41
15
16
港鐵灣仔站 A3 出口, 港鐵銅鑼灣站 A 出口
電話號碼
2892 3388
開飯介紹
區内受歡迎之自助餐。在舒適的環境下,賓客們能享受多款新鮮海鮮、旋轉沙律、日本美食、中西熱葷、朱古力蛋糕及其它精緻甜點。 繼續閱讀
營業時間
星期一至日: 07:00-00:00
付款方式
Visa Master 現金 銀聯
座位數目
120
其他資料
酒精飲品
自帶酒水 詳細介紹
泊車 詳細介紹
電話訂座
加一服務費
電視播放
優惠
自助餐低至7折優惠
有效期至:
招牌菜
正宗海南雞飯 星加坡蝦麵 紅爐烤薄餅 香辣喇沙 香蕉蛋糕 藍莓芝士餅
提及此餐廳的食評 (78)
入門食家 2016-07-11
1189 瀏覽
今日朋友生日,去左食buffet,我都好耐冇食啦,平時放題就食得多,而呢間都係第一次嚟。入去到地方都好,坐得都幾舒服,服務就一般,冇乜特別。食物方便,刺身都有,但都冇食得多,懶得拎,味道都可以,都好新鮮嘅,但如果款式更多就好。長腳蟹都可以話係我今晚食最多嫁,好好味丫,肉質好鮮甜,肥美大大隻,吾錯,幾好,我食左七八條都有啦。海鮮類都算多,連硯都有就吾多見啦,到熟食,隻大蝦我都幾喜歡,熱辣辣大大隻,又好香,肉質實夠新鮮,吾錯。整體嚟講,喜歡食海鮮嘅朋友,呢間都吾錯嘅。 繼續閱讀
見習食家 2016-07-07
1096 瀏覽
款式比團購睇到張餐單少。金牌海南雞飯、燒肉車、鐵板燒嗰D唔知去左邊。或者嗰D勁細塊既燒肉(韓燒),幾塊葱油餅仔(韓式簿餅)。仲有叉燒(燒美國西冷扒)同燒肉(酥皮肉批),我都好似見有雞肉既(金牌海南雞飯)。不過D牌唔係無就係錯,有時真係唔知嗰D乜黎。而且質數都差過一般餐廳食到嗰D。海鮮魚生唔新鮮,不過最後都無肚痛,所以問題唔大。唯一食得既得長腳蟹,送嗰隻大蝦仲要霉既。冷盤D肉都食得,不過都係一般超市貨色。值得一提係個車仔麵,呢個都有一般大排檔質數。甜品方面得個自制窩夫好食,其他比一般甜品店差,應該係外面買返黎罷耐左,所以唔好食。雪糕得3種,雲呢拿(唔確定)、芒果同士多啤利。飲品有七喜、水、啤酒同一支橙色無味果汁。熱飲我無飲,好似有咖啡、茶同檸茶。總結 : 地方細、食物飲品款式少、海鮮類唔生鮮、甜品唔掂。不過收碟算快,地方清潔,refill算快,可能係因為閒日唔多人既關係。下次真係唔好貪平,無諗過可以咁唔掂。 繼續閱讀
殿堂食家 2016-01-03
11125 瀏覽
年年親戚做節,無論團年、端午、中秋,抑或冬至,都喺搞中式,晌附近嘅街坊酒樓或者連鎖酒家,平平哋擺兩圍高興吓。今年嘅冬至就破例少少,有親友睇見利景酒店嘅逸亭做團購(其實,依間嘢都長期有做),建議食自助餐,順道慶祝埋聖誕節,連加一大小同價$265,晌群組咨詢下,一呼百應好快成事。唔知喺有緣定巧合,今次已經喺第三次嚟,不過,對上兩次已經喺2007年同2013年嘅事,都相隔咗一段長時間,環境都無乜點變,只喺因為就快聖誕,就多咗啲聖誕裝飾。因為冬至有早放,所以,可以提早少少到達。趁人未多,先巡視一下現場,睇睇有咩好食,兼影吓相。其實,晌買個團購時,網頁都列晒有咩菜式,睇嚟都幾吸引,不過,網頁底下一句「餐牌內容或會因時令或食材供應而稍作調整」,就心裡有數與實際有出入。不過,以自助晚餐計,只喺兩舊半多啲,對比起四、五星酒店嘅餐廳賣五、六、七百蚊一個自助餐,所以,晌度都唔好抱有太多期望。先介紹吓依度有咩食,等大家有個參考,之後再分享小弟是夜食過啲乜,味道又喺點。