
2658 8768
營業時間
星期一至日:06:30-23:30
付款方式
現金
食評 (3)
見習食家 2016-09-01
143 瀏覽
食物係便宜抵食,但係,從來都未見過咁差ge服務態度。個日經過,就去試下依間酒樓,下午大約三點ge,我同我母親入到去見到招牌有好多野食,而且都好平,感覺5錯la,就去落order。點知我地想叫左多種野食,d waiter都話買哂,可能我地係黎遲左,d野食冇哂。之後,我地有叫個阿嬸waitress幫我地落單,而且我地只係問佢有咩野食,但點知佢好5耐煩咁講,要落單就快d la,阻住我執野,點知有d咩食ar,伊到要開晚市,咁遲黎梗係咩都冇la.佢講完就即刻走左,我地連落單都未落,咁我地去向部長反映下la,點知佢話個d阿嬸年紀大,語氣就有d 5好,要我地體諒下!佢就代替d waiter一直向我地介紹有咩食,算解決左5知有咩食ge麻煩,之後我地就叫左2個叉燒米線。接近四點,個樓面只得我地同隔離一張桌ge人,個酒樓竟然熄哂後排燈同冷氣,好采個日溫度25度左右,5算會太悶,但係係一間差5多密室又冇冷氣ge環境,點食到野,感覺上好似趕我地走,備我ge觀感真係太差la.間酒樓至少要等我地走先左再熄冷氣。如果係差5多冇哂野食同接近晚巿就應該再避免新customer入黎,再解釋備我地知有晚巿,而5係令我地咩都5知入左黎有冇野食。同埋,應該訓練員工,提高質素,老5係一個籍口,d員工備我感覺係高高在上咁又好串嘴,令我很不爽。難道來者不是客嗎?而且,間酒樓好不負責任,明知有問題仲要顧客去遷就。總之,食物既平既抵,單憑個服務質素就可以嚇到我以後都5會去。 繼續閱讀
(以上食評乃用戶個人意見 , 並不代表OpenRice之觀點。)
見習食家 2013-04-29
521 瀏覽
這裡已轉了很多手,到金港做,已經係做得最耐的一個集團。本身係呢到熟客,因為係得一間(亦可以話係獨市生意),所以很多時一家大細都係來到這裡醫肚。這裡食物味道唔係話一流,但今時今日呢個市道,呢個經濟狀況,係唔係每一日每一餐都要有皇帝級的款待?跟其他大集團,例如稻香、鴻星,或者可能冇咁好味,但價錢必定相差一大截~~~~可能大家覺得小弟冇要求,但坦白講一句,真係差唔多...........咖喱牛腩煲:食左大半年都冇改善,連加一要6X元,次次叫親都係得3至4舊牛腩,搵鬼食咩?6X元叫個蝦仁炒蛋仲好,起碼送到飯先!各位千萬唔好揀呢個菜。沙嗲金菇肥牛煲,夠晒熱辣辣!送飯佳品!粟米班塊,即叫即整,夠熱!家庭飯必叫!影都影唔切,好快俾家人食晒!灌湯餃,特價時段就抵食,夠飽肚!必叫!燒豬,皮脆,係有D厚肉左,但絕對OK!薑爆鯇魚腩!夠香口!值得叫!乾炒牛河,都可以,係油膩左D~~~如果可以保持份量唔好時大時細碟,咁就更好!極為惡劣!熟客都係咁話!潮濕回藍天,滑到好多公公婆婆,絕對係民事索償黑點,老闆要好好搞好衛生。因為舊屋邨,一定多老人家,呢個位真係勁勁勁勁勁勁滑,事但滑到任何街坊都唔好,仲有,沒有警告板,有咩損傷,一定賠死酒樓老闆。各位服務員都好好,唯獨是呢個間酒樓的廚房真係要投訴一下!!!例子一:成日漏單,試過落單、再CHECK單,一定有落到單,但最後都係冇左..........原因話入面剛剛出唔到票;例子二:試過落單、再CHECK單,一定有落到單,但最後都係冇左,但同一ORDER遲來的隔離個客就遲來先有,最後一籠。原因話太多單,D汁將票黏實晒............呢個廚房碼頭要鬧下~~~~~~~~ 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2012-08-21
294 瀏覽
又飲早茶了,要陪外父一起飲茶,就得要早起來。這一個星期六約好了外父,他就帶我來試廣福邨新開的這一家酒樓。外父的飲茶據點,是隨時變更的,那一家酒樓的早茶優惠好就會到那一家酒樓去用茶。平常他愛去的彩福,後來轉變了的京都已暫時不在他的清單列表中。因為廣福的這一家酒樓就在價錢同方面上,打敗了大埔中心及大埔墟的其他對手。早茶,所謂的一盅兩件,盅頭飯永遠是不能缺少的食品。$9.9一盅,以平來取悅飲早茶的長者。他們的收入不多,酒樓在早茶時段,以平取勝的策略是絕對的正確。因為便宜,而份量也相對地比較細,作為早餐是剛剛好的份量。飲過多次早茶,排骨飯的size來得輕巧,肉類不多,飯是用生米蒸熟的軟綿飯粒,只是豉油不是太夠甜而已。 早餐是一盅兩件,特價孖寶的配搭,而蘿蔔糕正是一盅兩件的完美配搭。這蘿蔔糕並非那些太過結實的類型,一聞一夾就知道這蘿蔔糕的蘿蔔比例甚高,香味十分,吃得出有蘿蔔的味道同少許的蘿蔔粒。而一件味道夠美的蘿蔔糕是不用點醬也好食的,這酒樓的蘿蔔糕做得到。 鮮竹卷,不是傳統的多醬汁,杰到起膏的茨粉汁底。今我們真正吸啜到鮮竹卷內雞肉的雞油味,而腐竹夠靚,可以感覺到少少豆香,有豆香、有肉香、有雞油香,這樣的鮮竹卷才像話。 每次去飲茶,我都不會忘記燒賣。這是一個真正有蝦仔的蝦子燒賣,以碎蝦肉同豬肉片。味道夠鮮美,而且夠大隻,有肉香有蝦香,更有可愛的肥肉香,以屋邨酒樓來說,的確是非常好。 早上食飽食好,人特別的精神,而且也因為早起早活動,時間也覺得充足起來,多飲早茶,其實是健康的一件好事。當然,也要好食同抵食啦。 繼續閱讀
(以上食評乃用戶個人意見 , 並不代表OpenRice之觀點。)