16
3
3
電話號碼
2797 8333
營業時間
星期一至日: 12:00-22:00
付款方式
現金
其他資料
外賣服務
招牌菜
各式芝士厚批 皇牌炸雞 黃金炸蝦卷 燒排骨
食評 (23)
殿堂食家 2012-04-15
1月26日, 好耐之前食過一次呢度嘅外賣pizza, 覺得足料好味又抵食! 今晚去開康怡睇戲, 順手喺樓下吉之島搵食~ 見到芝脆雞嘅外賣櫃d pizza好吸引, 就揀咗個乜都有得試下嘅$95二人餐試下~ 包一個迷你pizza + 意粉/焗飯 + 小食 + 餐湯!::: 餐湯 :::餐湯係粟米忌廉湯, 質地相當杰身, 味道偏甜, 典型罐頭開粉貨色~ 只係唔夠熱, 只係微暖…::: 特式燒烤Pizza (6”迷你批) :::6”迷你批原來都真係細個咗少少… 仲要個pizza d邊邊都脹到好似麵包咁… 賣相確實唔多討好! 不過好在味道唔錯~ 鐘意呢隻pizza醬底係用燒烤汁, 材料方面唔算好多, 不過都有齊洋蔥、雞肉、青椒、磨菇同芝士! Pizza都焗得脆脆地~ 唯一爭d嘅就係佢咬落真係似麵包多過pizza…::: 海鮮闊條麵 :::呢個餐咁平, d海鮮都預咗唔係d咩靚野… 除咗有d唔新鮮嘅蜆肉同八爪魚粒之外, 仲有d蟹柳同魚柳. 除咗d蜆肉咬落有d乾韌之外, 其他配料算係不過不失啦~ 個白汁味道偏淡, 闊條麵亦過淋同好易斷… 勉強都食得落嘅… 但唔算好味囉~::: 百里香燒豬排骨 :::呢個小食portion都有7條排骨仔~ 一打開個盒已經聞到好香百里香味! 不過d ribs燒得太乾, 肉質有d硬, 如果無燒得咁過火個味道係唔錯的! 薯角雖然得幾條, 但係炸得香脆, 又幾好食~今次試呢個二人餐一百蚊有找, 可以食到即叫即焗pizza, 又有意粉同小食, 啱晒貪心想試多d野食嘅我地! 不過一分錢一分貨, 味道比我地上次單叫一個pizza水準明顯下降… 除咗價錢平之外都無乜吸引力… 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2012-04-13
7 瀏覽
團購瘋系列 -- 其實個人對 pizza 並不算特別喜愛,一年光顧比薩薄餅的次數,真是寥寥可數。仍記得兩年前得悉住處附近的「吉之島」開了間甚麼「芝脆雞」,幫襯過後發現其薄餅及炸雞水準不俗,自始每逢想起吃薄餅或炸雞,總愛往這店子裡跑。雖然其後「芝脆雞」加入了團購行列,食物水準確是比初次到訪時稍為下降了,但由於價格相宜,味道也不算差,所以這裡仍是筆者吃 pizza 的心水選擇。近日透過團購網站,知道「芝脆雞」又再提供優惠,醒起已很久沒來這裡買炸雞、pizza 吃,原來對上一次來已經是去年七月中,嘩,時間過得真快啊,見售價沒變,仍是 $82 已可換取 12” 大批一個,焗飯、意粉或招牌炸雞 3 件,另加飲品 2 罐或餐湯 2 客,也買來了 2 張 coupons。選了三月尾某天來換取套餐,由於有以往經驗,所以打算先致電店舖預留薄餅款式,豈料撥了一整天電話也沒人接聽,那只好放工後親往換領。啊!