好喇,立刻去片:沙律一邊廂黐住刺身依邊有3大盤新鮮沙律菜、4款醬汁(千島汁、蜜糖芥末汁、油醋汁、芝士沙律汁)、6款配料(黑橄欖、青橄欖、鯷魚、麵包粒、煙肉碎、芝士粉),款式跟以前無乜點變,醬汁都喺依4款,但喺,少咗蔬菜類配料(如三色燈籠椒、紅菜頭、車厘茄、粟米粒……),陣容上肯定比以前退步咗。另一邊廂黐住冷盤嗰邊仲有3款預製好嘅沙律,包括:泰式金不換扎肉粉絲沙律、千島菠蘿海鮮沙律,以 及一款小弟以為喺普普通通嘅吞拿魚沙律,原來大有名堂叫法式尼高斯沙律(吞拿魚、蛋、紅腰豆)。至於有一款叫鮮露筍亞枝竹芝士沙律就未見有露面,依個沙律反而喺小弟期待想試 。刺身、壽司、卷物順便講吓有咩刺身:三文魚、吞拿魚、劍魚腩、甜蝦共4款,要幾多就搵師傅切幾多,師傅都幾手鬆,件件厚切,怕你唔夠食咁。而側邊兩大盤壽司、卷物,相片記載就有三文魚、赤貝、鰻魚、北寄貝、甜蝦;卷物睇落都有三幾款,如加州卷、太卷……等等。因為兩者都無食,就唔知後期有無轉款。餐湯原先團購餐牌話中湯喺人蔘雞湯,而西湯喺美酒龍蝦湯,實際只喺粉葛赤小豆豬骨湯及野菌忌廉湯,所謂配意式麵包及香脆麵包條,都只喺晌甜品嗰邊個暖櫃有啲頗硬嘅小圓包,依部份個落差比較大。冷盤有煙三文魚,但就唔見有煙鮫魚,另一邊嘅什錦凍肉拼盤就確喺有頗多款式,如意式凍豬腿、巴馬火腿、沙樂美腸、黑椒牛肉、煙火雞,睇落唔錯,所以,小弟都有試勻咁多款。芝士板我記得以前佢哋都提供唔少芝士,仲列明款式,不過,依家同樣款式多,但就唔插名牌喇。5款芝士分別喺羊奶芝士、金文畢芝士、藍芝士、車打芝士及一款唔太知叫咩名,可以配梳打餅或果乾同食。冰鎮海鮮常設有松葉蟹腳、翡翠螺、蜆、中蝦、藍青口,至於琵琶蝦就久唔久先出得一次,總算喺跟團購個餐單一樣。熱盤金銀蒜蒸扇貝只喺晌第一輪見佢出過一盤,之後成晚都未見過,而熱盤期間都見有轉過款,所以,有啲咩熱盤,都喺大概憑相記低,包括:炒什菜、地中海清燒鱸魚、清蒸東星斑(後期轉款菜式)、蜜汁煙豬柳、炸薯寶、德式啤酒焗羊架、香燒羊髀、芝士鴨肉醬粗通粉、日式和牛酥盒、香煎三文魚、XO象拔蚌西蘭花、什菌炒飯、古法豬腳薑蛋、薄煎牛柳配鵝肝醬汁……等等。至於紅咖喱芝士配印度薄餅、日式海膽炒飯就唔多覺有供應。車仔麵檔過番去近門口位,有車仔麵檔、薄餅檔、鐵板料理,不過,團購餐單話有聖誕節日限定特式薄餅(餡料包括火雞肉、火腿、水牛芝士及金巴利汁……等),但實際是日喺無薄餅供應嘅。而麵檔有超過10款車仔餸、2款菜、4款麵條,可配清雞湯或喇沙湯。金牌海南雞飯麵檔附設埋海南雞飯,配埋黑豉油、辣椒醬及薑蓉,對上一次有試佢嘅海南雞飯,印象中喺唔錯嘅,不過今次就無試。鐵板料理話就話有韓式烤肉:牛肉、牛脷、豬腩肉、雞柳,實際全無,只有香煎鵝肝。銀燒車因為時近聖誕,除燒美國西冷外,仲有燒火雞配金巴利汁、燒汁,以及聖誕火腿配黑松露紅酒汁。甜品、生果對於逸亭嘅甜品,我就記得喺好般啫,又睇吓聖誕關係,會唔會質素有所提供。至於款式都算OK,有聖誕樹頭蛋糕、聖誕曲奇、聖誕麵包 、馬卡龍、泡芙山、美國芝士蛋糕、意大利芝士餅、特濃朱古力餅、紅桑子慕絲蛋糕、蘋果金寶、木瓜雪耳、豆腐花、窩夫機、Dreyer's 雪糕(芒果、士多啤梨、薄荷朱古力)、雪米糍,期間有轉過款,但大致都喺咁上下,而馬卡龍擺出嚟一次就無再出,所以,初時影過相之後無拎就無機會試,表姪女就醒呀,一開始就拎三、五個自己埋位慢慢嘆,佢就真識貨。任飲汽水,只有百事可樂同七喜兩款選擇,好普通。