薄餅博士 (已搬遷) 新店位置

墨西哥辣肉腸迷你 pizza，我完全感受唔到墨西哥味道，只有幾粒指天椒點綴吓，蕃茄同芝士味勁淡，辣肉腸同肉碎份量都夠多，依個 pizza 肉味較濃。可能因為係迷你 pizza 太細既原故，淨係條邊皮都佔左半個 pizza 喇，所以食落無茄味又無芝士味囉，下次試個正常細批試真啲啦﹗焗蜜糖雞中翼，甜甜地，但食唔出係蜜糖味囉，反而肉桂味非常濃烈，都幾好味 ﹗雞肉嫩滑帶少少肉汁，雞皮焗到膠膠黏黏的，聞落都好香噴噴。炸雞 8 塊，主角出場﹗個樣勁似家鄉雞原味炸雞，係顏色較深啫。即時大啖品嘗，外皮鋪滿大量各種香料，味道豐富但混亂，簡單啲講有點濁，食多幾口已經好滯，欠缺清爽感覺。味道唔差，只係有點 over，兼較為油左少少。裡面既雞肉絕對無投訴，入味嫩滑又多汁，滿意﹗所以只食到連皮兩件炸雞，剩返 6 件要全部去皮先食得晒囉。如果同其他炸雞店比較，我會食 KFC、Pizza box、芝脆雞，唔會揀 PHD 喇。撞啱前幾日收到 PHD 外賣紙，瞓醒唔想落街食，又唔想煮，咪試試囉！等足 40 分鐘終於先送到，堅考耐性。

家裡沒煮飯，當然開大餐去!PHD送上，食物送到來還Keep住溫度!pizza方面是素食pizza，雖然沒有肉，但都好juicy，而且吃下去比較健康!而呢三盒入面係肉醬意粉，葡汁雞飯以及白汁磨菇飯，我食的是肉醬意粉，個人認為肉汁不夠多，有點乾!其他的家人吃的，所以不太清楚~雞翼是honey chicken，好味!入味!湯的cream chicken soup，不過不失喇!其餘的是薯條，我最愛的，夠厚夠薯~芝士條就.....so so la而那個三角形薄脆配泰式辣醬，係個醬不錯啊!

今日係聖誕佳節~~一起身有點餓,就搵人陪我過聖誕LA!!打比寶貝, 佢話做野走唔開,於是我就買外賣去同佢一齊食~問心自己對外賣有點抗拒, 因為出品好難好似堂食咁有保證…不過一次半次~睇開D LA去到附近, 寶貝只係話食牡丹樓就可以,但我又心有不甘,係要食第二D誤打誤撞就黎左呢間外賣薄餅店,朋友食過話唔錯,所以有少少信心一試落單時服務員表現好NICE, 對我呢個未買過的煩人D問題細心解答,買完佢話出去行下, 約十分鐘後就可以返黎拎…我買左細薄餅,几件香辣炸鷄同寶貝一齊分享拎餅既時候都知道自己係煩人一個~所以多口問服務員有冇其他調味料可以送,好似係黑椒粹同芝士粉之類,友善的服務員就話呢到冇.可以去對面的超市買~~噢…真係太感謝佢..香辣炸鷄 - 一D都唔香辣,又唔係好熱,食的時候D鷄油開始凝固,大凍天食佢好似有少少難入口,由於冇咩調味料,所以食出佢地舖頭的原汁原味~…就係冇乜味囉~千島海鮮批 – 唔知係咪我點細批的關係,所以批上面D材料都好細,有細小的青口,蝦同蟹肉..除此仲有粒粒波蘿同青椒..一眼望去以為自己叫左個清新批~餅底太厚,芝士味唔夠重,感覺就好似食緊一個一般餅舖賣的PIZZA包

昨日和媽媽經過彩園商場，媽媽話想外賣，所以我們決定買外賣回家吃。我忽然醒起我好想吃這兒的薄餅，（因為我都過吃過這兒的焗意粉，不錯），所以我便外賣了一個黑椒雞肉薄餅。因為外賣關係，所以已經乾了，但一樣這麼好味，而且好香芝士味，不錯，並因為是迷你，所以不會太溜。下次我會再來吃的！服務不錯，但如果可以加芝士就好了！

表姐生日，買了比薩回家慶祝。PHD 其實是 Pizza Hut 旗下的副線，主打外賣手拉薄餅，價錢也較經濟實惠。 雙拚 Pizza：我們點了辣肉腸和海鮮，材料豐富，好像只是六十多元。 拿破崙長通粉：有點像肉醬意粉，但帶微辣。炸薯角：外層炸得不夠香脆，但內裡的確是滿滿的薯蓉。Pizza Hut 的是忌廉雞湯，PHD 的是忌廉粟米湯。湯底夠滑，粟米粒也多，惟喝下去感覺好像「金寶湯」。

上水近日新開了一間薄餅店不設堂食,外賣自取更有半價,見佢如此抵食,放假即時買返屋企試下一去到便在櫥窗處看見兩名師父表演般將手上的薄餅拋來拋去!看完表演,立即買了個薄餅回家享用手拉的薄餅,真的比平日食到的鬆軟,只是配料未夠可口,有進步的空間,但己經是非常好味!雞翼更加是必食之選,外脆內軟,表皮炸得香口惹味,雞肉卻鮮嫩無比,食後回味無窮!總括而言,值得一食再食,以後都可以不再去那間歷史悠久的大型連鎖店食pizza了!