13
12
5
港鐵香港站 C 出口, 步行約5分鐘
電話號碼
2526 0874
2869 5168
營業時間
星期一至六: 08:00-21:00
付款方式
現金
其他資料
室外座位
食評 (30)
卓越食家 2016-02-16
1665 瀏覽
賈寶玉話女人係水做的,我信。因為湯湯水水的粉麵係最多OL食的。正如越式菜色中我的最愛有湯有水的生牛河,而不是撈濛或者飯。今次去的越僑,位於鐵行里的最深角落,鐵行里是一條臥虎藏龍、價廉物美的美食街。由齋菜、茶餐到盅飯,無一不是中環打工仔恩物。越僑的招牌並不顯眼,但無損它的人氣。星期一餐牌中無生牛河,僅有河內熟牛肉+牛肉湯河($50),算是退而求其次,勝在有湯,所以我揀左佢。姐姐一邊端出一邊話:嘩!好大粒牛丸!(連佢自己都驚訝埋一份,咩事?)果然,兩大粒牛丸成隻蛋咁大,成碗麵份量頗足。面頭有香葉、芫茜和葱。配料有蘿蔔兩小塊。二話不說,咬啖牛丸先!嗯,頗為彈牙,我相信跌落地下,佢可以回彈到最少一下。(不過我唔會試)沒有太濃烈的牛丸味或者調味料味,在我食過的牛丸中,佢算係比較淡口味,不過相當新鮮好食。牛肉則比較肥,見到佢中間風琴狀的脂肪結構,我不禁摸一摸自己的肚子。掙扎一番,做左聞一多的細佬:聞一聞。淨係食中間肉的部分。咬得郁,有牛肉味,合格!河粉亦沒有澀味,中間亦不會結塊或斷開很多,算是處理得宜,配合湯底頗為入味。至於湯底,我嚐到魚露和洋葱的味道,算是貼近越南風味,不過,作為香港人,我不敢對「何謂越南正宗」妄作定論,不過個人覺得,佢尚欠少少的酸味,我自己會想佢加多些檸檬汁/葉作調味會更佳。另一項美中不足,是蘿蔔較為硬身,應該是烹調時間不足,未算入味。同行者點了個泰式青咖哩雞飯($51),雞用是用生粉炸過的,表面有一層粉皮,粉皮吸收了青咖喱,鬆脆入味。撥開雞塊,底部是泰式矮瓜、辣椒和青豆等配料,用料頗足,屬有水準的誠意之作。我們每人跟餐各加$9一杯咸檸七,咸檸檬篤極唔散,估計醃製時間不長,味道不過不失。埋單位位$60左右,CP值甚高。可以再戰! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2015-12-12
1045 瀏覽
在這繁華的鬧市, 中環的小巷裡, 發現這間越式餐廳, (快餐比較合適), 有室外座位可以呼吸自由的空氣, 食物質素亦不差, 頗道地的, 牛油雞翅: 夠香夠脆, 法式牛肉伴紅飯: 牛肉惹味, 紅飯開胃, 香茅豬肉飯: 香茅味足, 於中環區內的超值之選.. 繼續閱讀
(以上食評乃用戶個人意見 , 並不代表OpenRice之觀點。)
新晉食家 2015-11-19
647 瀏覽
已經起到做了兩年多,但都未食過依間起公司樓下,就來買外賣試下一點十分來到,好多人,叫了沙嗲牛肉飯等到一點半終於到我但錯了個飲品又要等多10分鐘先得味道方面,很一般牛肉ok, 入到口,有點黑椒味但太多沙嗲醬,要自己撥開先食得落d 白飯系硬的沙嗲油就起o西飯盒底食完個飯盒只因太肚餓下次都系吾好貪平,食返個多人叫的牛柳粒紅米飯 繼續閱讀
(以上食評乃用戶個人意見 , 並不代表OpenRice之觀點。)