另一邊有自助即磨咖啡機,紅茶及檸檬片,都喺大多數自助晚餐好基本嘅供應。因為一早就到,所以,可以由6:30pm食到9:30pm,慢慢食,邊食邊同親友打牙骹。以下,喺時候分享小弟食過乜。沙律、冷盤小弟食自助餐嘅慣性,第一碟就喺沙律,唔單因為多食菜幫助消化,更有效開胃,經驗所談真喺食得多啲嘢。幾款沙律菜拌點蜜糖芥末汁,糝少少煙肉碎、芝士粉,再加啲現成嘅千島菠蘿海鮮沙律,伴煙三文魚、意式凍豬腿及黑椒牛肉片,作為頭盤,喺超豐富。難得啲沙律菜幾爽脆,菠蘿海鮮沙律又幾清新,意式凍豬腿夠咬口,成道「頭盤」都非常好食。野菌忌廉湯、粉葛赤小豆豬骨湯兩款湯以後者老火湯好啲,入口較潤,味道較濃,至於個西湯只喺一般忌廉湯再加入野菌粒,湯底本身無菌香,猶如港式豉油西餐嘅級數。海鮮、刺身海鮮同刺身都攞齊咁多款,一碟過,雖然無生蠔,無龍蝦,都搵隻琵琶蝦撐撐場,所以,睇落碟「海鮮拼盤」算幾有睇頭,不過,琵琶蝦跟龍蝦比質素都喺差一截,肉質無咁爽口。然而,啲松葉蟹腳、翡翠螺、藍青口就幾好食,松葉蟹腳仲帶幾重海水味;相反,個人覺得啲刺身就好一般,劍魚腩、吞拿魚入口有少少冰感,甜蝦有點霉,三文魚就相對較好,入口油潤。熱盤、烤肉熱盤揀嚟香煎三文魚、香燒羊髀、薄煎牛柳、蜜汁煙豬柳、炒什菜、日式和牛酥盒,概括嚟講,味道中規中矩,當中嘅香燒羊髀及薄煎牛柳較得小弟歡心,軟腍又富肉香,羊髀帶少許羶就更滋味;因為慢慢嘆,所以,輪到去銀燒車時,烤肉剩番唔多,薄切兩片燒美國西冷,燒得中心位仍喺粉嫩,食落質素不俗。車仔素菜要碗車仔麵實在喺太大負擔,同老婆夾份要碗車仔素菜就上算啲,菠菜配點什菇,加喇沙湯,嚟一客自家「濃湯浸時蔬」補充一下纖維質就最好不過。甜品拼盤、雪糕窩夫、甜筒以往甚少同一大班親友食自助餐,所以,當最後捧嚟一大碟自選甜品拼盤時,都被佢哋話我原來咁擦得,其實因為依度款式唔算多,又唔太特別,所以,今次算少喇!份拼盤揀咗心水嘅聖誕樹頭蛋糕(應吓節)、泡芙、美國芝士蛋糕、意大利芝士餅、紅桑子慕絲蛋糕、蘋果金寶,雖然稱唔上有驚喜,但水準平穩,小弟認為做得出色喺紅桑子慕絲蛋糕同蘋果金寶,前者酸香柔滑,後者酥香鬆脆。一邊食甜品,一邊飲住咖啡,雖然咖啡喺即磨,但感覺麻麻,可能喺豆嘅質素。食完第一份甜品,個胃仲有唔少虛位,夠食力添多一份窩夫。講開窩夫有段小插曲,就喺窩夫機要自己搞,表姪女唔喺太敢亂搞,一搞就搞成底番嚟,我就梗喺搞1/4底就夠啦,不過,佢部機話烘3min,其實都過長,烘到我件窩夫變咗「朱古力味窩夫」添,雖然燶咗少少,但變得好脆口。配上兩球Dreyer's 芒果及士多啤梨雪糕,淋啲朱古力漿,灑啲果仁碎,好味!今晚真喺幾好戰鬥力,所以,臨尾加多一小個甜筒。既然有啲朱古力漿,自不然做埋個脆皮面,咁食自助餐先好玩喺。之後,啲表姨甥個個都跟風出去整,最搞笑失手連個雪糕球都跌埋落人哋啲朱古力漿度,哈哈!生果成晚食咁多嘢,梗要食番多少少生果再幫助吓消化啦,新鮮西瓜及菠蘿就最啱我。因為打從嚟之前都知佢嘅質素大概去到邊,可謂心裡有數,所以,就晌無抱太多期望之下,今晚食到嘅都算符合預期。咁你俾兩嚿半多啲,點都以番依把尺去衡量,單以食物種類、款式、質素嚟秤,可以話喺OK嘅,唯一較大落差就喺餐湯、鐵板料理、薄餅依幾個類別,殷勤嘅服務當喺搭番夠數,因為目測所見今晚都有八乘幾滿,收碟、食物補充都算做到足。最緊要喺一班親友食得開心盡慶,大家食足3個鐘,相信個個都滿足而歸,破破例食吓西式賀冬至都唔錯吖! 繼續閱讀