明白了,原來店裡只得一名員工,由焗批、炸雞以至入袋包裝,全都是一腳踢,難怪連電話亦無暇接聽。點了櫻之花薄餅、炸雞及餐湯,獲告知炸雞需久等,而餐湯亦早已售罄,見店員忙得不可開交,亦不想多作糾纏,就依店員之意,以百里香燒排骨代替炸雞,以汽水替代餐湯好了。回家後先來品嚐這個看似充滿日式風味的櫻之花薄餅,材料包括有煙三文魚、洋蔥、粟米、獅子狗魚蛋、蟹柳、紫菜、芝麻、千島汁等,再配上厚批底,不過未知店員是否真的太忙碌了,總覺烤焗時間不足,餅皮入口帶點煙韌,口感活像麵包般,且香脆欠奉,食味只屬一般。好,再來試試這個薯角配百里香燒排骨,已去皮的炸薯角,入口軟叭叭的,竟沒半點酥口脆香之感,算了吧,還是轉戰百里香燒排骨。其實做燒豬排骨的重點在於香料和醬汁的配合,另火候控制亦十分重要,否則會令排骨的食味大打折扣。只可惜這條燒排骨面層雖見微焦,但入口肉質乾瘦,肉汁全無,完全感受不到那香草和黑胡椒的惹味口感,縱使配上酸甜燒汁,亦未能起死回生。真使人失望。隔了一星期,決定再來換取餘下一張團購券的套餐,這次就選了泰式辣香雞薄餅、炸雞及餐湯。上次店員說有同事病了,所以只得他一人留守店舖,還以為今次人手會有改善,豈料來到時仍是得一名店員工作,唉,希望食味不會像上次般大失水準吧。又來看看這個泰式辣香雞薄餅的配料,泰式辣醬、洋蔥、青椒、蘑菇、菠蘿、雞肉、黑胡椒、加倍芝士,用料算足,而且由於加入了泰式辣醬,入口帶點刺激口感,味道確是比上次的櫻之花好,只是總係覺得個薄餅烤得不酥不脆,帶點死實,令人吃得滿不是味兒。這次終於可品嚐到炸雞了,記得第一次來這店點吃炸雞,感覺簡直是喜出望外,炸皮雖比較厚身,但勝在炸得乾身不油,加上脆皮底下那肥厚大件的雞肉,入口軟嫰多汁,味道確實比「家鄉雞」出色,不過事隔這麼久,這次再來品嚐,雞肉乾瘦如柴,肉質嚡過鞋底,怎麼水準可以差得這樣叫人慘不忍睹呢?至於那兩客餐湯,唉,不要以為相片內的忌廉湯被喝了一半,而是回家後一開蓋已只得四份一滿,而且溝得其稀無比,忌廉味更是盪然無存。如果當日真的沒忌廉湯供應,怎麼不如實相告,好讓顧客自行決定要否換上罐裝飲品呢!由兩年前第一次光顧這店子,覺得無論食物和服務質素都令人滿意,到今天叫人吃得搖頭歎息,只可以說,日後縱然有任何優惠,也實在沒再到訪的理由了。 繼續閱讀
(以上食評乃用戶個人意見 , 並不代表OpenRice之觀點。)
入門食家 2011-11-27
昨天夜晚父母們都不在,於是我們決定叫外賣,因為我兄長曾經光顧深水涉那間,並覺得不錯,於是就選了這間。當然,考慮到距離,這次外賣當然選了康山那間。因為只有兩個人,我們便選了輕便套餐。叫了歡笑樂園和櫻之花各佔一半的普通批,吞拿魚蘑菇螺絲粉和兩個餐湯。下了訂單後,過了差不多一小時後食物送到,於是我們開餐。兩種口味的批都很好食,其中櫻之花的醬汁令到這層批帶有甜味,令到我願意吃了兩塊。餐湯合乎好味的標準。不過吞拿魚蘑菇螺絲粉就較難食,也許我不應該選這種餐。總合而言,是一個好味的批餐,也許我會親自來這間康山店看看有甚麼好東西。 繼續閱讀
(以上食評乃用戶個人意見 , 並不代表OpenRice之觀點。)