1
4
1
港鐵荃灣站 B1 出口, 步行約1分鐘
食評 (7)
新晉食家 2015-01-19
165 瀏覽
昨日同表弟表妹走咗去食自助火鍋,已經有肥硬嘅心理準備,今日走去磅下。。。居然重咗兩公斤,人到中年,哩兩公斤真係令我感到壓力添 要減肥喇,今日收工,喺荃灣,就準備返屋企之前買''少少''野食就算啦,就喺入地鐵站之前見到一個''奇景''。。。一間廉價壽司店開喺另一間連鎖廉價壽司店【真鮮】隔離wo,【真鮮】賣開3蚊一件係人都知道,哩間喺正隔離嘅就買4蚊一件,真係勇喇~(睇返資料,原來哩間店已經喺哩個位開咗一段時間,【真鮮】後來先喺佢隔離開的。。。都幾冇品,擺到明想逼走人),為咗支持小店,我就決定走入哩間貴隔離1蚊嘅店喇~行入去,右邊就係擺壽司嘅櫃,左邊就係小食店式,俾客人擺食物企喺度食野嘅貼牆長置檯了。。。睇下有咩食先。。。手卷,日式沙律,冷麵等等等等最常見嘅日式快餐食物。。。唔想食太多(其實我黎地鐵站之前已經忍唔住喺其他地方隨便買咗少少野食架喇)我嘅目標就係細細件嘅壽司了,店員見我唔知點算咁,就好醒目咁話我知,左邊有夾壽司用嘅夾,同放壽司用嘅盒仔,嘩,冇記錯【真鮮】冇夾,係要用手攞的,都幾貼心啵~ 我就攞咗個可以最多放4件嘅細盒先,食咩好呢。。。明太子隔離好似冇賣嘅,要一件。。。然後哩件唔記得叫咩魚嘅隔離都冇,要一件。。。哩件酸嘅魚隔離亦冇,黎一件。。。最後一件嘛,就要哩件隔離有買,味道都幾ok嘅哩件啦(我居然唔記得哩件咁普片嘅壽司名)好,揀完,俾錢,店員問我堂食定攞走,我就下意識話攞走啦,咁佢就放咗一包仔醬油同wasabi落個盒入面俾我帶走了。。。我本來就準備坐地鐵返屋企,真係唔想將啲壽司帶黎帶去了,就企喺附近路邊就搞掂佢地啦 開餐,就先食啱啱提起哩件先~ 嗯。。。冇乜味啵,真鮮嘅同款出品好似好食啲。。。。。。哩啲壽司嘅味道其實都差唔多,no hard feeling,不如等我簡單咁講下食完嘅感覺啦,哩啲壽司嘅正確名稱叫【握壽司】,握得時間太長壽司飯就會暖,太用力,飯就會太實,太細力就當然會鬆啦,哩幾件壽司就正係太實嘅代表作喇,實到吖,口感真係唔多好啊。。。溫度方面嘛。。。凍,係少少嘅冰凍,唔過分,但影響食慾。。。面對哩種又實又凍嘅壽司,我嘅決定係。。。。。。。咬耐啲囉,咬到散曬暖番啲先吞咪得囉 味道嘛,就一個淡字就夠形容曬4件壽司俾我嘅感覺喇,加醬油啦,唔好想太多喇~ 但老實講句,啲魚肉感覺上好似比隔離間連鎖店新鮮少少的,係一種感覺,大家都知道間連鎖店嘅食物質數其實幾ok的。不過冇所謂啦,試下嘛~ 食死一間咁生活咪好悶,係咪? 繼續閱讀
(以上食評乃用戶個人意見 , 並不代表OpenRice之觀點。)
見習食家 2011-03-01
161 瀏覽
其實我一直都有食開呢間野.對比起地鐵站入面果間爭鮮.呢間真係好食好多好多^_^今日放學真係好肚餓.所以又同朋友去呢間食.要左1個飯團黎食($15).但係我就睇錯以為係$8.所以淨係比左張10蚊收錢呀姨.我見佢咁耐都唔拎張錢.於是就抬高頭望住佢啦.點知我見到佢好似好嬲咁啤住我:@跟住仲要好大聲咁話"小姐!$15蚊喎!!!"當時我炆到想走架喇!不過又真係好肚餓先忍住度氣:'(食物既品質都OK.一直都食慣左.而且又唔係貴^_^但係員工既態度就真係唔係幾好喇 繼續閱讀
(以上食評乃用戶個人意見 , 並不代表OpenRice之觀點。)
其實小女子比較少打食評,係睇人既野多...不過今次就要講下啦...事緣2月度,吾記得邊日喇...想食壽司,就諗起呢間,不過都好耐無食過喇,因為水準好似下降左,選擇又多左...今次再去番多左吾少海報宜傳,咁我就開始搵食喇...其實好多野,好吾好食係其次,最重要係對客人既態度...好記得,有個瘦瘦既女人收我錢,佢收銀果時吾知係咪食左火藥好操話".......60丫!!!"...我吾係話要好好禮貌,不過都吾好咁燥丫,我係客黎架...!!之後我都算啦...一再睇多一陣就見到奇景!!!就係兩個店員互數不是...好大聲...搞到個氣氛好恐怖我都急急腳走喇....食物質素就吾講啦,一分錢一分貨...不過店員既態度就.......................嚇怕了我吧.... 繼續閱讀
(以上食評乃用戶個人意見 , 並不代表OpenRice之觀點。)