1
3
5
食評 (11)
卓越食家 2013-01-01
156 瀏覽
平時經過見到呢間好多人食, 但太細間, 望落好似好迫咁, 唔太吸引到我入去食, 但今日行過, 見佢d lunch真係比商場入面其他餐廳平, 只係$25, 仲包熱飲, 又唔啱有卡位, 所以入去一試...............坐低之後, 想睇番是日午餐係乜, 但周圍都冇寫, 要出去買飛果度先有得睇, 因為呢度係要去門口買飛先, 然後拎飛行到最入吧枱果度. 放低飛後, 你可以返埋位等, 又或者執定d餐具, 係全自助式, 好似讀書果陣幫襯果d舊式快餐店.............果然係快餐店, 其實你比飛冇耐, 大約幾分鐘, 已經叫你出去拎嘢食, 趕時間的真係啱哂...........但當然啦, 呢個世界不嬲都係一分錢一分貨, 除咗杯飲品真係去之外, 食物係室溫的, 但又未可以話係凍lor~~ 干炒牛河 又黑又閃令令, 因為好多油, 又落咗好多老抽, 味道反而冇想像中咁鹹, d河粉又碎濕濕, 牛肉又少又細片, 食完雖然係夠, 但只係比d油頂住啫........... 熱檸水成餐飯最好就係呢杯, 因為夠熱, 如何唔夠飲, 可以唔耐d檸檬整咁爛, 留番沖多杯, 因為出面有水有茶比你斟........... 豉椒排骨河 呢個好彩有d汁, 所以會暖少少, 但都不能接受, 又係河粉碎哂, 個汁太杰, 味道太濃, 排骨又瘦又鞋.............. 凍奶茶唔太濃, 比餐廳好飲, 但唔夠大排檔好飲呢度多數都係d叔叔伯伯或男人幫襯, 可能係一個字"平", 但我未必會再貪平食, 只會响趕時間考慮下佢................ 繼續閱讀
(以上食評乃用戶個人意見 , 並不代表OpenRice之觀點。)
新晉食家 2012-09-11
99 瀏覽
今天到來..全因被平價下午茶所吸引..干炒豬扒河賣相不算太好..細細碟有三件豬扒..但又幾好味..熱辣辣唔會油淋淋..以 $24 來講已經相當唔錯..不過杯凍奶茶就好普通左少少.. 繼續閱讀
(以上食評乃用戶個人意見 , 並不代表OpenRice之觀點。)
新晉食家 2010-05-25
82 瀏覽
這個「當世無雙」的意思並不是褒義的,而是貶義的。為甚麼說它「當世無雙」呢﹖那是因為太CHEAP了,而且味道不太好,可以選擇的款式也不多~試想想一個漢堡扒火腿飯要是$15:漢堡扒$2火腿$2飯+汁$3,都係$7咁佢咪賺好多?!真係好唔抵食~豬扒細塊而多骨,又不好吃,加上飯煮得太諗,唔掂!! 繼續閱讀
(以上食評乃用戶個人意見 , 並不代表OpenRice之觀點。)