7
7
7
港鐵太子站 A 出口, 步行約5分鐘
電話號碼
2390 4888
付款方式
現金
其他資料
Wi-Fi
食評 (22)
翡翠.劇長.. 焦點食評
卓越食家 2016-09-11
125 瀏覽
翡翠海鮮酒家位於洗衣街,鄰近界限街太子花墟;據悉前身是桃苑酒樓,早午市有點心供應,並為米芝蓮推介食府..不知道米芝蓮準則如何?首嚐此店,面積不大,裝潢有點俗套,食物水平拉上補下尚算不俗,服務則一般而已.是晚家人生日,選了此店,說是食物很好..我們訂了七點鐘,店子已經爆滿,人聲鼎沸好不熱閙.家人選菜,點了以下項目,其中話説有必吃三寶:{香蔥乳鴿飯},鎮店名菜,鴿肉拆絲烹調,米粒乾爽鲜明;將儘吸肉汁的米飯,襯熱伴勻葱粒,份外惹味!{脆皮雞},顏色外觀很是亮麗,肉質尚可,唯雞味不濃..{胡椒支竹雞腳豬骨煲},一大窩份量很足,豬骨腬滑,支竹軟硬適中,湯汁胡椒香噴惹味..略嫌不足處是雞腳還未煲得夠身.{蟲草螺頭燉豬𦟌湯},雖然眼見有頗多湯料,可是如此淸徹寡淡的燉湯,確實令人既感意外又失望..家人説像摻了滾水似的,我也有同感..{中式牛柳},中式烹調,牛柳很軟腬,沒有過多梳打味.{砵酒𧐢},生𧐢酥炸,澆勻砵酒醬汁,外脆內軟,調味口感很好.{㰓菜肉鬆四季豆},四季豆香脆可口,肉鬆調味恰當,唯㰓菜味道份量較少,香味不足.家人有茹素者,於是點了三個素菜分別有{炒蓮藕片},{炆黃耳上素}及{炆素麵根}(不知正確菜名如何)..{黃耳上素},粟米芯黃耳蘑菇份量足,可是中式素菜芡汁味道每每相像,濃稠的豉油生粉芡,缺了點個性和層次.{素麵根},豆製品的烹調味料公式化,只是配料加了些松子仁青椒粒,教人有點納悶.幸而{炒藕片},火喉控制得宜,連百合翠玉瓜彩椒粒和腰果仁均爽脆可口.{棗王榚}和{椰汁桂花糕},兩款甜點均一般水平之作,飽餐一頓,清清味蕾也好.可能店子小,樓底不高,四邊掛上大電視,正值熱播大台城寨乜乜中,感染力容易擴散?產生親和感.店內顧客同劇中人物同悲戚..當主人公受傷失去視力,店內嘩然四起,這個境像原來不是世界盃獨有,還是證明原來仍有人追看冇記電視劇. 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-08-24
429 瀏覽
星期日早上,忽然好想食些點心,想起這間食店,之前說過來一試,可惜完全忘記了。潮洲蒸粉果(中)∼ 材料有沙葛、東菇粒、花生、肉粒和香𦭐,皮太薄,沙葛太多,花生又太少(一隻得一粒花生)。春風得意腸(特)∼一般內餡多用油炸鬼,但這裡就用上芋角皮,這樣就不怕放涼了變淋,再包著蝦和馬蹄、蝦彈牙,馬蹄爽口,皮薄。迷你珍珠雞(特) ∼ 材料有東菇粒、雞肉、蛋黃和糯米,味道油潤,雞肉過韌,蛋黃太乾身,分量超少。懷舊鵪春蛋燒賣(大) ∼ 二隻唔新鮮的蝦加少量豬肉便當是燒賣,獻汁又太多,失去彈性的鵪春蛋,真係幾差。完全沒有誠意的作品!水準未如理想,一試無坊。**最近太多人的食評出現問題,以表示支持及配合(不想誤殺良民,又白費自己一番心血),特上載收條,以示清白。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-03-18
1527 瀏覽
今日係佢哋媽咪嘅生日,即係我老婆嘅生日有朋友介紹咗我去一間酒家食個晚飯 -翡翠海鮮酒家今晚Book咗呢度,點知佢安排咗我哋去隔離嘅明珠宴會廳佢話因為今晚翡翠呢邊俾人包咗個場今晚嗌嘅餐單係咁:涼伴皮蛋豆腐 $42濃湯蝦球魚肚拉麵 $88原個南瓜牛仔肉 $88花菰靈芝菰時蔬 $68欖角醬燒骨 $85當紅脆皮雞(半隻) $90酥皮叉燒飽(半打) $48開餐啦!先嚟一碟冷盤皮蛋豆腐因為我好鍾意食皮蛋...點知...超難食我開始夾俾Hysan食個吓佢即刻想嘔我本來都唔信,仲話佢誇張!點知真係好難食佢個醬係甜嘅,但係甜甜哋又怪怪哋,我問伙記佢話個醬係自己溝出嚟!我想講好難食囉跟住嚟咗半打叉燒飽啦!原來呢個叉燒飽係米芝蓮推介好在真係有保證,好好食!叉燒餡唔鹹,個皮好爽脆!我覺得好食過添好運嗰D哥哥頭先食咗好難食嘅皮蛋豆腐,依家食番呢個叉燒飽就覺得超好食,仲一口氣食咗兩舊其他菜式都不過不失,普普通通!呢個價錢嚟講唔算貴又合理!呢個原隻南瓜牛仔肉都好好食,牛肉好林...好彈牙!呢個欖角骨真係麻麻,同我上次喺名匯食過那碟差好遠呢窩拉麵都好普通仲要D麵嘅鹼水味極之重今晚食完呢度之後,下面哥哥張相就已經表達我嘅心情NO WAY!好在最後都有個少少甜品俾番我哋食等我都覺得呢餐有個Happy Ending (呢個椰子桂花榚都真係幾好食) 繼續閱讀
(以上食評乃用戶個人意見 , 並不代表OpenRice之觀點。)