2
3
0
電話號碼
2463 3393
營業時間
星期一至日: 06:00-02:00
座位數目
40
其他資料
深夜營業
電話訂座
外賣服務
招牌菜
各式粉麵 各式粥品
食評 (6)
殿堂食家 2012-09-22
185 瀏覽
那天,媽咪告訴我們,她想我們到新裝後的 <輝煌粥麵> 簡單慶祝她的生日!這裡地方不大!裝修後,不論門面抑或店內環境,顯然光猛不少! 又說不定是轉了手!爸爸笑說:如果每天要你們上班都要"捐"褲襠,又肯不肯?原來,爸爸正在說廚房門口那塊布,可能師傅覺得出入不方便,索性剪開!看起來真是好像一條褲!哈哈! 我們笑說師傅每天出入廚房都好像要"捐"褲襠!恰巧!我細佬見到在廚房忙碌中的師傅,竟然是他的舊中學同學! 但明顯地比他的年紀倉老!我們見到他的頭髮也相對稀疏,絕對看不出原來他仍是一位 80 後! 而 Baby face 的細佬,則似一個大學生!大家看過餐牌後,我們各自選出心水食物!小菜:由 $35 ~ $58 不等。亦可配搭成套餐,二人套餐 $118 ( 小菜兩款 ) / 三人套餐 $158 ( 小菜三款 ) / 四人套餐 $198 ( 小菜四款 ) 。各套餐奉送炒時菜一碟及包括飲品。 四人套餐 $198 ( 小菜四款 ) ,凍飲加 $2。 金銀蒜炒時菜 ( 原價 $35 )炒得有鑊氣,菜芯保持翠綠仍有爽脆口感,不算油,清清地;蒜粒加上炸蒜粒,炒得夠香口惹味,是合格之作!西蘭花炒帶子 ( 原價 $58 )西蘭花味道清新爽口, 味道比較清淡;帶子 Size 中規中矩!肉質嫩滑,火喉恰到好處!可能是佳寶貨色!還過得去!整體味道剛好!八珍豆腐煲 ( 原價 $48 )包括:冬菇、豆腐、粉腸、豬潤、魷魚等。冬菇夠入味! 豆腐入口嫩滑略帶水份!粉腸卻沒有粉,而且,很淡口,口感上相對大打折扣! 豬潤幾爽滑!魷魚則帶有嚼勁!沙拉骨 ( 原價$45 )這是幾香口,酸酸地又夠醒胃!然而沙律醬混合麻醬增添麻香! 可惜,豬扒又乾又硬! 份量卻交足貨!咖哩牛根腩 ( 原價$48 )牛根腩炆得軟腍容易入口! 本身的牛味加上充滿咖哩味的汁,顯得更香辛及更鮮味!辣度不高,我還可接受得來! 只略嫌薯仔不多!白飯一大碗,夠軟熟,散發飯香更開胃!畢竟這是茶餐廳,始終比酒樓平,又不用加一!相對較抵食!媽咪還滿意這裡的食物水準! 明顯比以前改善了! 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2011-05-27
105 瀏覽
起初,我想幫襯<榮剛>,點知 8:00 左右已經無開! 我幾失望呀!攪到我都唔知食咩好?四圍兜嚟兜去!...想唔使 $30 食個晚餐,喺屯門區都已經買少見少! 搵吓搵吓俾我見到一間粥麵茶餐廳,仲有飯食!豬扒火腿腸 配蒜蓉汁 飯 $29豬扒用上鬆肉粉,比較腍!腸仔係廚師腸,火腿較為紅! 蒜蓉汁伴飯十分不錯!而且夠汁!OK!例湯:清補涼 末材料:紅棗、沙參,玉竹、薏米、淮山.....幾料,唔算油!味道咸味剛好!其實,呢度食物質素一般!況且,環境頗舊;難怪咁少人幫襯! 繼續閱讀
(以上食評乃用戶個人意見 , 並不代表OpenRice之觀點。)
(非會員) 2007-11-11
70 瀏覽
我已經幾個月無去過依到食..但都要留下感想= =最後個次我連續幾次叫雞扒意粉..有d藍色1條條野係雞皮到..原來係毛囉!!仲要好多= =係d邊邊位置到..第1次食(我叫外賣的)..算la,可能批貨依塊有問題..第2次(隔左1星期)我又係叫依個外賣...塊雞扒又係咁囉!!仲有間野好怪..我第2次外賣其實係4個雞扒茄汁意粉,我唔知why黎左4個雞扒茄汁飯......我又算la..但塊扒都係同第1次一樣依家搬左..元朗d人可以做慣外賣d水進唔似屯門咁= = 繼續閱讀
(以上食評乃用戶個人意見 , 並不代表OpenRice之觀點。)